الصبح
كعدت لكيت فاطمه بيده موبايلي وتنقل شي اله كتله هاا شنو اسوين من صبح الله . كالت اولا الساعه ب 9 ونص ثانيا داخذ رقم الحب
اني:: ها صدك راح تخابريه
فاطمة:: ولو ماحب هاي السوالف وماحب اخابر من ورة علي بس ما حب الغبن وامير اذا راح لغيرج صدك ظلم .
اخذت الرقم وراحت تكمل شغل ونزلت اني هم ساعدته صارت الساعه ب11
كالت فاطمه حان الوقت
ورحنا لغرفته
دكت
وبدينا ننتظر يرد علينا
واخيرا رد
فاطمة :: الو
امير : الو!! منو وياي؟؟!
فاطمة: اني فاطمة زوجة علي
امير:: اهلا اختي خير؟؟
هي:: لا بس اريد اكولك شغلتين اذا تريد زينب بعدك تعال باجر فاتح ابوهه او دز امك تحاجي امه
امير:: شنو الي تغير
فاطمة باوعت عليه وكالت ماتغير شي لو عده علم بيك تقدمت اله جان هسه هي مرتك
امير : مفهمت اختي ممكن توضيح
فاطمة:: التوضيح هذا سحر توضحه الك أسأله ليش ما كالت لزينب عنك وليش جذبت وهي اجاوبك!! يلا اخي اني سويت الي عليا ورضيت ضميري مع السلامة....
.... كعدت على احر من الجمر انتظر ردت فعل امير وشنو راح يسوي صدك يجي يوم ويصير من نصيبي .. راحت فاطمه واني هم نزلت اكمل شغل صاحتلي سحر كالعاده . رحت اله كالت جيبي الي بلا زحمه عليج ملابس زهراء فوك من البارحه انت نسيتيهن ما جبتيهم الي ..
اني باوعت اله . ورحت صعدت فوك لميت الملابس اريد اذكر اني هم بيوم زعلته هم بيوم سويت بيه شي مو زين
هم بيوم أذيته بحجايه ليش هيج سوت واني حاطته بعيوني من ازوجت حسام هي بجالي ماصارت جنه لا صارت مثل البت المدللة الورد ما تلوحه وشهرين انكسرت ابسرعه ملت واني تسع اشهر هي نايمة ع ضهره اخدمه بعيوني ابد مشلت منه ليش هيج عزت عليه اخوهه .. نزلت انطيته الملابس واخذت منه زهراء وطلعت برة بالهول العب بيه .. ورة نص ساعه نامت زوز وديته اله جان وجه سحر ما يتفسر اني حطيت الطفله بكاروكه ورحت .. مرن ثلاث ايام لاحس ولا خبر .. كولش ثكال على كلبي وسحر ابد متحجي وياي حتى كامت تخدم نفسه حتى ما اتشوفني . جنت كاعده بغرفتي اجت امي و وجهة يهلل من الفرح سدت الباب وكعدت تسولف وياي كأنما تمهد لعريس جديد كالعاده ..
اني :: يمة انت وراج عريس مو لو مو مو هي ضحكت كالت اي يايمه عريس مثل الكمر
اني :: منو هالمرة
هي : اخو سحر الجبير امير يمه هم اخلاق وهم خدوم ومتدين ولحد الان مشفت واحد بجماله جمال يوسف
اني: عود سويت نفسي خجلانه
توصف الي عباله اني بحاجه للمدح ماتدري بتة ميته عليه
وافقت على امير واني ما مصدكه عبالي حلم وخايفه اصحى واحلى شي هو الي رادني واكيد يحبني مثل ما احبه فدددددديتك لك
طبعا ابويه بالمشية شرط عليهم ماكو عقد الا قبل العرس بأسبوع لأن الي صار بالمرة السابقه اخذه عبره رغم معرفته بأمير واخلاقه .. واني ضجت يعني مكدر اتواصل وياه اذا معقد عليه
خلص العقد كان احلى يوم بحياتي غيرت ملابسي واني بعالم الاحلام بعد 7 ايام عرسي من الي احبة ..
تعشيت مع أهلي وصعدت لغرفتي الساعه ب 9 واشويه اتصل علية رقم الحب مالتي
رديت . هو :: الوو زنوبة الله اسمي اول مرة اسمعه يخبل طالع منه مثل العسل ضليت كالعاده مسطوله
هو:الو الو وياي وينج
اني :: هلا امير
هو : دقيقه شنو ممكن تعيديه
اني :: هاا امير
هو: الله اسمي طلع كولش حلو واني ما ادري
باوعت بأمتنان
هو: اكول الهدية كفت لو محتاجه شي
اني بخجل ها لا شكرا عندي
هو؛؛ ماريد خجل هذا حقك واعذريني على التقصير بس ابوج اشويه عقده من ما قبل نعقد الا قبل عرسنا بأسبوع لهذا اتعجلت بامر الزواج وصار اشويه تقصير بس وعد عليه بس نزوج اعوضج عن كلشي واصيرين انت اميرة يا اميرة
اني : الله يخليك الي
هو::شنوو شنو كولتي ما سمعت
خنب طلعت عفوية ليش ما سمعته شعيد اخجل . اني : الله يخليك
هو: وبعد كولتي شي بعد
اني : ما اذكر
هو: زينب
اني نعم
اريد اكولج اشياء اهواي بس راح اخليها من اشوفج ..
كتله الله كريم .. وفضولي اشتغل
هو :: يلا اعوفج اكيد تعبانه من الحفل ها صدك على طاريه الحفله اليوم اني اشون انام وصورتج تربعت بعيوني حتى من اغمض اتخيلج انت تحفه
اني : مشكورة خويه طبعا كولته وضربت نفسي كف على غبائي
هو: هههههههههه تصبحين على خير
ضحكته مردغتني وانت من اهله ؛؛؛ بعد هاي المخابره ما اتصل وبعث بيد حسام هديه الي علبه تخبل فتحته لكيت بيه بوكيه ورد احمر يخبل على شكل قلب وبالاطراف ورد ابيض طبعا صناعي بوكيه للعرس وبنص العلبه ضرف . فتحته لكيت بيه 500 الف خطيه اني ادري بيه معنده الان زواجنا صار سريع ومصاريف كومه ومع هذا يفكر بيه خنب اني كتله ماريد هسه اذا ارجعه يزعل واذا اخذه اضل ضايجه عليه احسن حل سويته اخذت الضرف وضميته .. .. طبعا سحر كالبه وجه واني هم ولا بحاله اهم شي اخذ الي احبه
يوم العرس كان احلى يوم بحياتي .. بابا مقبل اسويه بقاعه راد اطلع من بيته وهو ينطيني لعريسي ركصت ركص بعرسي واني والي يحبوني و بأخر اليوم اجه الكمر مالي طااالع كشخه يخبل بالقاط الاسود وقميص ابيض ورباط يخبل مع وردة سوده صغيره على ياخه السترة ابويه هم دخل قبله سلمني اله والا اشويه دمعته تطلع الله يحفظه النا ... صورنا وبعده هم رحنا للمصور والزفه ورانه وطبعا جماعته نزلوه بالطريق وشالوه زين ما وكع الصاك مالتي ودك ركص وفرح .. وصلنا للفندق زفونا وراحووو ضلت بس خالتي صعدت ويانا وفاطمه دخلنا لجناحنا اخذت النا صور فاطمه وراحن ينامن بغرفه حجز الهن امير .. ويه ما طلعن اني ضليت كاعده هو كال تعاي اريد اروايج شغله .. كمت واخذني من ايدي ووكفنا يم الباب مال الجناح عبالي راح يطردني بره
وجان انشااااال وضل يلف بيه ويضحك واني هم اضحك ويااه فددديته وحطني على السرير ...
ثاني يوم الصبح لكيته كاعد قبلي كال : صباحك عسل يا عسلللللل عروستي اشونه اليوم
اني بخجل من الي سويته البارحه كولش خجلانه منه
هو:زنوبة اشونج اليوم
اني : صباح النور بخير امير اني اسفه والله مادري شنو صارلي
هو:لا عادي حبي انت متوترة وهذا شي طبيعي جدا ..
صار العصر رجعنا للبيت .. واستقبلونا بهلاهل وذبحوا طلي على دخلتي عليهم . ومرن يومين واني مثل ما اني كل ما يحاول يتقرب مني اني انهار واضل ابجي وادفع بيه هو خطية يعوفني ويحضني ونام بالبداية عباله الان عروس جديده وما ماخذه عليه
يتبع
