أخذت الكوب ويايه وحولت للميز الي كدامها ورحت طلبتلها كوب نسكافيه جديد وخليته على ميزها ورجعت لميزي بقيت اباوع عليها شفتها اندارت شربت النسكافيه وصافنه على الشباك
بقيت افكر بكلامها متكعد بس ويا سرى وكعدتي وياها موصحيحه خلتني استنتج ما عدها علاقه بس هذا ميمنع تحب شخص ومخلصه اله ولهذا متكعد ويا احد وحدها اوه دوختني هالبنيه من مراهقه متحررة الى شابه متزمته
وشكلي راح اتعب هوايه ومراح قلبي يسكت ويبطل الا اذا عرفت عدها شخص تحبه حتى أيأس وبعد انساها// دا اطلع من الكافتريا وصلت للباب التفتت ردت اشوفها راح تندار تشوفني من طلعت /شفتها ابتسمتلي لان اصطاديتها ابتسمتلها ونزلت حسيت ورا هالنظره والابتسامه اكو أمل
ورا ساعتين دخلتلهم محاضره اول ما دخلت صارت عيني على مكانها شفتها ماكو اتوقعت مداخله بس من وكفت كدام الطلاب شفتها كاعده بالاخير مبتسمه/ ابتسمت لان افتهمت أتقصدت تغير مكانها حتى تشوفني من ادخل راح اباوع على مكانها سوت بيه مثل الي سويته من دا اطلع من الكافتيريا
هنادي : حاولت اشغل نفسي بالكتابة وأركز بالشرح خلال المحاضره لحد ما اتعلَّم افصل بين مشاعري تجاه عمر وبين وجوده كأستاذ بالقاعه
خلصت المحاضره وطلع عمر طبعا اغلب البنات ينظروله بأعجاب ومن يطلعون من محاضرته اسمع إعجابهم على شكله وشخصيته ومرات يتشاقون وحده تگول اوف قلبي لو يأخذنا بكل المحاضرات اطلع الاولى
اني وسرى نبقى نضحك على التعليقات
سرى :هنادي شنو رأيج بأستاذ عمر باعتبارج معقده من يم الشباب
هنادي : اذا تقصدين الشكل فهو حلو والشخصيته هم حلوه بس اكيد عنده عيوب ميظهرها
سرى :هاهيه بنات ماطول هنادي مدحته راح انسمي عمر جنتل
هنادي :ومن يومها البنات صاروا يسمو الجنتل من يحجون كدام الولد يستخدمون اللقب حتى ميفتهمون عبالهم مطرب ممثل
اما عمر فحيرني صرت يوميه اشوفه الصبح من انزل من الخط واغلب المرات يمشي ويايه الى ان اصعد للكافيتيريا وهو يروح للقسم ويرجع يصعد للكافتيريا يكعد بميز گبالي بس مرات يجي يوگف يتحجج بسوالف ويسألني عن طلاب أو مواد وبيوم طلب مني المحاضرات القديمه مال ست الاء
