خـــواطـــر مـــراهـــقـــة فـــي الـــتـــســـعـــيـــن

خَــوَاطِــرْ بِــالَــهّــجَــتِــي الــتُــونِـــسِـــيَـــة

هذا أول وأطول بارت لدي في مجموعة خواطري لأني جمعت فيه كل خواطري على مدى السنين و التي بالهجتي التونسية❤~..

~*-*-*-*-*-*-*-*-*-*-*-*-*-*-*-*-*-*~

ياقلب إشكي على إلي غدر وخان
هكا الزمان مفيهوش أمان
متعبيش روحك بالّجراح و الألام
راهي النفس تعبت خلاص
يزي من تخبية الدمعة في العين
والقلب من داخل حزين
عبر ياقلبي على الي يوجع فيك
غيرك حد ماهو حاسس بيك
كلهم يشوفو في ضحكتك الكذابة
أما حد ماهو حاسس بالوجيعة إلي داخلك
ياقلبي إشكي، إشكي ومتخبيش
يزي ماخبيت والروح كلها جروح
عبر على إلي يبكيك
خليك ترتاح من الهم إلي حامله وخلاك حزين
عبر ياقلبي قبل ماروحي طير مني
يزيك ماخبيت صيح وخرج كل إلي فيك
وأرتاح ورتح هالروح معاك
يزيك ياقلبي ماعنيت .. جا الوقت بش ترتاح...

~T^T💔😿💔😿💔😿💔😿💔T^T~

شبيها الدينا قاسية هكا

و زادة كلها تنقضات
سعات نحير هل التنقضات فينا وإلا في الدنيا

تبدى فرحان وفي نفس الوقت موجوع
وإلا في الحقيقة أحنا موجوعين أما نحبو نبيّنو الى أحنا فرحانين

أي القلب يوجع وحزين .. حزين برشا من هم الدنيا
تبدا بحاجة صغيرة بالسياسة بالسياسة تلقاها صايي كبرت.. كبرت معاك في وسطك الداخل
متعرفش منين تبدأ بش تخرجها .. أو تخرجهم خاتر إلى يوجع فيك برشا مش شوي تبدا مووووجوع تحب تحكي إلي بيك أما متعرفش منين تبدأ وإلا لشكون تحكي

تي حجات وحجات في هلباال شنوة بش تحكي وشنوة بش تخلي..
و أصلا شنوة الى يتحكي ؟؟؟

على هذاكا نرجعو منين بدينا وناقفو نتنهدوو تنهيدة متع قلب حزين

وكل إلى نعملوه نسكتوو خاتر متلقاش مايتحكى خاتر أصلا إلى تحس فيه مايتحكاش ...

~T^T💔😿💔😿💔😿💔T^T~

توحشتك توحشتك توحشتك !!
صحيح أنا إلي صنعتك أما توحشتك .. توحشت نسمع أكا الصوت المجهول الخفيف أما حنين إلي يوجهني الي ينصحني .. توحشت عالمي إلي صنعتو أنا إلي تعلمت فيه و كبرت فيه و ياارتني ماكبرت .. توحشت كل شيء توحشت أكا الصوت الي وقت الخطر يعيطلي و ينبهني .. توحشت أكا القوة إلي كانت تجيني برغم الحجم الصغير كان الفعل كبير .. توحشت أكا اللمعة الصافية في العين .. توحشت الضحكة إلي من قلب حتى لو كان حزين .. توحشت كل شيء الوحش ياكلني .. توحشت أكا الجرأة و إكتشاف المجهول برغم الخوف .. توحشت نسمع أكا الحكيات .. توحشت نضحك على أكا الافكار .. توحشت توحشت والله توحشت و الوحش كلاني .. عارفة إلي شيء معادش بش يرجع وأنا لازمني نكمل .. و كل شيء صنعتو و عشتو بش ندفنو في قلبي .. هه ديجا هو مدفون .. أكا الباقايا تدفعني بش نواصل .. أما والله توحشتك ياسِرّي و العالم الي صنعتو ...
صحيح معنديش تصويرة تذكرني فيك !