كوني أمرأه

الجزء 4

اتزوجت اختي صارلها سنة وخطبنا لهيثم ليلى بنت عمي اشكد حاولت هند تخرب خطوبتهم مخليتها كالتلي راح انتقم منك شلون كسرت كلب اخويه الا اكسر كلبك لزمتها من ايدها كتلها اني مو حسان الغبي افتهمتي واياني واياج تهدديني اكسر راسج وراس يوسف السرسري اشحدك افتهمت الله يعلم منين جايب فلوس هسة تتباهه بي كدامنا ترى مهما رحت وجيت انت حسان الي اني رفضتك واختاريت السرسري عليك ردت اضربها بس لزمت نفسي اني ماحب امد ايدي على مرا امشي من كدامي ميشرفني احجي وياج هذا حالنا كلما نتشاوف عبالك بنزين ونار واحد ياكل بالثاني الحمدالله نجحنا بالمعمل ارباحها عالية الاسطبل كبرته اكثر صار عندي مجموعة خيول عزمت ابو مهرة وصقر اجوني بقوا يمي اسبوعين اني اروحلهم احسهم عائلتي الثانية هالة صار عدها محمد على اسم ابويه وخولة حامل بتوم واختي هاجر ملتهية ويا جهالها كل اسبوع يجتمعون بالمزرعة واني اصرفلهم رواتب شهرية من حصتي بالمعمل مغركهم بالهداية ممخليهم محتاجين شي رجعت من الاسطبل اخواتي يمنا ردت اصعد لجناحي كلت خلي امر عليهم ردت اضرب الباب سمعت صوت بجي خولة وكفت ردت اسمع اشبيها تبجي بحركه جانت تحجي على معاناتها يم بيت عيالها مصدكت اني شسويت بأختي علي الجلب شمسوي بيها اني الك جلب ابن الجلب بعدين سمعت اسم ريم ركزت عرفت مو علي هاي اخته اني مشايفها ابد بس اعرف عدهم بنيه صغيره هاي هيجي تسوي بسيطة اني الها دخلت عليهم فزوا كتلهم طلعو وخلوني ويا خوله كامو وهي ضلت تبجي وترجف كتلها لاتخافين اشبيج كعدي احجي وياج الله عليك لاتزعل مني والله من حركتي حجيتلهم ابد ماحجي مشاكلي مثل  ماعلمتني ماحجي شي بس اني بشر ماتحمل والله طاقتي خلصت احجيلي حجتلي من اول يوم لحد ضربها اني متحملت اشكد عمرها هاي جلبة ١٩ سنة نعم عبالي جبيرة وهاي ليش هيجي تسوي وياج انتي ليش متقربتيلها والله يوميه احاول ممتقبلتني وهي منين تعرفنا تكول علينا قرويين احنا بحياتنا مشايفين قرية ابقي اهنا خلي يأدبن بنتهم يالله ترجعين بس علي ماعنده ذنب والله عمي وعمتي وحتى عدنان شايلين بعيونهم بس المشكله هي متحبني نامي مو زين عليج التعب لاتزعلين نفسج اني احلها بست راسها وخليتها بالفراش طلعت كتلهم ديربالكم الحجي ميطلع برا هاي الغرفة افتهمتو وهسة ابقو وياها داروها وضعها مو زين ابعينا هاجر كالت لاتضيك خلكك كلشي الها حل المشكله هاي زعطوطه الواحد شيحجي وياها شلون اتصرف ماعرف رحت لجناحي ردت انام صوت بجي خولة بأذني اكلب يمين يسار سمعت صوت صياح بدلت نزلت شفت خولة واكعة واخواتي يبجون ماعرف شلون خليناها بالسيارة اني وهيثم وامي وصلنا جانت تنزف دخلوها لصالة عمليات هيثم خابر علي شفتهم جايين  باوعت اذا ريم وياهم ولو ماعرف شكلها بس اي بنية وياهم يعني هيه ردت الزمها اموتها كدام اهلها بس ماكو علي وامه وابوه جايين علي كالي وينها جاوبته بصالة عمليات وانت حسان ليش ملابسك دم هاي دم منو خولة اي لا اموت اذا يصير بيها شي لاتموت روح موت اختك والله العظيم اسمعني اذا اختي وجهالها مطلعو سالمين افوت على بيتكم اذبحها لاختك سمعتني ياجلب على كيفك ادري بيك متعصب بس والله ماحجي وياها من ورا سوالفها ويا خولة حتى ردت اعزل البيت خولة مقبلت يعني متكدرون تربون اختكم اني اسف وحقكم علينا طلعت خولة من صالة  الولادةصحتها زينة بقت تقريبا اسبوع بالمستشفى وكملت نفاسها ابيتنا بالمزرعة قبل مترجع لبيتها حجيت وياها متتصرف على كيفها وتعوف ريم بحالها تهتم بجهالها وماعليها من احد كالتلي حجيك على راسي حبيبي واني باجر راح اوصلج بيدي .اليوم بيتنا مخبوصين ماما بالمطبخ وعلي وعدنان يرتبون الصالة سمعت خولة راح ترجع اريد اشوف جهال اخويه ماخذوني وياهم للمستشفى خابرت نهلة امي كالت خلي يجون يساعدونه كتلها نهولتي تعاي اليوم راح ترجع خولة سألتني ويا من تجي علي يرجعها لا يمكن اخوها لاتكوليلي حسان لو هيثم شمعرفني بيهم هسة ابدل واجي يعني مو زعلانة لان ترجع لا خلي تولي ترى اني نسيت علي عوفينه منهم هسة ركزي ويايه لاتطلعين من غرفتج وترحين تسلمين على اهلها افتهمتي هسة تكول عليج تخاف مني اني رأسا فولت شحدها القروية اني اكعد ويا اهلها اكبر راسها بس اريد اشوف جهال علوشتي معليه بيها  خلي تولي اي عفية نسيتي ضربوج من وراها ام مشاكل زين اذا جيتي صعدي لغرفتي اوك مع سلامة ريم نعم ماما روحي بوسي راس اخوانج وصالحي علي عيب اليوم الناس يجونا وانتي متزاعلة ويا اخوانج صوجهم ليش ضربوني هسة روحي وبعدين ناقشيني .دخلت عليهم الصالة متروسة نفاخات وحلويات وزينه شنو عيد ميلاد منو اليوم كالولي واخيرا طاح راسج اتنازلتي تجين مو علمودكم اريد اشوف جهالك علاوي اكيد يشبهوني عدنان كال مو كافي انتي شالعة كلوبنا اني الكم متحبوني بجيت لزموني يبوسون بيا ويحضنوني دلوعة من يمتى صايرة تبجين علاوي اشو اختك عدها سلاح جديد اي مو خلصت كلشي هسة موديل البجي خوش مؤثرات عدها اجى بابا هههههي بابا ركضت عليه عيوني امريني بابا شوفهم ميزينون غرفتي ميحبوني اني ازينها الج جم ريمه عندي تدلل حبيبة ابوها كومي جيبي غراض صعدت ترست غرفتي بالالعاب الي جان مشترينها اهلي حتى يخلوها  بغرفة جهال اجى علي حرام عليج شلون حرامية بدون ضمير انتي كيفي بابا كالي اخذي وبعدين منو يلعب ويا جهالك غيري خليهم اهنا احسن كيفج عيوني ريم اليوم تجي خولة ماريد مشاكل اخوها عرف بسواتج وياها ترى ميتفاهم الله عليج كافي اني احب خولة ماريد اخسرها انتي مو بس اختي اني حبيبتي بنتي ترضين اخوج يتبهدل بحياته بسته لا اكيد بس ها تحبني اكثر من جهالك افتهمت ماريد منافسين ويايه تدللين بعدين لاتنزلين بهاي ملابس ترى عدنان جوا يموتج والله مانزل اعرف اكول هذا اللي لابسته مو تيشرتي الجديد اي ولج ليش كاصتها ورابطتها شنو هالموديل وهذا الشورت اللي لابستها عبالك مال مكدية كلها مشكك بابه هذا موديل شمعرفك بيهن روح اي دا اسمع صوت متنزلين لا بكيفج حسيته زعل بس مو مشكلة اعرفه كلب طيب ينسى بسرعة انتظرت نهلة مجتي كلت خلي انام احسن لي.حسان اليوم رجعت خولة لبيتها ردت احجي وياهم علمود سالفة بنتهم دخلنا استقبلونا احسن استقبال حسيتهم يحبونها ويعزونها لخولة ام  عدنان وردة مال الله بس هاي الجلبة وين اتمنى بس المحها اتخيلهاطفلة مشاكسة اخوانها حلوين بس اني مخلي ابالي صورتها وحدة خبلة ومشاكسة وشعرها منفوش جتني ضحكة على افكاري اجوي بيت عمهم المرية ام حسن عبالك تعرفنه من زمان سلام واستقبال مع العلم اول مرة اشوفها دخلت بنية سمرة وسمينة تلعب نفس حاطة كيلو مكياج جابت عصير عبالي هاي ريم ردت اخذ عصير اشوفها تباوعلي بنظرات وتغمزلي جانت لابسة فستان قصير لو نازعتها احسن كلشي امبين لعبت نفسي حتى مشربت العصير هسة عرفت هاي تغار من خولة علمود هاي هيجي تتصرفو ياها دتحس بنقص كعدنا ناكل جانت كاعدة مقابيلي تسوي حركات واني استحيت كلت بس لا اهلها يشوفون واتورط  طخت رجلي محجيت شي مرة مرتين هاي شبيها فوك شينها عينها وكيحة اكثر من مرة كامت تخليلي  اكل كتلها كافي اختي اني اكلي قليل رأسا ام حسن كالت عيني هاي هي مسويتها علمود خولة ترى نهلة كلش تحب خولة وتعزها حتى كالت مراح اداوم هالاسبوع ابقى اداري خولة .خولة شكرتها كالت اني هسة زينة اذا احتاجيتج اكولج ام حسن ونهلة كلش متغيرين اليوم ويايه الحب نزل عليهم من السما ماعرف بلكي يتصافون ويايا اني ماحب مشاكل كلش انقهرت مشفت ريم حتى مكلفت نفسها تجي تسلم عليه اخاف حسان يسألني وينها ماعرف شجاوبه كملنا غدا نهلة كالتلي روحي ارتاحي اني اكمل تنظيف واغسل المواعين صعدت ويا علي لغرفتنا عمي جان كاعد ويا حسان اترخصنا منهم وطلعنا.حسان انتظرت ريم مجتي اخرت نفسي بس اريد اشوفها وهاي نهلة حركت اعصابي بتصرفاتها رحت كعدت بالصالة ويا ابو عدنان ردت منه غراض مال تبريد كالي ارتاح هسة بعد ساعة نطلع للمحل انطيك غراض واني اصعد انام انت اخذ راحتك البيت بيتك شكرته لان فعلا محتاج ارتاح جابلي لحاف اتمدد نمت ماعرف اشكد سمعت صوت اغاني كلت خلي اكوم عيب يمكن ابو عدنان اجى حتى نروح وياه بس ابو عدنان شلون يسمع هيجي اغاني طلعت راسي شفت وحدة فركت عيوني كلت لاتكون نهلة تسويلي مصيبة جانت ظهرها عليه باوعت لا هاي بيضة ورشيقه يمكن ريم والله اذا هي حظي جابها من السما وماكو احد اني الج شفتها تركص ومندمجة ويا الاغنية بس لابسة ملابس عجيبه شورت مشكوك وفتيشيرت مبين ظهرها اندارت عليه مغمضة عيونها وتركص سويت احم احم حتى تنتبه بس داخلة جو مفاد انطتني ظهرها وكملت تركص وتكمز كمت سديت تلفزيون هي فزت كالت انت منو وشلون دخلت بيتنا وين علي باوعت على الفراش كتلها اني حسان جنت نايم وانتي دخلتي تكمزين مثل قرد انتي متعودة تركصين لضيوفكم وتلعبين نفسهم متستحين اتخصرت نعم نعم انت اخو القروية جريت اذنها كتلها لسانج اكصها اذا حجيتي على اختي شي افتهمتي يا ماعرف شكولج بنية ولد ممبين اكسر ايدك مرة ثانية اذا مديت ايدك عليه واني كسر راسج اذا اطاولتي على اسيادج امشي ولي منا .كعدت من النوم شفت الساعة ٤ صوت ماكو يمكن رايحين نزلت شفت نهلة تغسل وامي وامها يسوون كليجه  مشيت على كيفي جنت جوعانة كلت لاينتبهون عليه اروح للصالة لان صبح جانو مخلين بوفيه حلويات فتحت باب شفت شخص نايم سديت الباب بهدوء هجمت على حلويات واكلت كيك كلت هذا علي نايم متعود دايما ينام اهناك شغلت تلفزيون لان اعرف نومه ثقيل طلعت اغنية احبها اكمز واركص اندمجت ويا الاغنية حيل نسيت نفسي فزيت من سمعت صوت رجال باوعت مو علي ياربي منو هذا صحت منو انت عرفت اخو خولة كلتله اخو القروية راسا جر اذني طلع عيني من الالم مسكتت عليه بس والله خوفني بعد الزم نفسي بس ماكدر لساني متبري مني طلعت ركض لغرفتي وكلبي يرجف اني جبانة كلش اخاف بس لسان .كعدت انتظرت ابو عدنان دخلت نهلة شايلة صينية جاي وكيك وكليجة كالتلي اني مسويتها كتلها ماشتهي ماحب حلويات اويي فدوة مثلي كعدت رجل على رجل تدري بينا صفات مشتركه اني هم تعجبني خيول بس ماعرف اركب عليها ممكن تعلمني اي تدللين اني جايب واحد لابن خولة ادربي عليه لا تخافين مراح توكعين صدك بمزرعتكم لا اهنا بغرفته شنو تقصد اللي  افتهمتي وضحكت عليها كامت اوف ارتاحيت منها صدك لزكه شفت بداخل ماعون حلويات ورقه مكتوب بيها رقم خابرني ضروري شكيت
الورقة كلت خلي اروح منا قبل ميلزكوني بيها مو راحة هاي .رجعت للمزرعة شفت جو البيت مكهرب وجدي وابويه صايرين نار سلمت كعدت اشفيكم امي وبيبتي يبجون بيبيتي كالت ابوك ضرب هيثم كمت فزيت نعم ليش شمسوي يريد يقدم زواجه اي شكو بيها جدي كال والله ميتزوج قبلك واني حلفت اشوف منو بيكم يكسر كلمتي كلتله منين طلعتلي بهالسالفة هسة يازواج ليش بيك شي لو مو واثق بنفسك اللي مثلك ابنهم ١٠ سنوات افتهمت ويغمز عرفت يقصد ابن هند كلت اني مافكر هسة ابويه كام كال مو بكيفك كبرت وصرت زنكين تلعب بالفلوس ميخاف حلال عليك من تعبك ماتفكر بالزواج مو بكيفك خلال اسبوع تخطب وبعد شهر زواجك ويا هيثم اذا مجيتني قبل اسبوع مختار شريكه حياتك اني وجدك نختارلك وحدة من عدنا ومنو هي هاي الوحدة بيبيتي كالت هاي ريم اخت علي بنية حلوة وحبابة خولة تمدح بيها اهوايه واهلها احنا نعرفهم نعم نعم شنو هالاختيار منو كال اني اخذ وحدة زعطوطة جدي كال الزعطوطة تخلف مو اللي واصلين عمرك خلص انتهى صلاحياتهم هذا يجيب حجي منا ومناك ويذبلي بسامير خلوني افكر عفتهم وصعدت شفت هيثم كاعد بغرفته مهموم حجالي كال ليلى بالبيت يحجون عليها هند تريدها تفسخ حتى تزوجها لابن عم يوسف دكتور بفرنسا اخ كل بلاوي من وراج هند اني الج حسان اذا ماخذت ليلى اموت نفسي الله يخليك ساعدني جان يبجي مثل الطفل سألته هلكد تحبها اموت عليها ماتصور حياتي من غيرها لاتشيل هم اني احل الموضوع .خابرت عمي حجيت ويا كال تعال لبيتنا نتفاهم بعد ٥ ايام رحت لبيتهم كعدت حجيت ويا كالي انت رخصت بنتي جبيرة محجيت شي علمود منتزاعل انطيتها للغريب طلبت ايد اختك مرضيت انطيتها للغريب ناس والنعم بيهم كسرت كلب ابني هم محجيت وهسة ليلى صارلها ٩ اشهر مخطوبة الناس اكلت وجهناماعندي حجة حالتكم زينة ولو ماريد شي اريد لو تاخذوها هالشهر لو كل واحد يكعد بيته وماريد اخسر ابويه واخويه بسبب انانيتك اني حاسبك مثل جاسم بس انت محاسبلي اي حسب انقهرت شفت عمي مكسور وماكدر ادافع عن نفسي ماريد بعد كل هالسنين افضح هند كلت خليني ساكت احسن عمي اللي تريده يصير وانت تاج راسي كمت بست راسه وعد رجال هالشهر بارقى قاعة زواج هيثم وبنتك بنتنا انسى اللي فات اترخصت طلعت خابرت جدي كتله خطبولي بنت ابو عدنان