يشيب الراس عشك الزغيرونه

جزء7

يشيب الراس عشك الزغيرونه
بارت7
بقلم(ام البنات)
كتلها اني اسبحج بيدي زعطوطي .....سبحتها مثل الطفله وادغدغه وتضحك عبالك طفله وهي صدك طفله...كل ما اباوع عليه اكول الحمد الله صبرت ونلت
رجعنه للبيت وتلكونه اهلي بذبيحه ومزيقه وعشنه حياتنه عسل بعسل
حبيبتي ميوره مدلله متعرف تطبخ ودتحاول تتعلم من امي وكل مره تحرك اله شي واني اكله لان ما اريد اكسر بخاطرهاوحتى اشجعها وامي من نوع اطول خلك فعادي عدها ...بده دوام ميار واول يوم اخذت ابوها للكليه ....
اني رحت الشغلي عادي حياتنه حلوه وكلشي بيه حلو
ميار ...كل يوم اكعد احمد الله على رائد احس نفسي بعدني بدلال ابويه بعدني يحبني ويدللني واهله ناس طيبين كولش والماده احاول ما اضغط عليه بلمصرف لان عده مسؤليات هواي ويريد يزوج اخوه دنحاول نلزم نفسنه بلمصرف ....اكثرت المرات جان يخلص دوام هو يمر عليه ياخذني جنت اشوف روحي بي حبيبي ومن حقي بعيوني اشوفه احله واحد بدنيا ...
فات على زواجنه 6اشهر
واني بالحديقه خاله وعمو يكعدون يمي واني ارتب بيه نسولف واضحك على دهرتهم بيناتهم...اجه رائد عيونه حمر وجنه باجي ...ما اكدر اسأله اخاف من جوابه حاسه وراه مصيبه اكو.....كلي امشي ابوج متخربط ركضت عليه ولزمته من وجه عليك الله بابا بي شي ابويه مات...بداعتي احجي
رائد لا والقران وداعتج وعيونج مابي شي ابوج بس تعبان لازم ترحين صعدت وياه بهدوم البيت برموده وتيشيرت بسياره كلي شميكون اريدج قويه حبيبتي ...اني ميته خوف كتله انت لو بس تكلي شكو جان ارتاحيت
رائد ....صدكي اذا اكلج مراح اشوفين الراحه بس انتي صبوره وسباعيه ..
مياره ..امي بيه شي اخوتي فدوه بس احجي ...رائد دموعه كامت تكت سكتت لان ما اريد اسمع منه الخبر الموزين بس احس نفسي رايحه على موتي رايحه واكو مصيبه ماله حل...
وصلت لكيت صياح وهوسه باب بيت اهلي ...
عمي وعمتي اجوي ورانه... رجليه كمت ما احس بيه
نزل رائد لزمني ونزلني بس اسمع عياط ما افتهم شنو السالفه...كلت ماكو غير امي ميته ..شويه سمعت صوت امي تعيط لا لعد مو امي بقيت اباوع بلوجوه اريد اشوف منو من اهلي ماكو ادور بابا ماكو ...كتله رائد بابا وين...كلي هذاك ابوج اباوع ابويه بلكاع وايده على راسه ويبجي كوه جريت رجلي كعدت كباله
بابا فدوه اروحلك فهمني شكو شبيكم ابويه بقه يدك على راسه كلي راح مرتضى اخوج نكتل ...اني تخبلت بقيت اصيح ياربي حلم ياربي كابوس بشع كعدني منه رائد من وره حاظني ويبجي...
رائد..جنت بشغل اجانه ابلاغ جريمه قتل شباب ثنين بمنطقتنه اني كتلهم اني اروح لان اعرف المنطقه كله...رحت .....اباوع لا يالكعبه هذا مرتضى بقيت ابجي جماعتي شبيك تعرفه كتلهم هذا اخو مرتي..شكولهاهسه شسوي ...ما اكدر اكول لعمي كتلهم اخذوهم للمستشفى ودزو على اهله وعمامه واطيتهم العنوان وصيتهم يمهدون شويه شويه خفت لا امه ابو يصير بيهم شي وسبقتهم للمستشفى وبقيت لحد ما اجوي ودرو وبقينه نبجي وهوسه صارت كوه رجعتهم ورحت اجيب ميار اماسي الليل
اوووف يا ميار شراح اكولها شلون وهيه تنقهر على الغريب رحت لكيته بلحديقه تضحك وي اهلي بقيت اباوع من بعيد شلون اوخر هاي الضحكه منج....
طبيت واخذتها بس مكتلها اخوج نكتل اخذتها ورحنه مكدرت تنزل من الخوف متدري شصاير خفت عليها من الصدمه لان بقت تباوع بلوجوه وراه رادت ابوه وديته اله كابلته تسأل شكو تريد تفتهم كله اخوج نكتل وهو يكسر الخاطر
اول مره صفنت بقت اصيح لا لا بابا شتحجي بعدين ربي حلم بشع كعدني منه وكامت تملخ بوجه حيل وتلطم حيل خفت عليهاكعدت على ركبي وشبكته من وره حيل حتى لاتضرب نفسه صارت الفاتحه والتهيت يوم كامل مشفته بس اسمع صوته وامي تكول يبجن الصخر هي وامه بقيت ابات بجادر ومحد ينام كلنه كاعدين لل1بعد ما اتحمل طبيت اريد اشوفه وايهم اخوه اصلاً مطلع بقه حابس نفسه بلغرفه ولا يحجي وي احد وهيه جنهامخبله واول مشافتني ركضت جيتت بحضني وتبجي بحركه رائد اخويه رائد كلي شسوي طفت عين من عيوني انت مو تكلي اخليج اسعد وحده اسوي كلشي علمود اشوف ضحكتج يالله رجعلي اخوي واني اوعدك ما ابطل ضحك وتبجي وتكمز بحظني تكلي كلبي ديحترك بدل ما افرح بي وبعرسه رائد شلون شفته بس كولي شلون جان شكله متاذي هواي سولفلي  ... اني ما اكدر اجاوبه حاظنه واسكت بيه ايدي على راسها جنها طفله صغيره وتايه من اهلها متدري شسوي روحها مفرفحه بقيت ادعي بس كون الله يصبرهم على هاي المصيبه ....بقت بيت اهله شهر واني اروح يمهم كل يوم ومرات ابات
وره شهر كتله تعاي ويايه مشتاقلج حيل ..سكتت كالت من ترجع بليل مر عليه ...
رحت عليها واخذتها ورجعنه دخلت للبيت مختنكه اول مطبت للغرفه طكته بجي بقيت اسكت بيه لحد مغفت بحظني....مشت الايام وميار تركت دراسته لان كامت متلحك وهيه هم من مات اخوها نكسر واهسه واني خفت عليه لايصير بيه شي بحكم شغلي كتلها كعدي فتره لحد ميتحسن الوضع وفات سنه على وفات اخوه وعلى زواجنه سنه و6اشهر ومصار عدنه طفل مردت احجي وياها كلت خليه معايزه هيه اماسي الليل
بيوم كاعدين بلحديقه ونفسيته تحسنت وبدت تتعود وامه نزعته الاسود دنسولفه ..
رائد..ميار حبيبي اريد احجي وياج بس خاف اضوجين
ميار..ادري بيك موضوع الاطفال؟
رائد ...اني مو صغير واريد اطفال خلي نراجع دكتوره حتى اذا اكو شي لاسامح الله نتعالج نسوي انابيب المهم حتى نعرف نصرف
ميار..حجيك صح بس شوفلي دكتوره زينه واروح
رائد سالت على دكتوره كالو مضبوطه بلحارثيه اخذتهاورحت كلتلي قبل لاتنزل اذا طلع بيه السبب تعوفني؟؟
كتلها روحي من الدنيا انتي اذا منج السبب اكيد اكو علاج واذا ماكو انتي بتي 😘اماسي الليل
ميار..رحت للدكتوره فحصتني وطلبت تحاليل كالت ماما مابيج شي وهاي منشطات حتى يسرع الحمل وكتله فرح كال لعد ربج يريد يختبر صبرنه الحمد الله
بقينه كل شهر اراجع واخذ ابر وادويه ومنشط وكلشي ماكو كمت ما اشتهي من القهر العالم اكلو كلبي ليش مصار وليش مصار طفل نفسيتي حيل تعبت
رائد ..ميار كامت تذبل مرات اكول من الادويه ومرات اشوفه اعصاب اكول من حجي الناس...
حبيبي ميوره عوفي الادويه وكولشي بيد الله كافي اضغطين على نفسج خلي نسافر نتونس من ازوجنه لليوم ممسافرين
ورحنه سفره تونسنه بيه كولش وتغيرت نفسيت ميار هواي وجانت تغار اذا وحده تباوع عليه واني هم اغار لان مرتي حلوه وهي ممحجبه شعرها وجسمها مرتب كلها تجذب احس الي يشوف يباوع عليه نفس نضرتي يتبع..