#قيسي20
جا يوم العقد واحمد من الصباح دق لي واتونس معاي وشغال يدي فيني في وعود كتيره ويطمن فيني انو حياتنا حتبقى جنه بعدين😍وانا بصراحه بديت ارتاح ليهو اكتر واتعودت عليهو شديد بس لسه ماحبيتو ولا وصلت نص درجه ادماني لقيسي😔احمد قفل مني مشيت عشان اجهز حالي لانو كنا عازمين اهل احمد خالتو وعماتو امو متوفيه 😔طلعت من الحمام جوالي دق قلت بيني وبين نفسي اكيد ده احمد لانو اتعودت كل راس ساعه ولا اتنين يدق علي 😊شلت الجوال وعاينت للرقم لقيتو رقم غريب بس من السعوديه افتكرتو احمد داقي من جوال تاني رفعت الخط وقلت الو مافي زول رد علي بس سامعه صوت زول بتنفس نفس متقطع زي الزول الببكي قلت تاني الو مافي زول رد علي قفلت الخط ومشيت اتجهزت والعقد كان بعد صلاه الظهر موااعيد العقد قربت فضل زي ربع ساعه واهلي واهل احمد كلهم قاعدين بره وانا جوه في غرفتي معاي صحباتي امي جات قالت لينا بعد ده اطلعو للناس بره طلعت وقعدت بره وشويه كده وجو الرجال يباركو والنسوان يزغردو انا مسكتني خوفه عجييييبه 😨😨قلبي ده حاسه بيهو عايز يطلع من مكانو ودموعي من غير شعور نزلو امي جات تبكي معاي في اللحظه دي ماعارفه ليه اتخيلت انو عقدي على قيسي ماعلى احمد 😔واتخيلت اسمع كلمه مبروك علينا ياسنفورتي من قيسي😭مامن احمد الناس بتبارك لي وانا حاسه اني غلطه غلط كبييييير يوم وافقت على احمد 😱ونسيت كل الايام العديته مع احمد وظهرت قدامي الايام العشتها مع قيسي وانا ببكي والناس بتبارك وقايلني فرحانه وفجأه اتزكرت المكالمه القبيل والصوت الكان نفسو متقطع وقلت اكيد ده قيسي😢وجابو لي قسيمتي واتمنيت اشوف فيها اسم قيسي بس لا😢تم العقد واحمد دق علي وقالي مبروك عليك انا يامرتي وحلالي وقلبي الشمال😊قلت ليهو الله يبارك فيك😊قالي الله يقدرني واسعدك وتشوفي معاي احلى ايام حياتك 😍قلت ليهو امين قالي يلا بعد ده الكلام بالقطاره مابينفع معاي 😠بقيت راجلك خلاص تاني عايزك تكوني رغايه زي كده ولا بطلقك في يومك😂ضحكني وانا زعلانه والله قلت ليهو ان شاء الله وقعد يحكي لي عن انو العرس حيكون بعد 4شهور تاني وانو حيظبط امورو ويرسلي الناقصني وكلام كتير وشويه فرق علي الكنت فيهو😔قفلت منو وقعدت مع اهلي بره واهل احمد كان مشو وكلهم فرحانين لي ومبسوطين 😊وانا قلت خلاص لازم ماافكر في قيسي لانو بقيت في عصمت راجل ومجرد التفكير في قيسي بالنسبه لي ذنب 😔طلعو اهلنا مننا وانا مشيت على طول نمت لانو كنت مرهقه شديد نفسيا وجسديا حتى جوالي مااتزكرت اختو في الشاحن كان فاصل كهربا ولااتزكرت انو احمد متعود يدق علي بليل نمت وحلمت باني لابسه فستان زفاف واني في صاله فاضيه مافيها لامعازيم ولا حفله وانا براي وخايفه ومستغربه وين الناس مشو ووين احمد وشويه اشوف احمد واقف ولابس جلابيه وواقف بعيد وبعاين لي ومبتسم وانا بقوليهو ياولد انت مجنون ليه لابس جلابيه قايل نفسك ماشي صلاه الجمعه 😅مارد علي وكتف ادينو ومتكل على باب الصاله ومبتسم ولسه بعاين لي عايزه امشي عليهو وقفني من بعيد بحركه يدو✋وقالي اعفي لي وطلع من الصاله تاني الحلم جاط مافهمت حاجه صحيت الصباح وانا مستغربه في الحلم ده شحنت تلفوني ومشيت استحميت وشربت شايي وجيت لقيت احمد داقي لي 10مكالمات وفي الواتس مرسلي اكيد نايمه 😠عارفك لمن تنومي امك بتنسيها لكن اصبري لي تاني النوم حيطير منك😂تاني مرسل لي والله بحبك وبريدك وبعشقك يابت الناس 💓وانا بقرا في الرسايل دق علي احمد وقالي شنو يامرتي امس ده يوم تنومي فيهو 😩👊ضحكت وقلت ليهو اسفه قالي برييييدك والله ي قلبي الشمال😊😍سكت قالي ماعايزه تقولي لي قلت ليهو شنو قالي انك بتحبيني قلت ليهو بقوله ليك في الوقت المناسب 😊☺قالي بعد مابقيت حلالك مافي وقت مناسب مفروض تقولبها لي كل ثانيه😍قلت ليهو كيف ناس اهلك امس وصلو ضحك وقالي بتغيري الموضوع صح😉بس مامشكله
#يتبع
