يشيب الراس عشك الزغيرونه

جزء2

يشيب الراس عشك الزغيرونه
بارت2
بقلم (ام البنات)
بقيت انتضر تخلص العطله وداوم وانتضرته قريب على بيتهم اول يوم دوام علمود اندل مدرسته الجديده...
وطلعت من بيتهم اني مشتاقله حييل اباوع عليه كبرانه زعطوطي ....،كم يوم كامت تجي بخط اني ارتاحيت لان الوضع مو امن هيج احسن
وراه لحد مدخلت للمدرسه وبقيت هيج كم شهر ردت احجي وياه بس كلت خطيه طفله وخاف ميصير نصيب خلي اتقدم اله رسمي واذا مقبلو الله كريم..
فاتحت اهلي بلموضووع ومصدكو ...يومين امي راحت الهم...وره يومين دزو خبر...رافضين وجنت متوقع هذا الشي...وكلت ابقه انتضر...
وبقيت وراه واشوفه من بعيد ومشت الايام الطويله واجت العطله وعزطوطي نجحت للخامس..وهم دزيت اهلي ومطوه...تعبت وضجت كلت لازم اصير وياه علاقه اخليه تحبني علمود توكف بوجه اهله
كمت اتقصد اخليه اشوفني وحاولت احجي وياه ماكو متطيني مجال ضجت حيل تالي ياربي شسوي لا اضيع منيتال يجي واحد يفر عقله وياخذه شسوي.....
سبب رفض اهله هو بتهم صغيره ...بس اني اعتقد هم حسبو حساب شغلي ومركزي والوضع الخطر وعدي مسؤليات واهلي براسي مصاريف عدي هواي بس شسوي هذوله اهلي لازم اوكف وياهم....يعني فرق من ناحيت الماده
ميار..جان اكو ولد شكله مألوف الي كل مره يبقه يباوع عليه من بعيد لحد ما ادخل للمدرسه اني هنا صف خامس عدادي بعدين كام يحاول يحجي ويايه اني اخاف منه لان مبين عسكري اكثر المرات يجي لبسه رسمي وسلاحه وياه
رائد...بقيت احاول وهيه متطي مجال وقربت نهاية السنه وزاد عدي الخوف بعد ما اشوفه لازم اصرف ...
طلعت مثل كل يوم اروح اشوفه الصبح ولكيته تمشي وحده بشارع متاخره على الدوام تمشي سريع كسرت السياره
رائد..هاي ليش متاخره اليوم
ميار..فزت وخافت ...راحت عليه نومه والخط عاطله سيارته😔بعدين انت شعليك😠وليش لاحكني
رائد...بعد متلحكين تعاي صعدي عدي حجي وياج
ميار...لا انت تخبلت..بصفتك شنو لاحكني وتريدني اصعد وياك تره هسه الم عليك الناس معبالك اخاف😡
رائد..نزلت وانتجيت على السياره كتله اي لمي الناس بنيه ومتاخره على دوامه واكف يمه ولد تعتقدين راح يصدكون لو يكولون ضاربه دوام ...😈
ميار ...فدوه متكلي شتريد 😔
رائد..رايدج الج
ميار..انت شكد متستحي😳
رائد..جريته من ايده وصعدت بسياره كتله اصعدي نحجي وارجعج نهاية الدوام ولاتخافين اني رجال مو زعطوط حتى اسويلج شي...اخذته وطلعت بيه للكوفي مكان ناس قليل تروحله...
رائد..ميار سمعيني للاخير عدي هواي حجي وما ادري منين ابدي
ميار..منين تعرف اسمي😳
رائد.🤣🤣شكد قديمه كلشي اعرف عليج ولو تطيني مجال احجي جان عرفتي منين اعرف اسمج..
ميار..عفيه اني خايفه حيل اريد ارجع للبيت رجعني حباب
رائد والله ارجعج بس سمعيني..
ميار..😶اوكي
رائد حجيتله كلشي من اول يوم شفته وشلون دزيت اهلي مرتين وشلون انتضره وذكرته بيوم الدكيتله هورن ورزلتني حجي هواي بس كتله كله هذا اختصره اني احبج وما اريد غيرج اطيني فرصه بلكي تحبيني واذا معجبج امسي الليل الوضع عوفيني اطيج رقمي وخلينه على تواصل
ميار..بيني وبين نفسي نعجبت بي وبحبه الي حبيت حب الي ...وادري بي من زمان يراقبني واني معجبه بيه بس جرائته اليوم عجبتني حييل...كتله يعني تريد اسوي ويايه علاقه ....زين انت تعرف شنو يعني بنيه اسوي علاقه وي واحد متعرفه تعرف شنو يعني تطلع وي واحد متعرفه شنو يعني احجي وياك بتلفون؟؟ هو ساكت..اني اكولك شنو يعني ..يعني اعرض سمعتي وسمعت اخلي اليسوه والميسوه يعني اخون الثقه والتربيه وتعب السنين التعبو عليه اهلي..يعن.....جان يسكتني
رائد...باعي يابت الناس الكدامج رجال شاف من الدنيا هواي مو زعطوط كدامج ومن دا احجي وياج رايدج بلحلال واريد اتقدملج وخاف هم اهلج يرفضون وكتلج نحجي سوه عسى ولعل تحبيني حتى من اجي تكدرين تطين رايج واتمنه يكون بي تاثير على موافقت اهلج...
مجاي العب عليج حتى تحجين هيج وياج اني قبل متحطين خط جنت ابقه وراج وعايف شغلي اخاف عليج وابقه وراج لحد مدخلي للمدرسه واريدج رغم ادري برفض اهلج الي  تعتقدين الي يسوي مثلي واليحب كم سنه وينتضره تكبر حتى يزوجه يلعب ...
ميار...بقيت ساكته وحجيه اقنعني واني معجبه بي  ...كلي اطيني ورقه وقلم اطيته كتب رقمه وكلي انتضرج تخابريني...وهسه خلي نطلب شي لان لغينه هواي وجعت😩ومن اجوع اكوم ماشوف زين
ميار..😶
رائد لاتبقين ساكت هي شويه ونروح خلي اسمع صوتج...
مياره انت احجيلي عن نفسك اني ماعدي شي اكوله لان انت تعرف كلشي عني
رائد..هاي حقج خلي نطلب وبين ميجي اسولفلج..طلبنه اكل وبديت احجيله
باعي يا بت الناس ادري بيج بت خير ودلال واموركم الماديه ميسوره بس...جان تحجي ميار
ميار..من رخصتك بس اني مجاي اسأل على الماده لان متهمني اسألك عن نفسك حياتك اهلك شغلك...؟
رائد.حتى لو لازم تعرفين كلشي سمعي ابويه رجال متقاعد واني المعيل لا اهلي اخويه طالب كليه وكليته اهليه متكفل بمصاريفه وعدي اخت وحده بدبي عايشه امي مره فقيره ماله بلمشاكل لاحجي ولا تدخل كلبه  طيب كولش وفطيره حتى متعرف تزعل ...وبلنسبه الشغلي مبين من الزي شنو شغلي ...بس هو بصوره عامه احب شغلي وحريص عليه واطمح احسن وضعي قبل لا اعرفج جان اهم شي عدي هسه تختلف...اذا ازوجج نعيش وي اهلي لان ما اكدر اعوفهم لحد فتره اكون نفسي واسويلي بيت واهلي ما اكدر اعوفهم لان محد عدهم ..اخويه اسمه مصطفى واختي نور عدي سياره وعدي راتب محترم نعمه من الله ...وعدي كلب حب بنيه من صغره ونزرعة بكلبه😔شوكت تحنين عليه وتطيني رقمج
ميار..،من اتصل بيك يطلع رقمي..
رائد...يالله مدام كملنه اكل وعرفتي الي تردينه عليه خلي انروح حتى الحك ارجعج وي طلعت المدرسه .....وابو خطج هذا معجبني شلون ميجيج اليوم وترحين وحدج👊🏻
كومي وبعدين اني احله...
يتبع