#قيسي21
في ال3يوم الباقيه لجيه احمد انا كنت مشغوله شديد وكل يوم والتاني طالعه لحاجاتي الناقصه تعب شديد😩احمد دق علي وقالي اها عروستي الحلوه كيف اخبارها قلت ليهو الحمدلله انت كيفك وجهزت امورك ولا لسه قالي خلاص قربت وكلها 3يوم وتملي عيونك بشوفتي😁قلت ليهو ماحاسي انك بقيت تشوف نفسك علي كتير😏قالي معقوله ياخ اشوف روحي على قلبي الشمال 😉😍قلت ليهو ايوا كده انعدل معاي😂قالي صدقي بقيتي تهرشيني 😨انا الابوي ماقدر يهرشني اخر الزمن تجي تهرشني سنفوره زيك 😂لمن قالي سنفوره انا قلبي قال شححح وزكرني بالكنت عايزه انساهو (ليه كده بس😔شكلي ماحانساهو طول عمري😩)قالي الو مشيتي وين قلت ليهو معاك وتاني ماتقولي سنفوره😠ضحك وقالي اسوي ليك شنو الله جابك قصيره عايزاني اقول ليك شنو😂قلت ليهو بحب كلمه قلبي الشمال اكتر😍قالي بالجد 😳قلت ليهو اي والله😊قالي خلاص تاني حاناديك بيها على طول لحدي مااموت 😄قلت ليهو بعد الشر عليك قالي الله يديني طوله العمر واسعدك وتسعديني قلت ليهو امين يارب 😊قالي لسه ماجا وقت كلمه بحبك😉قلت ليهو لمن تجي واشوفك وش لي وش حاقولها ليك😉قالي خلاص افتحي الباب انا مسافه السكه بكون معاك 😁ضحكت وقلت ليهو تصل بالسلامه قالي اسي انتي مش طالعه قلت ليهو اي وحكيت ليهو برنامجي كلو قالي ناقصك حاجه قلت ليهو لا والله انت ماقصرت معاي 😊قالي ولا انا ماناقصك😉قلت ليهو اكيد ناقصني 😊☺قالي يلا قربنا الصبر بس😩واتونس شويه وقفلنا وطلعت مع صحبتي لمشوارنا قضينا حاجاتنا ودخلنا مطعم نتغدا وقعدنا نتونس قالت لي ياعهود شايفاك رجعتي لطبيعتك ورجعتي صحبتي البحبها 😊قلت ليها اي الحمدلله قالت لي ماقلت ليك احمد هو الحيسعدك وينسيك قيسي قلت ليها بس انا ماقادره انسى قيسي نهائيا😔قالت لي بعد العرس والعشره مع احمد حتنسيهو وتنسي حنانو زاتو😂ضحكنا وخلصنا غدانا ورجعنا البيت ودق لي احمد بليل اتونست معاهو وبنحكي بتفاصيل العرس ومفروض نعمل شنو والناقص شنو وفي نص الكلام قالي كان نفسي امي تحضر عرسي 😔قلت ليهو الله يرحمها ويغفر ليها قالي ياعهود انا فقدت امي بدري ولمن لقيتك حسيت فيك حنان امي الاتحرمت منو 😔عليييييك الله ياعهود ماتخزليني في يوم 😢واوعديني انك تكوني سند لي وتكوني في نفس المكانه الختيتك فيها مكانه امي العمري ماختيت فيها زول😢قلت ليهو اوعدك اكون ليك ام واخت وصاحبه وزجه واسعدك واهنيك😊قالي بس ده العايزو ودي اول مره احس فيها بضعفو الكان دايما بدسو ورا هظارو وضحكو الكتير واول مره يقول لي فيها عهود بعد ماعقدنا دايما بيدلعني باسماء تانيه اتونست معاهو وطلعتو من الجو الدخل فيهو ده 😊ورجع تاني يهضرب بكلامو الظريف 😊وقفلنا الخط ونمت وحلمت انو انا في بيت حلو شديييييد ونضيف بيت زي الشقه وكلها انوار ونجف وانا مبسوووطه وفجأه اشوف السقف بتاع الشقه عايز يقع وبقيت اكورك حصلوني وصوتي رايح ماعايز يطلع والسقف بدا يقع شفت الباب مفتوح جريت عليهو وطلعت لقيت قيسي ماسك تلفونو وشغال فيهو اتلفت علي وقالي مالك وكان خايف من منظري وبهدي فيني قلت ليهو البيت جوه بيقع جراني من يدي وطلعني بره وبقيت ابكي واقول ليهو بيتي وقع يافلان بيتي وقع😭قالي ماتبكي تاني حتبني واحد واحلى منو صحيت من النوم وانا ماسكه راسي من الصداع وزي الحلم الكان حقيقه ودموعي نازله بالجد قلت الله يلعنك ياابليس وقمت دقيت لاحمد زي الساعه 6صباحا ومامن عوايدي اصحى وادق ليهو في المواعيد دي رفع الخط وقالي مالك يابت الليله صاحيه بدري😳قلت ليهو ساي عايزه اتكلم معاك بس قالي متأكده 😳قلت ليهو اي. اتونس معاي مسافه وقالي بعد ده انا استأذن لانو ماشي اخد الاجازه الليله من الشغل 😊قلت ليهو اتفضل وماحكيت ليهو نهائي بالحلم قفل وانا قمت وتميت يومي وبرضو كنت مشغوله وعدى اليوم وتاني يوم جا وكان بعدو اليوم الحيجي فيهو احمد 😊دق لي كالعاده واتونس معاي مسافه قلت ليهو يلا اقطع وشك انا طالعه اسي قالي ياخ لسه انتي ماانتهيتي اصلو عندك شنو 😠قلت ليهو مش عروس وكده لازم مواضيعي تكون كتيره😏قالي تدلل ياجميل يلا خلي بالك من نفسك عليك الله (تتزكرو الكلمه دي كانت بضايقني زمان اسي لمن قاله لي حبيته والله😍)قلت ليهو حاضر قالي عايزه حاجه قلت ليهو سلامتك بس😊وقفلنا الخط وانا طلعت على مشواري وكان خلاص عرسي فاضل ليهو زي اسبوع واحمد جاي بكره قبل مااطلع امي قالت لي بعد ده يابتي اقعدي فالبيت الجري الكتير بشيل نورتك يجي راجلك يلقاك مبشتنه من الجري قلت ليها ده اخر يوم وتاني مابطلع بعد احمد يجي المهم جاطت معاي مسافه وفي النهايه طلعت وقلت ليها مابتاخر وقضيت حاجاتي ولمن جيت داخله البيت لقيت......يتبع
