يشيب الراس عشك الزغيرونه

جزء8

يشيب الراس عشك الزغيرونه
بارت8
بقلمي#ام البنات
خلصت السفره ورجعنه للحياة العاديه والشغل وميار رادت اداوم خفت عليها من الوضع مو زين بوكته جانت اكو هوسه...كتله اذا صفه الوضع سنه الجايه...
والاطفال كمنه منحجي بلموضوع بس الناس مترحم كامت اضوج تطلع من البيت حتى لا احد يسأله ورجعت تراجع دكاتره ...اخر شي صار عزلت نفسه عن الكل
بيوم طبيت كالت اكو دكتوره باربيل مضبوطه اخذني
صرت اعصاب كتله كااافي كاافي ارحميني وارحمي نفسج اني راضي واحبج والله احبج ما اريد شي من الدنيا غيرج عوفي الموضوع راح ادمرين حياتنه من وراه
كامت تبجي وكعد بلكاع ...كالت موبيدي اريد افرحك اريد طفل منك اريد اتعب من الحمل والوحام اريد احظر هدوم الطفل اريد اباوع على الجهال والحوامل بدون ما اغص واختنك اريد اتعب من السهر والبجي اريد من تجي اشكيلك تعب الجهال وهمه اريد اكبرهم واتعب عليهم واقريهم اريد ركضهم بلبيت وصياحهم اريد اشوف بحظنك طفل يكمز اريد اطلع واشوف الناس واعيش حياتي بدون ما اخاف من سؤال الناس ليش ماعدج اطفال انت تكول تعبت لعد اني شكول ...
كومته وكعدته على الجربايه كتله معليج من الناس عليج بيه اني ما اريد كل الي كلتيه اريدج انتي حبيبتي وروحي
ميار...رائد اذا تحبني اخذني بس هاي المره ابد بعد ما افتح الموضوع حباب
رائد صار والخاطرج خلي نحجز وشوفي شوكت حتى ادبر اجازه
ميار..حجزت عد الدكتوره ورحنه على الموعد سوتلي فحوصات كالت كلشي تمام وماكو شي بعد بس تحاليل وصيحي زوجج احجي وياه
طبينه اني ورائد للدكتوره كالت الفحوصات كله سليمه وهاي تحاليل اسوونه اعتقد اطول3ايام وتطلع وضع عادي هواي مابيهم شي وميصير حمل بس اكو طريقه تنجح ومضمونه وهي طفل انابيب ...تقبلون اسوونه
رائدمن كالت طفل انابيب ميار كامت تباوعلي بتوسل..
كتله دكتوره شكد تكلف هاي اطتني السعر
صفنت على ميار افتهمت هواي المبلغ
كتله نفكر ونردلج خبر بيوم التحاليل
الدكتوره..اوكي وهاي ورقه تحاليل الكم ثنينكم حتى اذا قبلتو كلشي جاهز..
طلعنه ميار ساكته محجت شي
كعدنه بمطعم كتله اني عدي فلوس لامهن اريد ازوج مصطفى نكدر نصرف منهن والله يعوض
كيفت وكالت اكدر اداين من بابا كتلها لا ناخذ من هذني وربج يسهل لحد ميقتنع ويزوج الله كريم..بقينه بشمال 3ايام تونسه بيهن لحد مكملت التحاليل واخذناهن للدكتوره طبينه ضحكت من شافتنه كالت وجهكم اليوم يضحك
ميار اي دكتوره رائد اقتنع بالانابيب
الدكتور بيه الخير التحاليل جبتوه
كناله اي اخذتهم وكامت تقره بيهم نزلت مناضره كالت صاركم كم سنه مزوجين؟؟؟كناله اكثر من4سنين ...
كالت الدكاتره بغداد شكالو كناله مكالو بس كلشي سليم
رائد..دكتوره خوفتينه اكو شي ...
الدكتوره سكتت بعدين كالت انت كل هاي الفتره انت مفاحص ؟كتلها لا مطلبو مني فحص
ميار..دكتوره اني كم مره من راجعت الدكتوره اطتني منشط لزوجي لان يشرب جكاير
رائد اي صح واني شربتهن بس كلينه دكتوره اكو شي خوفتينه ام البنات
الدكتوره..باعو كلشي بيد الله وماكو شي بعيد على الله بس انتو متفيدكم الانابيب
ميار..كامت تبجي دكتوره زين اي عمليه لخ اي  شي يطي
الدكتوره ...ماما انتي كلشي مابيج سليمه بس زوجج نسبته صفر يعني ميصير عده اطفال
رائد....هنا وكفت الدنيا عدي مجاي استوعب بقيت ساكت
الدكتوره راح اكون صريحه وياكم اكو علاج يرفع النسب ومن ترتفع النسبه نكدر نسوي طفل انابيب بس هاي الحاله نادر متصير الامل بيه ضعيف
ميار...من عرفت رائد منه السبب جمدت دموعي بعيني ما اعرف اصرف بيني وبين نفسي شسويت اني ليش جبته شلون راح يتحمل اني مره متحملت شلون وهو رجال لازم اصير قويه واصبره مثل ماهوه واكف ويايه بكل حياتي
كمت لزمته من ايده كتله يالله حبيبي كوم خلص بعد ماعدنه شي يم الدكتوره هو باوع بعيني عيونه حمره دم
كمنه وطلعنه الطريق كله ساكت وصلنه للفندق نزلت كال شويه واجي اجيب غده كتلها اوكي حبيبي انتضرك
رائد..اختنكت حيل مردت انزل وي ميار عفته وطلعت امشي ما ادري وين رايح رحت على مكان جبلي اماسي الليل
دموعي كامت تنزل جمر طبكت السياره لان بعد ما اكدر اسوق نزلت بقيت ابجي بحركه واعيط اريد كلبي يبرد ماكو تعبت من البجي وكعدت احجي وي روحي هسه حسيت بحركت كلبج هسه افتهمت ادموعج نار بيه وبعده الناس مسامعه السبب مني ..تحملتي كل هذا ومالج ذنب السبب مني ...
يتبع