كوني أمرأه

الجزء 8

وصلنا للمزرعة طول الطريق انصحها لريم من ناحية تصرفاتها ويا اهلي ولبسها اريدها تبقى مثل هسة مطيعة وعاقلة افتهمتي ريومتي ميحتاج اوصيج اشبيك من صعدنا للطيارة لحد هسة بس تحجي وتنصحني اشايفني ماعندي عقل لو شنو سالفتك كتلك راح اتغير وانت دتساعدني والله اذا رحنا اهناك والتهيت عني ارجع البسلك الجيشي مات من الضحك خوش تهديد شتريدين اسويلج اريدك تبقى ويايه ماريد تعوفني اني وياج انطيني وعد اوعدج ريومتي اروحلك فدوة حسونتي لزمت ايده ترى خطية ايدي مبقى من وراج عاصرته عصر كيفي مالتي اني كلي الج قبل مانسى ديربالج من هند بنت عمي شويه لسانها طويل لاتنطيها مجال تحجي عليج وجاوبيها بأحترام هاي الطويلة اي اتذكرت باركتلي يوم زواجنا من ورا خشمها هي هيجي شايفة نفسها ولايهمج اني وياج اوك .وصلنا للمزرعة استغربت وين القرية مدا اشوف غير مزارع بعيدة على بعض وماكو قرية دخلنا لبيتهم راسي افتر من كبره قبل ميفتح باب رئيسي لزمت ايده وين رايحين اشبيج هذا بيتنا لعد مو عايشين بالقرية فوتي لا ابسطج اهنا يازمال كايلج احنا عايشين بالقرية نهلة اي ذكرتيني نسيتها للوكيحة نعم نهلة وكيحة ياريت وكيحة وبس مادري انتي شلون مصادقتها على العموم بعدين نحجي بالسالفة لان مطوله مو وكتها هسة .دخلت اهلي رحبو بينا بس حسيتهم مو على بعض حتى مشفت جدي ولا ابويه خواتي وامي جانو كاعدين سألت وين البقية جانو يباوعون على بعض ومتوترين خولة كالت تعاي ريم اوديج لجناحج ترتاحين عرفت صاير شي باوعتلي ريم اشرتلها تروح كامت راحت وياها كتلها بعدين اصعد الجنط روحي ارتاحي محجت شي ضاجت وراحت شكو شصاير يمه روح ارتاح بعدين احجيلك مصاير شي عادي شنو عادي مشايفين وجهكم صفرة لا بيبتي موجودة لا جدي حتى ابويه محد استقبلني مستحيل اشصاير هالة اتقربت مني كالتلي هند زوجها متزوج عليها بالسر صار بيناتهم عركه فهي مكسره سيارته وضاربه يوسف على راسه وهو هسة بالمستشفى ياربي منين طلعتلنا هاي السالفة منو متزوج وحدة طالبة عنده بالمعهد صارله ٤ اشهر متزوجها ويكولون البنية حامل وهند شون عرفت هي رايحتلها للبيت تريد تعقد بالمحكمة حتى ميضيع حق طفلها وهي وينها هسة ابيت ابوها وعمي وجدي وابويه بالمستشفى من البارحة وليش البارحة مكلتولي مو عرفنا السالفة ساعة ٢ بالليل هيثم وين راح يجيبهم اهنا منريدهم يبقون نسوان وحدهم تعرف جاسم ورحيم مسافرين زين اني اروح اشوف اشصاير ابني لاتروح عيب تعوف زوجتك اول مرة تجي لبيتنا بعد شوية هم يجون وتشوفهم يمه زوجتي ابيتها خلص خليها تتعود اني اروح شعندي كاعد ويا النسوان حتى عيب من عمي منتظرت اسمع حجي زايد عفتهم وطلعت باقصى سرعة خابرت هيثم رزلته لان ممنطين خبر كالي نص ساعة ونوصل للمزرعة اخذت عنوان المستشفى ورحتلهم .اول مكعدنا بعد استقبالهم النا كعدت بصف حسان جنت لازكه بيه عبالي يطير ممتعوده عليهم بعدها سالفة القرية وحجي نهلة ابالي صحيت على صوت خولة كالتلي تعاي اصعدج لجناحكم باوعت لحسان ردت يكوم ويايه اشرلي اروح لوحدي كلش ضجت من عنده لوبيدي اموت خولة هسة صعدت شفت الجناح اشكد جبير غرفتين وصالة جبيرة وبيها مطبخ تحضيري وحمام اخر موديل مادري اباوع على الاثاث لو الجدران الله جنه مو جناح اشكد حلو افتر واباوع ممصدكه خولة جانت تحجي واني مو يمها رايحة لغير عالم اشبيج ريم معجبج الجناح ها لا بس كلش جبير طبعا انتو هم راح تخلفون جهال لازم يصير عدكم مكان جبير عجبتني فكرة يصير عندي جهال سألتها خولة اللي يتزوجون شوكت يحملون باوعتلي مصدومة ليش تسألين تردين تحملين لو لا اي اريد لاتاخذين موانع هي انشالله تصير سألتها انتي شوكت حملتي مو جنت عايشة وياج بنفس بيت بس حقج متعرفين عني شي خجلت منها نزلت راسي ردت اتأسف منها مكدرت ريم ترى امبينه عليج التغير ابقي هيجي حرام جنتي دافنه روحج شكد حلوة صايرة هسة اهلج يشوفوج ينصدمون شنو هالتطورات كتلها كعدي احجيلج ماعرف شلون طلعت مني بس اريد اتعود عليهم واصادقهم رحت اهناك شفت مهرة ضحكت كالت ليش تضحكين اتذكرت لما رحنا اني وخواتي انجهز لعرسي دخلنا شفناها بقينه مصدومين حتى استحينا ناكل كدامها عبالك مشايفين ولما رحنا للسوك عمتي خالدة جلبت بيها الا تعرف شتسوي وشنو تشتري شون تهتم بنفسها وهي مقصرت ويانه اني هم نفس حالتكم هسة كلش فرحانة احس نفسي وحدة جديدة ريم اتعودتي على اخويه لو لا ترى اخويه حباب اني ماريد امدحه بس راح يجي يوم وتعرفين ميحتاج اعرفه بس مادري خايفة من شنو اخاف اني بحلم واصحى يصير كابوس لا انشالله لاتفاولين على نفسج بما انو انتي اليوم صايرة عاقلة وتحجين شلتي الحواجز بيناتنا كامت وكفت تعاي احضنج هاي راح تكون بداية اخوتنه مو صديقات انتي اختي الثالثة كمت حضنتها وبجيت كتلها اسفة خلص انتهى اريد انصحج اللي جنتي اتسوي ابيتكم تنسيها اهنا حياتج يختلف عندج مسؤوليات اهوايه تشوفين هذا بيتج انتي لازم تشيلي بعيونج واحنا اهلنا اهواية البيت هوسة متفرغ من الضيوف ترى احنا هم نساعدكم بيها بس انتي مرت حسان ثبتي نفسج صيري مثله قويه وعاقلة ربة بيت اهلي ناس بسيطين حياتنا مابيها تعقيدات واهم شي الايباد بيبيتي تموت من عدها انسيها الايباد لعبي بيها بغرفتج ولا تنعزلين تبقين وحدج بجناحكم ممنوع الا اذا رجع حسان تصعدون سوية هاي اوامر بيبيتي تشملنا كلنا لازم نكون حواليها دايما وشغلنا متخلص خطية ليلى اسبوع سافرت ورجعت متونست مثلج وهسة اعوفج ترتاحين اذا صبينا الغدا اجيلج اوك لا ماريد غدا صيحيلي حسان هاي شنو ولج عيب انتظري يشوف اهله لاتخافين مراح يطير راح يجيج عافتني وراحت بقيت اكمز وافتر بالجناح خابرت امي حجيت وياها كالتلي باجر راح يجوني ويا بيت عمي فرحت سلمت عليها بدلت ثيابي وخليت مكياج خفيف كعدت انتظر حسان تليفوني دك شفت رقم نهلة سلمت عليه كالتلي هابذاته اشو نسيتيني لاتسألين ولا شي مو عيب عليج شنو حسان افندي نساج اختج حبيبتج كتلها لا بس صارلي ساعتين واصلة ردت ارتاح واخابرج وليش مجيتي لبيت امج رأسا شلون قبلتي ترحين للقرية اسمها مزرعة مو قرية نهلة ترى حجيج كلها غلط وشكو فرق تفرق اهواية اكول لايكون سلمت نفسج عصبت كتلها شنو هذا الحجي نهلة عيب من يمتى صرتي تعرفين عيب اشبيج عليه انتي اللي اشبيج نسيتي نفسج جنتي تتوسلين بيا ازوجج حسن اخويه لا منسيت انتي جنتي مخليته براسي واني شعندي ويا اخوج قابل جنت احبه بس انتي جنتي تكوليلي محد مياخذج غيره واني جنت مخليته ابالي اتزوجه الحمدالله هسة متزوجة واحب زوجي عشنا وشفنا لعد وين كلامج مراح احبه ماخلي يلمسني نسيتي كلامج قبل متسافرون اشكلتيلي حجيتي كومه عليه وعلى اهله حتى كلتيلي هو مو رجال ومخليته يلمسني نهلة لاتلفين المواضيع اني مكايله مو رجال بس كتلج مخليته يلمسني جنت ضايعة بين كلامج وكلام امي وهسة شون سمعتي كلام امج شوفي شراح يسوي بيج وكوليلي نهلة مكالتلي بعدين ماكو هذا شي نهلة اذا مخابرتني تغثيني احب اكلج شكرا وصلتني كافي لا عيوني خابرتج اكولج خطبنا بنت خالتي بسمة لحسن اخويه ادب وجمال تموت مو مثل بعض ناس شنو تقصدين والله انتي ادرى اخليج باي.ياربي اشبيها هاي والله صرت اخاف من عدها مشكلجية متكعد راحة اخاف تكول لحسان جانت تريد تتزوج اخويه وتفضحني ياربي سترك شلون مصيبة هاي اوف وهذا اشصار بي مصعد راح اموت وحدي اوف اروح واجي كلت خلي اخابره خابرت مجاوب انزل لو انتظر ماعرف خلي انزل نزلت سلمت شفت بيت عمهم كاعدين وخيرية خاتون كاعدة رحت بست راسها وسلمت عليهم شفت هند كاعدة وعيونها نار معصبة سلمت عليها جاوبتني برود وجههم ميتفسر كالولي تعالي ويانا للمطبخ رحت شفت ليلى وهالة ديصبون الاكل وخولة ترتب الميز جرتني عمته خالدة واخذتني لغرفة الضيوف كالتلي هند عدها مشكلة فاذا حجت شي عليج لاتجاوبيها خلي هالايام تعدي على خير امسحيها بيا كتلها وين حسان اني بالي مو يم هند كالتلي يم يوسف بالمستشفى يمتى يرجع ماعرف خلينا نتعشى وصعدي لجناحج احسن انتظري عصبت كتلها ترى منزلت حتى اتعشى اريد حسان عليكم بالعافية العشى صعدت لجناحي نزعت ملابسي وكعدت امسح المكياج بجيت على حظي هاي من اول يوم وعافني هيجي اني الك صعدتلي هالة جايبتلي العشا ماكلت شي من القهر اخابروميجاوبني.من الظهر احنا بالمستشفى انروح ونجي بيت ابو يوسف ناس مو اوادم يدورون مشاكل خبصونا يردون يوسف يكوم ويطلك هند عمي جان كاعد مكسور كلش انقهرت عليه حجيت وياهم كتلهم خلي يوسف يكوم ونلم الموضوع ماكو راسهم حجر ميسمعون حجي رادو تعويض كتلهم من مليون لمية مليون انطيكم بس لاتجيبون اسم هند بالتحقيق عيب يجروها للمركز وافقو وكالولي نريد تشتري سيارة جديدة ليوسف بدل اللي كسرتها هند خابرت اخوانها جاسم كال جهالي عدهم امتحانات ماكدر اجيلكم هسة خابرت رحيم كالي ماريد ادخل بمشاكل هند ماعندي خلقها انت واهلي موجودين بيكم الخير والبركة سديت تليفوني من القهر ذبيته بالسيارة بلله شلون اخوان هذولة عديمي المسؤولية نسيت تليفوني بالسيارة  رحت على الدكتور طمني على يوسف بقينا لحد ساعة ١ بالليل رجعت ابويه وعمي وجدي للمزرعة كلش تعبان من الصبح لا ماكل شي ولا شارب اريد بس انام هسة منين طلعتلي سالفة هند خاتون الله ياخذج انشالله شفت تليفوني ٥٠ مكالمة من ريم اوف شلون نسيتها ومكالمات  من خواتي وصلنا رأسا صعدت لجناحي شفت هند كاعدة بالصالة مهتميتلها سلمت وصعدت شفت ريم نايمة ومبين عليها باجية شفت صينيه اكل مماكله منها شي بدلت وغسلت دخلت بالفراش جريتها لحضني بستها من راسها ونمت .كعدت الصبح شفت نفسي بحضن حسان جريت نفسي كلش ضايجه ومقهورة منه رحت بدلت كعدت كلش جوعانة من البارحة مماكله شي كعدته حسان كوم فز ها حبي شصاير ماكو واني اجاوبه بعصبية اريد اتريك متت من الجوع جرني من ايدي شنو هالصباح الخير يا خير اشبيج مابيه اشكرك على اهتمامك بيا البارحة راد يبوسني مخليته فات يغسل ويبدل لزم ايدي قبل مننزل كالي لاتزعلين راح اعوضج بعدين افهمج السالفة وراح تعذريني ترى اني هم مماكل حالي من حالج مجاوبته .نزلنا سلمت عليهم كعدنا نتريك باوعت لهند كاعدة ولا كأنه صاير شي تحجي وتناقش لسانها طويل ولاتستحي كتلها كافي فوك سوايتج عندج عين تحجين شلون هيجي تسويين بالرجال هم زين ممات من وراج انشالله يموت جدي كاللها انجبي وسكتي عوبة ام لسان ورطينه ويا اهل زوجج البارحة لايتفاهمون ولا يتحاجون اذا سمعت صوتج اكص لسانج افتهمي وهسة كومي من وجهي امشي ولي ردت اضحك عليها اكوللها هذا اللي فضلتي عليه بدلج بوحة ثانية سكتت خليها تموت بحسرتها اعرفها مكسورة بس متريد تبين عليها .اجوي العصر اهلي كلهم وبيت عمي همينه وياهم اول مشافوني لابسه كلبية فخمة وفاتحة شعري ولابسة ذهب امي باستني وتلكتني بالصلوات وعلي اخويه لزم ايدي يفرني يكولي وين اختي منو مبدلج هيجي جانو مصدومين عدنان اخويه باسني وحضني كالي واخيرا شفتج صرتي مرة كلش فرحت لما شفتهم راضيين عليه بس ام نهلة ونهلة جانو فاتحين حلكهم ومصدومين ممصدكين هاي اني كعدو يباوعون للبيت وفاتحين حلكهم ضيفناهم كمت ويا البنات حضرت الغراض كيك وكليجة وعصاير امي تباوعلي وعيونها ادمع تمسحها بسرعة ممصدكه صاحتني خيرية خاتو ن كالتلي تعاي كعدي يم اهلج خلي البنات يسون كل شي انتي كعدي عيني رحت حضنت امي اشمها وابوسها باوعتلي كالتلي ممصدكه هاي انتي كبرتي بعيني حبيبتي كلش جنت شايله هم اجي ويا ام حسن وانتي باقية على خبالاتج كلت هسة تتشمت بيا بس هسة اكدر ارفع راسي كدام كل الناس هاي الحورية بنتي الله لايغير عليج امبين عليج فرحانه بست ايدها فوك متتصورين ماما الله يباركلج ويحفظج من كل مكروه بنتي ديربالج من نهلة لاتورطج اللي راح راح لاتسمعين كلامها افتهمتي هسة انتي مو مثل قبل انتي مرة مسؤوله من بيت وزوج كتلها كلامج على راسي مراح اسمع كلامها بعد احسها متريدلي الخير هم زين وعيتي على نفسج طول مااني وامي نحجي هي وامها يبسبسون من جوا ويباوعون للبيت والغراض امبين الحسد عليهم كالتلي ام حسن ريم عندج غرفة بأستهزاء كتلها طبعا وين كاعدة كمت كتلهم اتفضلو اشوفكم اياها كامو ويايه صعدنا درجتين كالتلي اخاف مخليج بالسطح مجاوبتها بس اتذكرت اني بدلت نسيت ارتب غراضي اوف شون نسيت هسة اتورط بعد شسوي صعدنا فتحت الجناح عيونهم طلعت من مكانها امي كالت الله شنو هالمكان الحلو ريحته تخبل فدوة لبنتي تستاهلين همه بس يباوعون لبعض ميكدرون يحجون شي اني كلت ياربي الصالة وغرفة الصبح معفوسة منو منظفها هيج الحمدالله خلصت من السالفة امي جانت تدعيلي وتباركلي اما نهلة ولا كلمه حجت اخر شي كالت يعني زين امي متحملت جاوبتها عيني شنو زين مشايفة الله يباركلهم كاملة من كل شي ردت ام حسن عليه عادي ليش مكبرتها حقكم انتو مشايفين بس اني بيت اهلي كلهم هيجي محجيت شي شكوللها اهلج كلهم كاعدين بيوت ايجار بس انتي نافخة روحج على الفاضي لزمت نفسي .اليوم مشفت ريم اهلها يمها كلش مشتاقلها من البارحة مبتعدين على بعض ماكدر اكعد وياها لوحدنا اعرف مقصر بحقها وهي زعلانة بس شسوي مشكلة هند من جهة وضيوفنا من جهة ماكدر اعوفهم واروح اكعد يمها رحت للمعمل هيثم مخبوص بالشغل ميلحك شوية ويبجي من التعب ساعدته شوية بقينا لحد الليل انخلص طلبيات ورجعنا شفتهم كاعدين وهي مو وياهم سألت امي عليها كالتلي بالمطبخ ويا خواتك يحضرون العشة رحتلهم سلمت جاوبتني ببرود اندارت جانت تسوي سلطة جريتها من ايدها طلعتها من مطبخ جانت مبوزة كالتلي وخر مني زعلانة تكدرين تزعلين مني باوعتلها نزلت عينها مثل مانت ناسيني من لما جينا حبي قدري ظروفي هاليومين سمعت خطوات حسيت هند لان البقية جانو بالمطبخ جريت ريم وبستها وهي عيونها مفتوحة متعرف شنو السالفة بقيت ابوسها سمعت صوت حمحمه سويت نفسي ماسمع كتلها ريم امشي نصعد مشتاقلج مصدكت انداريت شفتها واكفه تباوعلنا بغضب مهتميتلها صعدنا لجناحنا خابرت خولة كتلها منريد عشة لاتضوجونه اذا جعنا احنا ننزل افتهمت كالت زين بقينا بالجناح نتباوس ونحجي طلبت من خولة تصعدلنا عشة اتعشينا سوية حجتلي على يومها واني حجيتلها على مشكله هند وفهمتها علاقتي بيها من قبل مع حذف التفاصيل خفت لاتسمع من غيري عصبت كالت وهسة اذا تتطلك راح تتزوجها منين جبتي هذا الحجي سمعتها تكوللهم اليوم ماريد يوسف بعد ليش بكيفها ماعدنا بنات يطلكون مجبورة ترجع لبيتها هذا اختيارها هي تتحمل نتيجتها وبعدين اكو احد يبدل القمر بالنجوم لا طبعا ضحكت وياها.صارلي ٥ اشهر متزوجة ليلى حامل اني حياتي حلوة ويا حسان بس مقهورة من سالفة الحمل ماعرف ليش اتاخرت هو ميحجي شي بس اسمع اهله يكولون هاي تزوجت ويا ليلى ليش محملت خيريه خاتون تكولي روحي راجعة دكتورة اخاف بيج شي صرت اخاف لا اكون عقيمة وماخلف غير اموت حبي لحسان يفوق التصور واغار عليه اهوايه حتى من اهله هو مرات يضوج مرات ينصحني بس مو بيدي نهلة انخطبت لابن خالتها علاقتي قليل بيها عرفت مع الاسف هي مستغلتني ومتحبني فابتعدت عنها بس مو مرتاحة من ناحيتها ابد علاقتي ويا اهل حسان زينة كلش احترمهم واقدرهم اشتغل ويا ليلى ليل نهار منلحك صرت اعرف اطبخ همه خوش ناس ماعدا هند بقت شهر عدنا اكلت كلبي من ورا سوالفها عيني عينك تذبلي حجي وتفشلني واني الزم نفسي ماجاوبها وجنت اكرهها اهواية من عرفت بسواياها ويا حسان مرات جنت اغار ماخليها تكعد ويا حسان لحظة مانطيهم مجال اخاف يحنلها ويرجع خلال هالشهور حسان سافر مرتين اني رحت لبيت اهلي جنت اموت لحد مايرجع لو بيدي اصير ظله حبي اله حب تملك مو طبيعي