كوني أمرأه

الجزء 6

حسان اليوم خابرت ابو عدنان اتفقت باجر اخذ ريم حتى نروح نعقد بالمحكمة حجزت قاعة فخمة وجبيرة صرفت فلوس اهواية لان زواجي ويا هيثم عزمت ناس كباريه لحد الان محاجي ويا ريم خولة تكول تستحي واني ماريد اجبرها اسبوع وتكون يمي راح نتعرف على بعض بس احس اكو شي كلبي مو مطمن من ناحيتها بس ماريد اسبق الاحداث بيتنا مخبوصين من ناحية يرتبون جناح لهيثم من ناحية يحضرون حفلة حنا النا قبل الزواج واني بعدني ممغير اثاث غرفتي باجر انطي فلوس لريم تروح تختار الاثاث على ذوقها ماريد اختار وحدي اخاف متجي ويايه تستحي .بابه كلي باجر راح نعقد بالمحكمة هزيت راسي ومحجيت شي دا احس نفسي مربوطة خولة وامي يشترولي جهاز واني ابقى يم جهالها غرفتي متروس من جنط وهدايا عائلة حسان من ذهب وملابس عطور ممقصرين بشي بس اني مدا احس بالفرح نهلة يومية تجي تزن براسي ليش وافقتي شلون تعيشين ويا واحد اكبر منج لاتنطيله وجهه خلي يولي هو مو من مستواج واحد قروي كالتلي نسوانجي خفت عزا نهلة شلون عرفتي والله ريم ماعرف شكولج استحي منج بس ماريد اخدعج انتي اختي راح احجيلج بس بيناتنا كتلها كوليلي لاتخافين تذكرين لما رجعت خولة ويا حسان اي اذكر جان ينطيني رقمه طول ماني كاعدة يغمزلي ويكولي خابريني جان كلش حقير وادبسز اني استغربت انتي شلون وافقتي عليه ياولي صدك نهلة هو هيجي واحد سخيف ياربي شسوي هسة سمعيني شكولج تردين يصير خاتم بيدج اي شلون ابد لاتحجين ويا هسة خلي يعرف انتي وحدة ثقيلة مو مثله وبعدين لبسج لاتغيري دير بالج تلبسين من ملابسهم لو اللي يشتروها امج وخولة ترى ابد محلو راح تصيرين مثل فزاعة ابقى مثل مانتي حلوة وكول لاتغيرين نفسج علموده واهم شي لاتخلي يلمسج اول ليله صيري قوية اخاف نهلة ميصير والله دانصحج بعد انتي بكيفج اذا صرتي مرته ونام وياج بعد تصيرين مثل الخدامة لايحترمج ولايقدرج راح يعتبرج وحدة رخيصة وسهلة طلعي عينه هو مبين عليه ياخذاللي يريده ويذبج بس يشبع منج يطلكج ترى القرويين هيجي وانتي فكري زين بكلامي ترى اني ادور مصلحتج ومو كافي راح تعيشين بقرية وهو اكبر منج بهواية تدرين ليش اتزوجج يعرفج فقيرة وفطينة ياخذج يشبع رغباته وبس لعد شسوي العصر نروح للسوك اني وانتي نشتري ملابس وجهازج هذا ذبي بوجه خولة ترى هي تنتقم منج هسة لا عبالج تحبج واحتمال مخططة ويا اخوها عليج تريد تكسرج بس شحدها اني وياج نتغدا بيهم قبل ميتعشون بيج سمعي كلامي مراح تندمين زين اشكرج نهلة ترى مجنت اعرف راسي من رجليه همزين فتحتي عيني طبعا حبيبتي ماعندي اعز منج .كعدت الصبح شفت اهلي كاعدين ومبدلين صبحت عليهم كتلهم شكو وين كالو راح نجي وياك للمحكمة صدك جذب اني مقرر اروح ويا ريم وحدنا بيبيتي كالت ولك حسونة صارلي سنين انتظر اطشر عليك جكليت واهلهل لاتحرمني من الفرحة وجدي يكول ترى خابرنا اهل ريم همه هم يجون ورا العقد حجزنا بمطعم نروح نتغدا وعلى حسابي محجيت شي بستهم على راسهم وطلعنا بسيارتين اني وهيثم فرحت لفرحتهم يارب تستاهل ريم اللي نسوي علمودها لو لا .كعدتني خولة وهي مبدلة كومي غسلي طلعتلج ملابس أهلي راح يوصلون نروح للمحكمة كتلها اعرف ابدل ممحتاجة انتي اطلعيلي هدوم شفتها كعدت مقابيلي كالتلي ريم ترى اني مثل اختج او اعتبريني صديقتج اني مو عدوتج ترى حبي الج من حبي لعلي وانتي حبابة بس تبينين عكس شخصيتج انتي متكرهين احد ولاتعرفين شنو كره بس الله يسامح السبب الي انتي بي كتلها وانتي منين تعرفين كومي طلعي من غرفتي جاوبتني اشوفج اشكد تحبين جهالي وتموتين عليهم لو جنتي تكرهيني حتى متباوعين بوجههم كتلها لا ماحبج بس هذولة جهال اخوية وانتي ماعتبرج امهم وهسة عو فيني غسلت رحت ابدل اشوف مطلعتلي فستان نيلي مشجر ويا اكسسوارات وجنطة وحذء جانت فخمة الملابس ذوقها حلو بس على عنادها لبست كابوي وقميص مخطط وفلات وشلت شعري كلها عبالك رايحة للمول مو حتى اعقد حتى كريم مخليت بوجهي نزلت شفتهم يباوعولي مصدومين امي لزمت راسها عزا شلابسة وين رايحة انتي تلعبين كرة قدم لو تعقدين خولة منطتج ثياب والله اذا مو راضين على لبسي ماجي للمحكمة وبلاها هذا الزواج مكدروا عليه طلعنا شفت نهلة وامها جايين ويانا عبالك نهلة عروسة هيجي جانت مبدلة جتي يمي كالتلي عفية عليج شلابسة هسة حسان راح يقدرج اكثر لان رحتي على طبيعتج نهلة ليش هيجي مسوية بنفسج عبالك عروسة لا حبي انتي عروستنا الحلوة اني وين اصلا ماريد اتزوج بعدني صغيرة .وصلنا للمحكمة انتظرناهم اتخيلها شلابسة هسة متشوق اشوفها من بعد خطوبتنا مشايفها كلش جانت طالعة حلوة ماحب نسوان المصطنعة احب تكون طبيعية ها ابو الشباب اشبيك متوتر وين ناظم بالطريق خويه هسة يجي على كيفك ترى اليوم مو ليله دخلة فميحتاج كل هالتوتر استرخي ايا ادبسز عيب عليك ولك علينا ديالله تعالي ريم خاتون مو اخويه كلبه رهيف ميتحمل الانتظار امشي روح من كدامي صدك متستحي الله عليك حسان بشنو تفكر هسة وانت شكو كولي الله عليك والله هيثم تريد الصدك افكر شلابسة هسة اريد اتخيلها بس ماتذكرها زين لاتخاف هسة تجيك مثل اميرات دزني ولي من كدامي هيثم اروح اوكف ويا جدي احسن اي عيني روح خليني اخابر الحب شفتهم دخلو اول مجتي عيني عليهم شفت نهلة هاي شمسوية بنفسها لاتكون مفكرة نفسها هي العروس وين ريومتي شفت ورا نهلة وحدة لابس ملابس الله يعلم شلون انصدمت هاي ريم ليش هيجي لابسة هسة اهلي شيكولون عليها بسيطة اني الج سلمنا عليهم كملنا اجراءات طلعنا امي وبيبيتي وخواتي جانو يهلهلون ويصفكون فرحانين واني ميت قهر من لبس وحركات ريمة خاتون حتى سلامها جان عادي وبارد طلعنا كلت لابو عدنان ترا كلكم معزومين بفلان مطعم عزومة جدي ماكو اي اعتراض واترخصت اخذ ريم ويايه وافق صعدت انتظرت ١٠ دقايق يالله جتي صعدت وكعدت حيالله ريم بنت ابو عدنان اهلا شنو اهلا مبروك على العقد شكرا واني ماكو مبروك بدون نفس مبروك جنت اسوق على كيفي اريد احجي وياها تجاوبني بالقطارة كتلها ريم باقيلنه اسبوع ونتزوج لازم نتعرف على بعض ميصير نبقى هيجي ترى لا اني ولانتي نعرف شي عن بعضنا من اليوم ابدي اخابرج وانتي تخابريني جاوبتني لا ماريد هو اسبوع نكون سوى العمر كدامنا ليش ريم استحي منك ممتعودة وبعدين شوية امشي سريع دخت شنو متعرف تسوق ضحكت والله هسة طلعلج لسان ومن الصبح لازمة نفسج تجاوبين بالقطارة تدللين حبي .اوف هذا مراهق لو شنو اشكد مكروه فضحني كدام اهلي طلب من ابويه اروح ويا بسيارته ماريد اختلي بي وحدي اشكد اكرهه صدك قروي خبصني بالحجي واني مارد عليه ماعنده دم وصلنا للمطعم اتغدينا جانو جايبين امه وخواته طخم ذهب وهو هم قدملي هدية وانطاني فلوس كلي روحي اختاري اثاث على ذوقج جناحي جبير اشتري كل شي تردين حسابج مفتوح .رحت ويا نهلة مرتين للسوك ماما مجانت تقبل بس ماسمع كلامها اشتريت كومة غراض الي والها عبالك هي العروس مو اني اختاريت طخم اسود دزيتله صورته معجبه كال ماحب لون اسود كتله ها هي انت اختار بنفسك مادام ميعجبك ذوقي .تعاندني اعرف سوالفها عرفت طالعة ويا نهلة للسوك طلعت وراهم مشافوني راقبتها جانت عاقلة بس نهلة عيونها رادار شفت شايلة كومة اكياس فرحت كلت هاهي دتجهز ورضت بالامر الواقع بس مشكله ملابسها ابد متوالم شكلها هي كلش حلوة بس اختياراتها محلو بالملابس .اليوم عرسي كلش خايفة صرت بين نارين مادري اسمع كلام امي لو نهلة كلش خايفة متصورت يجي يوم واخاف ياربي سترك منايمة من البارحة حتى ماعندي نفس اكل رحنا للصالون اني ونهلة وخوات حسان جابولي فستان كلش جان حلو كالولي اختيار حسان جايبه الج من البحرين عجبتني كلش عبالي مال اميرات متخيلت فستاني هيجي امبين ذوقه حلو كملت تزيين باوعت لنفسي بالمرايه مصدكت كلت هي انا لو مبدليني ياربي صدك حلوة كلهم كالولي ماعدا نهلة لاول مرة مسمعت كلامها اخويه علاوي اجى اخذنا للقاعة وصلت شفت حسان ينتظرني اباب القاعة جان كلش حلو وصلت باس راسي اقترب مني كالي مبروك حياتي طالعة تخبلين استحيت من كلامه دخلنا اخذنا صور العرس جان كلش منظم ومرتب عبالي حلم بس نهلة جانت تغثني اهواية ليش قبلتي عرسج ويا ليلى تصير شوفيهم يداروها اكثر منج كتلها مو مهم اني هسة فرحانة هذا كافي انصدمت جاوبتها كملناالحفلة ورحنا للفندق كالي نبقى اسبوع وبعدها انسافر لشهر عسل محجيت شي بدا العد تنازلي عندي خوف وتردد ماعرف شسوي.كلش راضي على حفلتي اليوم ختمت عزوبيتي ويا ريم خاتون  كلش حلوة جانت طالعة اختاريت الفستان بنفسي خفت لاتجي بملابس اخوانها صار عندي عادي اشوفها لابسة ملابسهم بس عجبتني اليوم جانت كلش مطيعة جنت ادعي تكون هيجي لحد مايعدي هالليلة على خير حجزت بفندق اسبوع الي ولهيثم وانطيته تذاكر سفر هدية مني لتركياواني و ريومتي راح  نسافر للبحرين دخلنا للغرفة شفتها متوترة وخايفة كتلها روحي غسلي وبدلي لحد ماطلب عشا النا .مصدكت رأسا رحت غسلت وبدلت طلعت هو فات للحمام ياربي شلبس هسة ملابس اللي مخليتها امي لو اللي رتبناها ويا نهلة اخر شي استقريت البس برمودا وفانيله جيشي رحت للصالة شفت الميز متروس اكل واني جنت جوعانة منتظرته يطلع من حمام بديت اكل عبالك اول مرة بحياتي اكل ولا جنت استحي ماخذه راحتي.طلعت من الحمام بسرعة كلت احتمال هسة جوعانه تنتظرني لبس سيت بيجاما حرير خليت عطر مشفتها بالغرفة وملابسها مشمورة منا ومناك كلت هاي من اولها هيج الله يستر رحت لصالة شفتها ماخذه راحتها وتاكل ماكو مشكلة خطية جوعانة شفت ملابسها انصدمت هاي من كل عقلها هيجي لابسه شنو داخلة معسكر تدريبي اقتربت منها كتلها هلا بالشباب فزت هاي شلابسة وكفت على حيلها وتباوعلي كالت ثياب قابل شنو من كل عقلج هاي ثياب عروس لا تحلم تلمسني اني هذا ثيابي وماغيرها علمود احد لا والله شنو المسج وانتي عبالك كاعدة بكهوة عزاوي سديتي نفسي على النسوان كعدي اتسممي براحتج زفرت ردت اكوم اضربها بس تعوذت من شيطان كلت خلي اشوفها لوين توصل ماريد شي غصب اريدها بنفسها تجيني اي ابو الشباب شكو ماكو كملي عشاج عادي لاتستحين ولو ممبقيه شي بس ميخالف تستاهلين صارت نار انحرجت كالت اني راح اروح انام وانت وين تنام جاوبتها اكيد راح انام  على السرير وانتي ابو الشباب اخذيلج مخدة ولحاف ونامي بالصالة وهسة تصبح او تصبحين على خير كمت وعفتها فوك سوايتها تريدني انام بر ا الغرفة اني صبري طويل وراج لحد ماتجريها عدل رحت تمددت كل ماتذكر شكلها يجيني ضحك بالله شلون ليله عمر متنسي ولا بلاحلام