يشيب الراس عشك الزغيرونه

جزء6

يشيب الراس عشك الزغيرونه
بارت6
بقلم(ام البنات)
رائد...صارت الموافقه وتقدمنه على الخطوبه وجانت زعطوطتي تجنن تموت وكتله ابد متغير لون شعره الاسود ليل يجنن حبيت كلشي بيه وجنت طاير بيوم الخطوبه
دخلونه وكطعنه مهر سيد وصارت مرتي ....بقو اهلي وكرايبي يهوسون يمنه.... واكو كوله (حبه ولك حبه ولاتخاف من امه)يعني بوسه ولاتخاف من امه😘 اني دنجت بسته وشاورته متستحين تخليني ابوسج 😜وغمزت هي افتهمت وضحكت...
فترت الخطوبه احله ايام عمري والمهر ابد مشرطو بيه جانت  قنوعه بكلشي كلشي بسيط لان تدري بيه يادوب
بس اني انقهر اريده تاخذ احسن شي
رائد..حبيبي اخذي الي يعجبج فدوه لكلبج لا اسوين هيج وج صار شكد اجمع بمهرج ما اريد اقصر وياج لا اسوين هيج
ميار...حبيبي هو لان تعبان بيه ما اريدتعبك يروح واريد يكفينه ورانه مصاريف هواي وعرس وتجهيز كل فلس يفيدنه ...
رائد..دا اكولج اخذي انتي شعليج تفكرين هيج عليج الحاظر انتي...
بس بيني وبين روحي فدوه لكلبج حبيبه يوم عن يوم احبج اكثر كتلها تدرين ميورتي اني راح اموت من حبج😔...
سوينه مهر لبستها ذهب وجانت تجنن 😢واني طاير بيهاعيني ما اشيلها منه امي شاورتني رائد يمه مريتك تسوه الصبر قمر ماشاء الله ربي يسعدك
مشت الايام بين تحهيز وركض وحبيبتي طلعت معدل78 وجانت تحب اصير مضيفه وهي قويه بلغه الانكليزيه  بس اني حجيت اله الصراحه ما اتحمل وتكمل كليه افضل الها....فقدمة على اداب فرنسي
اجه يوم الحنه حبيبتي اهلهاسوولها حنه بلقاعه رادو يفرحون بيه واني سويت حنه بيتنه حديقتنه جبيره لان ردت اسويلها العرس بلقاعه اريد افرحه
وبيوم الحنه قبل لاتخلص حنتهم رحت احنيه وبقيت اباوع على جمالها وطولها دبدوبه حبيبتي فدوه اروحلج ...
كعدت يمها كتلها بعد ماكو اكصر من هاي البدله😒
ميار...لا اكو😀
رائد😠 كلنه عادي بس مو لهدرجه
ميار ...حبيبي اليوم سماح 😘
حنيته ودا اطلع كتلها حبيبي بس اليوم ويتحقق حلم عمري 😊
ميار..☺️☺️
وثاني يوم العرس ركض وهوسه مخبوصين وديته للصالون ورجعت ازين السياره اني واخويه منلحك نركض جماعتي مقصرو كله تركضلي والجوارين كله ويايه الحمد الله ماكاطع...🙏🏼
بيوم الزفه عصيت بزدحام وخابرت اخويه يروح اله للصالون وراح يجيبه
وراه رجعت للبيت سبحت وبدلت ورحنه ناخذهز طبيت اباوع عليه كمر كلشي بيه حلو مكياج بسيط وشعرها مرتب كلشي بيه نازك والبدله عليها اجنن بسته من راسه ومن خدها واخذتها رحنه للمصور وراه للقاعه وصار احله عرس اهلنه وكرايبنه ليلة العمر تجنن صارت
ميار...بكد فرحتي حبيبي ويايه بس احس غصه بكلبي كل ما اشوف بابا بس يبجي وكالو العرسان يركصون سلو على الستيج دا اركص وي رائد اجه بابا حبيبي كله من رخصتك اخذه منك 👫ونركص اني وبابا دموع تنزل كلي عذريني خاف فد يوم قصرت وياج وخلي بالج شمتكبرين تبقين بت الزغيره وحبيبت كلبي باي وكت تحتاجيني تلكين موجود ورائد خوش ولد ميحتاج اكولج ديري بالج عليه هذا ولاتخلين الزواج يأثر على دراستج اني قبلت لان حسيت انتي حابته ومردت اخسر بخاطرج وخاطره
سكت شويه نزلت دمعته كال ،. اول موديتج للروضه بقيتي مجلبه بيدي وتبجين خايفه وبقيت اروح وياج سنه كامله امج تحجي عليه تكلي بلكليه انت هم اداوم وياها اكول اذا الله اطاني عمر اداوم وياها ...
ديري بالج على نفسج وصيري سباعيه
ميار..ابويه يحجي ودموعنه ثنينه موكفت اجه رائد
رائد...نقهرت عليهم ثنينهم يبجون حقه ربه وتعب واجيت اني على الحاظر اخذته رحت عليهم بست عمي من راسه كتله تلفون واحد باي وكت تريد تلكيه يمك ...
خلصت الحفله وزفونه للفندق 👰🏻🤵🏻
حبيبتي خايفه مني حيل كتله كلشي ما اسويلج لاتخافين
ميار..رائد راح ادخل اسبح بس افتحلي الماشات
رائد...اشتعلو اهلج ام الصالون ممخليه ماشه ماطته براسه...
كتلهاراح اسبح قبلج ما اطول لان خاف يجيبون العشه ...
طلعت طبت تسبح جابو العشه وراه طلعت كفخت بخشمي ريحت الغسول 😻اباوع عليها لابسه سيت ابيض يخبل الواحد😵
ميار..لبست سيت ابيض طويل بي جاكه طويله وضهره كله حفر وصدره كيبور ومابي روب طلعت خجلانه بس حاول اسوي نفسي مدايره بال كتله جوعانه كلش🤤
رائد..بعد مكام ميطلع صوتي لساني صار ثكيل تحجي ويايه ما اجاوبها بس احس رجليه وحدهن يمشن الهارحت عليه وحظنتهاحييييل بقيت اشم بيها ...وكوه مسيطر على نفسي ما ريدها تخاف مني صغيره وانقهر عليها ...ردت تندمج ويايه اول 
ميار..حظني واني احس روحي طايره بوساته ذوبت روحي خده من يطخ بخدي شفافه يمشيه على ركبتي كلشي بي يذوبني حتى نفسه بعد كمت ما احس برجلي هو حاضني ومخليني ما اوكع ...شالني وخلاني على الجربايه ونام يمي وبقه يبوس بيه جان كولش رقيق ويايه بس احسه ديرجف وكوه مسيطر على نفسه ....ونسيت الدنيا كلها وياه....كام شاف دموعي لاحبيبي لاتبجين اسف والله موقصدي حاولت ما اذيج...
ميار..لا حبيبي عادي بس كوم لان جوعانه..
رائد...خس الجوع حبيبت كلبي اني اوكلج بيدي...
ميار...اباوع جسمي وجهي كلشي بيه احمر كتله شوف اثار لحيتك😑
رائد...شسوي اذا انتي كيكه
احله ليله جانت صدك ليلة العمر منايمين للصبح سوالف مشاعر حلوه جانت موجوده بهذيج الليله صبح علينه الصبح...
يتبع