يشيب الراس عشك الزغيرونه

جزء9

يشيب الراس عشك الزغيرونه
ام البنات
بارت9
بقيت ابجي لحد محسيت نفسي شويه خفيت من الضغط صعدت ورجعت
ميار..رائد تاخر ردت اخابره بس كلت خلي براحته حاسه بي خلي وحده
رائد ..اخذت اكل ورحت للفندق طبيت لكيت ميار كاعده والخوف مبين عليها اول مطبيت ركضت حظنتني ليش هيج تخوفني عليك
رائد..لاتخافين مابيه شي بس ردت اكعد شويه وحدي تعاي اكيد جوعانه
ميار ..من دريت السبب من رائد تاذيت اكثر لان ادري صعبه عليه والي يقهر يقهرني هو ما اكل كال ما اشتهي وراح اتمدد اني هم رحت يمه اطاني ضهره رحت حظنته حييل وبقيت اشم بيه وابوس اندار عليه كلي راح تعوفيني
اني كمت كعدت كتله شنو!!ليش اعوفك
رائد...ما اخلف...
ميار...ليش معفتني انت من جنه عبالنه السبب اني ..
نفس الي الجنت تكوله الي اكول الك لان جنت حاسه الحجي يطلع من كلبك وهسه هم من كلبي انت اعز شي بحياتي واذا ردت اطفال علمود افرحك وعلمود تقوه علاقتنه بس الله مكتبه والحمد الله عوضني بحبك وحنانك ....لاتفكر ولو دقيقه وحده اعوفك حظني حيل ونزلت دموعه
رائد..وعديني بيوم الي تملين تكوليلي يوم التحسين نفسج بعد متتحملين كليلي
ميار...لازم مليت مني ولاكيلك وحده صاكه😒
رائد....تعاي يمي تعبان حيل اريد اشمج وارتاح ....
ميار...اجه حط راسه على صدري وحضني حيل نقهرت عليه حييل موسهله ..
رائد..بقينه يومين ورجعنه من الشمال وميار تضحك ومتونسه وتسولف عليه شلون ونسته وفرحانه
امي كالت ...يمه ما اريد اضغط عليكم بس وجه ميار احسن من هذيج الايام بشروني اذا اكو شي
ميار لا خاله ماكو شي..بس الدكتوره تكول كلشي ماكو بس اكو ازواج ميتوالمون سوه ميصير عدهم حمل وهذوله فئه قليله يعني كل الف اصير بواحد واحنه هذا الواحد
اني صافن عليها مطت بيه واعرف امي راح تكلي ازوج غيرها ...سكتته كتلهايمه اني ما اخلف وحجيتله كلشي ميار بجت كالت ليش حجيت كتلها هيج احسن كافي 4سنين اضغطين على نفسج وادري راح كله تكلي ازوج حتى يعرفون ويسكتون بعد كمت وعفت امي تبجي هي وميار صعدت اتمدد وره شويه اجتي ميار سبحت وبدلت كالت نعسانه نومني اخذته بحضني وغفينه كعدت ميار ماكو وره شويه اجت كلتلي كوم شينومك بليل امشي نشرب جاي وطلعت كرزات حتى امر لا اهلي مشتاقتلهم ..
رائد...مشت الايام وكله تسأل على الاطفال ميار متقبل نحجي السبب تكول ماكو توافق
كمنه نلم علمود نشتري بيت حتى نطلع لان مصطفى خطب والبيت ميكفي اول مره طلعنه اجرنه صار علينه ضغط اساعد اخويه على زواجه وادفع الايجار وراه
اداينه واخذنه قرض واشترينه كاع يم اهلي واهلها بنفس المنطقه  وكعدنه نبني  بيه شويه شويه بس مرينه بضروف صعبه كولش وميار جانت صابره على المره قبل الحلوه متشتكي ومتطلب ابد اي شي مني
مرت علينه ايام نحير بلكمتنه حتى بوكته كلت همزين ماعدنه اطفال جان شلون دبرت اكلها عذريني مقصر وياج تكلي لا الي جاي اسوي الي انت اعذرني خاف جاي تضغط على نفسك بسببي
وموضوع الاطفال نسد ابد منفتحه اقتنعنه بالامر الواقع
ومشت الحيات عادي ميار رجعت قدمت اوراقه تريد اداوم
كتله داومي شعده كاعده بالبيت وكلت اخليله سايق الله الحافظ..
هذا الحجي فات على زواجنه 8سنين وكمت اسمع الحجي اشكال الناس عرفت السبب مني لان بمجتمعنه المعروف ماكو رجال يسكت اذا مو منه السبب اكيد يزوج
كمت انقهر واحس بنقص ميار كامت تلتهي عني بدوام حسيت بنفسي تغيرت اباوع بلمرايه الشيب ترس راسي عمري38سنه صار عمري واني ماعدي طفل يعين كبرتي
ميار اباوع عليه بعدني اشوفه طفله لابسه صدريه وضفيرته طويله....حبيته وعمره15اخذته وعمره 18وهسه 26عمره كبرت ونحرمت من احله شي بحياته بسببي كمت افكر هواي واضغط على نفسي بشغل وترقيت صرت نقيب
وميار ملتهيه بدراسته طبعاً غيرت دراسته لان بقت مصره اصير مضيفة طيران قبلت بس كتله متشتغلين بس تخلصين وتكعدين قبلت هي وصلت مرحله2وشلنه بيتنه الجديد ...ومرتاحين شويه شويه سدينه القرض والدين
بدينه نشتري اغراض للبيت ونجهز بي شويه شويه على كد العدنه
ميار..مرينه بضروف صعبه حيل بس الحمد الله مدام سوه كلشي يهون ...