يشيب الراس عشك الزغيرونه

جزء3

يشيب الراس عشك الزغيرونه
بارت3
بقلم(ام البنات)
ميار..رجعني براس الشارع ورجعت للبيت فرحانه ومصدومه معقوله اني جنت كاعده وياه وطلعنه 😳بس شكله حلو مرتب وحباب واهم شي يحبني واني معجبه بي ...خلي افكر بلموضوع والله كريم بس خلي اركز بالمتحانات الفصل الاخير عدي مهم...
رائد...مشت كم يوم وهي مخابرت اني ضجت
مره راجع للبيت وشفت ابوها عاطله سيارته....طبعاً هو ميعرف شكلي لان بكل مره ادز اهلي مرايح اني..
نزلته كتله حجي محتاج شي
الاب..والله ابني خاف اسوي زحمه عليك ولدي بدوام وبعيدين
رائد... ادلل عمي بسيطه اعتبرني ابنك وهذا حق الجار على الجار
الاب.ليش انت من المنطقه
رائد اي عمي من المنطقه بهذيج الصفحه بيتنه اعرف المنطقه كله لان قديمين بيه احنه...
نبشت بسياره وبقيت اسولف وياه وحجيتله على شغلي لان لان شافني بزي العسكري بلكبي كتله لازم اقوي العلاقه واخليك تحبني وكتله اي شي تحتاجه عمي خابرني وهذا رقمي واطيته الرقم كملته السياره اشتغلت وراح وطلعت اني هم رحت
وهاي الفتره كله ميار ممتصله ابد
ردت اروح للسوبر ماركت الي يمنه لكيته معزل ومخلي قطه ابو ميت كلت خلي اروح للسوبر ماركت الي يم الحب..
رحت لكيت ابوها كاعد يرش بلحديقه سلمت عليه وعرفني كلي تعال اكعد خلي نشرب جاي الجو طيب ودنيا عصر طلع كراسي بلحديقه وكعدنه نسولف سألني على الوضع والامن كتله والله عمي جاي اصير عدنه حالات خطف بنات شابات وهاي نعتبره مصيبه ردت اخوفه حتى ينتبه عليها
الاب .والله يا ابني عدي بنيه وحده ومشلوع كلبي عليها من تروح لحد مترجع اني شايل هم
رائد..عمي حطله خط...
الاب .مخليله خط بس مو مضبوط مرات ميجيه وتروح وحده وقبل يومين اطانه خبر راح يبطل ميجيه ....واخونه شغلهم التزام ميكدرون
كتله اذا تريد ادبرلك سايق الها مضبوط
الاب.والله ياريت ولو مبقه شي ويخلص الدوام..
رائد ...عمي احنه اهله وهاي شي بسيط بس احصل الها اخابرك بقينه نسولف لحد ما اذن المغرب كتله اترخص ....
رجعت للبيت مكيف لازم ادبر الها خط زين
اعرف ولد من الجوارين عده سياره يشتغل خطوط كوه قنعته ياخذها وحدها وكتله اطيك زياده هو افتهم البنيه تهمني واني مسويله شغلات هواي فقبل..
خابرت ابوها...الو مرحبا ابو مرتضى؟؟اي هله عمي رائد ...عمي ليكتلكم خط وراح ادلي البيت وادزه الكم باجر يجيكم والولد امين بركبتي لاتخاف..
ثاني يوم راح الولد ومشيت وراهم لحد مدخلت المدرسه
وبرجعه لحكتهم واشرتله يطبك..
نزل الولد من شافني نزلت من السياره مديت راسي عليها كتلها باعي اليوم اذا مدكيتي عليه متلومين ال نفسج😠ورحت
ميار.اجاني خطي الجديد ولد فقير ميحجي ابد بس من دنرجع طبك ونزل كلت خاف السياره بيه شي شو جان يجي رائد وعصبي كلي انتضرج تخابرين اليوم اني من شفته فزيت وفرحت بنفس الوكت اماسي الليل
ورجعت للبيت كملت دراستي من وكت وصارت11دكيت عليه
رائد..ب11دك تلفوني اني جنت كاعد يم اهلي بصاله من دك التلفون كمزت مصطفى كلي لازم هاي مرت اخويه ادك على كيفك يابه اثكل باوعت عليه كتله نجب بعدين اتفاهم وياك👊🏻🙌🏻
رحت لغرفتي فتحت اصيح الو الو هيه ساكته كتلها وتالي عايز شلعان كلب حتى راسي شيب من وراج
هيه ضحكت وكالت الو...كتله من فدوه لهذا الصوت الحلو ولهاي الضحك ليش مخابرتي ..كالت استحيت وجان عدي دراسه هواي ...
رائد...هاي المره اماسي الليل عاذرج مره لخ لا تعيديه وبقينه نسولف لل3مدري منين يطلع الحجي وياها اخر شي نعست كالت حروح كتله لا بقي الخط مفتوح ونامي بقينه الخط لحد مغفينه
كعدت الصبح رحت وراها شافتني وضحكت وبقينه على هذا الحال وخلصت المتحانات وهي كامت تحبني وتعلقت بيه حيييل
تحبني وهو هذا المطلوب😜
خلصت امتحانات وبقينه قليل نشاوف بس من تطلع تكولي واروح اشوفه اناسي الليل
ومره كالت ضايجه وكلت لبابا راح ياخذني للمطعم كتله يا مطعم اطتني العنوان كتله نشاوف هناك...كالت عفيه مو تبقه تباوع عليه خاف اخوتي ينتبهون كتلها اصبريلي حتى نتعشه سوه اليوم هيه تضحك عبالها اجذب عليها متدري بيه اخر فتره حتى اخوانه صارت عدي بيهم علاقه وطلبوني بشغله  صارت عدهم مشكله بسياره ...بكلبي ال اصدمج😈
يتبع...