هنادي :اول ما بدا عمر يحجي نزلت دموعي وبقيت استمع ومصدومه بكلامه حسيت ألتأم جرح قلبي وحسيت عمر صادق بكل كلمه نطقها وكل ألم حس بي بعد انفصالنا
وبلحظات كل الحقد والغل الي بقلبي لعمر انتهى
ومن خلى ايده على وجهي وگلي مستحيل تكونين الغيري
جاوبته عمر اني ما اكدر أكون لغيرك ولا گدرت أحب بعدك
عمر : حبيبتي خلينا نبدي من جديد وبديت امسح دموعها
أخذت ايدها بأيدي وطلعنا گتلها وين نروح جاوبتني راح آخذك لمكان
واخذتني بممر بنص حديقه لگينا سرى دتنتظر هنادي من شافتنا انصدمت
كعدنا وياها ردت ألطف الجو المرتبك گتلها سرى انت تعرفين كل القصه لكن اكو جزء مفقود اليوم عرفته هنادي واني راح اترخص عندي محاضره
باوعت لهنادي حبيبتي من اخلص اريد اشوفج
هنادي :تلگاني هنا انتظرك
عمر :بس ردت اخلص المحاضره حتى ارجع لهنادي ومن طلعت لگيتها تنتظرني رحت كعدت يمها گتلها
هنادي اريد اتقدملج
هنادي :عمر خلي اخلص هالسنه
عمر :هنادي الخميس الخ اهلي يجون على اهلج لان اكيد الطلاب راح يعرفون اكو شي بيناتنه وما اريد احد يجيب سيرتج .
هنادي :عمر جان يحاول يخفي مشاعره بالمحاضره بس عيونه وابتسامته كل متصير عيني بعينه فضحته
اني رجعت للبيت فاتحت اهلي ووافقوا وبلغتهم الخميس يجون
صعدت لغرفتي شغلت اول اغنيه سمعتها من عمر بالتلفون
شحلو طوله من يمشي وانا رَآه عسى قلبي الحمل ناري وانا راه
بقيت الليل كله ما اكدر انام اريد يطلع الصبح حتى اشوفه
اليوم خميس :
هنادي المفروض موعد وصول اهل عمر بعد ٤ ساعات
خلود: انت كملي امورج واني اهتم بالباقي
هنادي :حبيبتي ان شاء الله يوم افرح بيج
خلود :هنادي عمر بعده حلو اليوم خالد اكيد راح يذكره
هنادي :هههه خلي اشوف وجهه من يشوف عمر هو يعرف استاذ متقدملي
بعد ٤ ساعات
وصلوا اهل عمر وصار تعارف وبعدين ابو عمر طلب ايدي من ابويه والحمد لله وافق وقرينا الفاتحة وبقيت اترقب خالد حسيته ما عرفه
عمر بقى يباوع عليه وعلى خالد ويضحك
من ديطلعون اهل عمر عمر راح سلم على بابا تشكر منه وسلم على خالد
خالد :من اول ما دخل عمر عرفته وتذكرت سالفة الرقم ثأري جان يستغفلني هههه
اول ما سلم عليه گتله ذكرني اخليلك الورقه الي بيها رقم هنادي بالكتاب اذا بعده ما عندك
عمر ابتسملي وطبطب على چتفي
هنادي : من وصل عمر واهله للبيت اتصل بيه وبقينا لوقت متأخر بالليل نحجي بالتلفون اخر شي بعد مسمعت صوته عرفته نام سديت الخط
عمر : وصلت للجامعه متأخر من بعد سهرت البارحه ويا هنادي بالتلفون
دخلت اول محاضره وبعدها الثانيه وكل شويه اتفحص جيبي ودا انتظر المحاضره الثالثه بفارغ الصبر لان اليوم ما شفتها الصبح
دخلت للقاعه شفتها ابتسمت طبعا بهالأيام حسيت الطلاب عرفوا اكو علاقه
بعد ما خلصت شرح المحاضره
انداريت على الطلاب گلتلهم بالمناسبه البارحه خطبت حبيبتي واليوم راح البسها الحلقه واريدكم تحضرون
صارت ضجه والطلاب يباركون رحت وگفت گدام هنادي كل روس الطلاب ويايه تمشي وتوقفت يم هنادي
طلعت علبة الحلقات
هي وگفت گبالي أخذت ايدها ولبستها الحلقه ولبستني حلقتي
الطلاب باركولنا
أخذت ايدها بأيدي وطلعنا من القاعه
بعدها بكم شهر اتزوجنا
وننادي كملت ماستر و تعينت استاذه بالقسم
ورا سنتين صار عدنا رامي وبعده سجى وقيس
بالمناسبه اخويه كرار اتزوج خلود أخت هنادي
وهالمرة خالد صار صدگ صديقي 😉وخال جهالي
تمت
