فتاة الريف

'لماذا الهروب'

         الفصل الرابع                 الجزء الثاني
==========           ==========      

جناح مازن

مازن :
لج مدا اصدك ، زمن ،، شمس فقيرة وعلى نياتها،، معقولة هيج تسوي ، راح ينفجر راسي .

زمن :
مازن ، قبل ما تحكم على الشخص ،، أسمعلة ،، دائما أنبهك على تسرعك بس ما يفيد ،، حكولك شغلة وأرضي ضميري بيها ،،

ما أعرف انت ليش تصرفت وية شمس هيج ،، ولا أحب أعرف بالضغط عليك ،، إذا تقبل تحجي أهلاً وسهلاً بابي مفتوحلك بأي وقت ،، بس أني الصبح أجيتك علمود الحفلة مال المشاوي ،، ومن وصلت لجناحك شفت علا دخلت لجناحك ،، أستغربت شنو بينك وبينها ،، وانتو أصلاً سلام ماكو بينكم ،

أخذني الفضول ورحت وراها وشفتها خلت بغرفتك كارت ما أعرف ظرف ما أنتبهت ،، بس صدكني ، لا شفت الكارت ولا عرفت شنو بيه ورحت دا اكولك عليه ،، بس ونسة الحفلة ،، نستني كولشي ..

فأذا جانت مشكلتك وية شمس قبل شوية علمود الكارت إلي شفتة الصبح أحب أكولك هذا مخطط علا،،

مازن ، علا تكره شمس إلى أبعد الحدود ، وتعرف علا من تكره بشر تحطمه ،،

هذا كل الي عندي ، وأرضيت ضميري بيه ،، هسة من رخصتك ،، وأرجع أكولك حكم عقلك ، ولا تتسرع .

قامت زمن للخروج لكن مازن سحبها وأحتضنها ،

مازن :
زمن أبقي يمي أني كولش تعبان صدكيني ..

وقعت دموع مازن على كتف زمن وتلمست حرارتها ،
تألمت عليه ، بسبب قلبها الذي يعشقه بشدة . وفي نفس الوقت أحست بضعف مازن ولأول مرة .

______________________________________

الحديقة / صباحاً

شمس :
مرحبا ست ، نكدر ندرس هنا اليوم بهذا المكان لأنه محد يوصلة هذا المكان أتفق وياج سيد علي مو ،

الست إيمان :
نعم ، شموس ، بس أهم شي نتفق عليه من هسة
الإحترام ، التحضير ، و الإلتزام بالواجبات وكلمة السيد علي ، أتفقنه . ؟

شمس:
تمام ، بس ممكن نلغي كلمة سيد علي ،،

الست إيمان :
لا ، أهم شي هي كلمة السيد علي، يعني لو يكولج روحي ذبي نفسج بالنار تذبيها بدون تردد،

شمس :
لا طبعاً ، ما أذب نفسي ،

الست إيمان :
ههههههههههههه شموس ، إنتي مو زوجته المفروض الزوجة تتبع زوجها بكل شي ،

شمس :
لا مو زوجته منو كال زوجته،،

الست إيمان :
معقولة ، بس الي فهمته إنه سيد علي زوجج ، وأهله ما قابلين تتزوجون لأنه انتي ما دارسة وبنت ريف حسب ما فهمت ،