هنادي :عمر انت ليش تريد تفتح موضوع صارله سنين بين مراهقين المفروض نسينا
عمر :اني مجنت مراهق عمري ١٩ بذاك الوقت وما نسيت شي ولا انت نسيتي والدليل الي ديصير واسلوبج بالتعامل ويايه
هنادي :عمر انت حاليا بس استاذي اما عمر سابقا نسيته ممكن نطوي الصفحه ونصير اصدقاء
عمر : اوكي مراح اناقشج خلينا اصدقاء ونشوف وين نوصل
هنادي :وگفت الصداقه ممكن تتحول للحب بس بحالتنا تبقى صداقه لان مرحلة الحب انتهت عدنا
عمر :وگفت گبالها انتي غلطانه والدليل اني بعدني احبج واعرف انت ما نسيتيني من اول يوم دخلت عليكم للقاعه
بس راح اصبر عليج الى ان تنسين ذاك اليوم وترجعيلي
هنادي :مكدرت احجي بس استمع لان كلامه كله صح وعيوني مفضوحه بعدها جاوبته :تدري انت الشخص الوحيد الي مد ايده عليه وضربني وهاي وگفتنا خلتني اتذكر/ عمر اني بسببك وبسبب كلامك كرهت كل الولد وكرهت شي اسمه حب الله يخليك عوفني لتخليني أكرهك خلينا اصدقاء احسن وأنسى الماضي تركته وطلعت وراها بقيت ايام اتجنبه حتى الخط أخرت وقته وادخل للمحاضره واطلع بدون ما اباوع عليه
صرت ما أتواجد بالمكانات الي اوگف أو اكعد بيها بالعاده اندلينا اني وسرى مكان ورا القسم بي أشجار الطلاب ميوصلوله لان هو ممر گصيف بنص حديقه بيها مقاعد حجر سرى طبعا مقبلت على التغيير الا رادت تعرف السبب وكعدت حجيتلها القصه كامله بقت صافنه بوجهي
سرى :يعني الجنتل هو عمر حبيب القلب
هنادي :اي سابقا
سرى: هنادي انت كذابه بعدج تحبي والدليل دتنهزمين منه ومحاولتي تحبين احد بعده
هنادي :سرى لتخليني أندم حجيت وياج
سرى :لج بابا أنسي جنتي زعطوطه وهو لو مو يحبج جان ما گلج امشي اوصلج للشارع ورا ما ضربج وسمعج كل الرزايل لو صح لعب عليج چان تركج يم الهيكل وراح
ثانيا تگولين بقى يتصل يسمع صوتي وانتي نهيتي الموضوع/
والله يا جنتل طلعت واكع بالحب واني الي راسمه عليك هههه لا كذب اشاقه
هنادي :لج صدك اني هسه ضيعت نفسي من حجيتلج يا فطيره بقت سرى تنكت وتنصب عليه وعلى عمر واني اضحك و صارت كل مندخل محاضره من يدخل عمر تندار تبتسملي المخبله طبعا مره مرتين عمر حس وبعدين عرفت هو يعرف سرى تدري بموضوعنا
لان مره بالمختبر عدنا امتحان دخل الاستاذ ويا عمر ورا شويه طلع استاذ الماده بقى عمر والطلاب بدوا يشتغلون وهو يفتر عليهم يساعدهم ويشاقى وياحم بحكم هو شاب قريب على أعمارهم وصل يمي همسلي سرى تعرف
جاوبته اي /
وراها راح يم سرى بقى يشاقى وياها ويضحك
عمر :خلص وقت الامتحان يله سلموني الاوراق/ الأغلب سلمني بقوا تقريبا ٥ أو ٦ طلاب من ضمنهم هنادي وسرى انطيتهم عشر دقايق إضافية وأخذت ورقه صغيره كتبت عليها ورحت يم هنادي دتكتب رفعت طرف ورقتها وخليت الورقه الصغيره جوها وبقيت افتر على بقية الطلاب سلموني الاوراق وطلعوا
هنادي :من خلى الورقه بقيت اكتب وردت اتركها بمكانها بس خفت لا بيها اسمي واحد يلگاها أخذت الورقه ورحت سلمت ورقة الامتحان من طلعت ويا سرى خارج المختبر صار عندي فضول افتحها نسيت عمر راح يطلع ورآنا من المختبر وكفت طلعتها من جيبي فتحتها احبج
سرى :الله شلون رومانسي الجنتل ادا متريدي اني اخذه
هنادي :آخذي بس بداخلي كذب هالورقه خلتني احن
عمر :شو واگفين هنا
سرى :لا استاذ دنطلع بس انتظرناك ردت أسألك عن شغله مفاهميها ممكن نمرلك للغرفه
هنادي :بقيت صافنه على هالكذابه وأريد اشرب من دمهه بس خلصتنا من الموقف
عمر : اي وكت تريدون مروا/ احجي واباوع بعيون هنادي ردت اعرف قرتها .عرفت قرتها ويا سرى لان مرتبكه وسرى طلعت حجه لوگفتهم مشت عنهم شويه بعدها التفتت صحت هنادي
باوعتلي گتلها نفس الايد الي انمدت عليج كتبت الكلمه ألي بالورقة
سرى :من سمعت كلام استاذ عمر تركتهم وطلعت
هنادي :جاوبته لكن متغير شي لا اتعب نفسك
عمر :رجعت وكفت گبالها هنادي اكو شي لازم تعرفي ولا يوم طول فتره علاقتنا ضحكت عليج ولا شكيت باخلاقج وكل الكلام الي حجيته بساعة غضب وردت القنج درس بشي الي سويته مجنت محسب راح ينتهي كلشي بسهوله والدليل بقيت يوميه اتصل اسمع صوتج لكن انتي الي نهيتي كل شي بتصرفاتج وبكلامج اخر مره بالتلفون
وكل هذا بقيت اشوفج كل يوم من بعيد واعرف اخبارج ومن التحقت بالجامعه اول عطله نزلت بيها لاهلي فاتحتهم اريد اخطبج ووافقوا واتفقت وياهم من اخلص الامتحانات نروح نخطب لكن بعد فتره اتصلت على علي صديقي وبالحجي ذكرلي انتو طلعتوا من المنطقه وحاولت اعرف عنج شي من يومها اختفيتي وما كدرت اوصلج بس هسه انت گبالي ومستحيل تكونين لغيري
