ياربي تأخرت وين صار الخط اف مو مال انتظر عندي امتحان
تكسي .
صباح الخير لجامعه بغداد الي بالجادريه
التكسي تفضلي
هنادي جلست وعيني على الساعة اريد أوصل للمحاضره وبداخلي 👩🏻🏫أستاذه الاء لو اموت متخليني ادخل وراها
🚕هذا شبي يباوع مناقصني بس هو بعد
عفيه ممكن تسرع تأخرت
التكسي ماشي راح احاول اشوف طريق مختصر شكلج مستعجله
ناديه :جاوبته بنفور عندي امتحان 🤔الأفضل اطلع ملزمه واسوي نفسي ادرس حتى بعد يسد حلگه وميسأل بعد دقائق وصلت اخيراً
هنا انزل دفعت الاجره ورحت ركض للقاعه
الحمد لله بعدها ما اجتي دخلت القاعه صباح الخير وجلست بمكاني المعتاد بصف سرى
سرى شو متأخره متوقعت راح تجين
هنادي : الخط ماكو اليوم وتبهذلت بالتكسي واحد عينه زايغه
سرى :ترى انت مريضه تضوجين من كل شخص يباوع عليج وتتنرفزين ترى هذا دليل انت حلوه وتعجبيهم وكل بنيه تفرح من تشوف نظرة إعجاب من شخص
هنادي :الا اني كافي اسكتي وانطيني اكمل حل ورقة المختبر بين متوصل ست الاء شو اليوم تأخرت مو عوايدها
أخذت الورقة من سرى وبقيت اكتب الى
ان سمعت صوت ذكوري دخل للقاعه صباح الخير توقعت احد من الطلاب
سرى :هنادي دخل الاستاذ
رفعت راسي وكانت صدمه الشخص الي غيرني من قبل سنوات وجرحني .كدام عيني وفوگاها استاذي يمكن راح يعرفني وممكن نساني
لكن بعد دقايق وهو ديعرف عن نفسه ويبلغنا راح يستلم الماده بدل ست الاء صارت عينه بعيني حسيته أنصدم وارتبك لكن تلافى الموقف حتى محد ينتبه علي
اني تجاهلته وبقيت طبيعيه استمع حالي حال الطلاب لكن دماغي رجعني للماضي خليني أعرفكم تفاصيل الي صار سابقا
اني من عائله متكونة من اب مدرس رياضيات وام محاميه واني اكبر اخوتي وبعدي خلود وخالد
اهلي ناس متحررين ومو كلش يحاسبونا ودائما ملتهين ابويه مدرسه ودروس خصوصية وامي مرافعات ومحاكم يعني يجون للبيت منتهين على الاخر يادوب يلحگون يشوفونا وينطونا نصائح وشنو نريد بدون ميناقشونا يتنفذ جنت اسمع خالاتي أو اهل ابويه ينصحون اهلي على تربيتهم وأهلي ميقبلون احد يدخل ويگولولهم احنه مدلليهم .
اني جنت المسؤوله عن اخوتي ورا منرجع من المدرسه الى ان يرجعون اهلي اخوتي بالابتدائيه واني بالمتوسطه جنت امر أخذهم ونرجع للبيت مرات من امر بشارع مدرستهم الي ورا بيتنا اشوف ٣ولد يوگفون باب بيت اكيد بيت واحد منهم
كم مره انتبهت على واحد بيهم من يشوفني تبقى عينه عليه من اروح اجيب اخوتي الى ان نطلع من الشارع
الولد مبين اكبر مني يمكن عمره ٢٠ أو ١٩ ورا فتره شفته ديمشي بتجاه البيت الي يوگفون يمه وفتح الباب ودخل بدون مينتبه عليه عرفت هذا بيتهم رحت على اخوتي وبرجعتنا شفته واگف من شافني صارت عيني بعينه ابتسملي اني درت وجهي وكملت طريقي وبقينا على هالحال يوميه اشوفه لكن حسيت بمشاعر تجاه هالشخص وبيوم طلعت من مدرستي مثل كل يوم اروح على اخوتي دخلت للشارع شفته من بعيد ديمشي بتجاهي لحد ما وصلت قريب عليه وكف گبالي گلي ممكن احجي وياج جاوبته لا طبعا وتركته ومشيت بقى يمشي ورايه ترى والله مو بالي اللعب عليج ونيتي شريفه من اول يوم وكعت عيني عليج وانت متروحين من بالي بس اريد أتعرف عليج اني عمر صف خامس اعدادي ممكن اعرف اسمج
هنادي :جاوبته لا مو ممكن وكافي تمشي ورايه عيب طبعا اني توقعت هو مفكر اني چبيره لان الأغلب ينطوني عمر صف رابع إعدادي لان طويله وأبين اكبر من عمري
المهم الولد عنده احساس تركني اني كملت طريقي أخذت اخوتي ورجعنا بنفس الشارع عندي خالد كلش وكح الا الزمه بأيدي لان يركض ويكمز ويشقلب بالطريق وبرجعتنا شاف بزونه هد ايدي وركض وراها واني أصيح عليه لان كل هالطول واركض فشله خلود تركض ورا بهالاثناء شفت سياره دخلت للفرع فقدت لان اخويه الأثول ديركض مهزوم من خلود ومديشوف عيطت بصوت عالي لك سياره راح تضربك وبدون وعي ركضت لكن عمر ركض عليه لزمه وجره وگفه. على الرصيف وصلت يمه ألهث وميته من الهبطه اسمع الولد يحجي ويا خالد گله انت شلون رجال تخلي خواتك كبار يركضون بالشارع من وراك وخليتهم يخافون عليك عيب المفروض انت تخاف عليهم وتبقى تمشي وياهم حتى محد يتعرضلهم صح كلامي شفت خالد يهز راسه موافق وصلت يمهم
گتله شكرًا ولزمت أيد خالد دا امشي گلي اوگفي خلي اجيبلج مي جاوبته لا شكرًا هسه ارجع للبيت اشرب گلي براحتج ثاني يوم من رجعنا من المدرسه خالد شاف عمر سلم عليه عمر ضحك اشرله بأيده تعال
خالد راح عليه هلو انت شنو اسمك
جاوبه اسمي عمر وانت وخواتك
خالد اني عمر وأختي الطويلة هنادي والثانيه خلود
عمر :خواتك بأي صف
خالد :هنادي اول متوسط وخلود ٤واني ٢
عمر :انصدمت بصف اول توقعتها اكبر شفتها صاحت اخوها يله كافي تلغي دنروح ابتسمتلها وسألته خالد اريد تجيبيلي من أمك رقم التلفون مال بيتكم حتى اخابرك واذا سألتك گلها صديقي بالمدرسه يريده ونصير اصدقاء بس مو تحجي لخواتك لان ميخلوك تصير صديقي اتفقنا الطفل خطيه وافق بقيت اضحك لان بقى يمشي ويلتفتلي يسويلي بايده باي
