ما شفته بعد من اليوم المشكله لان غيرت طريقي وراها صارت العطله وبعدها من داومت صف ثالث عرفت بي تخرج من السادس وطلعله قبول بمحافظه واخوتي كبروا هم يرجعون للبيت بعدها تحولنا لغير منطقه بديت أنسى عمر بمرور الزمن والسنوات بس من يجي موقف يذكرني بي اعرف بعدني احبه .
فزيت من صفنتي وذكرياتي لگيت أستاذ عمر يشرح ومنتبه عليه جنت مو وياه تعرفون شعور لمن شخص غايب سنين وتتوقعون انتهت مشاعركم تجاهه أو تناسيتوا واول ما تشوفوا بعد هالسنين يرجع قلبكم ينبض بحبه اني حاليا هذا الي صار بيه بعدني محتفظه بنفس المشاعر لعمر وبنفس الالم الي سببلياه مشاعري متناقضه بين حب وبين اريد انتقم منه
صدگ بعد الحب وبعد العشره نلتقي مثل الأغراب
عمر :كلشي ممكن اتوقع لكن متوقعت القدر راح يجمعني بهنادي بعد كل هالسنين بنفس المكان ويوميه- شفت صدمتها من شافتني وبعدها شردت بالتفكير اتوقع رجعت للماضي وتذكرت اخر يوم مثل ما اني هسه تذكرته وكأنه البارحه يكذب الي يگول اول حب ينسي مستحيل والدليل جنت كل ما اسمع اغنيه لكاظم أتذكرها والي دا احس بي حاليا اكبر إثبات رجلي بدون وعي أخذتني الها وأول ما صارت عيني بعينها قلبي دگ بسرعه لكن حسيت على المكان الي اني بي والطلاب دتباوعلي ارتبكت وگتلها شنو اسمج رفعت حاجبها وجاوبتني اسمي هنادي أستاذ
عمر :هنادي اذا دتشوفين المحاظره ممله ودتخليج تسرحين طول الوقت تكدرين تطلبين الإذن وتطلعين
هنادي :جاوبته وبتحدي بالعكس أستاذ أسلوبك حلو بالشرح بس يمكن حضرتك ركزت عليه ومنتبهت على بقيه الطلاب هالحاله تصير عدنا كلنا لان وقت المحاضرات طويل لذلك اعتذر من حضرتك
عمر :فشلتني وجاوبتها بالعكس نبهتج حرصا عليج حتى متفوتج الماده ورجعت يم السبوره اكمل شرح ثولتني بس ردت المحاضره تخلص
