كوني أمرأه

الجزء 9

حياتي كلش متعبة من ناحية الشغل كلما يكبر مشاكله تزيد مدالحك بين المعمل وهوايتي وسفري لبطولات الفروسية وغير ة ريم من جهة ثانية خانكتني تريدني ٢٤ ساعة وياها لوبيدها تحبسني بالغرفة ومتخليني اطلع وهسة مشغولة بسالفة الحمل تكول اخاف تتزوج عليه احلفلها متصدك  اتمنى يصير عندي جهال منها بس ممستعجل عالسالفة بعدها صغيرة بس متفهم تخاف كلش مرات احس حبها نقمة من ورا غيرتها كل دقيقة تخابرني وينك شتسوي ارزلها عيب لاتخابريني تبجي وتسده وترجع بعد ساعة تخابر كأنما مو هي اللي رزلتها احبها مخبلة وهي كلش عاقلة تسمع كلامي اهلي راضين عليها اتذكرت هند جانت ابيتنا بقت شهر جانت يومية تسويلنا مشكلة قبل مترجع جتني للاسطبل جانت تبجي كالتلي اني اسفة خسرتك اريد اطلك من يوسف وارجعلك هسة متندمه اتسرعت وتزوجت غيرك مقدرت حبك اليه سامحني رادت تحضني ابتعدت منها خليت مسافة بيناتنا كتلها اللي راح خلص اولا ماتزوج على مرتي ثانيا اسفج ميفيد بشي جهالج بطولج انتهى كل شي والاهم ماكو طلاك ماعدنا بنات يطلكون واني لو تكونين اخر مرة بالدنيا لايمكن اتزوجج او اباوعلج بغير نظرة ترى حالج من حال خواتي عوفيني ويا مرتي لاتسويلي مشاكل خلى عقلج براسج ترى انتي اذيتيني اهوايه سكتتلج من غبائي بس هسة تردين وجايتلي ندمانة فاحذرج تخربين حياتي راح تشوفين وجهي ثاني اللي اتمنى ماستعمله ويا احد من اهلي لمي نفسج ورجعي لبيتج كافي اتحملي اختيارج بقت تتوسل منطيتها مجال وعيني على باب الاسطبل لاتجي ريم وتشوفنا مراح تفهم السالفة راح تموت نفسها من القهر ماريد يصير بيها شي متستاهل .انتظر حسوني ياخذني لبيت امي يوميه يتاخر اتمنى اقفل المعمل واخلص منه مدا اشوفه بس بالليل يروح يدرب واني اروح اباوعله ومرات نتعشى بالحديقة سوية ممقصر ويايه بشي بس اني ماشبع منه لو بيدي اخلي بالجناح واسجنه ماتخيل حياتي بدونه عشقي اله مثل المرض مو طبيعي بس يسافر اموت نفسي من البجي غصب امي تنطين اكل ماتحمل يضحكون عليه اكوللهم لو تعرفون اشكد احبه راح تعذروني هاحبي رحت بسته حمدالله على سلامتك عيوني الله يسلمج ها نروح جاهزة اي حبي الله يخليك ابقى ويايه ابيت اهلي لا اعفيني ماكدر عيب استحي من منو تستحي انت متكول اهلج اهلي ادري والله اعتبرهم مثل اهلي ماكو فرق بس ماكدر مو كل مرة نعيد السالفة وتزعلين هي ليلة وحدة حسان ليش متصدكني ماتحمل بدونك حبي اني هم مثلج بس عيب اخوج عدنان جايلهم طفل جديد ومتروحين تبقين يمهم وهو موصيني تبقين ليلة عدهم يطلعون الاربعينية مالتها وتحتفلون بس النسوان اوك شسوي امري لله لو بيدي ماروح ههههههه الليلة عوفيني لزكه خو ما لزكه اني لزكه هاي بعدني مرايحة تريد تخلص مني امشي مخبلة مراح نخلص من لسانج اي تريد تاخذ راحتك استاذ حسان لزمني يبوسني راحتي وياج حبي ماكو راحة بدونج احبج اني هم حياتي يالله حسان خلي اشوف مناسية شي بابه هي ليله وحدة فضينا عاد ماعرف احس راح ابقى سنه مو ليلة شلون اتحمل سنة منغير حضنج صدك جذب انتي الهوا الي اتنفسها واي واي من كلامك الحلو راح تخبلني زيادة امشي مو ناقصين وصلت لبيت اهلي كوة فلت حسان مني يستحي يبقى ابيت اهلي بالليل الحفلة مال زهراء بنت عدنان نسويلها الاربعينيه كلش حلوة تشبهني شفت نهلة سلمت عليها جانت كاعدة هي وامها ومرت حسن واني وامي نشتغل ونخدم جنا عازمين اصدقاءنا واقاربنا الحفلة جانت بس للنسوان شغلنا ديجي اتونسنا اهواية كلش تعبت من العصر واكفة على رجلي مارتحيت رحت يمها ها نهلة شلونج ويا الزواج جاوبتني من ورا خشمها زينة احسن من غيري اي الحمدلله الله يباركلج طبعا حبيبتي احتمال حامل هسة دا احس بتعب ماشالله بعدج مصارتلج شهر متزوجة اي عيني اني خو مامريضة مثلج ماخلف اني الحمدلله راسا حملت من اول ليلة اني مو مريضه نهلة واصلا مرايحة للدكتور وبعدين مصارتلي سنه متزوجة شلون عرفتي اني مريضة ميحتاج امبين عليج الله يهديج طبعا يهديني ريم انتي على شنو شايفة نفسج ترى انتي مو شي نسيتي نفسج لو ما فلوس زوجج محد ميحسبلج حساب متحملت وكفت وخليتها عمري متصورتها بهالحقارة اشكد ندمانة على سذاجتي وياها رجعت ويا اهلي لبيتنا دخلت غرفتي طلعت البومات صوري قبل الزواج جنت اباوع واضحك اكول بنفسي ياربي شلون جنت والله لا اشبه مرة ولا رجال هههههه خابرني حسان حبي مشتاقلج اني همينه اتونستي اي يوم النا حبي انشالله حسوني عيونه اذا مصار عدنا جهال شيصير بينا شنو هذا الحجي اذا الله راد ينطينه الف الحمدالله واذا مصارت هم الحمدلله ترى انتي طفلتي ماحتاج غيرج فدوة للحلو حسان انت مو ندمان اتزوجتني اشبيج الليلة ترى غثيتيني منين اجيبين هالحجي ماعرف خايفة اهوو بدينا لاتخليني اجيج هسة ياريت اكول روحي نامي احسنلج وانت شتسوي انام طبعا اوك تصبح على خير وانتي من اهله .خابرته العصر كتله يمتى تجيني كال بالليل هسة مشغول ماكدر عفية لاتتأخر عليه مشتاقتلك اني الاشوق حبي شنو رايج نسافر اسبوع لدبي صدك اي حبي ياريت راح احجز خلال ايام ونروح اوك انتظرك لاتتاخر زين حبي سديت تليفون سمعت صوت ام حسن نزلت شفتها كاعدة هي ونهلة سلمت عادي ولو ضايجة من تصرفات نهلة بس كلت عيب جايين لبيتنا قدمتلهم الضيافة بقينا نحجي امي كالتلي يمتى يجي وراج حسان كتلها بعد المغرب نهلة كالت وليش متبقين بعد كتلها ماكدر امي ضحكت على نياتها كالت ميكدرون بدون بعض الله يحفظهم باوعتلي وتلوي بحلكها معجبها الحجي امها كالت اني نهلة مبقيتها اسبوع عندي اشحده يجي ياخذها كتلها خالة ليش هيجي تحرميهم من بعض خطية صارتلها شهر متزوجه خليهم ياخذون راحتهم اشو هي كامت تصيح وتعيط عليه شنو قصدج يعني زوجي ميريدني يريد يخلص مني اي وانتي صارلج ساعة تحجي حبياتج جذابه ويا زوجج حيوانة كتلها عيب شنو هالحجي امي كالت بنتي اشبيكم صلو على النبي لا اني اعرفكم انتو متحبونا ناس حسودة ميته من الغيرة لان كتلج احتمال حامل وانتي عاقر صارلج اشكد متزوجه متحملت ضربتها راشدي بقينا وحدة تضرب الثانية امها كامت صاحت عليه حيوانه ادبسز اشكد حسودة تضربين بنتي علمود حامل ام الرياجيل متحملت كتلها عيب خالة هيجي تكولين عليه بحياتي معرفت رجال غير زوجي الله يسامحج شنو يسامحني نسيتي ردتي تتبلين على ابني حتى يتزوجج ويتستر عليج ام البلاوي كتلها اخذي بنتج وطلعي برا كافي اهانات امي متحملت وكعت من طولها نهلة قبل مطلعت كالتلي والله راح ابجيج دم اني الج حيوانة اذا مخليتج عبرة فلا اني نهلة امشي ولي بعد انتي لا بنت عمي ولا اعرفج حسافة صداقتي وياج وانتي ام حسن الله يسامحج بقوا يحجون لحد ماراحو جتي خولة شلنا امي لغرفتها انطيتها حبوب الضغط لزمت ايدي وهي تبجي روحي اليوم لبيتج اخاف يسوولج مصيبة ترى هذوله ميخافون من الله ماما شلون اعوفج ميخالف خولة يمي سديت الباب وطلعت ابجي مصدومة منهم جتي خوله اشبيج شصاير حجيتلها السالفة كالتلي وانتي ليش خايفة انتي ممسويه شي ماعرف خولة اخاف يسوولي مشكله ويا حسان لا اخويه عاقل ميسمع حجي هذوله لاتفكرين روحي حضري نفسج قبل مايجي عليج  .وصلت لبيت ريم خابرتها فتحتلي الباب سلمت عليها وعلى اهلها كعدت شوية وياهم استأذنت وطلعت شفت كيس على سيارتي شلتها استغربت بيها ميموري ذبيتها بالسيارة جتي ريم رجعنا للمزرعة صعدت لغرفتنا بدلت وانتظرت حسان اجى حضني كالي مشتاقلج شنو هذا بيدك ماعرف شفتها على جام سيارتي وين يم بيتكم مهتميت كتله شنو بيها فتح لابتوب سمعت صوتي متت من مكاني عزا انتهيت هاي اني احجي على حسان واهله سد لابتوب كالي شنو هذا مسخرة اني مو رجال ريم خاتون واهلي اتسبيهم مو عاجبج كام وهجم عليه ضربني واني مصدومه عرفت نهلة الجلبة ورا سالفة متت من بين ايده من كثر الضرب مينطيني مجال اشرحله عافني ونزل معصب بجيت على حظي اخاف يطلكني اول مرة اشوفه معصب بهالشكل والله حقه اني شسويت بحالي الله لايوفقج نهلة الحقيرة .وصلت للمزرعة مشتاق لريم بشكل مو طبيعي صعدنا لغرفتنا اتذكرت كيس شفت بيها فلاش ميموري خليتها على لابتوب سمعت صوت ريم تحجي ويا وحدة تكول عليه مو رجال وتضحك فرحانه وتحجي على اهلي واحد واحد كمت عليها متحملت ضربتها ضرب ردت اموتها متصورت ريم هيجي تسوي اطلعني كدام ناس اني مو رجال عفتها قبل ماذبحها نزلت للاسطبل طلعت مهرة ماعرف اشكم مسافة رحت وقطعت محسيت بنفسي ابتعدت عن المزرعة اهواية ما وكفت لحد ماحسيت بتعب مهرة .راح تصير الدنيا صبح وبعده ماكو لبست ملابسي وجهي كله مورم ميهمني نزلت ادور عليه بالاسطبل ماكو سيارته موجود بس هو ماكو اتخبلت ادور واني خايفة ياربي وين صار الله ياخذني اشسويت بحالي وين اخذتني غبائي وين جان عقلي جنت احجي لنهلة اللي بكلبي عبالي هي اختي متصورت حقارتها لهدرجة صعدت لغرفتي بعد ساعة شفته رجع تعبان وضايج باوعلي كالي من هاللحظة كل واحد بطريقه لايمكن اسامحج ردت احجي ويا مقبل كال سكتي وعوفيني فات للغرفة الثانية وسد الباب كعدت ابجي انتظرته بلكي يرتاح واتفاهم وياه نمت بمكاني محسيت بشي فزيت على صوت الباب شفته طلع وعافني انتظرته لليل اجه باوعلي محجه شي لزمت ايده كالي وخري لااذبحج هسة اذبحني احسن من تعوفني تستاهلين اسمعني وبعدين احجي اللي تريده ماريد اسمع شي كافي جذب مو جذب انت تعرف حبي ومعزتي الك لا ماعرف شي عرفت اني جنت مضحكة الج ولصديقاتج هاي نهلة اندار عليه نعم شنو فاضحتني يم اهلج جرني من شعري وكفني يم مراية باوعي لنفسج منو سوا بيج مرة انتي شنو جنتي نسيتي نفسج وهسة باوعي زين شتشوفين اشوفك حبيبي وتاج راسي سكتي مامليتي من التمثيل انتي يازعطوطة معيشتني بالاوهام والحب ولج ليش بشنو قصرت وياج حب ومقصرت شايلج بعيوني ولا يوم باوعت لغيرج ولا خنتج حتى بالتفكير انطيتج حياتي عيشتج ملكة كل هذا مغزر بيج انتي شنو من البشر سمعي خلال ساعة تلمين هدومج اخذج لبيت اهلج واني اسافر ماريد احد يعرف بالسالفة اذا حجيتي شي اعتبري نفسج مطلقه افتهمتي موتني مراح اخليك تعوفني والله السالفة مو هيجي خليني اشرحلك ليش متسمع مني حرام عليك تظلمني ماريد اسمع فوتي ماروح اكولج حضري نفسج بلا فضايح سكتت طلعنا من بيتهم كلهم عرفو متزاعلين بس محجو شي جان امبين عليه معصب سلمت عليهم طول الطريق اريد احجي ويه مينطيني مجال يفتح تسجيل ويعلي صوته حتى مايسمعني وصلت سلمت على اهلي استغربو طمنتهم كتلهم مظطر يسافر محجو شي متعودين عليه كلما يسافر اروحلهم بالبجي صعدت لغرفتي واني ابجي دم على حالي رجعت مكسورة سمعت صوت الباب شفت خولة وبيدها جهالها شلتهم ابوس بيهم وابجي كالتلي اشبيج قابل اول مرة يسافر ترى عيب شوية انطي لاخويه نفس يرتاح منج بالله اذا يسافر البارحة ليش اخذج وجابج هسة جنتو تبقون اهنا وتفضوها اني وين وهي وين كتلها بعد ميريدني سكتت شنو ميريدج اشصاير حجيتلها السالفة انصدمت كالت كومي نروح على عمج ترى مو لازم تسكتين عليها كافي وصلت لحد اهنا خليها لاتتمادى اكثر وين اولي اروح شكوله جنت ثولة احجي على زوجي بدايه زواجي لبنتك وهي استغلتني مسجلة صوتي وهسة خربت حياتي منو يصدك هسة عبالهم بارحة حاجيتلها مو ثاني يوم زواجي محد ميصدكني وهي الحقيرة راح تنكر وتطلع من السالفة واني انفضح بين اهلي مو كافي خسرت اخوج هالمرة اهلي خليني بهمي اموت ولا اخواني واهلي يعرفون بالسالفة حضنتني كالتلي ارتاحي خلي هو هم يرتاح اني احلها الكم هسة معصب ميفيد الحجي اشبيج خولة اخوج تركني ماعنده نية يرجعني .صارت شهرين اني ابيت اهلي مشتاقه موت لحسان ماعرف وين مسافر حتى خولة متعرف كل يوم يمر عليه بسنه ذبلت اهوايه لااكل لا اطلع بس ابجي اتمنى بس اسمع نفسه حتى ميخابر على خولة ميريد يعرف عني شي ردت انزل اتريك وصلت يم باب المطبخ حسيت بدوخة متحملت وكعت فتحت عيني ايدي تأذيني امي واكفة على راسي ابويه باسني وين اني بنتي حمدالله على سلامتج انتي بالمستشفى خفت اشصارلي اشبيه مبروك حبيبتي حامل منو حامل امي تبوسني وتضحك انتي ليش اكو غيرج صارلج ٩ اسابيع حامل واحنا منعرف سبب تعبج الله يحفظه الج ياالله ممصدكة لو مالعيب هسة اصرخ من الفرحة اني شايلة طفل حسان ابطني ياربي الف الحمدالله والشكر طلعت من المستشفى لازمه بطني ورايحه لغير عالم واهلي يكولون اتخبلت من الفرحه عايفيني واني ولا يمهم وقت المغرب اجوي اهل حسان كلهم حتى يباركولي كومة هدايا جايبين وياهم ممصدكين من الفرحة وخصوصا ابوه وجده جانو يكولون رجعي ويانا حتى نداريج امي مقبلت كالت يرجع حسان يالله ترجع هسة خلوها اني اخدمها بقو يوصوني ماتعب نفسي واي شي احتاج اخابرهم كومة توصيات بالليل صعدت لغرفتي لزمت بطني مريت اصابيعي عليه يالله شعوري اشكد حلو ياريتني اسمع صوتك حبيبي كون هسة انت يمي تخلي ايدك بيدي نحضن طفلنا بيه بس وينك انت مو كافي البعد.جنت كاعد على البحر اباوع على المد والجزر اتذكر بداية زواجي من ريم صارلي شهرين مسافر لكندا بس هيثم يعرف اني وين وصيته ميكول لاحد اهلي عبالهم عندي بطولة بس ردت ابتعد عن كل شي اريد ارتاح كرهت كلشي حولي اريد ابقى وحدي اراجع حساباتي ماكدر ارجع اعيش طبيعي حياتي بدون ريم ولا اكدر ارجعها تعيش ويايه كلماتها بأذني تضحك عليه تكول مو رجال سمعت صوت موبايلي اوف ها هيثم شتريد هالمرة مو كلتلك اتصرف اني منطيك توكيل ترى ضوجتني كل دقيقة تخابر شتريد اشبيك اكلتني صوجي افرحك وانت من يمتى تفرحني يومية عندك مشكله بالمعمل كول وفضني اريد ارتاح زين يابة مقبول منك نتحمل لخاطرك هسة انت وين وانت شكو مو اريد اعرف حالتك النفسيه شلون تستقبل الخبر كول وفضها ماكولك اذا متكولي وينك وشتسوي اني كدام البحر وبيدي علبة عصير ارتاحيت اي زين مبروك اشكد اثول حسان عيني ترى المدام حامل يامدام ليش ليلى جابت حتى تحمل مرة ثانية ياليلى اشبيك تشرب عصير لو ويسكي اقصد ريم حامل لحظات صمت وسكوت تسمعني حسان ها اي الف مبروك حبيت اكون اول واحد يباركلك استلم هذا ناظم ضوجني يريد يباركلك احجي وياهم واني بغير مكان حامل ريم حامل مني راح اصير اب الف الحمدالله على النعمة سديت منهم كومه حجو مسمعت شي اخر شي سديت بوجههم وضحكت خابرت ريم مرة مرتين سمعت صوتها تعبانة الو ريم حسان وبدت تبجي الله يخليك ارجع محتاجتلك ابوس ايدك ترى عقابك مر ماتحمله تعال موتني احسن اش سكتي ريم صدك اللي سمعته اي اني حامل صارلي ٩ اسابيع شنو شعورج هسة ماعندي شعور بشي من غيرك اني ايدي على بطني امررها على ابنا اتمنى جنت ويايه تحس باللي احسه غمضت عيني ردت احس احساسها كتلها تحبيني اموت عليك ريم هذا اخر شي يربطني بيج حافظي عليه ليش هيج تكول مناوي ترجع لا والله ماستاهل اللي تسوي بيه لاتحرمني منك اني كلش محتاجلك ماكدر بدونك اريد اعيش احساس الحمل وياك يمتى تراجع نفسك وتسامحني خليها على الظروف اترخص هسة حسان ترى نفسيتي صفر احتاجك لا تضيعني بعنادك ماكدر اجيب الطفل اذا انت مو ويايه مو هسة ريم مع السلامة قفلتها .