مقتل في غرفة سرية

* الفصل الثالث و الشعرون ، الأخير *

رامى:انت قولت للظابط ايه ؟!
مراد:هددته .. اصله مش معاه أذن نيابه ، و ده فى حد ذاته غلط ، و ما فيش حق ليه انه يقبض عليها من غير اى تهمه ولا أذن نيابه حتى
رامى:ايوة صح
تالين:انت بجد ممكن توديه في داهيه يا مراد ؟؟!
مراد:هههههه لا يا حبيبتى ده تهديد بس .. اصل الظباط دول لما يلاقوا اللى قدامهم قوى و بيهددهم و فاهم هما بيعملوا ايه بيخافوا و ييجيبوا ورا .. غير كده بيحبوا يشوفوا نفسهم بقى
تالين:اهااا
مراد و حضنها:انا ما قبلش حد يغلط فيكي .. انا لو عليا كنت قتلته .. بس لو عملت كده ، يبقى حكمت على نفسي اسيبك تانى و انا ما اقدرش ابعد عنك
تالين:ربنا يخليك ليا يا حبيبي
رامى:احم احم هنزل انا بقى
مراد:هههههههه هو انت لسه هنا .. طب انزل يا عم ، بس البس بقى عشان هننزل اسكندريه لأهل تالين
رامى:تمام
مراد:تالين فهمتك على اللى هنقوله لأهلها ؟؟
تالين:ايوة فهمته ، و فهمت بيرى كمان
مراد:تمام .. و انا فهمت ابويا و اخواتى على الخطه
تالين:بججججد ؟؟ طب لييه قولتلهم انها خطه !!
مراد:عشان دول اهلى و ما ينفعش اهزك قصادهم .. انتى مراتى بتاعتى انا و بس و جيتي هنا معايا .. و انا قولت لأهلى عشان يعرفوا يتكلموا مع اهلك و يصلحوا الدنيا .. فاهمه حبيبتى ؟
تالين:اها يا حبيبي فهمت
مراد و باس دماغها:طب يالا يا قلبي روحى البسي و لبسي ترانيم ، و انا هجهز نفسي و هكلم سراج عشان يفضي نفسه عقبال ما نوصل .. و انت يا رامى انزل البس بسرعه
رامى:تمام يالا سلام
مراد:سلام
نزل رامى .. و قفل مراد الباب ، و دخلت تالين تلبس و تلبس ترانيم ، و مراد خلص لبسه و كلم سراج قاله انهم نازلين اسكندريه ، و اتفق معاه يستناهم فين لما يوصلوا و قفل معاه .. كانت تالين جهزت و حطيت هدومها في شنطتها ، و جهزت ترانيم ، و نزلوا هما التلاته و اخدوا رامى و راحوا ركبوا ....
( روايات بسوم )
***************************************
في القسم ....
سامر بيكلم تميم في الموبايل ....
سامر:بقولك ايه ، هما فعلاً متجوزين رسمى مش هزار .. و مراد ده شكله بيفهم في القانون كويس
تميم:ايوه ده اللي سمعته في مكالمة سراج ، اممممم ، طب و بعدين يعني
سامر:فكك بقى من القواضي دي و كبر دماغك ، و أثبت كفائتك في قواضي غيرهم .. عشان الواد ده هيتعبنا معاه
تميم:أكبر دماغي بعد كل ده ؟؟؟!
سامر:و لو ما كبرتش دماغك مش هتستفاد حاجه بردو .. يبقى كبر دماغك احسن .. و على فكرة الواد ده شكله واصل و بيتكلم بثقه .. و ممكن انا و انت نتشطب خااالص .. و انا بصراحه مش عايز مشاكل ، و انت بردو مش قد المشاكل
تميم:ماااشي مااااشي
سامر:شوف شغلك بقى و كبر دماغك من الحورات دى .. و اسمع كلام داغر احسن
تميم:خلااااص يا عم كبرت دماغى و هسمع كلام الزززفت .. حلو كده ؟
سامر:مالهوش لزوم اللى انت فيه ده كله
تميم:ماشي يا سامر .. خلاص هسكت
سامر:.....
( روايات بسوم )
***************************************
بعد اربع ساعات ....
كان مراد و رامى و تالين وصلوا اسكندريه و قابلوا سراج ، و كان مراد قبلها كلم كارم و اخواته عشان يستنوهم ، و بعد ما قابلوا سراج راحوا لكارم و اخوات مراد و اخدوهم ، و راحوا كلهم على بيت اهل تالين ....
وقفت تالين مع مراد بعيد و كان معاهم سراج  و رامى ، و كارم هو اللى خبط .. فتح وائل الباب ، بس اول ما شاف عدد الناس اللى على الباب اتخض ....
وائل:افندم ؟ انتوا مين ؟؟
كارم:الاستاذ عامر والدك موجود ؟؟
وائل:اها موجود .. حضرتك صاحبه يعني ؟
كارم:ايوة .. ممكن بس تناديه عشان عايزينه في موضوع مهم
وائل:حاضر ثوانى
كارم:في انتظارك
( روايات بسوم )
قفل وائل الباب و دخل لعامر ....
وائل:في ناس كتير عايزينك برا يا بابا
عامر:ناس مين ؟
وائل:مش عارف ، بس لما سألت الراجل الكبير اللى فيهم انت صاحبه قالى اها
عامر:طيب .. تعالى نشوف مين
طلع عامر فتح الباب ، و وائل و ضياء وراه ....
كارم:السلام عليكم
عامر:و عليكم السلام .. اى خدمه ؟
كارم:انا جاى لحضرتك بخصوص تالين بنتك
عامر:ايييييه ؟؟ بنتى !!! اتفضلوا اتفضلوا
دخل كارم و اخوات مراد التلاته ، و قفلوا الباب .. دخلهم عامر و قعدوا ، و وائل مركز اوى مع باسم و مهاب ، و بعدين اتكلم و هو بيشاور عليهم ....
وائل:انا فاكركوا كويس .. اهااا دوول اخوات مراد
قام عامر وقف و بص لوائل ....
عامر:يعني ايه ؟
وائل:الصغير جه مع مراد لما قابل ماما اول مرة ، و الكبير جه تانى مرة .. صح ؟؟
كارم:فعلا صح .. كلامك مظبوط يا ابنى
في اللحظه دى كان دخل ضياء صحى ديما ، و قالها ان في ناس جاين بخصوص تالين و قاعدين برا .. قامت ديما من نومها بسرعه و هى بتترعش ، و لبست طرحتها و طلعت ، و لسه هتتكلم لقيتهم بيتكلموا وقفت تسمع الحوار ....
عامر:يعني ايه الكلام ده ؟ انت مين يا استاذ ؟؟
كارم:انا والد مراد
عامر:نعععم ؟؟؟ و انتوا تعرفوا ايه عن بنتى ! هي عندكوا ولا ايه ؟؟
بص وقتها كارم لباسم و اتكلم ....
كارم:افتح الباب يا باسم
باسم:حاضر .. راح باسم فتح الباب ، و دخل تالين و مراد و سراج و ترانيم و رامى
مراد بجرأه:اهى تالين .. مراتى
ديما بصدمه:بنتى .. بنتتتتى
اتصدم عامر اول ما سمع الكلمه .. في الوقت ده قام مهاب اخد ترانيم و نزل بيها الشارع  حسب الاتفاق ، عشان البنت ما تشوفش حاجه من اللى هتحصل و تفتكرها لما تكبر .. في نفس اللحظه جرى عامر و وائل على تالين و ضربوها ، كانت هتموت في اديهم
.. بس كل اللى موجودين لحقوهم و حاشوهم عنها .. و ديما بتصوت و بتعيط و اول ما بعدوا عن تالين أغمى عليها .. قعدت ديما على الكنبه و بتعيط ، لان عندها القلب و تعبانه و مش قادرة تعمل حاجه .. و بعد شويه كانت تالين فاقت ، قعدوها على الكنبه جنب ديما .. اخدتها ديما في حضنها ، و تالين مش بتتكلم بس بتعيط .. و قعد كارم يهدى عامر و وائل ....
كارم:افهموا الاول بعدين احكموا عليها .. بنتكم مظلومه ،انتوا ما تعرفوش اللى حصل لها
عامر:هيكون ايه يعني اللى حصل لها !
بدأ كارم و مراد و اخواته و رامى و سراج يحكوا الخطه اللى متفقين عليها لعامر و وائل و ديما .. و بدأت ملامح عامر تتحول من العصبيه للحزن و الوجع ، و بدأ يحس بالذنب و يحس انه السبب عشان سابها في العربيه لوحدها .. و هما مستمرين في الكلام ، قامت تالين و قالت لديما انها هتدخل الحمام .. راحت تالين الحمام ، بس دخلت الاول الاوضه و فتحت الدولاب براحه و لقيته زى ما سابته فعلا .. حطيت هدومها في الدولاب و غطيتهم بالهدوم اللى كانت فوق ، و قفلت الدولاب و خرجت ، دخلت الحمام فتحت المياه و خمس دقايق و رجعت تانى قعدت جنب ديما .... شويه و كان كارم و مراد و اللى معاهم خلصوا كلام ، و فعلا وائل و عامر اقتنعوا ....
عامر:و فين البنت اللى بتقولوا عليها دي !
كارم:كانت معانا ، بس عمها مهاب اخدها و نزل بيها عشان ما تقعدش و احنا بنتكلم ، عشان هى كمان عارفه ان ابوها كان مسافر بيشتغل عندنا هنا ، و هما بيتهم هناك عادى ، و عارفه انها جيالنا كلنا زياره بس
عامر:امممممم
كارم:اتصل بمهاب يا باسم و خليه يجيب ترانيم و يطلع
باسم:حاضر .. و اتصل بمهاب ....
ديما:ليه يا بنتى ما رجعتيلناش ؟؟ لييه يا حبيبتي كده !
تالين بعياط:انا كنت عايزة ارجع بس كنت خايفه ، و لما مراد دخل المستشفى ما عرفتش ارجع عشان قولت انكوا مش هتصدقونى ، حتى مراد ما كنش موجود عشان يفهمكوا حاجه
ديما بتعيط و بس ، و حضنت تالين و اتكلمت ...
ديما:وحشتينى اووى يا بنتى ، و تعبت اوى في غيابك .. ليه تبعدى عن امك يا حبيبتى !
استمرت القاعده على كده ، و كلهم سامحوا تالين ، و اول ما ترانيم طلعت الكل اتصدم من جمالها ، و ديما و عامر فضلوا يبوسوا فيها و يحضنوها و ترانيم كانت مبسوطه اوى ....
اتفق مراد مع اهل تالين انه هيحافظ عليها ، و هيعيشوا مع بعض زى اى اتنين متجوزين من غير خوف من الناس .. و بعد ما اتفقوا ان تالين تكمل تعليمها و انه ما يزعلهاش و كل الكلام ده .. بص مراد لتالين و اتكلم ....
مراد:عايزة تعيشي فين يا تالين ؟
تالين:في المنصورة
الكل اتصدم اول ما سامعوا إجابه تالين .....
مراد:ليه يا تيلا ؟
تالين:عشان انا بحب بيتي و عايزة اعيش فيه و اتعودت عليه ، و ما بقاش ينفع بعد الفترة دى كلها ابعد عن سيلين و بيري و رامى .. اتعودت عليهم خلاص ، و ترانيم بتحب بنات بيري و اتعودت هى كمان على هناك .. يعنى مش هنعرف نعيش هنا بسهوله .. و بعدين انت مش معاك فلوس تجيب شقه يا مراد .. يبقى ما فيش حل غير اننا نأجر الشقه دي من رامى ، ده لو رامى يوافق نكمل عنده على طول
رامى:انا عن نفسي موووافق جدااا بس من غير إيجار
مراد:من غير إيجار يبقى هدور على غيرك
رامى:بقى كده امراد .. عيب عليك و الله
تالين:طول ما احنا قاعدين كده مش هيبقى بيتنا يا رامى .. بنحس اننا ضيوف !
رامى:لا طبعا ده بيتكوا قبل ما يكون بيتي ، عيب تقولى كده
مراد:كله بثمنه يا عم .. انا هشوف شغلانه كويسه في المنصورة و نوضب الشقه دي و آجرها منك
تالين:تماام اووى كده
ديما:و هتسبيني تانى يا تالين ؟؟!
تالين:لا طبعا يا ماما .. هجيلك كل اسبوع كأنى في اسكندريه بالظبط .. و السفر يعني مش صعب ولا حاجه
ديما:حرام عليكي يا تالين تعملى في امك كده
تالين:يا ماما يا حبيبتي انا معاكى .. بس هو ما فيش حل تانى غير كده
أستمر الحوار بينهم كلهم .. و في الاول اهل تالين كانوا زعلانين من اختيار تالين ، بس بعد كده فهموا وجهة نظرها و وافقوا ، و بعد ما خلصوا كلام استاذنوا كلهم و نزلوا روحوا ، و سراج راح يشوف شغله ، و رامى و مراد سافروا المنصورة لوحدهم ، عشان مراد يشوف شغل و يوضب الشقه و يظبطها ، و ساب تالين و ترانيم قاعدين عند ديما و عامر لحد ما يخلص و يرجع ياخودهم ....
عدا شهر و تالين و بنتها قاعدين في بيت اهلها ، و ديما بدأت تتحسن بوجود تالين جنبها ، و اتعلقت ديما بترانيم اوى و بقيت كل حياتها ، و ترانيم كمان اتعلقت بيها و حبيتهم كلهم اوى و كلهم حبوها .. و بعد اسبوع كمان ، كان مراد خلص كل حاجه هو و رامى ، و نزل على طول اسكندريه و راح لتالين ، اخدها هى و ترانيم و مشيوا بعد ما ودعت مامتها و باباها و اخواتها .. راحت هى و ترانيم مع مراد ، و مراد جاب ليهم هدوم كتير عشان تالين تقلع النقاب و تعيش حياتها من غير ما تخاف حد يشوفها ، و جاب لترانيم لعب كتير و بقوا فرحانين اوى و مراد مبسوط جدا لفرحتهم ....
وصلوا المنصورة ، و طلعوا البيت و اول ما فتح مراد الشقه و ولع النور تالين اتصدمت .....
تالين:ايييه ده 😳 فين بيتي ؟!
مراد:ههههههههه ادخلى ادخلى .. شدها دخلها و قفل الباب ، و كان شايل ترانيم نزلها على الارض ....
ترانيم:حوووو اووى البيت تة يا بابيي
مراد:بجد يا حبيبتي ؟
ترانيم:اها ككد .. مين خلاه حوو كته ؟
مراد:انا عملت كل ده عشانك
ترانيم:هيييييه و حضنت مراد .. حضنها مراد و باسها .. و بعد كده اخدت العروسه بتاعتها و جريت على اوضتها تشوفها .....
تالين:انت عملت كل ده يا مراد ؟ عملت الحجات دى امتى و ليه اصلا ؟
مراد:عشانك .. و ما أخدتش منى وقت يعني
تالين بدأت تتكلم و هى عماله تلف حوالين نفسها ، و تدخل أوضه تتفرج عليها و تطلع تدخل غيرها ، و هكذا و هي بتتفرج على الشقه كلها ....
تالين:عملت كل الشقه بالالوان اللى بحبها .. و جيبت عفش جديد و سجاد و ستاير .. و العفش تحفه و كل حاجه تحفه .. و الديكورات و الانتيكات شيك اوووى .. كل ده رووووعه .. انت ازااااى كده ؟ و عملت كل ده ازاااى ! و ليييه تعمل كده ؟ .. انا مش عايزة من الدنيا دي حاجه غيرك ، مش عايزة كل ده ، انا عيزاك انت و ....
في اللحظه دي تالين وقفت مكانها مصدومه ، و ما اتكلمتش اول ما فتحت باب أوضه النوم .....
مراد:سكتى ليه ؟
تالين و اديها على بوقها:اييييه ده مش ممكن يا مراد .. الأوضه حلووووة اووى .. دى احلى حاجه في الشقه .. دى فوق الوصف .. و ايه البلالين دي كلها ، و الانوار التحفففه دي ، ايييه ده بجججد .. جريت تالين على مراد ، و اتعلقت في رقبته و حضنته جامد و هى بتتكلم ....
تالين:انت تجنن يا مراااد تجنن في كل حاجه .. بحبك اووى ، و بحب كل حاجه فيك .. حبك ليا و خوفك عليا و مفاجآتك و زوقك الجميل و كل حاجه بتعملها عشانى .. بحبك اووى و مش مصدقه نفسي .. مراد انت جميييل اووى .. ضحكت جاااامد و نزلت وقفت على الارض و بصتله .. مرااد الشقه بقيت قصصصرررررر ، انا مش مصدقه نفسسسسي
مراد:ههههههههههه و الله انتى هبله .. يا بنتى ده ليكي ولا حاجه .. انا نفسي اعيشك في جنه مش قصر بقى ولا شقه زى دى
تالين:الجنه معاك و في حضنك يا مراد
حضنها مراد اووى و بعدين بصلها و ابتسم ....
مراد:هتفضلى تحبيني ؟
تالين:طبعاا
مراد:زى الاول ؟
تالين:و اكتر
مراد:مش هتبعدي عنى ؟
تالين:ولا لحظه
مراد:مش هتزهقى منى ؟
تالين:كل ما بشوفك جنبي بتوحشنى اكتر
مراد:يعني مبسوطه معايا ؟
تالين:اوووى
مراد:ما ندمتيش انك اتجوزتيني ولا هتندمى ؟
تالين:دى الحاجه الوحيده اللى عمرى ما ندمت عليها ولا هندم ابدا
مراد:هتخلى بالك منى ؟
تالين و بتهز راسها:اها
مراد:و هتحافظى على بنتى ؟
تالين:اهاا
مراد:و مش هتبعدى عن حضنى ؟
تالين:اهااا
مراد:و هتكملى تعليمك عشانى ؟
تالين:اهاااا
مراد:و هتذاكرى بجد ؟
تالين:اهااااا
مراد و بيقرب منها:و هتستحمليني ؟
تالين:اهاااااا
مراد:و .....
تالين:ههههههههههههههههههههه
ترانيم:بااااابييي
مراد:بعد بسرعه عن تالين .. نعم يا حبيبتي ؟
ترانيم:حييب كته
تالين:هههههههههههههههههههههههههه
مراد:اها يا جززززم انتوووا
تالين بأندفاع:مراااااااد
مراد:هاااا ؟؟
تالين:انت جيبت الفلوس دى كلها منين ؟
مراد:ورثت امى ، و كان معايا الفلوس اللى كنت هخطبك بيها
تالين:نعم ! ورثت امك ازاى يعني ؟
مراد:يا بنتى ما امى ماتت ، و هى كان معاها فلوس بتاعتها و ورث ابوها .. انا و اخواتى بقي ورثناهم
تالين بتمسك الضحك و بتبص في الارض و هى بتتكلم ....
تالين:لا حول ولا قوه الا بالله .. ماتت امتى ؟ و ما قولتليش ليه ؟
مراد:ماتت من فترة كبيره مش فاكر امتى .. و نسيت اقولك عادى
تالين:امممم ربنا يرحمها
مراد:يارب
عدا اليوم .. و عدت الايام عليهم جميله اوووى .. و فعلا حياتهم اتغيرت و بقيت حياه طبيعيه جدا ، و احلى من الطبيعيه كمان ....
( روايات بسوم )
و في يوم ......
كان قاعد مراد مع ماجد في المحل عنده و بيتكلموا ، و حكاله كل اللى حصل ، و انه اتجوز تالين و سابها عند رامى و انها هربت من اهلها و كل حاجه .. فضل ماجد يعاتبه و يغلطه ، و مراد يقوله خلاص و مش عايز يسمعه و بردو ماجد مصمم يطلعه غلطان .. و هما بيتكلموا مؤنس نده على ماجد من البلكونه ....
مراد:اطلع رد عليه ، و ما تقولهوش انى قاعد معاك ، عشان ما يفضلش يرغى و يقولك اها قاعد مع اصحابك يبقى هتسهر للصبح و انت مش نافع و كلامه ده اللى ما بيخلصش
ماجد:ههههههههه حاضر حاضر ما تقلقش
مراد:طيب روح يالا
ماجد:ماشي .. طلع ماجد يرد على مؤنس ....
ماجد:نعم يا حج
مؤنس:ما طلعتش كل ده ليه يا ابنى ؟
ماجد:بظبط البضاعه كده و شويه حجات في المحل
مؤنس:هما اصحابك مشيوا ؟
ماجد:اها مشيوا .. انا هخلص اللى بعمله كده و هنضف المحل و هطلع على طول
مؤنس:طب ما تتأخرش يا حبيبي
ماجد:ما تقلقش عليا يا حج ، ما انا قاعد قدامك اهو .. انضف بس المحل و اخلص عشان افتح براحتى الصبح .. و مش هتأخر يعني
مؤنس:ماشي يا ابنى .. و دخل و قفل البلكونه ....
دخل ماجد لمراد و قعد جنبه ....
ماجد:ادينا سربنا الحج .. ها كنا بنقول ايه بقى ؟
مراد:مش فاكر
ماجد:امممم انا افتكرت .. كنت بقولك انت ازااى تعمل كده
مراد:ما قولنا خلااااااص بقى
ماجد:انت كده غضبت امك مهما كانت بس غضبتها
مراد:اللى حصل حصل يا ماجد
ماجد:ياريتك حكيت اللى حكيته دة قدام العيال قبل ما يمشوا و كنت شوفت رأيهم و عرفت انى بتكلم صح
مراد:انا ما حكيتش لحد غيرررك ، و مش هحكى لحد غيرك .. عياااال مين اللى احكيلهم .. انت عبيط ؟
ماجد:طب لما انت ما حكيتش لحد غيري مش عايز تسمع رأى ليه ؟؟
مراد:عشان رأيك و لا هيقدم ولا هياخر و خلاص اللى حصل حصل
ماجد:بس انت كده ضيعت نفسك و ضيعتها
مراد:عااااارررف
ماجد:لازم تحل المشكله دي
مراد بزعيق:اعمل ايه ؟ اعمل ايييييه ؟؟؟!
ماجد:انت غلطااان يا مراد ، غلطان اوووى
مراد:عااااارف .. اسكت بقى
ماجد:ما انا لازم انصحك
مراد بعصبيه:شكراااا على النصيييحه
ماجد:اسمعنى بس و بطل زعيق
مراد:قام من مكانه بعصبيه و مسك في رقبه ماجد
ماجد:انت مضايق عشان بقولك الصراحه
مراد:كفااااايه
ماجد:اهدى يا مراد انا كان قصدى مصلحتك
مراد:بقوولك كفاااايه
ماجد:طب خلاص انا اسف
مراد:اسسسسسكت بقاااااا
ماجد:همووت في ايدك
مراد بعصبيه اكتر:لو مسكتتتش هقتتتتلللك
ماجد:انا سكت خلاص
بيضغط مراد على رقبه ماجد اكتر و بيتكلم بعصبيه و بدون وعي ....
مراد:بسسسسسسس
ماجد و صوته بيتخنق:مش قادر اخد نفسي
مراد:اسسسكت مش عااايز اسمعك .. كفااااايه
ماجد و صوته بيروح خالص:هموووت .. هموت يا مراد
مراد و بيضغط اكتر و اكتر:كفااااااايه ، محدش ليه دعوووة بياااا ، كفاااايه بقي .. اسكتوووا مش عايززز اسمع حد .. بقووول كفااااايه انا تعبت كفااايه
ماجد و روحه خلاص بتطلع:ما تضيعش نفسك .. مراد هموووت هموت
مراد:ببببسسسسس
ماجد:هموت همو هم .......... في اللحظه دى كان قطع ماجد النفس خالص ...
بيتكلم مراد بدون وعي و من غير ما يحس بنفسه ....
مراد:كلكوا بتيجووووا علياااا ليييه .. انتوا عايزييين منى ايييه .. ابعدوا عنى بقي .. كفااااايه .. حراااام و الله حراام .. كفااايه بقي ... واحده واحده بدأ يستوعب مراد اللى بيعمله و بدأ يلاحظ ان ماجد سكت في ايده و قطع النفس .. رجع لورا خطوتين و فضل يهز في ماجد و يتكلم .....
مراد:ماجد .. مااااجد .. ماجد انت سكت ليه ؟؟؟ يا مااااجد .. انت مش بترد عليااا ليييه !!!! .. رجع مراد لورا و ساب ايديه من علي ماجد .. لقي ماجد وقع في الارض .. فضل واقف مكانه متنح مش عارف يعمل ايه .. بعد كده نزل قعد جنبه و فضل يهز فيه جامد و هو بيكلمه و بيحاول يفوقه ....
مراد:ماااااجد .. انت جراالك اييه ؟ طب انت مش بترد ليييه !! ما انت بتحب تتكلم دايما .. سكت فجأه ليه ؟ مااجد قوووم .. حصلك ايه ؟؟؟ فووق يا ماجد ارجوووك فووووق .. يااااارب يااارب .. ده مااااات ! يا نهااار اسووود ده مااات .. اعمل ايييييه !! ازاى انا عملت كده ؟؟!!! ياااا ماااااااااااااااااجد
قام مراد وقف بعد ما فقد الامل في ان ماجد يفوق و فضل يلف حوالين نفسه و مش عارف يعمل ايه .. هو خايف حد يدخل و يشوفهم مع انهم كانوا قاعدين ورا التلاجة الكبيره و محدش هيشوفهم .. بس لو حد دخل هتبقي مصيبه .. ما بقاش عارف يتصرف ازاى ولا يعمل ايه .. لحد ما افتكر حاجه مهمه اوى .....
مراد لنفسه:الاووووضه .. المخزن ! .. بص مراد وراه على الرفوف اللى في الحيطه .. مسك الرفين اللى في النص باديه و شدهم على برا .. وقتها اتفتح باب المخزن اللى في الحيطه .. نزل مراد على الارض و شال ماجد و حطه على السرداب اللى نازل من الباب و عدا من فوقيه و نزل على السرداب ده (السرداب: سلم طويل كده) .. فضل نازل مراد ، و كل ما ينزل خطوتين يجر ماجد وراه .. لحد ما خلص السرداب ، و اول ما نزل فتح باب المخزن اللى جنب اخر درجه في السرداب ده ، و شد ماجد للاوضه دى و حطه جوا و غطاه بشوال كان موجود في الارض ، و لسه بيرفع نفسه .. ضربت عنيه على الكيس اللى كان في الارض .. افتكر على طول الكيس ده بتاع ايه و بدأ يفتكر الكتاب و اللى كان مكتوب فيه ....
( روايات بسوم )
.............................فلاش باك..........................
مراد ماسك الكتاب و بيقرأه .. و ترتيب الكتاب كالتالى ....
الغلاف:طرق إخفاء الجثث
¤الكتاب الوحيد الذي يحتوى على محتواه¤
.
الصفحه 1:مقدمه ...
هذا الكتاب يحتوى على خمسة طرق لإخفاء الجثث ، إخفاء تام لا يترك اى أثر .. و كل طريقه تصعب حسب رقمها .. اى ان الطريقه الاولى هي من اسهل الطرق .. و الطريقه الخامسه هى اصعب طريقه يمكنك تنفيذها
.
ملاحظات ....
اولا:يجب عليك تنفيذ كل طريقه كما هى ولا تقوم بإضافه شئ او انقاص شئ
ثانيا:لا يمكن ان تمزج بين طريقتين او اكثر .. كل طريقه تختص بذاتها ، و اذا قمت بمزج اى طريقتين فمن الممكن ان يوجد أثار لما فعلت
ثالثا:احترث من عدم وجود اى رمال في مكان تنفيذ العمليات الاتيه
رابعا:تأكد من وفاه الشخص تماما
خامسا:لاحظ اركان العمليه بدقه
.
الصفحه 2:الطريقه الأولى لإخفاء الجثث
[ طريقه الجير ]
أتبع الخطوات التاليه ....
1-قم بتجريد الجثه من ملابسها تماما
2-قم بخلع اى معدن ترتديه الجثه
3-قم بوضع الجثه في البانيو او على ارض ملساء .. و يجب التأكد من وجود صرف في هذا المكان
4-قم بأحضار جير حى و غطى بيه الجثه
5-اترك الجثه وقت لا يقل عن نصف ساعه ولا يصل إلى ساعه .. حتى يكون كل جزء بها تآكل من مفعول الجير الحي
6-بعد أختفاء الجثه تماما ، و تتأكد من عدم وجود اى أثر ، قم بغسل المكان بالماء البارد
7-تأتى بحبيبات السبيد و ترميه في المكان الذي تمت فيه العمليه ، ثم تضع عليه الماء المغلى .. حتى تخفى اي أثار للجير الحي او لأى شئ اخر
8-قم بأخفاء ما يتعلق بالجثه من ملابس او ساعه او دبله او أى شئ اخر
9-احترث من فعل هذا في مكان منعزل او بعيدآ عن مكان إقامتك .. لأن الارواح عاشقه للأنتقام
10-إذا لم تنال هذه الطريقه أعجابك فأذهب للصفحه التاليه و ستجد ما يدهشك ....
( روايات بسوم )
.................................................
سحب مراد ماجد من رجليه ، و حطه في زاويه في الاوضه جنب فتحت الصرف على طول .. و بدأ مراد ينفذ كل كلمه في الكتاب على ماجد .. و اخد ساعته و سلسلته .. و اول ما حط الجير عليه شغل الكاتيل عشان يسخن المايه .. و فعلا نفذ كل كلمه و فجأه ماجد ما بقاش ليه اى أثر .. و بعد ما خلص مراد ، مسك هدوم ماجد و ساعته و سلسلته و الشوال اللى كان مغطيه بيه و حطهم كلهم في الكيسه اللى كانت فيها المواد بتاعت التجربه .. و ربط الكيسه ، و اتأكد ان مفيش أى اثر لأى حاجه .. قفل باب الاوضه و طلع على طول ، قفل باب المخزن و عدل الرفوف و ساب موبايل ماجد مكانه على الكرسي .. و مشي بشويش و بدأ يراقب الجو ، و اول ما اتأكد ان ما فيش اى حد .. ساب المحل بسرعه و مشي ....
راح لحد بيته ، بس قبل ما يدخل باب العماره ، لف من ورا و دخل منور العمارة من غير ما حد يحس بيه ، لان في الوقت ده كانت الساعه 5 صباحاً و الناس كلهاا نايمين .. فضى الكيس في الارض و اخد زجاجة الجاز اللى كانت فيها ، و فضاها كلها على الكيسه و الحاجات اللى كانت جواها و رمي الزجاجة معاهم ، طلع الكبريت و ولع فيهم و بعد ما النار أكلت كل حاجه و ما سابتش اى أثر .. قعد مراد ياخد التراب من الارض و يطفي بيه النار .. لحد ما اطفيت خااالص
طلع من المنور ، و لف و طلع بيته ، فتح باب الشقه بالمفتاح بشويش و دخل ، كان البيت كله نايم .. دخل أوضته غير هدومه بسرعه و قعد مع نفسه شويه يفكر ، و بعدين نام و هو كل ده مش عارف عمل ايه او بمعنى اصح هو كان شخص تانى ......
تانى يوم الصبح صحى مراد من نومه مفزوع و بيصرخ .....
مراد:اااااااااااه ازاااااى .. عملت كده امتى و ازاااى .. ااااااه مش ممكن مشششش ممكن .. فضل يصرخ ، و بعد كده بدأ يهدا و اول ما بص جنبه اطمن
تالين:كانت كل ده بتتكلم و مراد مش سامعها .. مالك يا حبيبي ؟؟ بتصرخ ليه يا مراد ؟ ايه اللى مش ممكن !! حبيبي في ايييه ؟؟؟؟؟
مراد غمض عينه و فتحها و اخد نفسه و اتكلم ....
مراد:مش عارف .. كابوس
تالين:طب ما تخافش يا حبيبي
مراد:الحمدلله انك جنبي
تالين:ما تقلقش انا معاك و جنبك على طول
مراد:مسك ايد تالين و باسها و نام
تالين:نامت جنبه و طبطبت عليه
مراد:نامى ما تقلقيش عليا انا كويس
تالين:بجد يا حبيبي كويس ؟
مراد:اها و الله ما تقلقيش .. بس خديني في حضنك عشان انام و ما تبعديش عنى
تالين حضنت مراد اوى ، و اتكلمت بصوت واطى ....
تالين:عمرى ما هبعد عنك ، انا جنبك لأخر نفس في حياتى
مراد:ربنا ميحرمنيش منك ابدا
تالين:ولا يحرمنى منك يا حبيبي
حط مراد ايده على ايد تالين .. و غمض عنيه و هو بيفكر يعمل ايه !! .. بس فجأه ،،، افتكر كلام تالين في اول مكالمه ليه بعد ما فاق ....
( روايات بسوم )
.............................فلاش باك.........................
تالين:اوعى يا مراد تقول انك قتلت تانى .. اوعى تفتح موضوع انك قتلت ماجده ده .. بلاش تضيع نفسك .. عشان خاطرى يا مراد اوعى تقول الكلام ده تانى .. لو بتحبنى انساه .. لو قولت الكلام ده تانى هيعدموك .. لو بتحبنى ما تقولش كده ما تسيبنيش يا مراد
مراد بكسره:حاضر
تالين:مراد انا و بنتك محتاجينلك و مش هنعرف نعيش من غيرك .. خاف علينا لو بتحبنا .. خلى بالك على نفسك عشان ترجع لنا .. خاف عليك عشان احنا من غيرك ولا اى حاجه .. حط مراتك و بنتك قدام عينيك يا حبيبي
مراد:حاضر يا تالين .. خلاص مش هقول الكلام ده تانى .. وعد مش هفتح الموضوع ده خالص .. و هخلى بالى من نفسي عشانك انتى
تالين:يارب ما تنساش كلامى ابدا يا مراد
( روايات بسوم )
.....................................................
بعد ما افتكر مراد الكلام ده .. اتنهد جامد ، و قرر انه ما يفتحش الموضوع ده تاني ولا يسلم نفسه ، عشان بس مراته و بنته اللي مالهومش غيره ، و قال جواه ان اكيد ماجد هيسامحه لأنه كان مريض ، و ماكانش عارف وقتها هو مين ، ولا اصلاً بيعمل ايه ، ولا حتي كان فاكر بعدها هو عمل ايه !!
فتح مراد عنيه وقتها ، و بص علي تالين و هو في حضنها ، و اتكلم .....
مراد:بحبك يا تيلا
ابتسمت تالين ، و بصتله ....
تالين:و انا بعشقك يا قلب تيلا
ابتسم مراد اوي ، و حضن هو تالين ، و نام و هى نامت في حضنه .......
.
تمت .........
#بسمه_ممدوح

يارب تكون عجبتكوا ...
منتظره ارائكوا ❤
ياريت ما حدش يبخل عليا برأيه ، لاني فعلا محتاجه دعمكم ليا جدا 😃
و تابعوا الجزء الثاني ( العوده بعد الفقدان )