#قيسي27
قالي بعد بكره عندك شنو😊قلت ليهو ماشه مستشفى الذره قالي لي شنو😳قلت ليهو عندنا زياره تبع الجمعيه الخيريه لمرضى السرطان 😊قالي الله يشفيهم خلاص بتنتهو كم عشان اجيك قلت ليهو ماعارفه والله بس مابنطول بنطلع الصباح زي 9كده قالي خلاص تمام بدق عليك لمن اكون جاييك 😊قلت ليهو اسمع انت زمان كنت بدق لي برقم غريب ولمن ارفع ماكنت قاعد ترد😏قالي انا😳😳لالا ماحصل دقيت ليك وليه ادق ليك برقم غريب وانا ممكن ادق ليك برقمي😳قلت ليهو شكلك مالاحظت انو الرقم الغريب ده زاتو هو الدقيت لي بيهو ووصلت لي خبر الوفاه بيهو 😏سكت مسافه وقالي يكون حق صحبي التاني وانا بالخلعه شلتو منو ودقيت ليك😥قلت ليهو مامشكله مشيتها ليك 😅قالي مامصدقاني 😠قلت ليهو اي😄قالي بكيفك وتصبحي على خير😒عدى اليوم التاني عادي مافيهو جديد من ونسه مع صحبتي وونسه مع قيسي وونسه مع اهلي😊اليوم البعدو طلعت من الصباح مع الجمعيه وشلت غيارات احمد الكان شلتها من دولابو معاي واديتها لناس الجمعيه يوزعوها للمحتاجين ليها😊ومشينا المستشفى وبالجد البشوف مصيبه غيرو تهون عليهو مصيبتو كل حاله تبكي اكتر من التانيه 😔الله يشفيهم 😰لمن طلعت شفت مصايبي المرت علي دي ولا حاجه قصاد الناس العيانين ديل بيتعزبو ليل نهار هم واهلهم 😔طلعت وانا بحمد ربي وبستغفر انو في يوم من الايام اعترضت على حكم ربي علي وماصبرت من البدايه دقيت لقيسي قالي اها خلصتي قلت ليهو اي قالي خلاص انا في الخرطوم في السوق العربي قربت عليك 😊جاني ومشينا الكافيه الكان عزمني فيهو زمان لمن كان زعلان وبتكلم مع شذى (تتزكرو 😁)المهم قعدنا خت مفاتيحو ونظارتو قدامو قالي اها كيف كان اليوم قعدت احكي ليهو بالشفتو وهو بيسمع ومبتسم😊وشافني اني زعلانه عليهم وقلبي واجعني على اهلهم 😔قالي الله اختار اي واحد وابتلاهو 😌في العايز يكفر من زنوبهم بمرضهم وفي العايز يختبرهم حيصبرو ولا يكفرو بنعمو الاداها ليهم قبل كده😊وكل زول فينا الله بيختبرو بحاجه معينه في البيختبرو بالمرض وفي البيختبرو بوفاه زول غالي عليهو وفي البيختبرو في مالو وحاجات كتيره من دي 😊بصراحه بعد كنت متأثره والدنيا مسخت علي من الشفتو 😔رجع لي الابتسامه تاني وخلاني احس بانو بالجد الله رحيم علينا 😍وماابتلانا الا عشان بحبنا وعايز يختبر حبنا ليهو كيف بيكون وايمانا فيهو قدر شنو (بالجد ياخ انا حبيت عقل البني ادم الاسمو قيسي ده 😍😊🙈بيعرف يطلعني من الحاله الانا فيها من غير تعب منو وفي نفس الوقت بتعلم منو حاجات كتيييره😊حتى من غير مايعرف انو ضاف لي حاجات كتيره لحياتي خلتني اكون اقوى لقدام😊)جا الجرسون وشكلو حفظ قيسي يمكن كان بيجي عندهم كتير سلم عليهو باسمو وطلب هو قهوه وانا عصير.😊عاين لي مسافه وعدل قعدتو انا قلت ليهو مالك متنح فيني كده 😳قالي عايز اقول ليك كلام بس ماعايزك تتكلمي نهااااااائي ولا بحرف تسمعي وبس 😠ولحدي مااخلص كلامي انتي ممكن تتكلمي وركزي في كلامك كويس ماتتسرعي😠 قلت ليهو خوفتني في شنو😳قالي اول حاجه الف رحمه ونور تنزل على صحبي واخوي قلت ليهو الله يرحمو قالي انا اتعلمت منو حاجات كتيره هو حي وهو ميت اتعلمت انو لازم اعيش يومي كلو دقيقه بدقيقه وماافكر في الجاي شنو عشان لمن اموت مااكون ندمان على حاجه 😊انا خوفته وقلبي وقع في رجلي 😥عايزه اقول ليهو بعد الشر ياخ😩قاطعني وهو خاتي اصبعو في شفايفو وقالي اسسسس انا اسي قلت ليك شنو صحي مخك تقيل😅سكته😒قالي وبرضو اتعلمت انو الواحد فينا لو راد حاجه من جوووه قلبو❤ وسلم امورو لربو الله ماحيخزلو😊انا هنا من جواي قلت ليهو صحي والله وابتسمت(طبعا حرمني الكلام مابقدر ارد 😒😅🙊).قال برضو انو الواحد مهما عمل ومهما حاول وفكر انو بيقدر يغير حاجه كاتبها الله مابقدر الا بالدعاء 😊وانو العزاب الشفتو زمان معاك والشفتو بعد وفاه اعز صاحب لي 😔الله عايز يعوضني تاني😊قالي انا اسي احترمت وفاه صحبي والحاله الكنتي فيها عشان كده نهائي ماجبت ليك سيره عن موضوعي القديم معاك 😊انا هنا قلبي بقى يدق زي المتهم بحكم ومنتظر القاضي يحكم في امرو😁وبقوليهو في سري انجز ياخ انا قلبي باظ تاني ماحتلقى فيهو حاجه لقدام حرق عديل😅)قالي واسي قربت اسافر ولازم اقول ليك الفي قلبي مره تانيه وانتي من حقك تقولي العايزاهو بس عليك الله ماتتسرعي وتحكمي بالماضي على المستقبل😔عايز يتم الكلام جابو لينا العصير والقهوه شكر الجرسون وشال قهوتو شرب منها واشر لي بيدو يعني اشربي😊انا طبعا حيلي بارد واعصابي باظت والخوفه ماسكاني😁 الكبايه ماقادره ارفعه😅قلت ليهو ماعايزه اسي كمل كلامك خت كبايتو وقالي انا حبيتك من جوه قلبي والله العظيم ماحبيت بت زيك قبل كده ولا حأحب (انا هنا قلبي حاسه بيهو بيلعب جواي نط الحبل عديل 😅)ولمن عرفت صاحبي القريب واخوي بحبك واتقدم ليك انا ضحيت بيك وسبتك ليهو عشان هو اخوي وماقصر معاي في يوم 😊ماممكن ابقى اناني وافضل سعادتي عليهو ولاكنت حاكون مبسوط وانا شايف صحبي بيتعزب بسببي 😔يمكن انا الحببتو فيك من كلامي الكتير ليهو عنك وهو ماغلطان لمن حباك ولا اناني لانو ماكان عارفني حبيتك وانا اصلا ماكنت عارف نفسي وكنت خاطب وافتكرني انو انا ماعندي ليك حاجه غير الخوه والصحبه😊ولا انا حصل في يوم ظهرت ليهو اني بحبك كنت بكتم جواي بس😔عشان كده عايزك تنسي موضوع الرساله بتاعتو 😊سكت وشرب من قهوتو شويه وواصل كلامو وقالي واسي صاحبي اتوفى الله يرحمو والله اختارو ومامعروف نحن اقدارنا حتكون متين بس لازم نعيش حياتنا ومانخلي الماضي يوقفنا لانو ماحيرجع 😊ونحن ماقصرنا ولا عملنا حاجه غلط بالعكس نحنا ضحينا وصبرنا وكل زول مشى في طريق ولا كان عندنا امل من الاساس انو نرجع تاني بس قدر الله وحكمو انو يحصل كل ده معانا (فجأه اتزكرت زمان لمن خليت قيسي وكنت موجوعه💔😔 وبدعي انو الله يدبر لي امري لانو انا مابحسن التدبير وابتسمت براي وقلت سبحان الله صحي الله احن علي من امي وابوي وماكسر خاطري الا عشان يجبرو تاني😊)قالي اسي بعد المقدمه الطويله دي عايز اقوليك والله العظيم انا بحبك ومانسيتك في يوم من الايام حتى بعد بقيتي لغيري ماقدرت انساك بس كنت بوفي بوعدي لنفسي وليك😔وعايز اكمل معاك باقي حياتي بالحلال وعلى سنه الله ورسولو وعايزك تردي علي بروااااقه وخلي استعجالك العارفو ده 😅انا راسي كلو جاط بقيت ماعارفه اضحك ولا ابكي خايفه افرح وفرحتي ماتم وخايفه ماافرح واعيش طول حياتي كده😔شلت نفسي وقلت ليهو اديني وقت افكر عشان مااكون استعجلت ساي واندم بعدين😩 قالي ماعندي مشكله فكري مع انو انا متأكد اذا وافقتي مافي حاجه حتندمك من ناحيتي😊في قلبي قلت ليهو (خايفه ارفضك واندم 😔)قلت ليهو خلاص بفكر وبرد عليك قالي وانا ماحاضغط عليك 😊وشرب باقي قهوتو وهو بعاين لي وانا مشوشه 😖وهو حاسي بي وشكلو كان متكيف لمنظري وانا كده لانو كان مبتسم ابتسامه خباثه😏قالي اشربي عصيرك ده شلت وشربتو منو شويه وغلبني اتم الباقي مع انو بطني فاضيه بس كلام ساي بطني اتملت😅وسكت مسافه وانا ساكته منتظرني كان عندي باقي كلام اقولو 😊اتزكرت موضوع اول امس بتاع الرقم الغريب وقلت ليهو اها ماعايز تعترف لي بانك انت زاتك الكنت بدق علي بالرقم الغريب ارتبك وشال جوالي وفتحو نظام عندو حاجه مهمه فيهو 😒ومارد علي قلت ليهو رد علي وعاين لي 😒قالي قلت ليك ماانا 😒قلت ليهو لا انت وانا متأكده 😠دنقر في جوالو وعامل نفسو شغال بيهو وقالي اي انا وخت جوالو قدامو وعاين لي قلت ليهو ليه عملت كده قالي لانو انا اخدت كلمه رجال على نفسي وعليك انو مانتواصل بس انا نفسي غلبتني وكنت بدق عليك ولمن اسمع صوتك برتاح شويه وبقفلو ويوم عقدك الصباح ماكنت مصدق انو خلاص بالجد حتكوني لغيري وللحظه كنت عايز ادق عليك واقوليك انا لسه عايزك ومابقدر اخليك لغيري بس اتراجعت عشان خاطر احمد الله يرحمو ولمن دقيت ليك كنت في حاله لايعلم بيها الا الله بس مسكته نفسي في اللحظات الاخيره 😔قلت ليهو وانا زاتي يوم العقد كنت عايزه اوقفو واقوليهم اني غلطه واعتزر لاحمد الله يرحمو بس خفت من كسر القلوب لانو انا مريت بيهو معاك💔واحمد ماعندو زنب اكسر خاطرو😔قالي تاني قلبك ماحيتكسر ان شاء الله بس انتي فكري كويس وردي لي وتمينا باقي ونستنا عادي وتاني ماجاب لي سيره الموضوع (رزيييين وعاقل😍)فطرنا وطلعنا وصلني قريب للبيت ودخلت وبقيت بفكر في كلامو وبفكر في احمد الله يرحمو الحباني من جوه قلبو بس قيسي برضو حباني من جوه قلبو وانا حبيتو والله قمت اتوضيت وصليت ركعتين استخاره في الموضوع ده ....يتبع
