كل مشكلة تبدي من سوء فهم بسيط الى مشكلة جبيرة وهذا الي صار ويانه طبعا بعد يومين حسين اعتذر من حسام وحس بغلطة اساسا هو طيب وابد ما تطلع العيبة منه بس هو اعصاب لا أكثر .. اما أني صرت حساسة كولش وأي كلمة صغيره اتحسس منه بحيث الكل يراعي نفسيتي ومحد يظغط عليه ....
كاعدة بغرفتي الي هي غرفة امي لان مكدر اصعد لغرفتي كالعاده وأجاني علي ها ولج جكوم اشعندج اهنا وحدج
زينب : وين اولي لعد ؟
علي : تعاي أكعدي ويانا دناكل كيك وعصير ليش عازله نفسج ؟
زينب . مالي نفس
علي: الله اذا اضلين هيج والله اصيرين تخبلين حتى كرشج يروح
" امشي روح يمتى اني عندي كرش هااا؟؟؟
علي :. مكرشه وعكشة وخشه وتخرعين
زينب : طالعتلك غير
بهاي الاثناء دكت فاطمة
هلا فطوووم أشونج
فاطمة اني بخير مدامج بخير أشونج؟
زينب يعني المعنويات زفت
فاطمة:: ليش ولج جكمه هو شهر زمان هياته خلص ما بقه منه بس 27 يوم
زينب: لا والله خلص كلش
فاطمه: اي ولج أضحكي ولا يهمج
زينب: لا والله بعدني مغلولة وضايجه
فاطمه : ليش يحبي عادي بكل بيت اصير مشاكل
زينب : حسيت بذل يا فطوم وامي مريضه وضاغطه عليه اني
فاطمه : ولج عندي فكرة!
زينب شنيه طبعا احجي واباوع لعلي لهسه كاعد يمي ويفرفر بموبايله
فاطمة شنو رايج تجين يمنا هليام ؟؟
اني شنووو
فاطمه اي ولج تعاي بس اني وأمي بالبيت وابويه رجال شايب واخوية عسكري بعد 14 يوم الا يجي ليش ما تجين يمنا واني أخدمج بعيوني
زينب يمه فديتج جايبه هدومي وجايه
فاطمه : صدووك
زينب ": يروحي أشكرج على مشاعرج الحلوة والله انت اختي واكثر بس حلج مو منطقي ياروحي أهلي ما يقبلون واني هم أستحي
فاطمه ولي اكرهج امداااج
زينب واني اكثر ههههه
فاطمه باي جكوم
زينب باي
علي اي شتريد فاطمه
اني": هااا كولشي ماتريد بس تريد حجه حتى اروح يمه ووننجمع سوة
اها اي سمعتج
اني : ها اعيونك بموبايلك وأذناتك عليه موو؟
علي
زينب والله هاي فاطمه تنحط ع الجرح اطيب
علي : والله وتدللن انت وياه انشالله تنجمعن عن قريب احم
زينب:- شتقصد طبعا اني فهمت بس حبيت أستغبي
علي باجر تعرفين
زينب : عرفت حاط عينك ع صويحبتي مووو
علي اي خوش أبنيه وصاكة مثلي
زينب : هااا هيج لعد خل احاجيه اني بألاول واشوفه
علي لا لا خلي من اطيبين ترحين انت وامي
زينب هاا
علي اي حبابه
زينب اي مثل متريد بس بيني وبين نفسي اكول اشلون ياربي هاي جانت حاطه عينه ع حسام وكولش ضاجت من ازوج وحتى متحب سحر اعتقد لهذا السبب هف زين هذا علي طلع يريده اشون ؟؟؟
مر أسبوع ع العركة ... وكاعدين نتغدة كلنا سوة جان يوم عطلة واحلى شي بالعطلة بابا حبيبي يتغدى ويانا ... دك تلفون حسام
الو .وعليكم السلام اهلا بالغالي
اني الحمد لله تمام انت أشونك
امورك والله هليام انت هم ماكو ؟؟
ها اي اي عندك حق اهنا كام حسام من السفره وراح بغرفته . تقريبا ضل ب 10 دقايق ورجع احنا بدينا نخلص أكل وهو رجع ياكل وفرحان
امي ها يمة هذا امير مو ؟؟
اني اهنا شركت بالماي من سمعت أسم الحب
علي وجع
حسين حيل ابو زايد
خنب اخوتي الاعزاء قاتلة الهم قتيل اني
حسام اي يمة هذا اموري والله هذا الرجال ماعرف اشون اوصفه فعلا ماكو منه هو اتصل يكول ماكو مرة اتضل يمنا احنا هاي صارت مرتك وانت اهله واحنه عدنا ضيفا اليوم العصر اجيبه يمك
ابوية :: سبحان الله والله اني اليوم كلت احاجيك ترجعه
امي عوجت حلكه ماتريده الصراحه
طبعا حسين كال واني مستعد اعتذر منه لخاطرك حسام وكدام اخوهه
ابوي عفيه عليك حسوني بس حسام انت روح جيبه
حسام ها خوش
ابوية : اي امير ونعم منه كبر بعيني الله يحفظه لأهلة
امي : اي والله هذا الولد صدك احبه اني ماعرف ليش يدخل للكلب أبسرعه
اني بكلبي اي والله يا امي وانت الصادكه دخل قلبي الصغير وبعثره بعثيرآ
.. العصر ابويه وصل حسام وجابو سحر واول مدخلت اني دخلت لغرفه امي وسويت روحي نايمه الصراحه جرحتني ونزلت من عيني كلش و ماطقت اشوفه
.......
صار صلح بينه وبين حسين واحد اعتذر من الثاني ... وهم سلمت عليه ث
هذا الحجي صار ثاني يوم بس اني أبد ما انطيته مجال تحجي وياي ...
بعد مرور شهرين يمكن ..وامير كثرة زيارته النا واني دوم اباوع عليه من ورة البرده لو الباب مثل الحرامية
طبعا هو اخوته بس اني ما اذكرهم انسى واخوتي هم يرحون يمه وكلش حبوه لأمير هذا امير حبة مرض والعدوة مالته خطيرة . علي فاتح امي بموضوع فاطمه وامي فاتحت ابويه و ابويه كال بس خل نجهز الولد نحضر اله فلوس خطبة حتى كبل تعقد وتحجزه ....ما بقى شي ونروح نخطبه ..
فديوم جنت كاعده ضايجة حسام وسحر طلعوا سوة وابويه راح هم واخوتي اصلا البيت بس لمن ياكلون وينامون يضلون بيه وامي جاية من فاتحه فطيسه لافة راسه ونايمه جانت حوالي الساعه ب 3 العصر والضووووجة فول عندي لأن الاشتراك خالص ومحد يروح يفعل واحد يذبه ع لاخ منا من اني اضل اتوسل ببابا يروح .. بهذا الوقت طكيت رحت جبت عباتي وشالي لفيته اشون ما جان طبعا نويت اروح لبيت فاطمه هم اكنك يمه وهم اسولف وياهه جانت الدنيا موت برد كولت خل اضل لابسه القدم مالتي ((حفاياتي))او جواريب طبعا لونهم احمر ع شكل دب خشمة اسود والشال لفيت لفه تخرع ولبست قمصلة اخوية فوك الاتراك مالتي اتعاجزت اصعد لغرفتي واخذ حرام او روب ادفي نفسي بيه والعبايه مال نبع الحنان رجلي نصه طالعه كولت هنه بيتين بيني وبين فاطمه منو شاف منو درى اهنا ندك جرس الباب اني غلست رحت للمطبخ جبت حافظه وحطيت بيه من الكيك الي اني مسويته وجبت جيس بيه كرزات حطيته فوك الحافظه والجرس يدك واني مغلسه انوب اذكرت جبت عصير واخذت موبايلي ورحت للحديقه طبعا نسيت الباب تندك جانت . فتحت الباب وجان اصير وجه لوجه ونقضيه سوية اول مرة اصير عينه بعيني واااااه فضيحتا اعيوني فضاحه اني دنكت وهو هم دنك راسي و دار وجه وكال السلام عليكم بلا زحمه صيحيلي حسام ..اني صوتي اين انت صوتي ابشركم بذيج اللحظه صوتي شرد.....
يتبع
