طبعا تسريع للأحداث خطب اخوية حسين اخت امير الثانية ابنية حلوة وذكية واسمة احلام عمره 19 سنة طالبه سادس علمي
اما اني قاسم كمل نصف البيت اشو وقف البناء وكل ما أساله ينطي اعذار مو مقنعه ..
كاعده بالهول اكلب بالقنوات اجه علي كلي : راح ادخل امير ترة
دخله للاستقبال واني شفته من ورة البرده وجه ضعفان وهو كوله نحلان وشعره اشعث ولحيته ماعدله اول مرة اشوف هيج ومبين من شكله هموم الدنيا على راسه طبعا قلب المحب دليلة حسيت بيه من نظرة بسيطه .. اجاي اسوين درت وجهي ابسرعه
زينب : ها سحر هيج كولشي ما اسوي
سحر ضحكت وراحت وهي تهز بيده بحركة تدل على الاستهزاء.. اوف شافتني استرق النظر على اخوها ..
رحت احضر للعشا
دخل حسين كال حضرو النا فد شي نشربه
وراح.
انوب اجه حسام ياخذ الشاي سال سحر كال هذا اخوج اشبي فرد مرة قافل ليش هو الخلقها ما خلق غيره ؟؟
اني ضليت اسمع بتوتر .. سحر والله ماعرف شنو قضيته هاك اخذه الشاي لا يبرد وراح
اني : اشبيه امير شنو يحب وحده؟؟
سحر : اي اي بس عافته وازوجت واحد غيره فهو اشويه ضايج ""
اني ب حزن
" ها خطيه كلته ورحت لغرفتي ابجي على حظنا اثنينا طلع هو هم يحب وحده وعافته اكيد ما حبته مثل ماهو هم ماحبني
..
امي وابوية قرروا يرحون عمرة في رمضان ليزداد الأجر راحوا وتركوناا
اول يوم رمضاان جان ضوجه فول متعودة كل سنة اني اطبخ ما لذ وطاب بأول يوم واكثر من الاصناف هالسنة مالي واهس لأن حسام وحسين معزومين عند انسابتهم وعلي هم ابو فاطمه عزمه وصفيت اني وحيده وقاسم جان زعلان عليه على شغله تافه وهي انام واعوفه مخابر ولا باركلي بالشهر الفضيل . اني دزيت اله مسج . رمضان كريم ينعاد عليك بالصحه والعافيه . و ما اجاني منه جواب كعدت العصر من النوم اريد اطبخ فطور لروحي اجاني حسام طبعا مرته بايته يم اهلها قبل يومين
حسام يلا زنوبة تعاي وياي
اني وييين ؟؟
حسام وياي لبيت انسابتي
اني توترت وجاوبتة
"عاا اني اشعندي رايحه استحي
.. حسام ماقبل اي عذر مني وما رضى اكعد.وحدي اخذوني وياهم بسيارة ابويه .و وصلنا فتحنا الباب جعفر اخو امير . دخلنا سلمنا اني اخذتني سحر للهول وكعدت وياهن واخوتي بغرفة الضيوف ام امير ماعرف اشبيه تباوع الي صفح ونظراته نارية حتى سلامه ثكيل اني حللت وحدي كولت اجوز سحر شاكيه كالعاده تمشي وتشكه منا
من اقترب موعد الفطور رحت وياهن نصب الفطور ونسولف اتفاجات انو راح نفطر سوة بسفرة وحده لان ام امير تحب اللمة كعدنا واني كلبي يرف على شوفة المحبوب طلع من الاستقبال وسلم سلام جماعي نسيت اكول وسن بت خالته هم جانت اهناك و ابد لا حبته ولا حبتني . كعدنا وانتبهت على وسن اشو كعدت يم موسى وتحجي وياه وماخذه ميانه .
بدينا ناكل واني ولا اكدر اكل احس كولهم يباوعون عليه كولت خل ارفع راسي واشوف اوهامي صحيحه رفعت راسي لكيت الكل ملتهي يفطر معدا عيون وسيعه بشكل لونهم عسلي مائل للصفار تباوع عليه وبس صارت عيني بعينه نزلت راسه وبدة ياكل .. عزه الصاك يباوع الي عااا اكيد صدفه الولد معندا هاي السوالف
ام امير يمه امير دكل انت بلايه سحور وصارلك يومين اصلا اكلك ضعيف
امير ؛: واخيرا نطق يمة
" داكل لا اشيلين همي اكلي انت عدل اكلج ماعجبني لا يكون الاكل ماعجبج ..
امه ضلت صافنه لان هي اصلا تاكل بشراهه ممحتاجه توصيه والاكل هي طبخته اشون ما يعجبها!!!!!! اني اهنا الوحيدة الي ولا اكلت و كاعده والعب بالخاشوكه !!!!!!!!! انتبهت لحديثهم لكن ما فطنت لشي
حسين نظراته ولا تنزل عن خطيبته ولا خلاهه تتهنا بفطورها كام امير من على السفرة . الكل استنكر تصرفه لان ولا اكل حتى ماي شرب رشفه وحده ولا يكلك صايم
اني هم شبعت بس ضليت كاعده بمكاني
سحر : كومي زينب غسلي ليش متحنطه البيت بيتج
اني لا انتظرج نكوم سوة
ام امير سمعت : لا يمة البيت بيتج كومي غسلي
اني كمت طبعا اني ما اذب العبايه ابد الا اشويه واعثر بيه عبالكم عقلت لا
وصلت للمغسله وغلست اديه ودا اتمضمض واشوفلك بالمرايه كمر و واكف ورايه وجان اغص بالماااي
