ثاني يوم
داومت ولان خطي سياره أوصل للكليه من وكت صارت عندي عاده اول ما ادخل للكليه اصعد للكافتريا اشرب نسكافيه بين ميجون صديقاتي وننزل سوا للمحاضره
.بطريقي للكافتريا ما انتبهت اكو احد ديمشي ورايه الا لمن دست على حصوه وردت اعثر حسيت احد لزمني رفعت راسي عمر :اول ما شفتها نزلت من الخط دتمشي ركنت سيارتي بسرعه ونزلت امشي سريع اريد اشوفها طول ما امشي وراها بقيت اباوع على طولها وجسمها وشعرها حتى يمكن اني حسدتها عين محب لان داست بكعب الحذاء على حصوه رادت توگع وركضت لزمتها وأول ما رفعت راسها گتلها صباح الخير
جاوبتني وجرت ايدها صباح النور أستاذ
عمر : رايحه للقسم /هنادي :لا للكافتريا
عمر:وحدج /هنادي :ضجت من سؤاله ما ادري ليش بدون تفكير كذبت و جاوبته لا ينتظروني فوگ من رخصتك تركته ومشيت
عمر :بقيت امشي وراها هي وصلت للكافتريا واني طلعت للقسم دخلت لغرفتي وبقيت افكر اكيد الي دينتظرها حبيبها بعدين حجيت ويا نفسي عمر انت ليش ضجت يعني ممعقوله كل هالسنين ما حبت .طلعت من غرفتي ورحت للكافتريا دخلت ادور عليها لگيتها گاعده بزاويه بالاخير ودتباوع من الشباك ارتاحيت من شفتها وحدها رحت كعدت كبالها على نفس ميزها /اندارت عليه متعجبه /ابتسمتلها ما اعرف احد غيرج بالكليه واضوج اكعد وحدي گلت اكعد وياج /جاوبتني براحتك شنو تشرب
جاوبتها شكرًا اني اطلب لنفسي بس اقترحيلي شي طيب كهوه لو شاي لو نسكافيه/ جاوبتني اني اشرب نسكافيه /
عمر أخذت الكوب من كدامها ورفعته شربت منه هي بقت تباوعلي مستغربه تصرفاتي گتلها طيب راح اطلبلج واحد جديد/
جاوبتني لا ميحتاج اني نازله وكفت لزمت ليدها / عمر :هنادي ابقي ويايه اشربي النسكافيه وننزل سوه الا اذا اكو احد ينتظرج جوه
هنادي :عصبني لان جنت كلش مرتبكه وتأثرت بي نسيت حتى اگله أستاذ جاوبته اتوقع اجيت شفتني وحدي ومجنت ناويه انزل لو مو انت اجيت وكعدت وكافي تلميحات وتحكم عليه بمزاجك واذا تريد تعرف ليش ردت انزل لان كعدتك ويايه مو صحيحه لان الكل تعرف ما اكعد ويا احد غير سرى
عمر :اوكي فهمت ابقي بمكانج راح اكعد بغير ميز دارت وجها على الشباك
