يشيب الراس عشك الزغيرونه

جزء10

يشيب الراس عشك الزغيرونه
بارت10
ام البنات
ميار ..مرينه بضروف صعبه بس الحمد الله مدام سويه كلشي يهون يجي يوم وتفرج وره فتره سدينه الدين ارتاحين بقه بس القرض ينكص من الراتب شي بسيط ورائد ترقه وراتبه زاد يعني الحمد الله كدرنه نجر نفس ....
ودوامي مستمر
بيوم كعدنه الصبح رائد كال يالله اوصلج عدي شغل اطلع من وكت وانتي بطريقي كتله بس ابدل لبست جنز ازرك وتيشرت ابيض وبوتين ابيض رحت وياه ذبني
وصلت للكليه تعبانه مدري شبيه اول محاضره وبعد مكدرت خابرت السايق تعالي رجعت للبيت مسطوره والدنيا تفتر بيه
اباوع سيارت رائد بالبيت..اي همزين بلكي يبقه يمي مالي خلك
طبيت ذبيت اغراضي ادور عليه ماكو سمعت صوت كلت بالغرفه وصلت للغرفه سمعت صوت ويا كلبي وكف ورجلي خدرت فتحت الباب رائد بحظنه وحده تبوس بيه وثنينهم نازعين حتى من نقتل مرتضه منهزيت ونجرحت مثل هذا الموقف شافني وفز نزلت اركض بقه يصيح ركضت للشارع حتى تلفوني ما اخذته اول مطلعت وصلت لراس الشارع اركض جني مخبله محسيت ال سياره دضربتني ونزل يركض بيج شي احجي يمعوده اني بس ابجي شالني وصعدني بسياره اخذني للمستشفى...سمعو منه هو يحجي هسه
سلام حبايب احب اعرفكم على نفسي
احمد خريج هندسه مدني اموري توب ابن عن جد مدلل والعب بلفلوس لعب مصادق بنات الجامعه كله مره وحده حبيت ومن شفت غيرها عفته متعود عادي امي ميته وعدي اخوه اثنين وابونه ويانه يعني بيت كله شباب
اني شاب كشخه طويل وجسمي مرتب سيارتي اخار موديل عدي لحية عيوني كبار ورموشي طوال تجذب اكثر شي يشبهون عيوني بحسن الشافعي عمري28سنه ماكو شي اريد ما احصله كلشي يجي يمي والبنات كله تحبني هم شاب وهم فلوس وهم مهندس وهم حلوو جنت مغرور
مره فاتح شباك غرفتي وفاتت وحده حلوه كولش عجبتني ثقته بنفسه ومشيته .....كلت هاي اذا اشوفني اجلب ☺️☺️مو اكولكم مغرور😅
المهم وره كم يوم طلعت العصر هم شفت هاي البنيه تمشي وفاتت من يمي كلت ااااي هاي من المنطقه يمكن شو فاتت ولا عبرتني ولا يمه 😳😳اول مره افشل همزين مو يمي جماعتي جان خربت سمعتي المنحطه😂
وره اسبوع شفته براس الشارع دتمشي شفته راحت للسوبر ماركت نزلت للسوبر ماركت حاولت اجذب نضره ماكو فايده😠 عجبني شكله من قريب عيونه سود كبار وجسمه متروس ومرتب لبسه سبورت حلو وشخصيه مبينه قويه وخشم يابس ....
ردت اتحارش بيه اخلي تنتبهلي جانت تسوك فاني تقربت عليه اخذ من يمه شغله اصلاً مرايده جان تكفخني ريحته يبووووووو تجنن ....اسوكت هواي شغلات مال بيت جاي اطلع كلت خلي اصير جنتل كتله خيتي محتاجه مساعده اشيلهن منج كالت لا شكراً حتى مباوعت عليه
ابد مطتني مجال 😠 راح اكتله 👊🏻
تالي كلت ال اجيبه للدرب حطيته براسي بعد بسيطه اني اعلمج..😈
ثاني يوم العصر كاعد بلحديقه افكر بيه واندكت الباب راحت افتح شفته هيه اني كلبي طفر من مكانه فتحت الباب...كتله تفضلي كالت شكراً هذا ثواب وانتضر الماعون..كتله المن حتى نقهره الفاتحه كالت مرتضى
دخلت بدلت الماعون وغسلته وطلعت اطي اله بس بقيت افكر شفتح وياه موضوع ....سألت انتو جدد بلمنطقه ؟؟
كالت نعم! كتله موقصدي شي بس اول مره اشوفج او اسمع بمرتضى اني صارلي 3سنين هنا
هيه ابتسمت كالت احنه صار النه اكثر من30سنه هنا كتله 30بيت منو انتو كالت مو بيت احد وراحت مفتهمت شتقصد
اني صفنت😳30سنه واني ولا مره شايفه وين جانت
🤔وراج ال اعرف شنو سالفتج
بقيت اراقبه اشوفه تروح اكو بيت جبير وترجع تمشي مسافه لبيت ثاني وبيتنه صاير بين طريقه للبيتين يعني تروح تجي تمر من يمنه ...كلت خلي اقوي علاقتي وي الجوارين اعرف عنه شي
دا اسولف وي ولد من المنطقه سولفت وياه كتله منطقتنه زينه وناسه هادئه خوش ناس خو هذوله ولا الهم حس على البيت الجبير الي تروحله البنيه...كال هذوله بيت ابو مرتضى ناس ذهب من القدامه بلمنطقه اوادم بشكل خطيه ابنهم ولد شاب نكتل بطائفيه
كتله اي جتي هذاك اليوم بنيه شابه توزع ثواب كالت مرتضى..كال اي هاي اخته الصغيره مزوجه نقيب رائد كاعده هنا بيته ورجله هم من المنطقه ومعروف جان يوميه ينتضره يم المدرسه يموت عليه كتل روحه عليه وهي صغيره اصغر منه بهواي اهله ميقبلون يطوه بعدين قشمره خلاه تحبه وقنعت اهله واخذته بس خطيه ميصير عدهم جهال صار اله يمكن 9سنين مزوجين هيج شي كتله اذا9سنين مزوجين لعد شكد عمره هاي من ازوجت كال 17سنه يمكن جانت وي اختي بسادس ونخطبت
اني هنا خرب يوم تعجبني وحده تطلع مزوجه😤الله ميريد يصلح حالي كوه😢 وبيوم تعاركت وي صاحبتي مقبلت تطلع ويايه واني منا عصبي العجبتني طلعت مزوجه
طلعت من البيت وصاير اعصاب😤😤😤
يتبع..