#قيسي19
قمت غسلت وشي واتوضيت وصليت وقعدت ادعي وادعي وبقول يارب دبر لي امري فاني لااحسن التدبير ياربي انا قلبي اتوجع كتير 💔😭يارب هون علي.عدت الايام واحمد جا واتقدم لي واهلي سألو منو ووافقو عليهو واتححدت الخطوبه وجا يوم الخطوبه وانا مافي نفسي اي حاجه😔لافرحانه زي البنات في اليوم ده ولاجهزت حالي صحباتي الله يخليهم لي قامو بالواجب😊 الخطوبه كانت في نادي صغير هو في الحقيقه عباره عن حديقه صغيره كده لانو بيتنا مابشيل كل الناس العزموهم.احمد ماشاء الله عليهو كان حلاتو يتخاف ليهو من العين وانا كنت بسيطه لانو ماكان عندي نفس اعمل حاجات كتيره بس عجبت احمد شديد وانا قاعده والناس بتبارك لي بعيوني بفتش في قيسي معقوله مايجي في خطوبه صاحبو الوحيد😳وتاني انشغلت مع احمد كان بعرف فيني في اصحابو واهلو وعرفني على خالتو وكانت بتتكلم معاي وبتبارك لي اسمع ليك احمد يقول اووو اخوي ليه اتأخرت كده عملتها شينه انا عرفتو ده قيسي من صوتو قاليهو العفو ياخ الطريق كان زحمه قاليهو مامشكله تعال يلا بارك على مرتي 😅قصدي الحتبقى مرتي قيسي مد لي يدو وقالي مبروك وهو مبتسم😊وربنا يهنيكم ويسعدكم قلت ليهو الله يبارك فيك ووقف جمب احمد مسافه وبتكلم معاهو وبسلم على الناس مع احمد وانا بجاي قلبي بيتقطع 😩وفكرت في لحظه الخطوبه اقول لاحمد انا مابقدر اكمل معاك بس سكت 😔قلت يمكن احمد هو القاسمو لي الله وحياتي لقدام تبقى حلوه معاهو. احمد جا ساقني اسلم على حبوبتو مره كبيره قاعده في الكرسي مشيت سلمت عليها ولمن راجعه مكاني لمحت قيسي رافع راسو فوق ونزلو ومسح خدو سريع زي الزول البحاول يمنع دموعو انهم ينزلو 😢😢اخد وقفتو وجا على احمد وهو مبتسم 😊ووقف معاهو لحدي مالخطوبه انتهت😊 عدت الايام واحمد سافر وقيسي لسه ماسافر بس اخبارو انقطعت مني ولاحتى رساله مابرسلها لي (فعلا راجل ود رجال وعمل بكلمتو😔).وفي يوم احمد بيتونس معاي في الجوال قالي ماسمعتي ي قلبي الشمال بموضوع فلان(قيسي)انا قلبي اتجمد😳قلت ليهو مالو قالي فسخ خطوبتو 😩قلت ليهو انت جادي 😳قالي اي والله لمن سالتو عن السبب قال مافي قسمه بيناتهم 😔قلت ليهو الله يعوضو الاحسن قالي والمشكله الاكبر اتفصل من الشغل 😱.انا (يالله دي مصيبه شنو الوقعت عليك ي قيسي اسي حالتك حتكون كيف ياربي😢حتحكي وتشكي لمنو😔ياربي هون عليهو الهو فيهو )وطبعا ماعندي حل تاني غير اني ادعي ليهو😔احمد قالي اسي انا بفتش ليهو في شغل تاني دعواتك بس تتسهل ليهو قلت ليهو الله يسهله عليهو بالجد يااحمد انت صاحب مافي زيك في الزمن ده قالي وعلى فكره برضو راجل مافي مني اتنين 😂ولقدام ابو مافي زيو صدقيني😍مرت الايام وانا بدعي لقيسي في كل صلاه انو يوفقو ربي واحمد مواصل معاي وبقيت شويه اعجب بيهو وبكلامو وهظارو وبالزات كلمه ياقلبي الشمال😄واتسهلت على قيسي واحمد لقى ليهو شغل 😍وامورو ظبطت طبعا احمد بحكي لي بيهو طوالي بحكم انو صاحبو واخوهو.وفي يوم ونحن بنتونس احمد قالي عايز اعقد عليك بعد ده ي مزه انا قايلاهو بهظر كالعاده قالي انا جادي والله عشان اجهز ليك ورقك ولمن اجي للعرس تسافري معاي طوالي انا ارتبكت شديد وقلت ليهو كدي خليني استخير 😢قالي يابت انا ياداب متعرف عليك امبارح😠👊عايزه تعملي لي حركات البنات وتقلتهم دي😤قلت ليهو ياخ قلت ليك استخير ماقلت ليك افكر فيك ارفضك ولا اوافق بيك 😅قالي لا اسي عايز الموافقه ولا والله ازعل منك بالجد وتشوفي وش الككو العمرك ماشفتيهو 👿قلت ليهو خلاص موافقه قالي خلاص انا حادق للحاج وادق لابوك واكلمو ويظبطو الموضوع وارسل ليك القروش جهزي نفسك قلت ليهو طيب😊كلم ابوهو وابوي وحددو مواعيد العقد مع الاهل واحمد ماقصر رسلي قروش كفتني وزياده وجا يوم العقد 😊
#يتبع
