Loving Juno #B3

9 July

May mga nag-'Boo' sa mga tao sa club.

"Caloy, ano ba?"

Hindi ako pinansin nito basta hinatak lang ako pababa sa ledge.

"Ano yang suot mo?" Sita nya nung nasa baba na kami.

"Pangsagala!" Pabalang kong sagot. "Nasa Flores de Mayo ako eh. Hindi ba obvious?!"

"Uy, Dyosa!" Hindi ko sigurado kung sino sa mga minions ng hayup na Caloy na ito ang bumati.

Naitirik ko ang mata ko.

"Ang hot natin ah!" si Vugz na malisyosong tiningnan ako mula ulo hanggang paa, tapos bumalik sa boobs ko.

Letse lang! Ang sarap itusok sa mata nya yung stiletto ko.

Sa ngayon nangingibabaw ang galit na nararamdaman ko sa mga demonyong ito.

Ang kakapal ng mukha na humarap sa akin na akala mo walang masamang balak sa akin.

Naalala ko na naman! Bigla ang pangingilid ng luha sa mata ko, kasabay ng pakiramdam na pinaasa ka tapos... Shit!

Marahas akong napabuga ng hangin.

"Jun? A-anong problema?" Biglang nag-alala ang mukha ni Caloy.

Nagulat ako.

May isang luha na palang kumawala sa mata ko.

"Wala! Masakit lang mata ko. Ang usok dito sa pwesto natin."

"Kanina pa mausok dito, Jun. Kanina lang enjoy na enjoy ka sa pagsasayaw sa ledge. Di mo pansin yan," sabi ni Caloy.

"Oo nga eh. Dahil sa pangengelam nyong mga ungas kayo, napansin ko na."

"Sayaw tayo!" Hinawakan ako ni Vugz sa bewang.

Hinawi ko iyon tapos tiningnan ko sya ng masama.

"Tangna, Jun. Kanina kung sinu-sino kasayaw mo eh," ngisi ni Vugz.

"Kanina pa kita nakita, di lang kita namukhaan kasi..." hindi nito tinuloy ang sinabi. Basta kumagat lang ito sa labi at tiningnan uli ako ng malisyoso.

"Bakit, Vugz? Ngayon ka lang nakakita ng babaeng nakasuot ng ganito? Di ba sa mga putangnang pagyayabangan nyo eh sawa na kayo sa hubad na babae dahil sa dami ng naikama nyo?" Maanghang kong sabi.

"Big deal sa inyong nagsuot ako ng ganito? Matagal na akong nagsusuot ng ganito. Grow up!" Pumiglas ako sa hawak ni Caloy.

"Jun, ano bang problema mo? Bakit bigla kang... you're so different tonight. Inside and out," si Caloy na di maipinta ang mukha.

"E ano ngayon sa 'yo? Tss! Tabi!"

"Teka muna, Jun. Mag-usap nga muna tayo," pinigilan ako ni Caloy sa braso.

"Caloy," pinahalata ko na nababagot akong makipag-usap sa kanila. "Nandito ako para sa party ng manager ko. Hindi para sa inyo. I was having a great time earlier, sa totoo lang. Then suddenly, eto kayo, being a party pooper to me."

"Jun!" Napalingon ako. "May problema ba?"

Yung mga ka-crew kong lalaki sa kitchen. Medyo kinabahan ako. Alam ko, kung magpapatuloy ako sa pagsusungit kina Caloy, baka magkagulo.

"Hindi, wala. Mga schoolmates ko. Yung nagpunta dati sa store," sabi kong nakangiti.

Nagdududa man, dumistansya sila pero yung tanaw nila ako.

Buti pa ang mga ito, kahit yung iba eh buwan ko pa lang nakakasama sa store, may concern.

"Ayos ah. Bakit ang bait mo sa mga yun? Are you flirting with them?" Maaskad na sabi ni Caloy.