بالكوة جاوبته .. حسام طالع
هو : علي
كتله : هم والله طالع
طبعا بكلبيي اكول رحمة لوالديك كافي تحجي سطرتني روح ..
هو : زين حسين اريد واحد منهم بأمر ضروري
الفضول أشتغل . لا والله بعد مجاي من الدوام
هو : اها شكرا خيتي زحمتج
اني : العفو
هو: مع السلامة خوية
اني ماجاوبته
عمة العماك اني مووووو اختك فاهم مو اختك الله يأخذك اشكد حلووو
هو صعد سيارته واني سديت الباب وطلعت وشايله الهوسة مالتي وجان أسمع الصاااك خيتي وجان التفت الكاه مطلع راسه من الجامه يووووومه كمر وطالع . بس عصيرج وكع وجان اباوع الكه فوك الحافظه بس علبة واحدة عصير . خجلت ورجعت ضليت اباوع بالكاع مثل الثولة هو اشر بيده ذاك خيتي اني دنكت شلته وهو ها شفتيه ذاك وجان عينة اصير ع الأرض وباوعلي وضحك ضحكه زادته جمال و لطافه .. رحت لبيت فوفو واني فرحانه الصاك ضحكلي وجان توكع الكرزات هههههههههه دنكت اخذته وحان انصعق من اشوف رجليه والمنظر مالتي فد شي خراااااب خرااااب هسه عرفت ليش الصاااك ضحك فتح الباب ابو فاطمه واجت فاطمه دخلتني دخلت ..
وباوعت ع منظري بالمرايه ..
عباية قصيرة جني وهابيه ونعال ابيض طالعه منه جواريبي حمر والقمصلة جبيرررة مطيتني سبع كيلوات زيادة. خو الشال حدث بلا حرج يعني الولد زين منه ضحك ما اخترع واسولف لهاي عديمه الاحساس فاطمه
وشبعت ضحك كالعاده
فاطمه ولج اكو وحده تطلع هيج جنج طلي
اني واشمدريني اشوفه
فاطمه وبعدين تعاي انت جاية ضيفه ليش جايبه ضيافتج وياج
اني : كل ما اجيج الكه ثلاجتكم تصفر ويكتلني الجوع
فاطمه : وجع دبة ماعدنا ولد نوديه للسوق
اني : الكيك رحمكي الله خلي منه لأبوج وامج
خلصت تكنيك المغرب ورجعت للبيت
.....
بعد فترة امي كالت راح يجون ناس باجر من طرف صديق ابوج وابوج موافق عليهم يكول خوش ناس
زينب : واني شعلية يمه
امي : يردون يشوفوج يمه انت راح اصيرين عروس
اني بخجل وأحباط : ها يصير خير
ضجت حيل اتمنيت أمير هو العريس ..
ثاني يوم اجوي وعجبتهم والولد ما شفته حددو يوم للقاء بينا رؤية شرعية
....
طبعا الشاب عمره28من عمر علي اخوية خريج معهد وعنده محل للأجهزة الكهربائية واحوال المادية زينه معنده بس اثنين اخوات واخو اصغر منه وعند قطعه ارض يريد يبنيه ويزوج بيه وسأل عنه والدي سمعتة طيبة .. طبعا اني عقلي سيد قرارتي وافقت مابي شي ينرفض .
بيوم اللقاء ...
دخلت لغرفة الضيوف برفقة امي وجان هو جاي مع أمه وابوه وبابا وحسين اني كعدت يم ماما صرت كباله امي همست يمة باوعي لا تخجلين هاي كله الكعده على مودج انت ..
اني كوة ششلت راسي شفته لا بأس به بس ابد ولا ارتاحيت لشكله ماعرف ليش ....
ثاني يوم كاعده الف دولمة جان تجي سحر .. هلا هلا اليوم دولمه ممم اشكد احبه بس كثري منه اليوم امير يتعشه يمنا ..
اني يبووو ياريت ما يجي ويخليني انساه ...
امير الله والله طيبه العشا يمكم غير شي
سحر الف عافية
امير بخبث اكيد مو انت مسويته
سحر لا حماتي طبخته اني شعرفني
امير هااااا هي ليش مامتعينة مو خريجة
سحر : ماعرف هي ذب بهاي المعاملات وماكو شي وباجر الصبح هم عده مقابلة ..
امير هااا خطية الله يوفقه ليش هي ماترضى تزوج ماعرفتي السبب !!!!!!!!!!
لا ليش انخطبت بعد اسبوع ملجته !
طبعا هذا الحديث دار بين امير وسحر بعدين عرفته وتعرفون اشون .
ثاني يوم على اساس اروح مع امي وناخذ فاطمه ونذب فايلاتنه بس امي الانفلونزا ماتخليه تكوم من الفراش اضطررت اروح لفاطمة وحدي . بس طبعا اني ترستني وصايا عباله طفله مو مرة عمره 26 سنة
رحنا اني وفاطمه واتبهذلنا لان صعدنا عبرية مو تكسي لان امهاتنا ماتقبل نصعد لوحدنا ..
خلصنا ورجعنا جانت الساعه ب 1 الضهر
زينب: وج رجليه راحت اشوكت نوصل للكراج
فاطمة : كتلج خل ناخذ تكسي ولا من شاف ولا من دري مو اني هم متت يعني مو كافي علينا الشتلة الي اكلناهه بالتقديم
فجاة سيارة تتقرب منا وطبعا مو غريبه علية حتى ارقامه حافظته رفع الجامه وكال اتفضلن خوية اني اوصلكم للبيت
اني : هاي شنو الصاك اشجابه اهنا واشمدريه راجعين للبيت واشون عرفنا اني حتى مدنكه هيج عنده تركيز دقيقه هو شنو حافظ شكلي قاطعت حبل افكاري فاطمه من كالت ها هسه شنو نصعد لا وتباوع الي برجاء خل نصعد متت
اني ها لا شكرا خويه دوم متعبيك ويانا
هو :اي تعب اختي تفضلن انتن مثل خواتي
كلمتة جانت ب نية طيبة بس اني متت منه ..
صعدنا وهاي الخبيثة فاطمه كنكت على الشريحه ابسرعه مخصوص عمود اتراسلني
فاطمه : يومه عطره يموت بس ليش ضايج
طبعا اني ع المجاني
رديت ولي ولج
هي ولج ركبته ابيض من اسنوني
اني كوة بلعت الضحكه
هي يومه ادية الحكيني قررت اغتصبه
اني ولج اشبيج انحرفتي اش
هي ولج اكلج صدك ليش ما يخطفنا ويكسب ثواب بينا
نزلنا وشكرناه ودخلنا لبيوتنا ..
تم العقد بيني وبين قاسم
قاسم . طوله متوسط اسمر بس الشي الي ضجت منه عنده كرش وجسمه مو سبورت ابد
مر شهر على العقد ودوم قاسم يخابرني نص الليل وهاي مشكله بالنسبة الي لأني اهلك بالبيت واكعد من الفجر اصلي واقرة قرأن وما ارجع انام فحب انام من وقت وهذا يريد اضل وياه لل2
.. يلا يمة اني جاهزة
رحنا لبيت فاطمه
طبعا اني اتفقت مع امه ماتكول اله احنه الخطابه بس تكول اله تحضر نفسه اكو ناس يردون خطبوهه واني سويت نفسي مدري من كالت هي الي تعاي ساعديني اليوم جايين ناس الي اني كتله مشغوله وهي ضاجت مني وسوت زعله...
رحنا دخلنا لبتهم وامي وامه حجن من هذا الكلام الروتيني مال الخطبة وكذا
واني بس اتنطر فاطمه تدخل حتى انصب عليه وهي شو تأخرت تبيع ثكل ام الكمل بعدين امه صاحت اله اتجيب الضيافه دخلت فطوم . لابسه ثوب وردي حلوو وحالة شعره يخبل طبعا هي طوله 154 قزومه وبيضه وتخبل بس مجان عده حظ ياهو الي يتقدمله يروح بعد مايجي المهم دخلت وانصدمت بوجودنا
يتبع ......
