بديت أراهق بدون ما افكر هذا صح وهذا غلط والبنات يگولولي من يشوفج عمر هيج لابسه وممهتمتله والولد يركضون وراج راح يغار ويركض وراج اكثر ويطلب يطلع وياج حتى يشوفج ومن هالحجي بالفعل الصاحب ساحب لذلك خلو بالكم من بناتكم واستفهمو عن صديقاتهم وتعرفوا على اخلاقهم
المهم عمر بدا بالتلفون يتذمر من تصرفاتي ولبسي ويبررلي انت صح صغيره واللبس عادي للي بعمرج بس الي ميعرفج يتوقعج چبيره ويشوف هاللبس وهالتصرفات مراهمتلج بالاول عمر جان يخفي غضبه ويحاول يسايسني لان مفتهم اني بمرحلة مراهقه ويحاول يصحح تصرفاتي لكن رِن صديقاتي من جهه يخليني أنسى الحجي مالته عمر :التغير الي صار بشخصية هنادي تعبني وبقيت افكر شلون اعدل تصرفاتها لكن احجي و واعصب تمشي يومين صح وراها ترجع تعبت وصرت أغار عليها سامعين أغنية كاظم شحلو طوله چانت مفصله علينا هي طويله ورجلها حلوه ومن اشوفها لابسه شورت القصير ورجلها كلها طالعه احس افقد أعصابي واريد اسوي شي يتوبها بس الزم نفسي لان عنوديه ومدا افهم الي برأسها ولا اكدر اقسي عليها لان بعدها صغيره ومراهقه.
هنادي : بيوم جنت لابسه نفنوف قصير ومخليه مكياج خفيف بطريقي للمحاضره فكرت امر من شارع بيت عمر حتى اشوفه وردت يشوفني بهاللبس والمكياج حتى مثل مفهموني صديقاتي يتخبل ويبقى يركض ورايه دخلت للشارع چان وكت ظهر الشارع ما بي غير بس اصدقاء عمر ٢ ديمشون بتجاه بيت عمر دائما أشوفهم يوگفون ويا يم باب بيته
واحد وصل ودك الباب والثاني بقى يباوع عليه ويبطئ بمشيته الى ان وصلت قريبه عليه فتح ايده ويضحك سد الطريق عليه گلي يعني هيج جمال مشايف تجاهلته حاولت امر لزم ايدي عطت علي عوفني أدب سز
بهالاثناء شفت عمر طلع ركض ضربه وبقى يضرب بالولد گتله عمر عوفه اندار عليه ولي ما اريد اشوفج بعياط وگام عاف صديقه بالگاع /تركتهم ومشيت بقيت التفت خايفه وأسمعهم ورايه يتعاركون بالحجي هذاك يگله لعمر تضربني علمود هاي الساقطه الي مبين ما باقي واحد بالمنطقه ما لاعب بشرفها وعمر يعيط عليه يريد يضربه وصديقه الخ لازمه رحت للمحاظره وبالي يم عمر ورا ساعتين رجعت لنفس الشارع ردت اطمئن عليه وصدگ لگيته واگف وگأنه دينتظرني لان يعرف عندي محاظرات بقى يمشي بتجاهي وصل يمي گلي تعالي ورايه مشيت وراه رحنا وگفنا بمكان يم بيوت دتنبني بالجديد حتى محد يشوفنا
وگفت گباله دا احجي ويا حسيت براشدي فر وجهي
غطيت وجهي وبديت ابچي گلي كلشي انتهى بيناتنا
