طلعت من غرفة سحر ودمعتي بعيني خفت لا تحس بيه وصلت لغرفتي سديت الباب وانتجيت على الباب وضلت أضغط بضهري عليه لحد ما كعدت بالأرض ودموعي صارت مجاري سارية ضليت اجر حسرااات ساعة كاملة بعده سألت نفسي اني ليش أبجي!!!!!! وليش كل هاي الحسرة اني لا حاجيه وياه ولا اعرفه زين ولا واعدني بشي اي ليش ابجي ياربي شنو اني أتخبلت يعني واحد بس شكلة عجبني ضليت هيج متعلقة بيه وحتى بأحلامي اشوفه وبنيت امال وأوهام ماله وجود اصلا الولد يمكن ما شايفني عدل ولا مركز عليه ... ضليت يومين اني الكل لاحظ خمولي وقلة أكلي واشتغل واتحرك بس عقلي مو يمي ..
اتصلت فاطمة بية
"الووو ولج زينب وينج
"الووو هلا فاطمة الحمد لله انت أشونج
"ولج اني زينة انت وينج هليام لا تخابرين لا أسالين
"هاا جنت اشوية مشغولة
"والله الصراحة اني من شفتج ما أسالتي عليه اعلنت الحرب وكولت هاي المطية مراح اخابره لحد ما هي تسأل عليه بس ضليتي يومين ماكو وحتى بالفيس ما أشوفج كلبي هش ماكدرت ابيع ثكل وكلت بس أسال ..
"والله اشوية ما بيه حيل
"هاي عيني اصلا صوجي اخابر وحده مثلج بذاته طلع مابيج شي يلا باي وجع وجعج انشالله فزتي عليه وخابرت
زينب": باي !!!!!
فاطمة😶😶😶😶
ورة ربع ساعه هم رجعت دكت فاطمه
ولج انت اشون عندج كلب تتجاهليني هيج هاا شنو ولج عندج وحده غيري اعترفي
" الله يكمل عقلج
"واني عقلي ناقص هااا
"اي ناقص فاطمه اني تعبانه حيل قبل
ما أكمل كلامي قاطعتني وكالت
"واني لعد شريد منج مجرد سؤال دائما اني الي أبادر وانت شو ولا بحالي
زينب: اسفه
فاطمة" وجع
زينب : شكرا
" ولي انوب مانه يكلك اني ميتة عليج
"لخاطر الله انت شتريدين
فاطمه" ليش اصيحين هسه هاا كولشي ماريد منج زين وأنعم الله ع صداقتج من اجت هاي سحر اخذت مكاني عندج ومن لكة أحبابة نسى أصحابة ورقمي احذفية والله وياج
وسدت الخط
اني :---اوووووف ياربي هاي اشبيه اهنا طلعت صورة امير الي سرقته اي سرقته من البوم صور حسام وسحر وكل ما أشتاق اله أباوع اله .. وكتله هاي امير ارتاحيت حتى صديقتي عفاتني من وراك عساك ارتاحيت هسه دمرتني ....!!!!
بعد كم يوم فاطمة سوته وعافتني وحتى اتصل ماترد طبعا كولت من افرغ اروح لبيته اربيه هاي الشاخطه
رحت نضفت البيت لكيت سحر محضره نفسه وجنطته كتله ها سحورة رايحه لاهلج اليوم
سحر :-اي والله اليوم نخطب لأمير
اني:- ها ع الخير كوة طلعت من حلكي الكلمة .. ها لعد حسام وين .
سحر حسام طلع
"ها لعد بابا يوديج يبوو نسيت بابا بكربلاء يم عمتي .
سحر . اموري هسه يجي يأخذني بسيارته اني هااا خوش
ورحت طلعت الصوندة واغسل بالحديقة بحركه وكمت ابجي وانضف ولاحسه بشي روحي طلعت واغسل واني عقلي شارد لحد ما زلكت رجلي و وكعت اني كلي على رجلي وكمت اصيح من الألم.. اجت سحر وامي طبعا اخوتي كالعادة كولهم طالعين مايكعدون ابد بالبيت . امي ضلت تحاول وتوكفني واني هم حاولت اكوم مكدرت ورجلي حسيته انقلعت من مكانه ..... وسحر تتصل باخوتي ولا واحد يرد
حسيت العظم صار شي بيه وابجي لحد ما كدرت أتحمل اكثر وبعد ما اعرف شنو صار .. كعدت لكيت امي اترش عليه ماي اهنا ندكت الباب
وفتحت سحر الباب وكالت بس دقيقه البسه عباية وغطتني ودخلت واحد!!!!! اجة وكف يمي كال السلام عليكم طبعا محد رد علية
امي كالت" يمة البنية رجله ماعرف اشبيه وكعت يمة بتي
هو :خالة بس خل نكومه للسيارة ونودية للمستشفى: امي يلا يمه حاولي اتكومين اني اهنا منتهية حاولت بس احرك ايدي سندت نفسي على امي وسحر رادن بس يحط اديه على امتونهن وايدفعني للسيارة بس من صحت خوفتهن رجلي صارت ثكيلة ومكدر احركة اهنا ما حس بروحي غير اني بالهوى طايرة اي طايرة وراسي قريب على صدر الصااااااااك الحكوووو واني وجعي انوب هذا زوده شالني خطية صرت مثل الفطيسة واني يمه مدري احير بوجع رجلي لو ريحة جسمة الي موتتني كوة نيمني بالسيارة وامي يمي كعدت ادعي وسحر بالصدر يم اخوه وصلنا للمستشفى طبعا محد بحالنه وهم شالني لان بالعراق العظيم ماكو لا سديات متنقله ولا كراسي متحركه للمرضى تتلكة المريض يم باب المستشفى مثل الاتراك لا عيني اني كرسيي المتحرك كان امير وعن اي امير اتحدث اهناك محد بحالك الا تترس ادين الممرضين وطبعا قام بهذا الواجب أمير وسحر خطية وامي كاعده يمي تبجي وخابرت حسام 100 مرة الا رد وهو بالطريق انقضا ذاك اليوم بألم فضيع ... ثاني يوم واني نايمة بغرفة امي لان غرفتي فوك واني رجلي مكسورة وارجع واكول من ورة الصاااك هجم بيتي
وجان تدخل علية فاطمة وعيونه خركانه وجاتت فوكايه وحضنتني وتبجي بحركة يمه حبيبتي بيه ولابيج جعل الله الألم بيه ولا بيج والله اني غبرة ولا افتهم اسفه يروحي تحجي وتبجي واني هم تأثرت وكمت ابجي واشكيله من قسوته وياي واني ماعندي غيره . ولج ليش هيج تعوفيني واني باشد الحاجة الج تدرين ليش ؟؟
فاطمة ليش يروحي
زينب لان طلعت أحب امير !!!!!!
