Sa kanyang mga liriko ako'y nahalina
Kay hiwaga ng kanyang mga salita
Bawat pagtipa sa kanyang gitara
Puso ko'y biglang natataranta.
Aming pagtatagpo'y di sadya
Napansin siya sa libu-libong madla
Pagkakakilala'y di inakala
Mahuhulog... sa kanya pala.
Pagtatapat niya di inasahan
Sa una'y di siya pinagkatiwalaan
Pagkat takot ako'y malinlang
Baka sa kanya ito'y laro-laro lang.
Araw gabi, siya lang ang kausap
Makita siya'y ako'y atat
W'lang duda, siya'y magaling mangusap
Kaya kahit gabi na'y, ako pari'y dilat.
Sana'y wala itong katapusan
Ligayang aking nararamdaman
Kakalimutan aking nakaraan
Pagkat nakilala na, aking kinabukasan.
