يشيب الراس عشك الزغيرونه

جزء14

يشيب الراس عشك الزغيرونه
بارت14
بقلمي ام البنات
ميار...اجتني رساله (كم هو مؤلم حضورك في قلبي وغيابك عن عيني)
دزيتله (هجرت بعض احبتي طوعاً لاني رايت قلوبهم تهوى فراقي...نعم اشتاق ..ولكن وضعت كرامتي فوق اشتياقي ...ارغب في وصلهم دوماً ...ولكن طريق الذل لا تهواه ساقي) للكاتب احمد شوقي
رجع دزلي(اني عشقتك..واتخذت قراري
فلمن اقدم ياترى اعتذاري...
لا سلطه في الحب تعلو سلطتي..
فالرأي رأيي والخيار خياري...
هذه احاسيسي فلا تتدخلي ارجوكي بين البحر والبحار)
ضحكت بعدك على طبعك متتغيير .....احبك بس بعد ما اريد اضحي بحلم من احلامي لخاطرك اخاف من غدرك...ومن حبك
رائد...اجاني احمد وكعد حجه ويايه كلي فصخت الخطوبه لان ميار متكدر تحبني حاولت بس جان شي مستحيل ...اني خسرت الانسانه الوحيده الي حبيتهاواجيت اكولك لا تخسرها منتضره منك شي يبدر صدكني اي شي منك راح يحسن الوضع بينكم حبكم اقوه من كل الضروف الي مريتو بيه وانت بعد اخوك هدي العب😜👊🏻عدك مره تسوه الدنيا كلها
رائد..تره جاي تتغزلي برمتي😠
احمد..طليقتك😒 من ترجعها عود احجي😏 اذا انت هيج حامي شلون تعوفه وهي الف واحد يتمناه ويطمع بيه روح رجعها ولاضيعها منك بعد ....لا اصدك سهله عليه كاعد وياك واكولك رجعها وتحبك اني دا ارش ملح على جرحي بس ما اريد حب سنين يضيع علمود نزوه وغلطه وميار مذبوحه بلياك ميته وبيدك تحييه....
رائد...من طلع احمد دزيتلها رساله  ورجعت دزتلي وبقيت ادزلها.....
بس كامت متجاوب بس تفتح الرساله واني قابل ميخالف بس كون تفهم وتسامح
رحت لدوامي واجاني صديقي كلي طلعت الموافقه على الاجازه مالتك...كتله كولش زين
كلت خلي اروح احظر نفسي واحجز واسافر رحت لا احمد حجزت عده كلي هاي شنو يمكن نفس الرحله انت وميار!!!
رائد..ليش ميار راح اسافر،....
احمد...ليش متدري..ميار اتوضفت مضيف طيران على الخطوط الجويه العراقيه...
رائد....شكد عنوديه سوتهاوسوتها 😕
المهم كيفت اني وياها بلكي ننجمع بنفس الطياره وحاولت بكل جهدي معارفي هواي بحكم شغلي وساعدوني ورتبت وضعي اكون وياهابنفس الطياره ....اجه يوم السفرصعدت مشفتهابالبدايه لحد مالمحته واكفه ولابسه الزي بدت تتحرك الطياره وبقيت انتضرها تصير قريبه حتى اخليها تجي صحتهاومنزل راسي لحد موصلت يمي ...
ميار...فرحانه حيل راح يتحقق حلمي واخيراً حضرت هدومي ورحت للمطار طايره من الفرح صعدت بطياره وراهاصعدو المسافرين وبدت تقلع الطياره وبديت اسوي شغلي وافتر عليهم خاف احد مساد حزام الامان بنص وصاحني واحد ممكن مساعده ...مدنج راسه يسوي بحزام الامان وكاعد يم الجامه محد يمه فارغه..رفع راسه كلي الحزام مدينسد اني😳رائد هو ابتسم بمكر😈 كتله شجابك كلي شنو شجابني ميصير اسافر 😏وبعدين شنو انتي تبقين اسولفين وي المسافرين هيج كل واحد يصيحج👌🏻
شوفي شغلج عيني يالله اني بس صافنه ...دنجت كلي بعدها ريحتج ادوخني ...اني وخرت وعصبت او سويت نفسي عصبيه واني فرحانه بشوفته 😻
رائد كمت باوع عليهامن بعيد تجنن صايره بس ضعفانه بس نرجع اخليها ترجع اصير دبدوبه ...
ميار...كمت ما اطلع هواي للمسافرين ماريد اشوف رائد واتخربط ما اعرف اصرف واني اول رحله الي .....
بس لازم يتوزع الشغل علينه ميصير اتكاسل من اول يوم .. وزعنه الاكل...وصلت يمه لزم ايدي كلي بس لا هم حاركته ...متعلمه كلشي جديد اجربينه براسي😜
ميار جريت ايد وكملت شغلي بدون حجي وراها زميلتي لمت الحافضات..
وكمت اوزع كهوه وجاي...اشرلي تعاي اريد رحت كال كهوه ..
ميار..انت مو متحب الكهوه😒
رائد...الي جرع مر فراكج يجرع كلشي مر ....الشفته بحياتي امر من هاي الكهوه...😞☹️
ميار😶😶😶 عفته وكملت شغلي وكعدت
واجت زميلتي كالت اخذيلج فره خاف احد يريد شي مخده او شي لان طفو الاضويه حينامون دخلت اشرلي رحتله كال اريد مخده...اطيته وياه غطه
رائد..بس مخده ما احتاج غطه
ميار..بارده انت متتحمل...😐
رائد😵هااا
ميار..لا هيج براحتك ...
رائد..مرت عليه ليالي متت من البرد لان مجان حضنج الدافي موجود😪
ميار. عفته ورحت وره شويه اشرلي ...اهوووو شراح يخلصه وياه 😤😤 تفضل 😠
رائد..اريد بندول....
ميار...💊تفضل ..بعد اكو اوامر
رائد سلامتج😐
مياره مفات ربع ساعه وهم اشرلي زميلتي شبي وياج هذا  ميار..مخبل الله ذبه عليه😠 حبابه روحي انتي..
راحت ورجعت كالت ميقبل ال انتي...روحي لايسوي مشكله...
رائد..من صحتها دزت مضيفه لخ ..كالت تفضل كتلها لا صيحي زميلتج كالت عيب هيج تشوه سمعتها كل شويه صايحهاوهي بنيه جديده الي تريده اني بمكانها...
رائد... ميار حبيبتي ومرتي وزعلانه مني ...
المضيفه..لعد اذا هيج راح اصيحها😜
ميار...نعم😠تفضل😡
رائد..ليش صايره اعصاب
ميار ...وكعت رجليه من الروحه والرجعه😤شنو رايك لو اكعد يمك واسكت😑
رائد...والله احسن شي كلتي اليوم 😻
مياره. الضاهر ماعدك شي تريد تلعب والحمد الله مبقه شي راح نوصل...
رحت كعدت كالو راح نوصل كمنه نتأكد من حزام الامان كلي مدينسد دنجت اسده باسني من خدي 😘 اني😳انت تخبلت
رائد...لو تدرين شكد مشتاق لخدودج زعطوطتي😔
ميار...عفيه كافي ارحمني معايزه تره...
يتبع