كوني أمرأه

الجزء 2

.ليش هند ليش تخونيني اوكف خلي افهمك سمعت بأذني اخوانج وابوج برا لاتكوليلي همه لان اعرف اصواتهم وهذا صوت واحد مايع مو رجال هذا اللي مغيرج عليه تفو عليج خلت عينها بعيني انت معليك بيا والله لا احبك ولا هم يحزنون وهذا اخو صديقتي احبه راح يصير معيد بالمعهد وراح اتزوجة غصبا ماعليك واني هند مفكرتي بيا ولج شنو مسويتلج هذا جزاتي بقينا نحجي ٣ ساعات هي لاتستحي ولا شي مكدرت اضربها لو اموتها لان سبقتني وكتلتني كالتلي احسك مو رجال ولا انت من مستوايه انت وين واني وين اني اريد رجال يملى عيني ويوسف هو هذا الرجال اخر كلمة بستي مثلي صار بيناتكم احضان اي صار وهو باسني وحسسني اني مرة عندي احتياجاتي وطلباتي يفهم عليه مو مثلك ذرة رجولة ماعندك لهنا وكافي ماريد اسمع شي جنت واكف كدامها ابجي وهي بكل صلافة تباوعلي وتحجي عليه وتقلل من قيمتي اخر شي كالت اسمع تكوللهم ماريد هند اريد تنهي هالمهزله ترى ماصيرلك مرة اهرب وياه وافضحكم هالكد تحبي اي طبعا سمعي من هاللحظة اني مو رجال صدك اذا فكرت بيج كمرة انتي خلص روحي اتزوجي شتسوين سوي تحرمين عليه ليوم الدين الله لايوفقج دمرتيني الله لا يوفقج طلعت رحت لغرفتي قفلت الباب بجيت دم على كل لحظة ضيعتها على هند تليفوني يدك ناظم ١٠٠ مرة خابر وهالة تترجاني ويا خالدة افتحلهم باب كتلهم عوفوني اريد ابقى وحدي كلهم اجوي فقدت مدا احس بنفسي اخذوني للمستشفى بقيت اسبوع رجعت لبيتنا صرت شبه ميت حجيت لناظم انه هي تحب غير واحد بس محجيتله بيناتهم احضان وبوسات مردت افضحها كالي عوفني هسة املخها كدام اهلها كلتله اذا تعزني عوفها صارت شهر على هالحادث المشؤوم جنا كاعدين اني وابويه وهيثم جدي جان نايم دخل عمي بعد السلام والحجي كال اليوم اجوي خطابة لهند باوعولي اني متت من مكاني بس لزمت روحي كلت عمي البنت بنتك وانت قرر وانت متريد بنتي من وهي صغيرة اني رخصتها الك كلتله محشوم عمي بنتك مثل خواتي خلي تشوف قسمتها اني ماريد اتزوج ابويا كام ضربني لاول مرة مجاوبت طلعت عفتهم الصبح حسيت واحد جرني من الفراش شفت ابويا وجدي واكفين على راسي جدي قفل الباب استغربت نزع عكاله بدى يضرب بيا هو وابويا حيوان شمسوي شايفلك شوفة ترخص بنت عمك وهي محجوزتلك ياناقص انواع الاهانة والضرب محجيت شي  امي وخواتي وبيبيتي يبجون كدام الباب اخر شي كالي هسة تروح تعتذر من عمك يوم خميس خطوبتك لزمت ايده بست رجل ابويه وجدي كتلهم اذبحوني قبل الخطوبة ترى ماعندي ويا اي احد شي ولا اني ارخص بنت عمي بس هي متريدني انصدمو كتلهم اذا وكفتو بطريقها اذبح نفسي حلفت براسهم يسدوون الموضوع جدي كال لأبويا محمد اطلع برا واخذ النسوان اريد ابقى ويا حسان لوحدنا كومني وحضني كال احجيلي خلي اروح اذبحها حجيتله وحلفته بقبر عمي الصغير ميوكف كدام قسمتها عمي الصغير مستشهد فسكت كالي بعدك تحبها احلفلك ماحبها من شهر صارت مثل اختي الله يوفقها خلوها تروح وعليمن تبجي هسةعليها لا جدو غلطان على نفسي كال تتذكر كلتلك اخاف تجيني يوم وتبجي على نفسك وهاي عشت وشفتها ياريتني مشفتك مكسور عمت عيني عليك لاتكول شي .اليوم زواج هند انخطبت واتزوجت خلال شهرين اروحلهم بس ماحجي وياها ولا هي حاولت تحجي تبررلي حتى لو بالكذب بس متحس جماد مو بشر.رحنا ويا ناظم لغير محافظة سافرنا حجزنا بالفندق كتله ناظم اريد غرفة بوحدي كالي وياك ماعوفك اريد اخذ راحتي الله يخليك ماكو بقينا اسبوع بالفندق كلما يطلع ناظم من الغرفة املخ وابجي والطم مثل نسوان على هند يرجع يكولي كافي روح سافر شوف حالك صاير عظم على جلد عيب عليك كاعد مثل نسوان ترى انت رجال .فعلا خلال شهور سافرت رغم اعتراض اهلي بس لاول مرة عارضتهم ميهمني احد اريد اروح اغير نفسي كافي اللي مريت بي سافرت لاوروبا بالبداية جان صعب التعامل واللغة دخلت دورات مكثفة لغات وحاسوب موتت نفسي جنت اضغط اهواية على نفسي مابين الشغل والتعليم صارلي سنتين مسافر احجي ويا اهلي بالتليفون يطلبون مني ارجع ماقبل اكول اكون نفسي يالله ارجع اتعرفت على جماعة من البحرين من عوائل هوامير  اخوان اثنين واحد بيهم اسمه صقر واحد طلال حسيتهم اخواني مو اصدقاء جان عدهم بيت بالمنطقة اللي اعيش بيها اني جان عندي شقة بسيطة جنا دايما سوى اغلب اوقات فراغي وياهم سجلنا بالنادي كالولي ترى طولك حلو وانت حلو بس تحتاج عناية شوفنا احنا كدامك مثل بطريق جنت اضحك عليهم فعلا سجلنا بالنادي صار فترة الاعياد الناس ماعدها دوامات عزموني على ديسكو اول مرة ادخل بيها تعودنا بالاسبوع مرتين انروح اتعرفنا على بنات اشكال الوان بالبداية جنت خايف لان ممجرب بعدين صارت عادي جنا نتسابق بعدد العلاقات والبنات جانو دايما يختاروني يكولولي يابو بخت علمناك مجدية سبقتنا على الابواب علاقتي اتقوت وياهم كملو تعليمهم كالو نرجع للبحرين وانت ترجع ويانا بالبداية عارضت بس قنعوني اهناك عندك فرصة تصير شي وهم عدهم سلسلة شركات ومعامل كل هذا بعدني مشايف اهلي اتغيرت اتقنت ٤ لغات خبير بالحاسوب وجسمي صار يخبل ورا سنتين جنت اوكف كدام مرايه ماعرف نفسي طول عرض ترتيب كلشي بيا متغير دزيت صور لاهلي بس راسي اطلع بالصور ماريد يشوفون جسمي اريدهم على الواقع يشوفوني بس صقر وطلال يكولولي اذا وصلنا للبحرين راح اطير من عدنا نسوانا كمت احجي مثلهم وهم مثلي كأنما الله عوضني بيهم سافرت للبحرين وكانت بداية انطلاقي من اهناك جانت عدهم مزرعة عمهم تاجر خيول عربية عنده بنيه وحدة اسمها مهرة فعلا اسم على مسمى اية من الجمال انعجبت بيها بعدين عرفت خطيبت صقر بعدت عنها عشقت الخيول بشكل مبالغ دخلت دورات لحد ماصرت خيال اتعلمت تجارة خيول بقيت بالبحرين ٤ سنوات صارلي ٧ سنوات مشايف اهلي بس اسمع صوتهم احجي وياهم فيديو بس يشوفون وجهي جدي يكول اشبيك بس اطلع راسك اخاف صاير بيك شلل متشوفنه نفسك اكوللهم لا هيجي زين ادز الهم فلوس اشتريت اراضي حوالين مزرعتنا اتفقت ويا مقاول يسويلي المزرعة مثل مال بحرين دزيتله خرايط واهم شي اسطبل الخيول لان صار عندي ٥ خيول عربية اصيلة فزت بيها بالسباق واشتريت ١٠ من نوع عادي بعدني كاعد بشقة علمني طلال على زواج المسيار اتعودت بين فترة وفترة اتزوج واطلك مرات عندي ٣ مرات صفر بس كل هذا اني وين اتغيرت كلش هند صار عدها ٢ ولد ابد مافكر بيها ناظم اتزوج اختي هالة جواهر اتزوجت صارت ام ل ٣ جهال هيثم كبر خولة كبرت كل شي يطلع جديد اشتريلهم خليت هيثم يعلمهم لغة وحاسوب يدخلهم دورات حتى لو ميدرسون بس يكون عدهم ثقافة لايوم وحدة مثل هند تعايرهم مثل ماعايرتني اريدهم يشوفون دنيا بس ويانا ويا اخوانهم مو وحدهم يفلتون كلشي  بحدوده .اليوم من بعد الغياب راح ارجع اسافر اريد اشوف اهلي خابرتني هاجر كالتلي تاج راسي كافي البعد ارجع محتاجياك ترى جدي بين الحيا والموت صعدت بالطيارة كلبي يدك سريع طبعا جنت بالاسبوع مرتين اسافر ويا ابو مهرة علمود الخيول بس هسة احساسي مابين الخوف والمجهول ماعرف اتأقلم ارجع وياهم لو لا حياتي بالبحرين كلش مستقرة وحلوة بس ناقصني اهلي اتذكرت نفسي اول مارحت لاوروبا شلون جنت انسان مهزوز وفاشل ومكسور هسة وين انسان جامد شخصية هيبة شكل وجسم غير واثق من نفسي طبعا بفضل الله وبفضل صقر وابو مهرة واني مقصرت وياهم جنت ونعم السند كلش اتأثرو لما سافرت صقر كال لاتعوفني ماتحمل بلياك اخاف جدي يموت وماشوفه نزلت من الطيارة شفت هيثم من بعيد كبران حبيبي صاير رجال اتقربت باوعلي جنت لابس نظارات وكفت كدامه اباوعله ويباوعلي كال اتفضل اخويه مضيع شي محتاج شي اي محتاج حضن اخويه نعم هذا انت حسان لو اني صار بعقلي شي لزمته حضنته بقينا حاضنين بعض ابوسه ويبوسني ويبجي ليش تبجي اني اسف معرفتك والله جنت منتظر واحد ضعيف وطويل لابس دشداشة وعكال ولك شنو هالجمال والجسم اويلي يابه راحت عليه بعد ميباوعولي بالمنطقة اني كدامك كتكوت حرام عليك ارجع راح اخسر صديقاتي من وراك رحنا للسيارة صعدت كتله اني اريد اسوق ابكيفك ترى اخاف متندل متغيرة شوارعنا حافظها مثل اسمي لزم ايدي واني اسوق مرات يبوس كتفي اوف اشكد مشتاقلك حسان وخر عبالك مرتي شنو هذا مياعه حقك مشايف نفسك بعدني ممصدك هذا انته جنتل مان صاير اويلي اليوم افرك للصبح بالشوارع ماكو نوم اريد اعرفك باصدقائي كلهم ترى منتظريك على نار هلكد ماحجيلهم عنك اوف يابة مشهور وماعرف نفسي اهلي شونهم زينين نروح للمستشفى بعدين نروح للبيت ليش نروح للمستشفى هيثم اعرف جدي بالمستشفى ميحتاج اتجذب عليه براحتك عيني حبيبي هيثم كبران ومحلو بس شكلك بنوتي لا شوارب لا لحية هذا الموديل شنسوي خويه حسون ضحكنا وصلنا للمستشفى هيثم ورايه يمشي دخلنا الممر اللي بيه غرفة جدي عمي وعماتي وابويه واكفين يحجون سلمت رحت ابوس ابوية بسته من ايده وراسه لزمني حسان صدك جذب هذا انت حبيبي نور عيني التمو اهلي ابوس هذا احضن هذا كتلهم كافي تعبت بعدين ارجع اكمل الاحضان اريد اشوف جدي دخلت  معرفني كالي دكتور اكتبلي خروج الله يرضى عليك اليوم حفيدي يجي كلبي نار عليه مشايفه للزمال صار ٧ سنوات تدلل حجي الزمال كدامك جان متمدد كعد راد يكوم ركضت عليه ابوس رجله ايده يبجي وابجي وياه دخلو الاهل بقينا على هالحال لحد المغرب شفتهم كلهم ماعدا هند رجعت لبيتنا اول منوصل شفت باب بيت عمي مر شريط ذكريات مثل سينما كدامي بسرعة نزلت راسي ماريد اتذكر الماضي بيتنا متغير حسب ماطلبت منهم صاير قصر مو بيت فرحت هذا واحد من انجازاتي باقي المزرعة نمت بس مو مرتاح بنومتي كعدت من وكت نزلت شفت خوله تنظف وتمسح صبحت عليها كامت باست راسي صباح خير تاج راسي الريوك بالحديقه روح هسة اصبلك جاي وجايه ولج كبرتي حبيبتي كله من خيرك تاج راسي شنو هالكلمة انتي وخواتج لازميني بيها من البارحة لان انت رفعت راسنا وغيرت حياتنا شلون مو تاج راسنا ماكو مثلك بالدنيا روحي فداكم لا يامعود يومي قبل يومك ولج خوله ام اللسان حلو تخبلين شعرج طولان حلفت ماكصه لان جنت دايما تكوللنا حلات البنت بشعرها عفتها وحجيها براسي اني هالكد جبير بعينهم شفتهم كلهم بالحديقة كاعدين ماعدا هيثم صبحت عليهم امي تلكتني ويا خيريه خاتون بوسات وبجي ليش تبجون اني كدامكم مشتاقيلك اليوم نورت البيت بكعدتك ويانا ابويه اندار على جدي سمعت بويه اني وانت منكفيهم شفتهم اول ماشافو حسان افندي كلبو علينا كامو يضحكون جدي كال اليوم شعندك كلت ماكو ويا هيثم نطلع كال ها الفلتان لاتمشي ورا بارحة اجى وجه الصبح انت صرت رجال مو مثله امي تحضني وتصلي على النبي بيبيتي كالتلي حسوني يابعد عيني اروحلك فدوة شنو هالطول والجمال ولك شمسوي بنفسك اجوي خواتي هاجر وهالة كعدنا حجيتلهم  من اول ماسافرت لحد مارجعتلهم مع حذف تفاصيل شخصية