كوني أمرأه

كوني أمراءه 1

الكاتبة just me

حسان عمره ٣٣ سنة عايش ويا عائلته المتكونة من الجد والجدة الوالدين و٣ ادخوات واخ واحد الاخت الجبيرة جواهر ٣١ سنة وراها هيثم ٢٧ سنة هاله ٢٤ سنة خولة ٢٢ سنة .العم ابو جاسم عنده جاسم متزوج ومسافر وعنده ٣ اطفال هند ٣١ سنه رحيم وليلى. و٣ عمات ام حيدر ام ناظم و العمة خالدة بكد حسان ماعدها اطفال عايشين بمنطقة حلوة كلش بيوتهم بنفس المنطقة اكبر بيت ابو حسان لان بيت الجبير عايشين وياهم الجد صابر و الجدة خيرية وعدهم مزرعة جبيرة مقسمة عليهم يروحوله دايما شغلهم انتاج البان ومشتقاته عدهم مزرعة مواشي ومعمل بنفس مزرعة كلهم يشتغلون بيها بس حسان تاجر خيول بالاضافة الى حصته بالمعمل.بيت ابو حسان نقلو بيتهم لمزرعتهم كلش راقية وبيها كل شي موفرها الهم حسان حتى يخلصون من الروحة والجية بقيت عوائل بقو ابيتهم يجوهم بالاسبوع ٣ ايام عطل ويرجعون بس همة مستقرين بسبب المعمل قريب عليهم ومو بعيد على المدينة بس صارت شغلة لحسان قرر يعيش بمزرعتهم .اني حسان بيتنا متروس من جهال وعوائلهم ضجت ردت اتمشى واطمن على مهرتي فتحت الاسطبل مشيت على كيفي حتى مازعجهم لخيولي سمعت صوت همسات وضحك كافي مشبعت ولج تعاي صاير اسبوع مشايفج دمرتيني اوف منك هيثم لاتعضني عرفت صوت ليلى بنت عمي ويا هيثم طلعت اعرف هيثم ميسوي شي غلط يعرف حدوده مردت احرجهم رحت كعدت بالزرع مسوي نافورات وشلالات صناعية غمضت عيني اتذكرت نفسي جان عمري ١٧ سنة جنت احب هند وهي تحبني اموت عليها جانت حلوة وتبين اكبر من عمرها وفعلا تصرفاتها مال كبار وقوية راسها يابس واني جنت ضعيف كدامها فاستغلتني ابشع استغلال واني هيمان بيها جانو يكولون من واحنا صغار هند لحسان يكبرون نزوجهم بقت بعقلي هاي راح تصير مرتي واني حسيت نفسي مسؤول عليها من واحنا صغار جان جدي بعده عايش ويانه ومزرعتنا صغيرة بالسنة ٥ مرات نجي ملتهين بالدوام والمدارس ابويه جان بالجيش عقيد وجنا عايشين على مزرعة الموواشي مجان عدنا معمل جدي وعمي وابويا يبيعون يشترون جنا ايد وحدة كلنا كلشي سويه اكل شرب طلعة طبة سفر لغير محافظة عائلة مترابطة هند جانت كلشي بحياتي عدنا البنية تخلص ثالث متوسط تكعد بالبيت يشملهم كلهم هند كملت كالت الا ادخل معهد معلمات كلهم عارضوها مقبلو .فديوم جنت نايم بغرفتي سمعت صوتها تبجي واكفة على راسي شبيج هند صاير شي اي مستقبلي راح يضيع من وراكم انتو مو اهل عدو حبيبتي ليش هيجي تكولين لاتكول حبيبتي انت جذاب بس حجي حرام عليج اموت على تراب رجليج تكوليلي جذاب اي لان موكفت بصفي والله والله اذا مدخلت معهد معلمات مثل صديقاتي تحلم أصيرلك مرة افتهمت جريت ايدها عيني هذا قرار جدي اخواتي قبلج نفس الشي ولا حجو ليش معارضة اني مو مثلهم اني عندي طموحات باقي سنة ونتزوج تحلم اتزوجك اموت نفسي ليش متحبيني احبك بس انت متحبني شتريدين اسويلج حتى اثبتلج حبي الج جرت لحاف طبت للفراش باوعتلي بدت تبوسني متجاوبت بقيت مصدوم اول مرة ابوس بنية كتلها شدتسوين احبك حسان اموت عليك كومي اخاف احد يجي ماكو طالعين لاتخاف بقينا بحضن بعض ساعتين تبوسني وتطلب مني اشياء واني مثل مخدر بيدها ولج انتي منين تعرفين هيجي سوالف اشبيك حسان ترى اني وحدة متعلمة واني شنو كدامج حسان دا احسك بارد شنو مشايف مسامع لا شايف سامع بس ممجرب انتظرج نتزوج ماكو زواج لحد ماتخرج واصير معلمة ومنو يقبل تدخلين انت تروح على جدي هو يحبك وانت هم كمل السادس وادخل كليه زينة اريد اتباهه بيك كدام صديقاتي اكول زوجي هيجي وهيجي مو مثل هسة احسك صغير اني اريدك رجال وكلمتك مسموعة مو مثل اخوية جاسم شوفه متزوج ومخلف صارلة سنة عبالك زعطوط بعده ينتظر اوامر من بابا وجدو ترى اني مرة قوية اريد رجال مثلي مخلتني احجي شي .رحت على جدي حجيت وياه كتله هند مو محجوزة وتنتظرون اكمل السادس حتى نتزوج اي حسان تمام انتو لبعض زين مادام هيج اني بحكم مسؤول عليها راح اخليها تكمل دراستها أي عيني وبعدين حسان افندي كول تريد تكسر كلمتي خواتك عماتك كلهم مثلها هي بشنو أحسن من عدهم ترى لسانها طولان اهواية وراسها يابس بس مو عليه بنت حمود اني الها اذا مخليتها خدامة بالبيت فلا اني صابر بس هذا باقي كوم من يمي تفو عليك صدك مو رجال واني معلمكم اصول مرجلة من وانتو صغار بس الظاهر صاير شخشيخة بيدها جابت راسك وانت مطايل منها شي لو تتزوجها تمسح بيك مجالس رياجيل صير رجال وروح اضربها راشدي كدام امها بلكي تربيها وكوللها هذا جواب اللي يكسر كلمة صابر.اني فزيت ابجي وابوس أيد ورجل جدي الله يخليك جدي اللي تريده سوي بيا بس هند لا تكسروها ابوس رجلك كوم حيوان اشبيك ابوس رجلك وافق زين راح اوافق بس انت تكمل السادس وتشتغل ويانا كلية ماكو عجبا هي تكمل تقبل بيك لو لا وراح يجي يوم وتبجيلي مثل هسة بس مو عليها على نفسك مردتك تشوف ذاك اليوم بس انت متعرف مصلحتك عظمك طري وهسة كوم من كدامي ماريد اشوف خلقتك .حسان طرت على بيتهم رحتلها جانت بالحديقة كاعدة وتسمع اغاني امها جانت تطبخ كتلها خالة وينها يعني وين لو بغرفتها لو بالحديقة موتتني متساعدني لا بالتنظيف لا بالاكل عكس خواتك بس كاعدة تتلاسن وتتفلسف براسنا كله من وراك انت وعمك ضحكت خالة اشبيج كلها سنة واتحملوها راح اخذها لأميرتي اي عيني روح انت وياها صيرو امراء ابيتكم رحتلها للحديقة خليت ايدي على عينها حبي شون عرفتي من ريحتك حاسة سابعة مرتي دولي شنو مرتي كول اميرتي اشسويت خلص وافق صدك حبيبي اي عيوني راح اصير معلمة واحلى معلمة حبي يالله واخيرا اتحقق حلم واحد عندي جم حلم عندج انتي كومة بقت تحجي بأحلامها بس اني ماكو بيناتهم مدققت كتلها يجوز نست من الفرحة لزمتني تبوس بيا وتحضني بقينا على هالحال لحد ماكملت السادس اشتريتلها تليفون وخط جان ناظم ابن عمتي الوحيد اللي يدري بعلاقتنا شافنا اكثر من مرة ويا بعض هو صديقي وصندوق اسراري جان يحذرني منها هو يكرهها يكول شايفة نفسها اهواية ومسيطرة عليك اكوم اعوفة وازعل منه يرجع يصالحني يكول انت اخويه بس ماتحمل اشوفها تستغلك أهواية معليك ناظم خلى تستغلني حلال عليها اني كملت السادس بديت اشتغل ويا جدي وعمي ابويا تقاعد وهم بدى يشتغل ويانا كالولي كمل دراستك مقبلت لان انطيت وعد لجدي اشتغل واكمل دراستي مقابل دراسة هند كلهم جانو زعلانين لان ماكمل بس اني جنت فرحان لان حققت حلم حبيبتي ناظم دخل كلية عسكرية جنت نتشاوف بعطلته بس بيناتنا اتصال جان يكولي انتظرك بلكي تعقل وتسجل ويايا اني وهند بقينا على حالنا بوسات واحضان عمري مكتلها سويي ويايه شي هي جانت تطلب مني تكولي اشبيك حسان احس اني الرجال وانت زوجتي اني احضنك اني ابوسك كلشي اني انت بس تتفرج ترى اضوج هيجي متحبني اموت عليج شنو ماحبج هند انتظر ليلتنا بفارغ صبر مو هسة اكمل يالله ترى اني مو مثلك صايع ضايع هند اني صايع ضايع ولج عفت كلشي ودااشتغل علمودج حتى نتزوج باقرب وقت لا عيني ترى شيكولون عليه ناس زوجج لا شهادة لا جمال حسن نفسك شوية صدك هيجي انتي تدورين مظاهر ناقصج شي اني وابوج مقصرين وياج عدنا كلشي حسان اشبيك حبيبي اكلتني انطيني مجال ترى شغلكم مال ناس قدامى هسة ناس تجارة سفر سياحة شركات مو انتو شايفين نفسكم ملوك وانتو راعين موواشي بكد اصابيعي شنو عيني هذا حجي ترى الموواشي مالتنا مشهورة بالمنطقة وعددهم اسم الله عليهم متنعد اكثر من ١٠٠٠٠٠٠٠راس ليش مصغرة عايلتج وشغلهم ترى بديت اخاف منج بدت تبوسني ونستني الحجي طلعت ضايج خابرتني عمتي خالدة هي ويانا بعدها ممتزوجة تعال اريد احجي وياك شكو رحتلها ها خلودة بعينك احترمني اني عمتك شعندك ويا هند عرفنا تتزوجها بس ميصير اللي تسووه عيب وحرام والله لو ابوية وابوك يدرون يذبوحها وياك ماعندنا شي وهاي دتكولين نتزوج شفت صدرها مكان عضات ترى هي كالتلي ولا تستحي وكالت حسان افندي كلش بارد ميعرف بالنسوان خجلت واحمريت اني وعمتي اصدقاء بس متوصل هيجي حجي وهاي هند اشكد غبية اسف عمتي احبها واحاول متتكرر نعم نعم تحبها اتزوجو وفضوها متريد هسة تكول اكمل يالله نتزوج اوف منك ترى انت شخصيتك حلوة وحباب بس كدام هند انت لا رجال ولاعندك شخصية ضربتها راشدي مسيطرت على نفسي اسف عمتي تفو عليك حيوان ادبسز ساقط ولي من كدامي بعد لساني ميطخ لسانك افتهمت ياناقص .طلعت ضايج خابرتها حجيت وياها كالت شكو بيها هاي حسودة ماعليك منها .حسيت هند اتغيرت طلعات طبات من كيفها اكوللها وين تكول وتخزرني وتعيط ماعليك بيا تكوم تزعل مني اموت نفسي يالله ترضى عليه اهلى كلهم يعرفون اني احبها وضعيف كدامها كلشي تريدها اسويلها حتى لو عدنا ممنوع كالتلي بعد اتصال اسبوعين اريد اروح حفلة عيد ميلاد صديقتي شنو هذا الحجي هند احنا ماعدنا هيجي شي ماعليه قنع جدي اذا مرحت اعتبرنا منفصلين زين تدللين راحت بالرجعة جنت دا اطلع من بيتهم شفتها تنزل من سيارة وياها بنية ولد يسوق شكلهم عجيب غريب سلمت وراحو كالتلهم هذا ابن عمي وبس لا كالت خطيبي ولا شي كأنما انسان عادي كتلها منو هذا وليش رجعتي وياهم جنتي تخابريني .كامت تصيح هههههي بس هذا باقي ترى ابويه بعده عايش انت شكو اني مو حبيبج اي مكلنا شي من هسة تتحكم بيا ترى بديت اضوج منك كافي ارحمني زين حبيبتي روحي ريحي وخابريني .رجعت للبيت لا خابرت ولاشي اخابرها مقفول صارت مرحلة ثالثة لا تخابرني ولاتحجي ويايه احسها تهرب مني مرات اخابرها تليفونها يا مقفل يا مشغول رحتلها لبيتهم كتلها اشبيج ماكو بس دراستي صعبة وهسة ثالث اريد اقرا ماريد افكر بشي زين واني خلي اكمل امتحانات والله كريم ممشتاقتلي ردت ابوسها مقبلت كالت هسة امي تجي ماريد احد يشوفنا كتلها هند تكملين وتنجحين من ثالث نتزوج اي زين وصرفتني .صرت كل وقتي ويا جدي ارجع للبيت ويا اخواني بس نفسيتي دمار كلهم يسألون اشبيك اكول ماكو بس ناظم يعرف خطية دايما يستأذن وينزل علمودي مرات اشتاقلها بالليل اخابرها مقفول اكعد اسمع اغاني وابجي اتصالحت ويا عمتي اني ماتحمل اعيش منعزل عن عائلتي احبهم ويحبوني بس هند غيرت بيا وكسرتني اني ماشوف غيرها مع علم اني كلش حلو طويل وابيض على سمار وشعري وعيوني سود بس ممهتم بنفسي كاتل نفسي بزيارات رياجيل ومابين شغل ماعندي طلعات شبابية بكل مجالس جدي وكعدات اعمام ابوية اني حاضر ومناسباتهم كلهم يحبوني ويعزوني بس كدام هند ماعرف نفسي اني شنو ومنو نجحت من الثالث فرحت سوينالها حفلة رحنا للمزرعة كلنا اني جبتلها كيك وشموع وهدايا كملت حفلة كتلها اريد اشوفج وحدنا نروح مكانه سري بالمزرعة كالت اني هم عندي حجي وياك بس باجر اليوم تعبانة اها صحيح اشكد كلفك غراض وتجهيزات حفلة حتى انطيك فلوسها شنو هذا حجي هند شكو بيها ماريد احد يصرف عليه اني مو اي احد سكتت مجاوبتني بس كلبي مقبوض نظراتها وحجيها تكول اشياء تخوف بس كلت باجر اشوف شكو هند تليفونج ليش مقفول دايما ماريده قفلته ممكن تفتحيها اليوم اريد احجي وياج ماكدر حسان تعبانة اريد انام .رحت افتريت بالمزرعة مزرعتنا صغيرة يادوب تكفينا نريد نغيرها بس الاراضي اللي بصفنا اسعارها غالية تأثر على ميزانيتنا مأجلين موضوع للمستقبل جتي هالة اختي كتلها ليش وحدج مو هند تحجي ويا صديقتها ردتها تاخذ راحتها اشكد صارلها تحجي ٤ ساعات ميشبعون من بعض شنو يعني منمتو لا والله ماكدر انام ويمي هند خاتون وانت شعندك كاعد وحدك يمكن مشتاق لناظم اي والله اموت عليه الله يخليكم لبعض امين حبيبتي هالة ممكن اطلب منج شي عيوني اخويه تسلمين هند عدها تليفون لو من امها تاخذ لا مشترية تليفون جديد وخط جديد حتى القديم اليوم كالتلي ذبيتها موديله معاجبني قديم حتى خولة كالتلها حرام جنتي تنطيها الي وكفت على حيلي والدنيا وكفت ويايا اشبيك حسان حبيبي ماكو هالة هذا حجي بيناتنا ماريد اسمع كايلته لحد افتهمتي وهسة روحي انام ضليت طول الليل افكر شسالفة ياربي سترك كمت فجر صحيت ويا جدي وعمي وابويا نصلي ونتريك بس اني بغير عالم جدي صاحني اشبيك حبيبي حسان ماكو عيني شويه ضايج علمود ناظم ويغمزلي حتى عمي ميفتهم كالي بس اشر وكول هسة اجيبه كدامك واخلي بيدك هو يقصد هند بس يغير بالاسم حتى ميفتهمون بعدين كلبي مو هسة عمي ضحك يبه شيجيب ناظم هسة ٤ ساعات يالله يوصل ترى دتعلم حسان على معجزات امشي ولي حمود تتمسخر عليه حاشاك يبه بس حجيك مو معقول ابويه كال تعال حمود احنا منكدر على ابوك وحفيده تعال نروح لخيريه خاتون تسويلنا كهوة من ايديها .اني هم طلعت وراهم جدي جان يزفر ويحرك براسه راد يحجي انهزمت خابرت ناظم خطية جان نايم اشبيك حسون كلبي صاير شي اهلي ياأخي ماكو بس مشتاقلك ترى اني مو هند لاتشتاقلي مافيدك ولي حيوان اللي عنده وحدة مثل هند شلون يفكر بيك صار هيج اني الك الله عليك ناظم كلبي مقبوض ابقى ويايه على الخط ماتحمل اجيك لا عيني لا تجي راح تنفصل من وراية يفداك كل شي تسلم عمري يالله كمل نومتك اروح اشوف النسوان اوك مع سلامة رحت كعدت بحض امي عماتي عيب كوم صرت رجال طول بعرض ترى مبقيت لابوك شي .ابويه اي والله خواتي حبيباتي ترى اخوكم محروم من وراهم من مرتي جدتي جاوبته يا جذاب ترى انت اخر واحد يحجي هيجي ليش يومه ترى اني ابنج خيريه خاتون وصي بنت اخوج عليه اعرفها بعد عيني ممقصرة وياك ترى سامعتكم صوتك يوصل لغرفتي عزا انفضحنا يامرة يباوع لعمي ولك ابو بخت كاعد ابيت وحدك تسرح وتمرح ماكو حولك احد لا تحسدني ترى اخوك من ورا ليلى محروم من مرته يومية عدها اعذار وتجي تنام يمنه هسة عرفت هذا عين وصابتنا من وراك اعرفك عينك حارة ضحكت عليهم طبعهم كلش حلو .حسان داانتظر هند تكوم واحجي وياها متحملت رحت لغرفتهم دكيت بابا مرة مرتين ماكو جواب دخلت شفت هالة نايمة وهند جوا لحاف وتهمس شلت لحاف انصدمت وكع تليفون من ايدها شلته سمعت صوت رجال هنودة وين صرتي سديت تليفون وكعت من طولي هي بقت ترجف وتباوعلي ركضت على هالة كومتها خافت شكو كومي طلعي برا اوكفي بالباب لاتخلين احد يدخل عليه افتهمتي اي .