فتاة الريف

~كشف الأوراق ~

الفصل الخامس ~~~~~~~~~~~~الجزء الثاني

البيت الكبير / صالة الجلوس   ؛

السيد طه :
الكل مجتمع اليوم ، بس وين علا ، وين بنتك حسن .

العم حسن :
ما أعرف ، بس أعتقد مسافرة .

السيد طه :
لا بشرفك ،، أكو واحد ما يعرف بنته وين ،الظاهر آخر فترة رخيتلكم الحبل هواية ، بس هسة راح تشوفون منو سيد طه .... بس أصبرولي ،،

العم مراد :
لك هشام شبيه أبوك ،،؟؟ شصار بإيطاليا شو جاي مفحم شنو القصة ما تفهمني ،،؟؟

العم هشام :
علمي علمك مراد ،، أجيت من الإجتماع ،، وأستقبلني براجدي معدل ،، المشكلة شكد كبرنا بالعمر بس بعده متصور انه احنه صغار وما أكدر أتجاسر عليه أكول أبوية ما يصير . ،،،

العم مراد :
أيبااااخ، ليش انت هم تعرف الحرام ، هسة هذا مو موضوعنة ، ليش ضربك؟؟؟ شكو دباع عيونه جنه العيون الي نسيناها قبل سنين تتذكر هاي العيون ،،؟؟

العم هشام :
طبعاً أتذكرها،، من جان يريد يعدم واحد أو من يريد يصدر حكم الإعدام علينه من مكتشف علينه شغلة مسويها بدون علمه ،،

السيد طه :
شبيك مراد أكو شي ،،؟؟

العم مراد :
لا ماكو شي ،،...

زمن :
جدو ، علا بأربيل ، راحت سفرة وية صديقاتها .

السيد طه :
ما شاء الله وما ماخذة رأي أحد ، الله كريم بعدين أعرف شغلي وياها ، أصلا اني أعرف كل الزين هي وين، وشد تسوي ، بس ردت أعرف الأب وتربيته ، ههة ،، لا خوش تربية . المهم ننتظر ربع ساعة أريد علي يوصل .

شمس :
بس علي مسافر شراح يجيبة .

السيد طه :
أنتي بالذات تسكتين ، انتي البومة الي جيتي للبيت وكلبتيه كلب . مثل أمج بومة ، بس عرفها أحمد انكلب البيت عزا ،، وتاليها موتت أبني ،،،،،

شمس : ضحكت بإستهزاء
لااااااا ،، صدوك...
ليش منو قتل بابا ،، مو إجرامك يا بعثي،،  مو المساكين الي ذبحت أهلهم بجبروتك ،، بعهد رئيسك .... ،، مو رادوك أنت وأنتقموا منك بأبنك الباقي وحيد هنا وما فكرت بيه من هجرت العراق فكرت بس بروحك وأنهزمت ،، يا سبع يا رجال ... ،،،