هنادي :بسيطه يا عمر تسألني عن اسمي و ردت تفشلني كدام الطلاب وتحرجني حتى ما ادخل محاضراتك مره لخ بس راح أخليك تشوفني كل يوم حتى بالقسم يم مكاتب الاساتذه بعد ما خلصت المحاضره طلب من عدنا نطلع لان الشعبه الثانيه راح يمتحنهم بهاي القاعه دا اطلع اني وسرى گلي هنادي ممكن تنتظرين بين ما اخلص الأوراق الي بأيدي عندي حجي وياج جاوبته ماشي وبقيت انتظره وطبعا جانت الاوراق حجه حتى يطلع اخر طالب ونبقى وحدنا
عمر:شفت اخر طالب طلع وگفت گبالها شلونج هنادي
هنادي الحمد لله أستاذ شنو الموضوع الي حضرتك تريد تحجي ويايه
عمر :هنادي انت عرفتيني اول ما دخلت مثل ما عرفتج لتغشمين نفسج والامتحان قبلت ااجله علمودج لان عرفت مراح تجاوبين
نكمل هنا حجي ونلفت الانتباه والطلاب يصير عدهم فضول لو تجيني لغرفتي ونحجي
هنادي :أستاذ عمر ما اتوقع اكو كلام بينا أو موضوع مشترك غير الماده والمحاضرة ومثل متعرف وقيمتني سابقا الي مثلي ميهتم لحجي الطلاب (تقصدت اذكره بكلامه من اتهمني بأخلاقي والي ماعدها اخلاق متخاف على سمعتها وعرفت افتهم الي قصدته ) لان جاوبني ماطول تشوفين ما كو كلام بينا آخذي راحتج .جاوبته شكرًا وطلعت
طبعا صحيح الطلاب صار عدهم فضول وسألوني وجاوبتهم انطاني تنبيه
عمر:شكد متغيرة شخصيتها قويه وردورها بعد أقوى صايره مره بكامل انوثتها بعدها حلوه وأنيقه وبعدها تذكر كلامي بذاك اليوم
اكيد هسه دتحس بكره تجاهي ومبين هالشي من وضعها اليوم اكيد حبت شخص خلال هالسنوات مثل ما اني نسيتها وصارت عندي علاقات ببنات بس اكيد ما حبيت وحده غيرها والدليل المشاعر الي تخربطت بداخلي وارتباكي صحيت من صفنتي على
دكت باب القاعه طالب :أستاذ ممكن ندخل /جاوبته تفضلوا
بقيت طول اليوم افكر بهنادي
هنادي :بقيت طول اليوم افكر بعمر اتذكر كل تفاصيل مرت سابقا وكل كلام حجينا وتذكرت اخر يوم بكل تفاصيله
وأخيرا قررت بعد التفكير أعيش يومي واتعلم من اليوم عمر استاذي بالكليه لا غير وأحاول ما اتواجه ويا برا المحاضره
