فتاة الريف

أثبات نسب

الفصل الثامن                               الجزء الثالث

^^^^^^^^^^^^^^^^^^^^^^^^^^^^^^^^
©©©©©©©©©©©©©©©©©©©©©

المختبر ؛
''''''''''

شمس :
علي ، بس خلي أفهمك ، علي أسمعني .،،،،،

الممرضة :
تفضل تحليل شنو ،؟؟ وبأسم منو؟؟

علي :
تحليل DNA ، والاسم علي هشام طه و.... و... ولبنى ،

الممرضة :
لبنى شنو؟؟

حول علي نظره نحو شمس التي كانت سيغمى عليها من البكاء ،

أما علي ، فكانت نظراته تختلف عن علي الطيب وعلي الغاضب أيضاً ، كان هذا علي مختلف تماماً ؛

بارداً وعيون يملأها السواد ، متصلب العضلات لكنه لا يبدي اي علامة كرد فعل كان كالبركان الذي لم ينفجر بعد ، لكنه يتهيأ لأعداد ثورة سيبيد حتماً مدينة بأكملها ،

علي :
اي ست شمس ، لبنى شنو ، أحجي ست الحسن

شمس : عيونها أمتلأت بدموع الخوف والحزن وبصوت مرتجف خائفاً من الظلام الذي أمامها

''لبنى داريان اياد ''

الممرضة :
وين العينات جيبولياها للغرفة ،

علي :
عينات شنو ؟؟

الممرضة :
عينات للتحليل ، يعني شعره منك ، وشعره من بنتك ، إذا أمكن ،

علي:
يعني ما تردين البنية نفسها ؟؟

الممرضة :
لا عيوني ، شسوي بيها البنية

علي :
أخذي البنية وروحي لبيتج وحسابج بعدين من تطلع النتيجة ،

أخذت شمس أبنتها ولا تعرف ما الذي يحصل غير مصدقة للواقع التي هي فيه ، أتصلت على داريان ، وجاءها بسرعة البرق ،

علي :
بلا زحمة المدة، شكد وتطلع النتيجة ،؟؟

الممرضة :
على أقل تقدير أسبوع ،

علي :
أسبوع ، وليش هالمدة كلها ،؟؟

الممرضة :
هذا تحليل DNA مو حيا الله تحليل هذا حياة أو موت، ما يتقبل اي خطأ

************************************

البيت الكبير ؛
~~~~~~~~~~

العم مراد :
لك أبني دفهمني ، شنو القصة زوجتك وين أخذتها أي مستشفى ؛ ؟؟

مازن :
بابا ، خابرلي علي ، مد يجاوبني ، وأنت تعال لهذا العنوان حردلكياه ،........

~~~~~~~~~~~~~~~~~~~~~~~~~~~~~~~~

حيدر :
ألو ، هلو علاوي وينك يمعود ، أتصلنا كووومة وما ترد ،؟؟؟؟

علي :
خير ، اكو شي ، حيدر روحي طافرة و ما طايقها شتريد بسرعة أحجي وفضني ،،،