سولفت لفاطمة كولشي وهي حست بيه وفسرت الي يصير بيه حب من اول نضره اني هم احتاريت . اني مو من هاي النوعية الي تؤمن بالحب بصراحة عندي الحب يجي بعد.الزواج والعشرة ومعرفة شخصية الشخص واتشوفه تلأمك لو لا بس مال واحد يحب واحد وهو ابد محاجي وياه ما اومن بيه ولا اومن بالحب وهاي العلاقات اعتبره محرمة ولعب جهال .. بس اشون اني وكعت بيه ... قاطعت افكاري فطومة وهي تشير بدييه
" نحن هنا هييي ولج وين رحتي
" لا هيج بس افكر بحالي
"حاولي تتقربين للله اكثر وصلي صلاة الشكر واستغفري حتى الله يوخره من بالج
" بغضب ولج اني وين والصلاة وين هو اني اكدر اتحرك وقابل شايفتني كافرة لو مسوية شي
"هههه لا ولج حتى تنسيه هذا المغري حتى اني انتقلت الي العدوة وكمت افكر بيه
" ولج انجبي صدك تدرين اشصار بيوم الوكعه مالتي
بفضول قاتل سألت فاطمة
"شنو اشصار
" ما كلج وهو يخص امير
" شنو ولج
"مااااا
" شنو بس لا وكعتي اكباله وشاف لباسج
" بغضب انجبي طايحة الحظ ايا ادب سزز
" اي لعد احجي شكو لا والله اضل اخربط بالحجي
: تدرين منو شالني
: ابو عبود المخبل
باوعت الها صفح وكلت
" ههههههه ولي
"لا عليج الله
" ال ص ا ك
" عليج الله
" والله وعلي والقران الصااك شالني
" لا لا صدوك
زينب
فاطمة بشكل كوميدي
" يااااربي ليش ما خليتني اني الواكعه ياااربي دخيلك اي وشصار بينكم
اني بستنكار
"ويعني شسصار برأيج واحد شال وحده مكسورة رجلها لا وانوب بيوم خطوبته خطيه جاي ياخذ اخته حتى تروح ويه امه تختطب اله واني فطسته وخلصت افلوسه
" يستاهل ليش مايحس اكو جمهور محب اله ليش يخطب ما يجي يمنا دحنا حنقوم بالواجب
" اوف منج ههههههههه
بهاي الاثناء اجت سحر ها ضحكونه وياكم
اني وفاطمه فطسنا ضحك هاي الفطيرة ماتدري دنتغزل بأخوهه الصاك معذب قلوب العذارى...
بعد فترة بدت سحر تذمر شغل البيت كوله فوك راسه ونفسيته زفت وعاذرته ياهو الي يشوفه يسالها ليش لسه ماعندج شي قصدهم (حمل)
تشتغل من غير واهس واني هم احتاج لرعاية ماكدر لا اكوم اقضي حاجتي ولا اكل يمهم الا ان جابولي كرسي متحرك حتى اكدر اطلع شهرين ونص لازم اتحمل ..
مر شهر واني ابد ما سألت سحر عن اخبار امير خطوبته اتجنب هذا الموضوع وهو هم خفت زياراته النا .
......
بعد بس اسبوع واحد واروح افك الجبس او الجبيرة
بهذا اليوم سحر كولش معصبه وحجيه نتر واني كمت اتجنبه خوفا اصيح بوجهي واصير زعل . العصريه امي طلعت توجب جيرانا ليش ما اني حطيت القوري ع النار ونسيته لحد.مادخن المطبخ واجتي سحر معصبه حيلل اتعيط وجان العصريات مرات مو دوم يجي امير هو اخوه موسى اشويه ويطلعون مع اخوتي للكهاوي ..
المهم دخلت عليه سحر وتعيط باعلى صوته اني جنت بالهول اكلب بالقنوات اذكرت القوري عزه كتله "والله نسيته ومكدرت اكوم حركتي بالكرسي ثكيلة
سحر
" كافي ظغطتوا عليه مليت منكم اني مو خدامه.
ومن هذا الكلام الجارح شهرين زمان ماكدرت تتحمل واني سنة كامله هي بيتنا ما فديوم عاتبته والله حتى ملابسه اغسله لان ما منه فايد وهي شهرين ماتحملتني الدمعه صارت بعيني وهي معصبه واصيح طبعا بس اخوتي علي وحسين بالاستقبال مع امير وخوه وهي نست نفسه من كتله اشصار يعني ليش تصيحين عليه واني اكبر منج !؟
هي : اي مو مليت توني منضفه واريد ارتاح وانتم ماعدكم أحساس بس يلا أكل نوم طبعا صوتي ناصي حيل وهي تلعلع
طلع اخويه حسين يموت عليه صحيح ابد ما يصخر الي وشالع كلبي بس كولش يحبني كاله اله اش " شنو ليش صوتج عالي
هي .. طبعا ماعده غير كلمة مليت منكم
هو كال عيني شنو صااار لهاي العصبيه كوله
جان تكول اختك موتتني وانتم هم وامك 24 ساعه طالعه وعايفه بته حتى شغلته اني ادخله للتواليت والبيت كوله عليه ومحد حاس بيه طبعا اني اهنا متت ياريت ميته ولا امير يسمع كلامه كمت ادعي الله يكون طالع صار صياح بين حسين وسحر اهنا حجة امير سحر احترمي نفسج لا اجي اربيج
حسين اي والله ناقصه تربيه طبعا حسين من يفقد يصير يخربط بالحجي
اهنا سحر هم خبلات شالت المخده مال الكروته وشمرته ع حسين اني خفت رحت لغرفه امي حطيت شال ع راسي الشغله كبرت وخفت اخوته يدخلون ....
طلعت من الغرفة والصياح بينهم على اكثر اهنا دخل حسام كان بالتواليت الخارجي اجه يركض من سمع صوت صياح وحسين كوة لازمه علي تخبل من سحر لأن غلطت عليه واشوية ماعنده ابريك من يعصب
اني ابجي ومندكة اهنا دخل امير كلبي هو اخوه سحر ختلت ورة ضهر اخوهه خايفه من حسين حسام ولك مطي شكو اشبيك هاجم على مرتي
حسين هاي مو مرة هاي وحده ناقصه تربيه . حسام لأول مرة ضرب حسين .. اهنا اني مكدرت اشوف اكثر اخوتي اضاربو بسببي واخويه كمل ضل يغلط وحسام هم راد يضرب حسين لأن مهما سوت سحر مايصير حسين يغلط ويحاول يضربه لأنها مرة اهنا احجي محد يمسعني كرهت روحي انوب بطرك الثوب و ولد غرب بيتنا رحت تخبلت حاولت اكوم من الكرسي وظغطت على رجلي ومشيت وهي مجبرة حاولت اصعد الدرج وصعدت اول ثلاث درجات وصلت للخامسة ماحسيت بنفسي غير مدعبله يم اخويه علي وطبعا صحت لأن وكعت ع خشمي صار ينزف دم اخويه ركض عليه وحسين هم عافها راحت حاله الهستريا الي صايبته واجه يمي كبل شالني علي وحطني بغرفة امي ع جربايته واخوتي كولهم حواليه اهنا امير طلب من سحر تلم ملابسه .
اني هم كمت أتالم من رجلي ومن خشمي و علي يمسح بالدم ودم يسيل مثل النهر وابويه كالعاده طالع حسام طلع برة الغرفه يريد يفهم سحر شنو مسويه وكعد بالغرفه مالته هو وسحر واخوته وهي متقبل تحجي بس تلم بملابسه وتريد تطلع مع اخوته راح علي لحسام وكله روح جيب تكسي ابوك يم اصدقائة وماريد اقلقة هاي تنزف اخاف صاير كسر بخشمه اهنا امير كال لسحر انت ضلي بغرفتج . يلا علي تعال اني اوصلكم ...
صدك اني وحسين وعلي كعدنا لورة و حسام كعد يم امير طبعا خشمي ولا توقف النزف اوف ياربي مقسوم الي اشوفه بهاي المواقف الصعبة
طبعا القطن خلصه علي عليه
وحسين حاظني ويريد يبجي ووامير حسيته كلساع يباوع من المراية ويشوفني اويلي
وصلنا للطبيب انف وحنجرة فحصني وتوقف النزيف طلع ما بيه شي جرح بسيط صاير داخل جيوبي الانفية من الوكعه وقف النزيف ورحنا مناك لطبيب الكسور مالتي ... بسبب تهوري غير الجبيره ولازم اصبر بعد شهر .. ....
رجعنا للبيت امير اخذ حسام ع صفحه وحجه وياه وبعد اخذ اخته وراح اهنا لكيت امي وابويه راجعين وعارفين السالفه من سحر بس مو بالششكل المظبوط ...
...
يتبع...
