#قيسي1
خياليه.
مساهمة...
اتمني ان تنال اعجابكم.
البارت .1
كنت بقلب في الفيس كالعاده المعتاده لاشغل ولامشغله 😩وملل شديد وفجاه وانا في قروب شفت صورتو احيييي يقلبي ولد قرض بس والله مما شفتو قلبي بقى يدق دق شديد❤❤وبقيت متنحه فيهو ياربي ده حقيقي ده هنا في بلدنا دي معقوله في ناس كده 😍😍😍على طول دخلت بروفايلو اكشف لباقي الصور حالتي النفسيه كانت زباله اول مما شفت الصوره فولت السعاده عندي اترفع ودق ال١٠٠٠كل صوره احلى من التانيه وبقيت بتبسم براي وسرحت بعيييد وقلت خلاص ده زولي واتخيلتو جا اتقدم لي واسي قاعد مع ابوي بره(البوره لا دين لها😂😁)بعد تميت خيالي من لمن جا طلب يدي لحدي مستشفى الولاده وانا بلد في ولدي 😂قلت يابت الخيال ساي مابينفع اتصرفي وجازفي الولد ده قبل ماوحده تجي تختفو منك اصبعي بلا شعور عمل ليهو طلب صداقه اخد ساعه كده زولكم قبل طلب الصداقه بقيت انطط في السرير زي الهبله😅😅التقول جا اتقدم لي يلا نهائي مارسلت ليهو بعد قبول الطلب خشيت بروفايلو وقريت منشوراتو كلها حتى التعاليق وحات اسم الله تعليق تعليق قريتو طبعا لقيت ماسوره مكسوره بتاعت بنات في صفحتو😭😭😭😭احييي ي قلبي والله زعلت من جوا اتقول بقيت مرتو خلاص لكن قلت ي بت ده تحدي ياتكسبي ي تلعبي .
نسيت اوريكم انا منو 😅وحده ظريفه كده مابخش في تحدي الا واكسبو عمري ٢٤ماصغيره ولاكبيره مناسبه كده عاطله بمزاجي😄متوسطه في الجمال مافي ولد بقيف لي الدايراهو بجيبو بجيبو وبعدها بزهج منو 😔مما يبدا يقول لي خلي بالك من نفسك يبيبي واتغطي كويس 😌✋نظام كنت منتظراك تجي تقول لي الجمله دي اشان اخلي بالي من نفسي اها بعد المعطه دي نرجع لموضوعنا .
قعدت اراقب في بروفايلو اسبوع كامل بالجد طلع خلقه واخلاق قلت خلاص ده زولي رسلت ليهو رساله وقلت ليهو اسفه رسلت طلب الصداقه بالغلط (اجي يالغلط😳)قال لي ولا يهمك عادي قلت ليهو تسلم
قالي:الله يسلمك
انا:كل سنه وانت طيب كان (عيد ميلادو)
قالي:وانتي طيبه تسلمي يارب
وسكت منو قلت كفايه الجرعه دي لليله 👌اواصل يوم تاني عشان مايقول علي منبرشه فيهو😅😅😅
#قيسي
بارت2
اخدت كم يوم تاني مارسلت ليهو لكن قاعده زي القراده في صفحتو😁😁😁اي بوست بينزلو بقراهو ١٠مرات حتى لو كان صباح الخير ياخ بحس بيها مختلفه لمن يقولها هو😍😍😍وطبعا بقرا تعاليق المنبرشات فيهو😒😒😒لكن انا لابعلق ولا بلايك نهااائي بس شغاله رادارات تجسس في الفتره دي عرفتو من بوستاتو انو مابحب الاهتمام الزايد ومابحب البنت البتجبرو انو يهتم بيها عايز يحب ويتحب بطريقه مامقيده قلت خلاص ده اول الخيط👿👽بقيت ارسل ليهو اصبح وامسي بس يومي من غير ماازيد ولا كلمه لمده اسبوع كامل واسال من صحتو نظام احسسو بالحنان وكده😉وفجاه قطعت الخبر منو عشان اشوف اثرت فيهو وحيتزكرني ولا لا اليوم الاول مارسل ولا اشتغل بي😔التاني برضو😔التالت نفس الشي قلت اخلي الرز على نار هاديه بيستوي احسن 😄اليوم الرابع بليل وانا قاعده اوتسب مع صحبتي بمزاج وبحكي ليها عنو 😍وهي طبعا محبطه خلاص😤قالت لي ده ولد تقيل وماحشتغل بيك ومعجباتو كتار وماناقصو حنانك قلت ليها انا غير كل البنات ديل كل وحده بطريقتها وفجاه يظهر اشعار من الفيس من قيسي😍كنت قاعده مما شفت الرساله وقفت على حيلي وبقيت ماسه التلفون وبعاين في الخلفيه ليه ماعارفه😂ولا فتحت الرساله فرحه ساي والله 😂قلت لصحبتي زولي رسل لي قالت لي متين بقى زولك 😒قلت ليها من يوم ماشفتو😍قالت لي قال ليك شنو قلت ليها مافتحتها😅قالت لي منقوليه انتي اجري افتحيها قلت ليها اتقلي على الرز يابتي ☺قالت لي انتي الله يديني عقلك ده 😄😄اخدت ساعه كده وفتحت الرساله ولقيت.....
#قيسي
