كوني أمرأه

الجزء 3

اني ريم ١٨ سنة صف رابع اعدادي رسبت سنتين بسبب بنت عمي صديقتي الوحيدة نهلة هي متحب الدراسة ومتخليني اني هم ادرس تدخل بكل شي بحياتي اني ضعيفة  شخصية من وراها متخليني اتنفس اذا ماستشيرها عندي اخوان ٢ عدنان وعلي عدنان متزوج نهى اخت نهلة وعدهم عبودي عمره ٣٥ سنه وبعده علاوي ٣٠ سنة وبعدهم اني اميل اكثر شي لملابس صبيان ماحب ملابس واكسسوارات بناتية دايما اخذ من ملابس علاوي لو اخلي يشتريلي مثله ادلل عليه اهوايه اهلي ميكولولي ليش هيجي تتصرفين ماحترم احد لساني طويل بس اخاف من عدنان لان ميتفاهم  عبالهم اني بعدني طفلة يحبوني لان جيت بعد معاناة عايشين بيتنا وبيت اخوية مشتمل بصفنا وعندي عم واحد ابو حسن كلش حباب احسه صديق مو عم بس زوجته وحدة ام مشاكل متكعد راحة وابنهم حسن واحد قصير واصلع شعره خفيف يحسب نفسه توم كروز دايما يحجي عليه هو امه انتي هيجي وانتي ماعرف شنو محسوبه على بنات بس مسترجله بس نهلة اتكولي هذا يحبج ومن الحب ماقتل جنت كاعدة بغرفتي دخلت عليه نهلة ولج لحكي شكو خير هاي زينة اللي بشعبتنا اتزوجت واحنا محد دك بابنا ولج خلي نلحك نفسنا قبل مانعنس شنسوي بالله نعلن بالتلفزيون لو جرايد لا مدمغة اشبيج الحل يمي اني نهلة ام الافكار اتحفينا بالافكار اني راح اقنع حسن يخطبج وانتي علاوي ميكسرلج كلمه خلي يخطبني وبهذا خلصنا نفسنا وراح نبقى بنفس بيت اي صدك راح احجي وياه خفت اكوللها هو ميحبج بقت تمدح بحسن لحد ماراحت .انتظرت بالليل دخلت غرفة علي كالي ها ريمو اشعندج عفية علي اريد اسألك سؤال كولي انت اكو بحياتك بنية لا والله غير ابوج واخوج كاتليني بالشغل يمتى اصادق بنات من شركه لمعمل روح انصب اجهزة تبريد لفلان وعلان كفرت خلصت معهد تكييف وتدفئة الله بلاني بيهم هههههه اي ضحكي شعليج مدام هيجي وانت كبرت وعندك فلوس ليش متتزوج هههههه صرتي خطابة كتكوته روحي نامي بعدج صغيرة على هالسوالف واذا لكيت بنت حلال راح اتزوج مو اني لكيتلك منو هي ننهلة نعم نعم عيدي نهلة الحية ام اللسان مع الاسف عليج تريدين اني اورط نفسي بهيجي بشر متوقعتج تكهرهيني لهالدرجة ترى نهلة حية افتهمتي ديربالج منها انتي على نياتج ليش هذا عدنان مو اتزوج نهى اشبيها والله عيني ريم خاتون اذا متخاف من عدنان جان من زمان موريتج جلدها الاصلي الحية الثانية بس بين فترة وفترة اخوج يقوم بالواجب وياها فهي تخاف اما الكوبرا ام حسن فهي لاحدث ولاحرج لسانها الله يستر راح اطير الرجال منها عوفيج منهم باجر معزومين على مزرعة صديق بابا منو هو يمكن اسمه ابو حسان جان ويا بابا بالجيش عرفت مشايفين بعض من ١١ سنة فاليوم بالصدفة مرولنه للمحل فلزم علينا نروحلهم للمزرعة وقريبة على معملهم اتفقنا  انسويلهم تدفئة وتبريد سبحان الله حسيتهم عبالك من زمان وياهم مو غريبين عليه ماعرف اروح انام هسة .خابرت نهلة باجر انروح للمزرعة ماكدر اجيلج اني اسفة يامزرعة حجيتلها السالفة كالت يع انتي شون ترحين للقرية ترى هذولة نسوانهم مثل وحوش هسة راسهم متروس قمل لو ترحين لازم تلبسين بركع عباية لا خوفتيني ماروح خلص اي سمعي كلامي ترى اني قنعت حسن راح يتزوجج من تكملين السادس اوك لعد ليش يحجي ويايه هيجي يحبج غبيه باجر انتظرج.الصبح ودعت اهلي مرحت وياهم كتلهم تعبانة صدكوا رحت لبيت عمي شفت ام حسن بالحديقة سلمت كالت اشعندج من هالصباح تفترين بالبيوت اجيت يم نهلة لان اهلي معزومين وين بمزرعة صديق بابا وامج ليش ماخذتني وياهم ولا كالتلي مو عيب عليكم شلون اهل انتو متحبون بس نفسكم اني الها ام البخت .بقيت طول اليوم اسمع حجي من حسن وامه ماعرف ليش يكرهوني جانت تمدح بنات اختي هيج دلوعات سنعات مو مثل بعض ناس استغفر الله مدري مرة لو رجال متعرف تلزم مكنسة ٢٤ ساعة على الايباد وهو يكول اي يمه مسترجله رحت لبيتنا سلمت ورحت نمت بالليل جعت صحت علاوي الله يخليك روح جيبلي لفات لو بيتزا ولج اتخبلتي ساعة ٢ شكو بيها الله يخليك يرضيك انام جوعانة لا طبعا دروح جيب ولاتنسى موطه جبس وحلويات اوامر ثانية لا خلص هذا حالي بين يومين اكومه اطلب منه يجيبلي اكل.اتريكت الصبح ردت اروح للمدرسة سمعت علاوي يكول لامي احجي ويا بابا وخطبيها اليه والله لو هي لو ماتزوج فرحت عبالي يحجي على نهلة كتلهم شكو ماما كالت حبيبتي بارحة جنا معزومين اخوج انعجب ابنتهم ويريدنا نخطبها نعم نعم تريد تتزوج قروية والله ماسمحلك وانتي شكو اني اتزوج لو انتي ماسمحلك غير نهلة ماكو ماريد يدخلون بيتنا قرويين هاي عليمن تحجين ياقروية ترى ناس عايشين بعز ودلال بيتهم بارقى مكان بس صارلهم ٣ سنين عايشين بالمزرعة عبالك مزارع خليجين روحي طيري كالت نهله البقرة الضاحكة امي كالت صح نهلة بنت عمج وانتي تحبيها بس الزواج لازم اللي يريد يتزوج يختار بنفسه ميصير احنا ندخل اي بكيفكم اني الها ام القمل بعدها مجاية علي افندي يصيح عليه مو قصدي ريومتي زين كافي ماريد احجي شي باي.حسان حسان نعم ناظم اشبيك متجاوب خايف من شنو هيثم يحب ليلى اخاف تسوي سواة اختها هو ميتحمل اني اتحملت لا تخاف ترى هيثم لوتي مينضحك عليه وهو هسة ٢٥ سنه انت بعدك جنت فترة مراهقة لاتقارن ماكو مقارنة سمعت البارحة علكتوها انت وهند اي التافه تكولي ليش متتزوج عندك شي لو بعدك على الاطلال ترى الاطلال بح كتلها لاتخافين ماكو اي اطلال واشكر جماعة الاطلال الي وصلتني للمكانة اللي اني بيها هسة شهادة لغة فلوس تجارة وهمه ولاشي راوح مكانك شنو قصدك احترم نفسك والله الاكل اللي تطبخي عليج بالعافية اكلي باي ست هند صارت حمرة شوية وتنفجر ههههههه متت من البارحة هالة حجتلي ويوسف افندي لاتذكرني جان فاتح نص قميصه ولابس زنجيل جنه جلب ويعلج لايستحي ولاشي حسافة عليها تركتك علمود هيجي شخص لايابه والله الله يحبني خلصت من عدها اجوي جماعة ابوك اي خوش ناس على كد حالهم اي زين هالاسبوع راح اخلص من مكاين تبريد اتفقت وياهم وراح ابدي اوزع اللحوم مالتنا على الاسواق بالتوفيق اخويه تستاهل كل خير .اني علي اخو ريم عدنا مكتب صيانة ونصب اجهزة تبريد وتدفئة مركزي طول حياتي اشتغل ويا ابويه واخويه ماعندي علاقات ملتهي بالشغل البارحة جنا معزومين بمزرعة شفت بنتهم اتخبلت خابرت امي هي جانت كاعدة وياهم كتلها مطلعين من عدهم اذا متخطبيلي ام كلبيه السودة كالتلي عيب اول مرة نروحلهم ميصير كلتلها ماعليه خطبيها رجعنا كتلها كولي لابويه حتى نخطبها فعلا خلال ايام خطبتها متصورت  يوافقون بسرعة هي اصغر وحدة بيهم ترى والنعم منهم تربية واخلاق اتمنى ريم اتشوفها حتى مجتي لخطوبتي تكول ماقبل تدخل بيتنا القروية .نار بكلبي اهلي كسروني خطبو بنت القروية لعلاوي ونهلة اكلت راسي انتي هيج وهيجي جذابه اني قنعت اخويه وانتي مسويتي شي امها من جهة وهي من جهة كتلها مو بيدي كالت لاتروحين لحفلتها واذا جتي لبيتكم خلي اخوج يطلكها اذا مسويت هيجي راح ازوج اخويه لبنت خالتي وانتي ابقي عانس محد ميتزوجج لان انتي سمرة وكصيرة وشعرج كصير ماعندج اي ذرة جمال انقهرت كلت حقها اني مو حلوة اصلا امبينه عليه بويه وغبية .حسان اختي خولة انخطبت قبل الخطوبة رحيم اخو هندخطبها اني راسا رفضت لان هند هددتني كالت اياني واياك متوافق افضحك غير اني على عنادها قبلت بعلي وسرعت بالخطوبة خلال اسبوع انخطبت لعلي وجهازها هدية مني اليوم اسافر اخذها للبحرين وياخواتي وعمتي خالدة اشوف شتسوي ست هندبقينا اسبوعين اشتريتلهم كل شي لان بعد اسبوع زواجها اخذتها لصالون ترتب حالها مقصروا اربعتهم جددو صبغ قص شعر رجعنا وصارت زواجها البيت فضت علينه اني وامي وهيثم لان ابويه وجدي راحو للحج هيثم كال لامي ماما اريد اتزوج هي كالت خلي اخوك يتزوج والله كريم كال هاهي لعد اني راح اخيس وهو ميتحرك يمه اني مشتعل اذا حركت الناس لاتلوموني امي ردت ايا ادبسز شنو هالحجي اخاف مسوي مصيبة وتريد تتستر عليها لاوالله بس اذا فعلا مزوجتوني اسوي مصايب مو مصيبة ضحكت ولك هيثم بعدك صغير يابه ٢٥ سنه ياصغير اللي مثلي جهالهم بالمدرسة واللي مثلك بالكلية ايا بذات كبرتني لاوالله احجي صدوك انت رجعت متحملت تكعد سنة ويانه جبتنا اهنا صارلنا ٣ سنوات معارضناك معيشنا احسن عيشة ابد منجازيك بس هسة كافي اتزوج افتح طريق لاخوك مسكين ترى اللي راح راح انت تستاهل شيخة النسوان .عزا هذولة عبالهم بعدني افكر بيها هند التافه صدك ماريد اتزوج ممحتاج كلما اسافر للبحرين صارلي ٤ سنوات اهنا مستقر بس بين كل شهر اسافر اتزوج مسيار واتابع سباقات وارجع بس مفكرت استقر واهلي ميردون يحرجوني بس هيثم خطية راح احجي ويا ابويه وجدي انشوفله حل.اني خولة البارحة جان زواجي من علي ابن صديق ابويه انسان مثقف وفرفوش حسسني البارحة اني اميرته مانطاني مجال اخاف منه ولو معرفتي قليله بي بحكم زواجنا السريع بس مو ندمانة البارحة نزلنا بفندق اليوم اول يوم ادخل بيتهم هو عنده اخت وحدة لحد الان مشايفتها استحيت اسأل ليش مجتي لاحفلة خطوبتنا ولا الزواج كمتي حبي اي دا احضر الجنط لزمتها من ورا ابوس بيها حبي اريد اطلب منج شي انتي عاقلة وحبابة اختي شويه عقلها صغير اتحمليها علمودي لاتتضايقين منها اذا سوت شي صيري اختها لان عاشت بين ولد متعرف صداقات وصحبت بنات منعزلة شوية اوك تدلل رحنا امه وابوه رحبو بيا ويا عدنان حسيت بالراحة بقينا لحد الليل ومشفت اختهم اخاف مشلوله متكدر تنزل شلون اعرف كتله علي اختك وين اتلعثم كالي تعبانه ونايمه اسف مسلمت عليج ولايهمك خلي اني اروح اسلم عليها لالا لاترحين باجر شوفيها هسة نايمه اتاكدت بيها شي انقهرت عليها . منعزلة صارلي اسبوع بغرفتي دا اتبع تعليمات نهلة حتى مرحت لحفلة علي يوميه اتعارك وياهم ماريد اخويه يتزوج وحدة قرويه كعدت صبح ميته من الجوع سمعت صوت راديو بالمطبخ وحدة واكفة تنظف بس شنو تخبل ايه من الجمال بيضه وشعرها طويل لابسه كلبيه نص ردن فخم ابيض بيها نقشات ذهبية وفلات ذهبي صحت عليها هيي انتي منو شتسويين ابيتنا حرامية كالت وهي ترجف اني خولة مرت علي اه انتي القروية خرابت البيوت شتسوين تبوكين بالغراض من الصبح حقج متعرفين تحفيات شنو اخذيها لقريتكم اتباهي ابيتنا اتزوجتي رجال مثقف وبيت عايلة ام القمل تفو عليج جانت تبجي وترجف اني اسفة كالت ردت انضف الصالة مو قصدي شي انتي ريم اتقربت تبوسني مخليتها كتلها روحي حضريلي ريوك اي صار هسة بعيني .صار سنة علي متزوج خولة اللي سويتها بيها خلال هالسنة متنحجي سويتها خدامة مالتي ودايما اهينها واحجي عليها وارزلها اذا تطبخ اروح اخرب الاكل اكسر غراضها احجي على اهلها انتو ناس قرويين واذا جوي اهلها زيارة اروح لبيت عمي حتى مشايفة شكلهم ولا اعرفهم  نهلة وهي تعلمني شسوي وياها واني اسمع كلامها وكلام مرت عمي خولة لازمة شغل البيت وتطبخ اني العب لو اباوع على تلفزيون جنت اروح انظف بيت نهى حتى اقهرها واهتم بعبودي ونهى تطلع ويا امها ونهلة للسوك جانت مرت عمي تكولي خدمي نهى هاي تفيدج بالمستقبل واني من كل عقلي اصدقها عبالي تقصد حسن جانت خولة تحاول بكل طرق نصير صديقات تمدح بيا وبجمالي وتنصحني البس واتصرف مثل بنات اللي بعمري اني اصيح واعيط عليها تجيبلي هدايه اكسرها وجانت حامل بتوم ولا ارحمها جانت مرات تبجي من الالم تريد تروح للدكتور تطلب مني اخابر علي اروح اكوله تعال طلعني برا ماخليها تروح للدكتور تبقى تعاني ولا تحجي اهلي كلش حبوها امي وابويه بس يمدحون بيها وباخلاقها وتربيتها مرات يكوللي اتعلمي منها اني اكرهها اكثر مرة حجيت على اهلها جان عدنان ورايه واني ممنتبهه هي تكولي كافي صعدي ردت اضربها لزمت شعرها حسيت ورايه شخص انداريت شفت عدنان اخويه متت من مكاني ردت اهرب لزمني ضرب وصياح كلي هسة تبوسين راسها وتعتذ رين منها ولج انتي شنو حيوانة تضربين مرة حامل كلهم عرفو بالبيت حتى علي ضربني كال بعد اني لا اخوج ولااعرفج راد ياخذ بيت ويطلع امي ملخت روحها من الطم والبجي كالتلي مترتاحين لحد ماتفرقين عايلتج شمسويلتج البنية هيجي تسوين وياها ترى هي احسن منج ومن اللي تمشين وراها عدنان حلف كال اي جلب يدك بابنا راح نزوجج بلكي تعقلين وتصيرن مرة روحي شوفي نفسج استحي اكول عليج اختي شوفي ملابسج كافي كبرتي