كوني أمرأه

الجزء 10 والاخير

رجعت للمزرعة خابرت هيثم اجه ورايه ورجعت لبيتي كلش فرحو من شافوني حتى لو حسان مموجود ميهم المهم اعيش واتنفس بين اهله اشوف عيونه بعيون ابوه وجهه مثل امه من كل واحد بيهم ماخذ شي امي مقبلت اروح كتلها حياتي اهناك احس نفسي غريبة يمكم شنو هذا الحجي ترى احنا اهلج اعرف انتو روحي  بس حسان نبض كلبي ماكدر اعيش بدون نبض عوفيني طول كعدتي ابيت اهلي مشفت نهلة مرات اشوف ام حسن بس ماحجي وياها يادوب سلام واعوفها عمري مراح اسامحهم عرفت من خولة نهلة زعلانة ويا زوجها وهي بيت اهلها صارلها ٣ اشهر ياربي الله شلون انتقم منها من يوم اللي اتزوجت هي بيت اهلها زوجها ميريدها يكول لسانها طويل وكيحة ترادد ويا امه وهي مرة عجوزة كتلها هاي من افعالها الله هيجي يسوي بيها.صعدت لجناحنا شميت هوى كأنما اشم ريحة حسان مشتاقة لكل ركن بالغرفة طلعت ثيابه بقيت اشم وابوس بيهم واحد واحد اتخيله ويايه بكل لحظة امرر اصابيعي على بطني احجي وياه هذا مدالية ابوك وهذا وسام من فلان بطولة  هسة اني بشهر الرابع بين يوم ويوم يخابرني بس يطمن عليه ويسد تليفون راضية حتى لو بخيل ويايه ميهم المهم احس بنفسه مثل انعاش لكلبي ياربي يمتى ترجع مو كافي البعد رتبت غراضي نزلت للاسطبل باوعت للخيول اتذكرت سهراتنا اهنا كعدتنا يم شلال مرات اركب وياه جنت عايشة بسعادة سمعت صوت جده كالي ها بوية شتسوين اهنا خاف تتعبين رحت بست ايده وراسه شلونك جدو بخير عيوني شلونج اهلج شونهم حمدلله على سلامتج الله يسلمك شتسوين تدورين على طيف حسان ضحكت كتله شمعرفك كالي حالي من حالج وضحك كعدنا بالحديقة وجتي خيرية خاتون جانو يحجولي على طفولة حسان واشكد هو جان طفل مطيع وعاقل اتمنى ابني لو بنتي يطلعون مثله اعرفه يموت على اهله بشكل مو طبيعي يرخص روحه الهم من صغيرهم لكبيرهم جنت متونسة لحد ماجوي بيت ابو جاسم شفت هند جاية وياهم كلت بكلبي اهو اشجابها هاي البلوة هسة وكتج تغثيني كعدنا بعد السلام هيثم كال بمناسبة رجوع ريومة اليوم نشوي بالحديقة يعرفني احب المشويات لزمت نفسي غصب ردت ابجي اتذكرت حسان بين يوم ويوم جنا نكعد نشوي لحم بالحديقة بالليل فرحت وشكرته باوعت لهند جانت تباوعلي بنظرات استهزاء عرفت هسة تسوي شي متكعد راحة اكول ريم نعم ست هند حسان ليش طفش وعافج اشسويتله خليتيه يهج منج وهو المفروض انتي حامل يبقى يمج اكيد مسوية مصيبة ابوها كال شنو هالحجي هند سكتي عيب عليج مسحيها بوجهي بنتي هاي كل ماتكبر عقلها يصغر كتله عادي مصار شي ضحكت بوجهي استاذنت وصعدت لجناحي متحملت اهانتها بجيت شلت تليفون خابرت حسان مجاوبني اكثر من ١٠ مرات يالله جاوب كتله لو ترجع لو اموت نفسي ماتحمل بعد كافي ظلم ترى غلطت واني بشر ممعصومة من الغلط واتصور اخذت عقوبة كافية اشبيج  شنو هالبجي والصياح وين انتي اني بالمزرعة شنو موديج كلبي وداني ترى هذا مكاني مو بيت اهلي كافي حسان اختار لو ترجع ونعيش سوية لو انهيني من حياتك ومن الدنيا ترى تعبت ارحمني لاتعصبين ارتاحي اخاف يصيرلج شي لاتخاف على اللي بطني ترى مابي شي خاف عليه اني انتهيت اهدي واتنفسي لاتبجين دموعج تحركني جذاب والله جذاب سديته وبجيت.صارلي اسبوع بالبحرين عندي بطولة ودا اتدرب ناوي ارجع واسامح ريم كافي اخذت عقابها عرفت السالفة من ورا نهلة الحقيرة خولة خابرتني وحجتلي السالفة اني الها الحقيرة ردت ارجع بس ابو مهرة خابرني وكالي اكو بطولة دوليه مهمة اشارك بيها بس لازم اتدرب اهواية لان منافسين اهواية ردت ارجع كالي ماكو وقت كمل البطولة وبعدها ارجع لاهلك كلت بلكي افوز وارجع يم اهلي اروح اخذ ريم من اهلها اسويلها مفاجأة مراح اكولها سامحتج اريد اشوف تعابير وجهها واني كبالها وعيني بعينها اشكد مشتاقلها الخبلة جنت اتدرب صاحني المدرب كالي تليفونك يدك اهواية اخاف اهلك ركضت شفت مكالمة ريم سمعت صوتها تبجي وتعاتبني عرفت راجعة للمزرعة كيفت اهواية ردت اكوللها سامحتج بس لزمت نفسي حسيتها صدك تعبانة وتعاني كتلها دموعج تحركني كالتلي جذاب وسدته ضحكت عليها خبلة حبيبتي بالله هاي شلون راح تربي جهالنا اتخيلها صايرة ام  ابد متلوكلها هي بعدها طفلة رجعت للتدريب واني اكول بكلبي اسبوع وانتي بحضني ريومتي .صارلي ٦ ايام رجعت اليوم كلبي مقبوض اريد ابجي تعبت من البجي وكالولي مو زين المرة الحامل تبجي اجي واروح بالغرفة الوكت ميروح خابرت امي كتلها باجر تعالي يمي مشتاقتلج كالتلي زين سديت منها حجيت ويا خالدة خطية هي هم حامل بشهرها كوة تحجي شكو خبلة متستحين تخابرين تالي ليول ترى انتي بدون رجال احنا عدنا رياجيل مو مثلج ضحكت عليها بالعافية عليج رجالج اشجاب رجلج لحسونتي اي مو حسان براد بيت ايع شنو هذا الوصف اشحده يوصل لجمال حسونتي هسة اشرايدة مني دااريد انام ترى اني خالدة مو حسان روحي خابري والله خابرته بس ميجاوب حقه اختنك منج ومن طلباتج حنانه صوجي اخابرج كولي شرايده والله ماعرف كلبي مقبوض ومجايني نوم شربي حليب ونامي وخلي وسادة حسان بحظنج وادعيلي وهسة الله وياج ضحكت عليها ياربي ليش ميخلص الوكت رحت اتمددت شفت حلم ماعرف كابوس عبالي دا اختنك سمعت صوت صياح فزيت لبست الروب نزلت ركض اباوعلهم يبجون ويلطمون وجد حسان واكف يسكتهم سالت شكو اندارو عليه لزمتني هالة روحي لغرفتج ماكو شي ارتاحي صحت عليها شنو صاير حسان بي شي عاطت امه صياح ولطم ابني راح يموت ولج انهجم بيتج زوجج بالغيبوبة لا جذب ركضت ماعرف وين اروح ابجي واصيح لزموني عوفوني اريد احجي وياه شفت امي جتي هي وخولة ويبجون لزمتني امي اهدي حبيبتي مو زين عليج ابجي واكول حسان راح اريد اروح عوفوني اموت نفسي ركضت للاسطبل شفت مهرة واكفة رحت بستها واتلمسها صاحبج عافني وراح جذاب خان العهد ابجي واحجي شفتي اشسوى بينا راح بعد ميرجع تعالي نروح يمه علي اخويه اجه اشبيج اتخبلتي شلون تركبين وانتي حامل خافي على ابنج ونزلي ادعي زوجج يكوم بالسلامة مو وكت خبال عوفني اريد اروح يمه هو يحب مهرة وهي هم راح نروح سوية وين تروحين ترى حسان بالمستشفى ليش تفاولين عليه يامستشفى لاتجذب عليه ضربني راشدي اصحي على نفسج وتعاي حضني ودخلني للبيت خلاني بفراشي ابجي واون اجتي دكتورة ضربتني ابرة مهدئه حتى انام .عيني هيثم طمني على اخوك جدي هسة خابرت صقر وحجيت وياه انتظر  الفيزا واروح ترى كلبي نار معرفت شصار بيه كالي اثناء بطولة بالقفز العالي وكع الحصان مسيطر عليه اصابته اهواية لو قليل ميعرف بس الدكتور كايللهم ٤٢ ساعة يالله يبين ادعو ميصير بي نزف داخلي لان عنده كسور بأيده ورجله اويلي عليك ابني امي تلطم بيبيتي وياها ماعرف اسكت منو بيهم واني اصلا اسوء منهم بس لازم نفسي انتظر الفيزا على نار ماتحمل حياتي بدون حسان .صارت اسبوع من حادثة حسان بعدنا منعرف يمتى يكوم الحمدالله ماعنده نزف داخلي بس كسور شفت صورته وهو عليه اجهزة صوره الي هيثم جان نايم مثل الطفل كلبي احترك عليه البيت مخبوص محد بوعيه حتى هند صارتلها اسبوع اهنا يمنه تساعد وتساند مرات تجي تواسيني وتجيبلي اكل اتكولي ديربالج على نفسج كتلها ليش تهتمين بيا متكرهيني ضحكت كالتلي لا ترى اني مو شريره بس اني شكلي هيج ابين قوية ترى حسان مثل اخويه واني يهمني صحته اللي سواه ويايه وكت زواج يوسف كبره بعيني رجعني لبيتي معزز مكرمه مع علم اخواني مسولي شي المفروض همه يساندوني اعتذرو  مني بتليفون وهاهيه وهسة اريد اوكف لاخويه حسان ولاختي الصغيرة ريم باستني  ارتاحيت من ناحيتها كلش جنت شايله همها عبالي تحب حسان .صارلي ٣ ايام واصل للبحرين ويا ناظم يوميه ٥٠ مرة اخابر اهلي و٥٠ مرة اخابر ريم خبلتني متصدك اكوله زين يتنفس كل ساعة تريد صورة لو مجانت حامل جنت اجيبها اخلص منها اشبيك هيثم ادردم ويا نفسك خبلتني ريم عبالك جاي سياحة تكول صورلي حسان لو افتح فيديو احجي وياه ههههه خطية تحبه عرفنا بس مو بهالشكل ترى حقه طفش منها لا مطفش ترى اخوك يموت عليها لو بس اعرف ليش جان مسافر وتاركها كلبي يرتاح ترى ناظم اشك بيك تعرف لا ماعرف اكص ايدي اذا متعرف اشبيك حتى لو اعرف مراح اكولك اي اعرفك جلب ماكو جلب غيرك امممممممم سمعت هيثم اي ناظم بدا يحرك اصابيعه روح صيح الدكتور .كاعدة ويا اهل حسان ضيوف جاية ضيوف طالعة بس اني بغير دنيا كالولي لاتبقين وحدج ابقي كاعدة بيناتنا احسن مكلت شي امي ويايه خطية اهلي مبتلين بيه حتى بيت عمي ممقصرين ولو مانزل لما تجي ام حسن بس اسمع من امي يجون ويسألون شفت نهلة جاية وياهم ردت اكوم اضربها كدام ناس وافضحها شفتها مكسورة وذبلانه لابسه عباية وبطنها كبران اجتي حضنتني واني متحركت من مكاني جانت تبجي فدوة سامحيني الله يخليج ريم ترى اني اذيتج اهواية كومتها مردت تحجي شي كدامهم ماريد يعرفون بسوالفها الحقيرة خليني بهمي احسن صعدت وياها لغرفتي شكو نهلة مكفاج اللي سويتي بيه شتريدين مني ابوس ايدج سامحيني ترى الله انتقم مني اني لاحول ولا قوة بس الله يعلم اشبيه ماعرف ليش جنت اكرهج وأذيج من واحنا صغار يمكن من غيرتي وحسدي عليج اهلج جانو مترابطين ويحبونج وجنتي حلوة واني امي وابويه ٢٤ ساعة صياح وعياط واحنا الجهال كل واحد بحاله كبرت على حسد من ناحيتكم جنت اتمنى اعيش مثلج وامي ساعدتني بدل ماتنصحني جانت تكره امج تكول عليها عدها حظ ام بخت دمرت حياتج ودمرت انوثتج مستقبلج هم مرتاحيت خليت عيني على زوجج هم مفاد لحد ماتزوجت شفت الويل خلال شهر من اول ليلة اني انضربت محجيت مردت احد يتشمت بيا بقيت شهر يمه يوميه ينام ويايه وبعدها يضربني يعاملني مثل بنات الليل وجنت اسمع منج ومن اهلج شلون يعاملج حسان ومدللج متحملت ردت اخرب حياتج واني اسفة هسة شوفيني حامل واللي بطني احتمال ميعيش نبضه ضعيف وزوجي ميقبل يطلكني يكولي افضحج اذا طلبتي الطلاك وهسة اني معلقة لا متزوجة ولا ابنية يومية امي ترزلني حتى ارجع لبيتي بس زوجي ميريدني شسوي اني انقهرت عليها كتلها الله يسامحج بس مع هذا اني مراح اكدر اثق بيج وانسى خليج بعيدة عني والله يعوضج .دا احس جسمي مكسر تعبان حيل عرفت اني بالمستشفى وجسمي مكسور اتذكر جنت بالسباق وصلت للمرحلة الاخيرة وكعت من الحصان بعدها محسيت بشي هسة هيثم وناظم كالولي جنت بغيبوبة اريد اسأل على ريم بس ماعندي قدرة احجي كلش تعبان ها ابو الشباب لا اليوم الوجه منور يعني ادز صور لريم واني مطمن مي مي هسة شربني مي اشرتله يفتح تليفون خابر اهلي شفتهم واحد واحد جانو يسلمون عليه ويبجون واني ااشرلهم بعيوني ماكدر احجي وصلت لريم كلبي فز بطنها امبين ولو ذبلانة بس يلوكلها الحمل طلبت من هيثم يطلع برا حتى اخذ راحتي باوعتلها جانت تبجي وتحجي كافي اني زين روحي لغرفتج  صعدت لغرفتي كالي شوفيني بطنج نزعت ملابسي وشوفته جان امبين عليه فرحان بس ميحجي واني قربت تليفون من بطني كتله بوس ابنك باوعتله مافتهم كتله ولد راح يجينا ولد الله عليك كوم بسرعة وارجع ترى غيابك عذاب كافي .اليوم احلى يوم بحياتي راح يرجع حسان من البحرين جان بالمستشفى شهرين هسة بطني كبر اكثر يومية نحجي بالتليفون واشوفه علاقتنا رجعت احسن من قبل مرات يذكرني باول ليلة انقهر واتعصب منه يكولي ليش تتعصبين قابل اني كتلج لبسيلي فانيلة وشورت جيشي اكوله اتعصب من نفسي اشكد جنت زمالة ضيعت احلى ليله واضحك يكولي اذا جبتي ورا الاربعين اخذج للفندق ونجدد ليلة دخلة بس هم لبسي جيشي اريد اشوفج بيها لا  حبي توبة مستحيل اني مرة ناعمة مو مال هالسوالف علينا ابو الشباب  ههههه كافي .هيييي وين وصلتي ريم خاتون صارلي ساعة احجي ويا منو شكو هالة روحي شوفي الاكل لا عيني اليوم اني ماسوي شي ماريد اتعب ليش عيني حالج من حالنا لاوالله اني اليوم عروسة جتي خالدة اي والعريس مكسر هههههه بقو يضحكون عليه ضحكو من حرتكم مابيه شي عادي حتى لو مكسر اهم شي موجود يمي واحضنه هههههههه ميكدر يصعد راح يبقى بغرفة جدي وينام يمهم وانتي ابقي ويا المخدة احضنيها للصبح اني الكم والله معليه حتى لو بالمطبخ ميهمني المهم وياه اجتي ام حسان فرحونه اشبيكم تضحكون سمعي يمه مرت ابنج اتخبلت تريد تنام ويا زوجها بالمطبخ تكول مراح انتظر يصعد فوك ترى مشتاقتله اهواية باوعتلي مصدومه عزا عيب بنتي وين بالمطبخ عدكم غرفة سترو نفسكم بيها والله يمه يجذبون عليج مقصدت هيجي شي يتبلون عليه سمعت صوت سيارات مهتميت شفتهم سكتو اشبيكم صافنين حسيت ايد على بطني فزيت انداريت شفت حسان بوجهي من الفرحة بجيت التمو امه وخواته عليه بس اني ايدي بايده معفته اشكد حاولو مقبلت اعوفة اجلبت بيه محجيت شي وياه بس اباوعله ويباوعلي كعدنا شوية كالي عوفي ايدي ترى جدي يباوعلنا ماعليه مراح اعوفك ولج عيب ماكو لاتحاول اشبيكم تتبسبسون مو عيب كاعدين خالدة كالت رديت عليها ماعليج بينا كومي ولج خلي اكعد يم ابن اخويه ليش لازكه بيه ترى ابنا تعبان كمت زعلت ردت اصعد صاحني عمي كلي كعدي بنتي ماعليج منها كتلهم لا اروح ارتاح بلكي يجي ورايه صعدت بدلت ملابسي شفته ورايه يبوسني ويحظني كالي هسة ويال الحمل صرتي مرة  لعد شنو جنت قبل رجال كال لا نص ونص .عشت وياه اجمل الايام وصار عدنا كتكوت سميناه يزن. انتهى القصة  انتظر ردودكم عليها

الكاتبة just me