جاوبته عمر والله أحبك اني مسويت شي هو تحارش بيه
جاوبني لان الي مثلج للفرجه ببلاش ا كيد كل واحد يريد ياخذ الي يريده واني أولهم جنت ملهي نفسي وياج لان انت مجرد سلعة حلوه الكل تتفرج عليها وتلعب بيها بس من افكر ارتبط اكيد راح اخذ وحده مو مثلج وحده محد يكدر يجيب سيرتها ويگول عنها ساقطه ويله أمشي كدامي اوصلج لحد الشارع مالتنا وبعدها ما اريد اشوفج ولا اسمع صوتج
هنادي:دموعي تنزل لدرجه كمت ما اكدر احجي بس اشهگ حسيت ألم بصدري من الحجي الي گاله من عيط عليه يله فضيني وامشي طبعا خاف عليه يعوفني بهذا المكان راد يوصلني لشارع بيتهم ويتركني
بدون وعي من هلگد ما آذاني جاوبته والله يا عمر لا اندمك على كل كلمه حجيتها وكل يوم لعبت بي عليه وأياك تحجي عن شرفي اني حبيتك وما بيوم باوعت على احد غيرك ولا احد حصل مني شي جاوبني ضايج ومقهوربس مو عصبي الي متريد احد يجيب سيرتها تنتبه على لبسها وتصرفاتها يله خلي نروح
هنادي :طلعت وبقيت امشي ودموعي تنزل وهو احس بي ورايه بعدها لزم ايدي اوگفي انداريت عليه بعصبيه عوف ايدي إياك تلزمني ما اريد اشوف وجهك تركته ومشيت وصلت للبيت لگيت ماما بالمطبخ سألتني ليش دتبچين جاوبتها المدرس گلي انت مو زينه بالماده وصدك بيومها المدرس رزلني لان شافني شارده ماما گلتلي يله حبيبتي لتضوجين ادرسي زين
صعدت للغرفه بجيت لحد ما حسيت صارت عندي قوه خلتني اصحى على نفسي وتصرفاتي وعمري ودراستي من يومها تركت صديقاتي حتى غيرت المحاضرات ويا كروب ثاني ولبسي غيرته ونسيت شي اسمه مكياج ورجعت مثل صف اول اروح وارجع بطريقي وبقيت التهي ادرس ردت اثبت لنفسي شي صار عندي مثل التحدي وصارت عندي حاله نفسيه أحب اكعد بغرفتي واسمع أغاني كاظم وأكثر اغنيه احسها تنطيني طاقة تحمل وتقويني على فراگ عمر وصارت مثل المتنفس الي اسمعها وابچي الي هي مالك معزه بعد /امشي ابتعد عني /كلشي انتهى وللابد/ لاتقترب مني
وصرت اكره كل ولد يباوعلي أو يتحارش بيه /
اما عمر فكذب مراح من بالي ولا نسيته بيوم واعرف التلفون من يرن ومحد يجاوب هو الي يتصل بقى فتره طويله يتصل بدون ميحجي مجرد يسمع صوتي وأسده الى ان بيوم اتصل وبقى ساكت سمعت صوت بالتلفون يصيحه عمر بعدها سكت الصوت فقررت احجي ويا وهو ساكت گتله عمر عوفني بحالي شوفْلَك وحده شريفه ومثل ما گتلي اسمع كاظم وتذكريني اگلك اسمع اغنيه مالك معزه بعد وانساني جاوبني هنادي .سديت الخط بوجهه من يومها بطل يتصلل
