يشيب الراس عشك الزغيرونه

جزء5

يشيب الراس عشك الزغيرونه
بارت5
بقلم(ام البنات)
رائد..ميورتي جان احله يوم بحياتي 😉
هيه خجلت وابتسمت
رجعنه للحيات اني شغلي وميوره دوام وامتحانات وافتهمت اني ما ادك عليها علمودهابس رغم هذا حددت وكت استراحته من الدراسه تكون الي ....نسوي منبه ومن يدك نسد التلفون..
ومشت الايام وبدت امتحانات حبيبتي والتهت عني واني كلبي نار عليها امر للدوام اشوفها لان ما اتحمل
ميار .حبيبي حيل مشتاقتله الله كريم مبقه شي حخلص امتحانات وارتاح...
مشت الايام وخلصت المتحانات
رائد..ميار حبي خلصت المتحانات وصبر ماعدي بعد راح اجي اخطبج وهاي المره اني اجي مو اهلي...مو تتخلين عني اذا رفضو اهلج حتكدرين تقنعينهم ....
ميار.رائد خايف حيل
رائد...نخليه على الله وهو يحله...اليوم العصر امر لا ابوج والله يهدي ويريح كلبي😢
رائد ...رحت العصر بسيارت وطبكت باب بيتهم دكيته وطلع ابوها هذاك الملكه والسلام ..احب ابومرتضى مو بس لان ابو الحب بس هو مريح وسبورتي من يحجي وياك تحس كلشي سهل كتله عمي جايك بشغله عدي طلب يمك بس كون متردني كلي عمي عيوني الك شنسه منك وكفاتك ويايه وي الولد تفضل للستقبال وكول كل العدك..
دخلنه وقدم الضيافه اني ساكت.. كلي اشرب البارد ونحجي
كتله عمي راح احجي بس احجي وياك اول مره كصديق واسمعني للاخير...
ابو مرتضى ..ابني خوفتني احجي
رائد...لا عمي ماكو شي يخوف ان شاء الله خير
كتله اني رجال بنيت نفسي بنفسي واشتغلت واني بعدني ادرس كلشي جربت وكلشي اشتغلت ومريت بضروف صعبه بس مافد يوم مديت ايدي لا احد والحمد الله كدرت اوكف على رجلي وعنت اهلي الي فضلهم عليه مينحجي بي ...من يوم تخرجي لليوم امي تتوسل ازوج واني ارفض الفكره بس بيوم شفت بنيه عجبتني اخلاقها ومبينه بت اوادم وتقدمة اخطبه اهلها رفضو لان صغيره ورجعت وره سنه هم تقدمت وهم رفضو
بعدين بين هاي البنيه بتك ميار واني جاي اخطبه منك للمره الثالثه وهاي المره متمسك بيه اكثر من كل مره
لان جنت رايده الها ومن عرفتك ردتها بعد اكثر
نسبك يشرفني وياريت ماتردني خايب والي اطلبونه اني حاظر...
ابو مرتضى..والله ابني ما اعرف شكولك ...انت الف واحد يتمناك تناسبه واني اعزك واحبك ورجال يعتمد عليك واكدر اامن بتي يمك ..بس ابني اول شي شغلك خطر الله يطيك الصحه والعافيه وثانين بتي اريده تكمل دراسه...
رائد...عمي لاتستعجل فكر بلمووضوع واشوف الاهل وبلنسبه لشغلي محد ضامن عمره حتى لو اكعد بلبيت الي كاتبه الله يصير وموضوع دراسته اني ماعدي مشكله تكمل اذا هيه عاجبها
ابو مرتضى...اطينه مجال نفكر وندرلك خبر
رائد...براحتك عمي اترخص اني واسف خاف ازعجتك
ابومرتضى..لا عمي نورتني جيتك على العين والراس اشرف بيك
طلعت وخابرت ميوره كتلهاحبيبي بقت يمج اني العليه سويته بس صيري سباعيه واحجي وي اهلج
ميار.ان شاءالله حبيبي
وره يومين ابويه صاحني وكلي على رائد وكلي بابا الولد ابن اصول واخلاقه عاليه ومحترم بس انتي تتحملين تعيشين ضروفه لان مو مثلنه هو على كد الحال
ميار. بابا انت طول عمرك تكول لاخوتي الرجال موقف ومافديوم حسينه اكو فرق بين الناس بسبب الماده كل واحد ورزقه
ابو مرتضى.. عيني ام مرتضه بتج جنه اطتنه الموافقه 😒
هاي هيه ارجع خبر للولد باجر ادز عليه...
ميار ..صعدت فرحانه لكيت رائد دازلي رساله والله متت من القلق ابوج مناوي يرحم بحالي ويوافق
اني كلت ما اكوله😈 خلي ابويه يكله حتى افرحه
خابرته حبيبي ابويه سالني كتله موافقه كال نشوف اخوتج ونسأل عليه ولو اني ممقتنع بزواجج بعدج صغيره ...
رائد....روحي حبابه مالي خلك احجي 😩
رائد..ثاني يوم دك عليه ابوها وكلي جيب ابوك وتعال تعال نتفاهم ورحت
لكيت اخوانه ثنينهم كاعدين واني ويايه ابويه واخويه
كعدنه بدو يحجون واني خايف وقلق خاف صاير شي او عرفو عدي علاقه بيه وسووله شي لان ممخابرتني من البارحه لليوم...
ابو مرتضه ..ابني انت اجيت وطلبت بتي احنه مو افقين بس عدي جم نقطه ما اريد تعتبره شروط
ابو رائد..تفضل حجي ....
ابو مرتضى...اول شي عدي تخلص دراسه اني هذا اعتبره مهرهاوماكو زواج لحد متطلع نتائج وتقدم كليه وغير هذا ماعدنه اي شروط..
ابو رائد...عمي هاي اخذه مني مو من ابني طلبكم اعتبرو تم واي شروط تريدوه حاضرين
ابو مرتضه ...احنه ماعدنه شروط شارين رجال ورائد ونعم الرجال ..
يتبع