مقتل في غرفة سرية

* الفصل الثاني و الشعرون *

تانى يوم الصبح اول ما وصل تميم مكتبه لقى ظرف على المكتب .. راح عليه بسرعه و فتحه و طلع الورقه اللى جواه و بدأ يقراها ....
الرقم:¢¢¢¢¢¢¢¢012
الاسم:مروان ....
حامل الخط:سيده
الاسم:تالين
العنوان:7 شارع *** ***** **** المتفرع من ****** المنصورة
ساب تميم الورقه و هو مصدوم ....
تميم:المنصورة ! هي البت دي لعبت بينا الكورة .. طب وحياه امى لأوريها
مسك تميم موبايله و فضل يتصل ب سامر بس كان موبايل سامر غير متاح .. حدف الموبايل على المكتب و هو متعصب و قعد يفكر في حل ....
( روايات بسوم )
***************************************
في نفس الوقت في المستشفى .. مراد قاعد لوحده و بدأ يسرح ....
( روايات بسوم )
.............................فلاش باك...........................
مراد داخل المحل عند ماجد و شايل كيس كبير ....
ماجد:ايه اللى جايبك بدرى كده ؟ مش بليل زى كل يوم يعني !
مراد:ايه يا عم المقابله دي .. ارجع تانى يعني
ماجد:هههههه يا جدع اقعد انت ما بتصدق .. ايه ده ايه ده ! ايه اللى في ايدك دة ؟ انا متعود تدخل عليا بايدك فاضيه .. ايه اللى حصل
مراد:لالالا ما انا ما اقدرش اقطع عادة .. الحاجات دى مش ليك اطمن
ماجد:لييييه كده .. و انا اللى فكرتك اتغيرت ههههههه
مراد:انا ما ينفعش اتغير يا ابنى .. المهم افتح باب المخزن عشان انزل الكيس ده تحت
ماجد:لييه يعني ؟ اشمعنااا !! هو ايه اللى في الكيس ده ؟!
مراد:الحاجات ياض
ماجد:حاجات ايه مش فاهم ؟
مراد:الحاجات ياعم اللى كنت محتاجها
ماجد:حاجات ايه و محتاجها في ايه ؟ انا مش فاهم حاجه .. ما تتكلم ع طول انت بتلف و تدور لييه ؟
مراد:الحاجااات يا عم .. الادوات و المواد اللى كانت في الكتاب و انا كنت عايز اجيبها
ماجد:اهااااا قووول كده بقى .. عشان كده عمال تلف و تدور مش عايز تتكلم دغرى
مراد:ماجد بقولك ايييه انا مش فايقلك .. انا قولت هعمل التجربه دي على حيوان .. ارنب او فرخه او اى حاجه زى كده .. يعني مافيهاش حاجه .. بطل الجبن اللى فيك ده
ماجد:انا مش جبااان يا عم .. بس ما بحبش الحاجات دى ، ولا بحب التجارب ، ولا الفضول و انت عارف
مراد:خلاص خلاص انا همشي و مش عايز منك حاجه .. شكرا يا سيدي
لف مراد وشه و هيمشي ، مسكه ماجد من دراعه ....
ماجد:استنى بس
مراد:نعم
ماجد:انت زعلت ؟
مراد:لا مازعلتش .. بس النهارده اول يوم اجازة ليا و انت هتعكنن عليا فهمشى احسن .. و بعدين اصلا انا ماكنتش هعمل اى حاجه دلوقتي .. انا نازل بكرا المنصورة لرامى و عايز اروح ارتاح ، و كنت هجيلك اخر يوم اجازة و نبقى نعملها .. لكن مش دلوقتي خالص
ماجد:رايح لرامى ليه ؟!
مراد:حوار كده هبقى احكيهولك بعدين عشان مش فايق دلوقتي
ماجد:اممممم طب انت لحقت تجيب الحاجات دي امتى .. و جيبتها منين اصلا ؟!
مراد:جيبتها النهارده الصبح من العامريه و انا نازل من الجيش
ماجد:و هى الحجات دي موجوده بسهوله كده ؟!
مراد:لا طبعا .. بس في ناس في العامريه بيبيعوا الحاجات دي .. و انا كنت محتاجها و كان لازم اجيبها
ماجد:و هو انت لسه فاكر الطريقه لحد دلوقتي ! ده احنا خلصنا و اتخرجنا و انت دخلت الجيش .. ازاى مانسيتش ؟! انا نسيت و فكرتك ناسي
مراد:الحاجه اللى اكون عايزها ما اقدرش انساها .. انا حاولت كتير اجيب الحجات دي بس ما كنتش بلاقيها او كنت بلاقي حاجه واحده بس منها ، و انا محتاجها كلها ف عشان كده ما كنتش بجيبها .. لكن الموضوع في دماغى و ما راحش ، و اول ما لقيت فرصه و لقيت الحاجات دي موجوده و اقدر اجيبها كلها ، جيبتها
ماجد:امممممم و انت بقى فاكر اللى كان في الكتاب ؟
مراد:بالحرررف .. فاكر كل كلمه كانت فيه من الجلده للجلده ، و بالحرف الوااااحد
ماجد:طب انت جيبت المواد بتاعت انهى طريقه من الخمسه ؟ و لا اوووعى تكون جيبت مواد الخمس طرررق !!!!
مراد:لا انا مش مجنون للدرجادى ، و بعدين انا عندى جيش و مشاوير و مش فاضي
ماجد:يعني جيبت ايه بالظبط ؟
مراد:جيبت ادوات طريقه واحده ، بس اسهل طريقه فيهم .. الطريقه الاولى
ماجد:اهااا
مراد:مااجد هتبطل لوك لوك لوك لوك بقى ولا ايه ؟ انا عايز اروح انااام مش شااايف .. هتفتح المخزن انزل الحاجه ولا لا ؟
ماجد:يا عم افتحه هو انا قولتلك حاجه
مراد:لا افتح انت و انجز
ماجد:طااااايب .. (راح ماجد فتحله باب المخزن) .. اهو المخزن اتفتح .. اتفضل انزل
مراد:ماشي .. (نزل مراد بسرعه حط الكيس في المخزن و خرج) .. خلاص تمام حطيته اقفل بقى
ماجد:ماشي .. و قفل
مراد:بقووولك ايه اماجد .. اوووعى تلعب في الكيس ده ولا تفتحه ولا تفتش في الحجات دي .. عشان انا عارفك
ماجد:لا يا سيدي ماتقلقش .. انا اخاف
مراد:انا بقولك بس .. اجى المرة الجايه الاقى كل حاجه مكااانها .. ماااشي ؟؟
ماجد:ماشي و الله ماتقلقش
مراد:ماشي .. يالا انا همشي بقى عشان عايز انام
ماجد:خلاص ماشي .. تصبح على خير
مراد:و انت من اهله .. سلام
ماجد:سلام
( روايات بسوم )
...........................................................
في اللحظه دي ، فاق مراد من سرحانه على صوت باب الاوضه بيخبط .....
مراد:ادخل
الدكتور ياسر فتح الباب و دخل ....
ياسر:صباح الفل يا مراد
مراد:صباح النور يا دكتور
ياسر:عامل ايه يا بطل النهارده ؟
مراد:الحمدلله تمام
ياسر:طيب عااال .. تسمحلى بقى اقعد اتكلم معاك شويه ؟؟
مراد:طبعا يا دكتور اتفضل
قعد الدكتور يتكلم مع مراد كتير ، و يسأله اسألة اكتر ، و يعمله اختبارات .. و كانت كل ردود مراد إيجابيه ، و كل إجاباته على الاسئله إيجابيه ، و نتايج الاختبارات كانت 100% ، و كل ده بيثبت ان مراد بقى كويس و فعلا المرض سابه تماما ....
ياسر:تمااام اوووى .. انت خلاص يا مراد مش محتاج مستشفى تانى
مراد بفرحه:بجججد يا دكتور ؟؟
ياسر:طبعا بجد .. انت صحتك و نفسيتك بقوا زى الفل ، و خلاص كمان أقدر اكتبلك على خروج
مراد:اييه ده ؟ يعني خلاااص هخرج من هنااا !! و هعييش حياتى عاادى و اشتغل و ارجع زى زمان ؟؟
ياسر:اكيد و احسن من زمان كمان
مراد:الحمدلله
ياسر:انا هكلم الأستاذ كارم دلوقتي عشان يجي يخلص اجرائات خروجك .. و بأذن الله هتخرج بليل
مراد:بليييييل .. النهاااارررده ؟؟؟؟؟
ياسر:اها النهارده .. فيها ايه ؟
مراد:انا مش مصدق .. انا مبسوووط اوووى
ياسر:و لما تخرج هتبقى مبسوط اكتر .. مبروك يا بطل
مراد بفرحه:الله يبارك فيك يا دكتور .. ربنا يخليك على المجهود اللى عملته معايا
ياسر:ده شغلى و انا ما عملتش حاجه .. أرادتك هى اللى عملت كل حاجه
مراد:شكرآ اووى يا دكتور ياسر
ياسر:أشكر ربنا .. يالا هسيبك انا ، و هروح اتكلم مع والدك .. بعد اذنك
مراد:اوك يا دكتور .. اتفضل
مشي الدكتور ياسر ، و راح كلم كارم و قاله ان مراد هيخرج ، و أتفق معاه انه يجي يخلص الاجرائات .. و فعلا كارم راح المستشفى بعدها بساعه و كان معاه اخوات مراد كلهم ، و في الوقت ده مراد كان حضر كل حاجته في الشنطه هو و الممرض .....
خلص كارم الاجرائات ، و اخد مراد هو و اخواته و مشيوا .. طلعوا برا كلهم و لسه هيركبوا عشان يمشوا ، مراد وقف و ما رديش يركب معاهم ....
كارم:وقفت ليه يا مراد .. يالا عشان نركب
مراد:انا مش هروح معاكوا
كارم:ليه كده ؟!
مراد:بابا انا عايز اقولك حاجه لازم تعرفها
كارم:في ايه يا مراد ؟؟ قول انا سامعك
مراد:انا قبل ما ادخل المستشفى باسبوع كنت اتجوزت
كارم:نعم .. اتجوزت !! اتجوزت مين ؟؟؟!
مراد:اتجوزت تالين ، اللى امى وقفت في سكتى انا و هى .. و البنت دي من ساعة ما سيبتها و هي متبهدله .. و انا مش هقبل لها البهدله تانى .. لازم ارجع لها حياتها تانى ، و اعيش معاها و افرحها .. و إذا حضرتك وافقت يا بابا او رفضت ، انا هروح لها و هكمل معاها حياتى .. انا مش هقدر اسيبها لحظه
بص كارم في الارض بحزن و حيره و لسه هيتكلم ولاده اتكلموا ....
باسم:ما ينفعش يا بابا اصلا ترفض دى حياة مراد هو ، مش حياة حضرتك ، و هو اللى هيعيشها مش حضرتك .. ما ينفعش يا بابا تحكم عليه باى حكم ظالم
حاتم:بابا قبل ما تقول اى حاجه .. مراد لازم يرجع للدنيا ، و لو حضرتك رفضت يبقى يا بتدمره يا بتدمرنا .. لأنه لو وافق على كلامك هيتعب ، و لو ما وافقش يبقى هيبعد عننا كلنا ، و احنا اللى هنتعب
مهاب:وااافق بقى يا بابا ما تبقاش زى ماما .. عايزين نعيش حياه حلوة بقى حرام كده
بصلهم كارم:انت كنتوا عارفين الموضوع ده ؟
كلهم في نفس واحد:و الله العظيم ابدا
مراد:هههههه و الله ما كانوا يعرفوا حاجه ، باسم بس اللي لسه عارف من قريب ، بعد ما فوقت من الغيبوبه .. بس هو فعلا رد فعلهم غريب ان ماحدش فيهم اتفاجئ
باسم:و نتفاجئ ليه ! دى النتيجه السلبيه اللى بتحصل في الطبيعي مع اى حد عايش مع واحده زى ماما .. الله يرحمها
حاتم:اكيد يعني ده هيكون رد فعل عادي على افعال ماما .. الله يرحمهااا
مراد:ههههههه قولت ايه يا حج ؟
كارم:انا مش عايز حاجه من الدنيا غير انكوا تبقوا حواليا ، و عمرى ما هجبركوا على حاجه .. حياتك عيشها زى ما تحب ، انا بس عايزك كويس و مبسوط
مراد بابتسامه:حضرتك هتفرح اكتر لما تشيل حفيدتك بين اديك
كارم:ربنا يا بنى يرزقك بالزريه الصالحه
مراد:رزقنى خلاص يا حج .. انا عندى بنت جميله .. مامتها وصفتهالى و انا متاكد انها زى القمر
كارم:بنت ؟ جيبتها امتى !!
مراد:تالين كانت حامل لما انا دخلت المستشفى
كارم:انت بتتكلم بجد !
مراد:اها و الله و ما شوفتش بنتى من ساعة ما جت الدنيا مرة واحدة حتى .. و اهى بقيت عندها 3 سنين
كارم بص في الارض:لا حول ولا قوة الا بالله
مراد:بابا احنا لازم نرجع تالين لأهلها تانى
كارم:هى كانت هرباااانه !!!
مراد:للاسف .. بس حضرتك لازم تساعدنى
كارم:اممممم هساعدك يا ابنى
مراد:انا و المحامى سراج ....
قاطعه كارم:هو سراج ده صاحب باسم بجد ؟!
اخوات مرااد التلاته ضحكوا .....
مراد:ولا يعرفه
كارم:اومال مين ؟؟ جبته ازاى !
مراد:ده تبع تالين .. هى اللى بعتتهولى لما عرفت من رامى انى في النيابه
كارم:امممممم فهمت انا كده
مراد:ههههههه ماااشي .. المهم بقى في خطه كده انا و سراج ده عملينها عشان نعرف نرجع تالين لأهلها من غير اى مشاكل
كارم:خطه ايه ؟
مراد:........ و حكاله و فهمه كل حاااجه
كارم:يا ولاد اللذينه .. ايه الخطه دى
مراد:باابااا اووعى تودينا في داهيه
كارم:عيب يا ابنى هو انا عيل
مراد:العفو يا بابا ما اقصدش .. بصوا بقى روحوا انتوا و انا هطلع على المنصورة ، و بكرا هكون عندكوا انا و رامى و تالين ، و هتيجوا معايا عند اهل تالين عشان نخرجها من المصيبه دى ، و تعيش معايا في النور
كارم:هنيجى معاك طبعا .. بس منصورة ايه اللى هتروحها دلوقتى ؟ ما ينفعش طبعاا
مراد:لا طبعااا .. انا لازم اروح دلوقتى
كارم:المغرب قرب يأذن هتروح ازاى بليل .. استنى للصبح و ابقى روح
مراد:انا ما ينفعش استنى دقيقه واحده ، مش استنى للصبح
كارم:و انا مش هقدر اسيبك تروح دلوقتى
مراد:و انا ما بقيتش صغير يا بابا .. انا عندى 26 سنه يعنى ما ينفعش تخاف عليا
كارم:بس يا ابنى ....
قاطعه باسم:سيبه يروح يا بابا .. ده بقاله اربع سنين ماشفش مراته و ماشفش بنته ولا مرة .. لازم يروح يشوفهم و يطمن عليهم
كارم:بس انا خايف عليه يا ابنى
حاتم:بس مراد مش صغير يا بابا .. سيبه يروح و ما تقلقش عليه
باسم:سيبه بقي يا بابا
كارم:روح يا مراد .. أمرى لله يا ابنى
مراد:مش هتأخر عليكوا .. بكرا الصبح هكون عندكوا
كارم:هنستناك يا حبيبي .. المهم خلى بالك من نفسك
مراد:ما تقلقش عليا
كارم:توصل بالسلامه يا ابنى .. و حضنه
سلم مراد على اخواته و على كارم ، و اخد موبايل مهاب و مشي .. وصل مراد المنصورة ، و الساعه 10 بالظبط كان وصل البيت .....
( روايات بسوم )
****************************************
في الوقت ده موبايل تميم بيرن .. و كان سامر ....
تميم:الو
سامر:ايه يا تميم اذيك .. لقيتك متصل بيا
تميم:انت لسه فاكر !
سامر:كنت ناسي موبايلى في البيت و كان فاصل شحن ، و لما رجعت دلوقتي من برا و شحنته لقيتك متصل بيا كذا مرة
تميم:اها اتصلت بيك كتير
سامر:خير في حاجه ولا ايه ؟؟
تميم:اها في .. شوفت البت تالين اللى مدوخانا وراها بقالها اربع سنين
سامر:اهاا مالهاا ؟؟
تميم:عرفت مكانها
سامر:بججد ؟؟؟ فييين !!
تميم:عندك في المنصورة
سامر:نعععمم ؟؟؟!!!
تميم:ايوة عندك .. انا راقبت مكلمات عيل محامى كده كنت شاكك فيه و طلع بيكلمها .. و أخدت رقمها و وصلت للعنوان بالتفصيل
سامر:طب المحامى ده شكيت فيه ليه ؟ ولا ايه اللى حصل .. و هو بيكلمها ليه اصلا ؟! انا عايز افهم
تميم:هفهمك كل حاجه بس مش دلوقتي .. انا دلوقتي تعبان .. المهم انى عايزك الصبح تاخد قواتك و تطلع تقبضلى على البت دى ، و كام صورة بقى في القسم و تشيرهالى في الجرايد ، لحد ما اهلها يوصلولها من الجرنال .. فاهم يا سامر ؟
سامر:اها فاهم .. تمام
تميم:هتروح امتى ؟
سامر:11 الصبح بالكتير هتكون معايا .. بس المهم عايز العنوان
تميم:ماشي اكتب عندك .. 7 شارع *** ***** **** المتفرع من ****** المنصورة
سامر:تمام .. هجيبها و هديك خبر
تميم:حلو .. و ما تطلعش من الحجز قبل ما اهلها يستلموها .. عشان شكلها كده شمال و لازم تتفضح
سامر:و انا معاك في اى حاجه .. بكرا هيكون كله تمام
تميم:هستنى تيلفونك
سامر:إن شاء الله
تميم:بأذن الله .. يالا سلام
سامر:سلام
قفل تميم ، و دخل ينام و هو مبسوط و مرتاح ، و متأكد ان الفضيحه تانى يوم على طول هتكون اتنشرت ....
( روايات بسوم )
****************************************
طلع مراد البيت و خبط على رامى .. اول ما فتحله اتصدم ، و بدأت السلامات و الاحضان و الدموع بينهم .. و رامى ما كنش مصدق انه شاف مراد تانى .. و بعد نص ساعه مراد استأذنه يطلع لتالين بس لوحده .. و فعلا طلع ، و اول ما خبط على تالين و فتحت .....
تالين:مراااااد .. و وقفت مصدومه
دخل مراد و قفل باب الشقه و وقف قدام تالين ....
مراد:رجعتلك و هفضل معاكى و مش هسيبك ابداً و هنعيش مع بعض طول العمر
تالين:(مسكت وش مراد باديها و اتكلمت) .. انت جيت ؟ بججد جيت !! .. رجعت تانى خلاص ؟! مراد انت جنبي بججججد ؟؟؟!!
مراد:(مسك اديها و هى على وشه) .. انا جنبك و هفضل جنبك و مش هبعد عنك تانى .. انا اموت من غيرك .. انا خلاص خفيت و مش همشي تانى
تالين:وووححشششتنى اووووووى .. و حضنته جااامد
شالها مراد و فضل يلف بيها اوووى ، و بعدين نزلها و فضل حاضنها و عمال يلف حوالين نفسه و هى معاه .. و غنالها بصوت واطى اوووى في ودنها ، محدش يسمعه غيرها ....
مراد:عارف ليه انا قلبي اختاارك .. عارف ليه انا راضي بنااارك .. عارف ليه انا هفضل احبك و هكمل وياك مشواااارك .. عارف ليه ما اقدرش في بعدك انسي عيونك و اعشق بعدك
تالين:قربت منه و وشوشته .. ليه هاا ؟
ضحك مراد بصوت عالى ، و غنالها بصوت عاااالى اوووى ....
مراد:علشان قلبي مسلم انك ، في الدنيا دي ما فيش من بعدك .. انت اللى لااااقيت معااه احلام عمرى في هوووااااه ، ياللى معاك ابتديت اعشق تانى الحياااااه .. عمرررررى ما يغلااااش علييك ، و حياااتى بين ادييييك ، يا برئ زى الملاااك ، انا قلبي و روووحى ليييك .. يا لييييل يااا ليييل يا ليييل ياليييل ياااا لييل
تالين و بتضحك اوى:احلى يا لييييل سمعتها في حياتى
مراد بصوت عالى:بعششششششقك
تالين:بحببببك ، بحببببك اوووى يا مراااد اوووى
عدا اليوم .. و الساعه 4 الفجر دخل مراد شاف ترانيم و هى نايمه ، و كان هيتجنن عليها .. فضل قاعد جنبها و عمال يلعب في شعرها و يتأمل فيها لحد ما صحيت .. قامت ترانيم قعدت لما لقيت مراد جنبها ، و فضلت بصاله اووى .. دعكت في دماغها و عنيها و اتكلمت ....
ترانيم:اييييييه تتته 😳😳 انت اللى في الصووووورة .. باااااابييييي
شالها مراد و حضنها اووى و بدأ يدمع ....
مراد:قلب بابى و عمر بابي .. وحشتيني اووى يا شقيه انتى
ترانيم:انت كمان حشتنى اوووى .. كييت امتى
مراد و بيقعدها قدامه:جيت امبارح بليل .. بس انتى كنتى نايمه .. فضلت قاعد جنبك لحد ما صحيتي
حطت ترانيم اديها علي بوقها و اتكلمت ....
ترانيم:هااااااييييييييييه مش نمت كل ده
مراد:شوفتى بقى
ترانيم:ازاااى كته .. مش نمت ازااى
مراد:ما كنتش عارف انام عشان انتى وحشتيني .. فضلت قاعد مستنيكي تصحي
ترانيم:طب فيين مااامى
مراد:في المطبخ
ترانيم بتفكير:كيبتلى ايه و انت كااااى
مراد:امممم انا ماجيبتش شنط معايا .. شنطى كلها عند جدو
ترانيم:كدو بتاحى ولا بتاحك ؟
مراد:ههههههه لا جدو بتاعك انتى ، يعني بابا بتاعى انا
ترانيم:اممممم و مس حتكيبهم ؟
مراد:لا هجيبهم .. ما احنا رايحين دلوقتي كلنا عند تيتا و جدو و خالو و خالو و هنشوف جدو بابا و كل عمامك
ترانيم:ايه ته .. استنى كته .. جدو و تيتا مين ؟
مراد:بابا بتاع مامي و ماما بتاعت مامي
ترانيم بتفكير:امممم و خالو مين و مين حمامى دول
مراد:خالو دة اخو مامي هما اتنين .. و عمامك دول اخواتى انا و هما تلاته
ترانيم:اييييه ته .. يحنى انا هسووف كل توول
مراد:هههههههه ايوة يا قرشاانه هتشوفى كل دول
ترانيم:طب كيبتلى ايه محاك
مراد:هههههه الشنط عند جدو .. لما نروح ليه هديكي اللى جيبتهولك .. انا جيبتلك لعب و هدوم و حجات جميييله خالص
ترانيم بفرحه:بكككككككد
مراد:ايوة طبعا بجد اووى
ترانيم ببرائه:هيييييييييه و حضنت مراد
مراد:ربنا يخليكوا ليا يارب انتى و ماما
ترانيم:مس تمشي تانى يا بابى
مراد:مش همشي ابدا خلاص
ترانيم:بكككككد .... قاطع كلامهم صوت جرس باب الشقه ، و خبط جامد .....
ترانيم بخوف:اييه ته يا بابي ؟!
مراد:ما تخافيش يا حبيبتي .. خليكي هنا و انا هطلع اشوف مين
ترانيم:حاتر
ساب مراد ترانيم في الاوضه ، و قفل عليها الباب ، و طلع فتح باب الشقه .. لقي في وشه ظابط و عساكر كتير ....
سامر:سامر راغب مباحث الجنايات
مراد:اهلا وسهلا
سامر:مش ده بيت تالين عامر بردو
مراد بأستهزاء:لا حضرتك البيوت عندنا ما بتتكتبش بأسامى ستات .. دة بيت مراد كارم جوز تالين .. و ادينى واقف قدامك اهو .. اى خدمه ؟؟
سامر:تالين هربانه و احنا مهمتنا اننا نقبض عليها
مراد:هههههههههههه ضحك الضحكه دى بسخريه و نده على تالين
طلعت تالين من المطبخ و راحت لمراد ....
تالين:نعم يا حبيبي
مراد:بيقولوا انك هربانه يا حبيبتى .. حصل امتى ده ؟؟!
تالين:مش عارفه (و بصت لسامر) حصل امتى ده صحيح ؟؟
سامر:معلش انا مضطر اخدك معايا
تالين:اووووك و ماااله
مراد:بس معلش بقي طلب صغير و من حقى يا حضره الظابط .. عايز اشوف أذن النيابه
في اللحظه دى وقف سامر مكانه ، ما قدرش يتكلم ....
مراد:تؤتؤتؤتؤ عييييب اوووى كده يا فندم .. يعنى حضرتك جاى تقبض على مراتى قدامى و بدون اى تهمه ، و بتقول انها هربانه ، و كمان ماعكش أذن نيابه !
سامر:ما تحترم نفسك يا ابنى .. انت بتدافع عن واحده ...تييت... زى دى ليييه .. انت عارف و متأكد انها هربااانه .. و مافيش عقد يثبت انها مراتك زى ما بتقول .. يعني انا هوديكوا في ستين داهيه
مراد:لاااا انت كده تعدييييت حدودك اووى .. أظن يا فندم لو حضرتك تفهم في القانون كويس .. انا اقدر ارفع على سيادتك قضيه او بمعني اصح قواضي ، اقتحام بيوت . و تحريك و أمر قوات . و اتهام علني لمراتى قدامى بالهروب . و كل ده بدون اذن نيابه . و كمان سب و قذف علنى .. و أقدم قسيمه جوازنا في النيابه .. و يبقى حضرتك مع السلامه .. ايه رأيك ؟
بص سامر في الارض و اتكلم ....
سامر:انا ماغلطتش فيها ، و ماشوفتش قسيمه الجواز
مسك مراد سامر من چاكيت بدلته و هو متعصب و اتكلم ....
مراد:بصصص دى مراااتى و انت غلطت فييهااا و قدامى ، و انا لو مش عاااقل  هتاويك هنااا ، و ده يعتبر دفاع عن النفس لانك اتهجمت عليا في بيتي من غير أذن نيابه و بدون اى وجه حق ، يعني زيك زى اى إنسان ممكن يتهجم عليا و يغلط في مراتى ، ساعتها هدفنه مكان ما هو واقف .. اما بقى قسيمه الجواز مش من حقك تشوفها طول ما انت جايلى سرقه كده ، روح هات أذن نياابه بالقبض علينا ده لو تعرف ، و انا هقدم القسيمه للنيابه ، و هيبقى مافيش علينا اى حاجه ولا اى سبب او تهمه يخلوك تقبض علينا .. و ساعتها انا هوريك هجيب حقى منك ازاى
سامر:شال أيد مراد و رجع لورا و هو بيتكلم .. انا هوديك في ستين داهيه
مراد:لو عرفت تعمل حاجه اعملها .. و اللى هتعمله قصاد اللى انا هعمله ، و نشوف مين يكسب فينا .. و ابقى خلى بالك من التلت نجوم اللى على كتفك .. عشان النسور اللى عندى يقدروا يخدوهم منك .. فاااهمنى طبعا
سامر:شاور للعساكر ينزلوا و بص لمراد من فوق لتحت ، و نزل ورا العساكر على طول ....
( روايات بسوم )
لسه مراد هيقفل الباب لقى رامى في وشه ....
رامى:ايييه ده ؟ كان في ايه ؟؟! انا حاولت اطلع بس ما عرفتش العساكر منعونى
مراد:سيبك سيبك .. دول بيستهبلوا ، عايزين يقبضوا على تالين و ما عهومش اصلا أذن نيابه .. بس مش عارف جابوا العنوان منين
رامى:ممكن حد بيراقبك .. اصل اشمعنا لما انت جيت عرفوا مكان تالين ، ما عرفوش من زمان ليه !!
مراد:الظاهر كده .. مش بعيد فعلا
رامى:انت قولت للظابط ايه ؟!
مراد:هددته .. اصله مش معاه أذن نيابه ، و ده فى حد ذاته غلط ، و ما فيش حق ليه انه يقبض عليها من غير اى تهمه ولا أذن نيابه حتى
رامى:......

#بسمه_ممدوح