#قيسي17
نزل النظاره وياحليلو قيسي عيونو كانت واقعه وعندو هالات تحت عيونو بسيطه😰😢😢احمد قاليهو شنو ياجن من وصلت السودان ده افتريت علينا كده 😠👊قاليهو والله كان بالي مشغول وعندي مشغوليات وعاين لي وهو مبتسم وعاين لاحمد وقاليهو بس خلاص بالي فضا 😊احمد قاليهو وشنو عيونك دي واقعه كده انا ياولدي مش قلت ليك شذى دي ماتساهر معاها للصباح بضيعك يوم😂قيسي ابتسم ودنقر راسو وقاليهو صح كلامك ورفع راسو وعاين لي وابتسم ابتسامه استهتار كده😏 قاليهو يازول انت زاتك لقيت البتسهرك للصباح تاني ماتشغلها لي وانا بجاي ياحليلي 😔ماسكاني الغيره لانو بيتونس مع شذى للصباح زي ماقاليهو احمد 😠ومكسور على حالتي وقسمتي واني حارتبط بواحد مابحبو ومجبوره انسى بيهو قيسي قام قيسي على حيلو وقال يلا انا بستأذن بعد ده 😊احمد قاليهو وين يازولي انا مما جيت ماقعدت معاك زي الناس استهدى واقعد ياخ😄قاليهو معليش يااخوي مشغول والله (وانا عارفاهو مامشغول لانو كان يومي في الوقت ده بجيني المعهد وبقعد بالساعات ومابقول لي مشغول😔😒)احمد قاليهو خلاص ي اصلي عزرك معاك لكن لازم نتلاقى قيسي قاليهو اكيد يلا ارح عشان اديك حاجات البت في عربيتي وانا ساااكته في حوارهم ده نهائي مااتكلمت 😞احمد قالي دقايق وارجع ليك ي عسل شوفي المنيو واطلبي لي معاك 😍وقيسي كان واقف منتظر احمد يقوم وبعاين لي مما قالي احمد ياعسل قيسي لف وقبل على الباب وبدا يمشي حتى وداع ماودعني 😢ومشو جا احمد وجاب الحاجات وقعد اتونس وقالي ياخ صحبي ده ماقادر افهمو الايام دي مالو😩قلت ليهو مالو😳قالي ماصاحبي البعرفو ياخ مش انا كلامي كتير وبهضرب كتير 😅هو كان زي كده اسي مما جا السودان اتغير قلت ليهو شوفو يكون عندو مشاكل(وانا عايزاهو بالجد يساعدو لانو قيسي من النوع الكتوم وكان بيحكي لي انا بس بمشاكلو واسي انقطع مني 😭)قالي اي انا زاتي عايز امشي ليهو في بيتو قلت ليهو تمام 😊قالي اها نرجع لموضوعنا ياخ😍قلت ليهو موضوع شنو😥😨قالي اني اجي في البيت للحاج بعد بكره قلت ليهو خلاص خليني اكلمو واوريك قالي عليك الله استعجلي ولا انا اسي بغير راي وبشوف غيرك البنات واقفين في الصف 😂😂قلت ليهو طيب كان تختار منهم من البدايه😒😏قالي الله رماك قدامي وخلاني مااشوف غيرك 😍فعليك الله ماتفتري علي يابت الناس وتعلقيني كتير 😠ولا والله اجي في البيت واسوقك بقميص البيت من ابوك ومابتقدري تفتحي خشمك تاني 👊😂.واتونسنا ورجعت البيت وكلمت امي باحمد وامي فرحت لانو في نظرها عريس مابتفوت 😍وماعارفه قليب بتها مجبور عليهو😔قالت لي عاد ياعهود سعدك جاك من السما وده اليوم الاتمنيتو ليك وقعدت تبكي😭قلت ليها ي امي اسي بتبكي ليه خليهو كدي يتم قالت لي اسكتي ي بت اكيد بتم 😊الله يسعدك يابتي انقوم اكلم ابوك ومشت كلمتو وسالها عنو وحكت ليهو انو زميلها في الجامعه زي ماوريتهم انا قاليها خلاص خليهو يجينا عديل ونشوفو ونعرفو ونعرف اهلو دق علي احمد بليل قالي اها كلمتي اهلك قلت ليهو اي بس ابوي قال اسي عندو سفريه وبجي بعد 3يوم(وابوي قاااعد ماعندو اي سفر ليه كزبت ماعارفه😅)قالي خلاص بعد تلاته يوم من صلاه الصبح حاكون معاكم😃😅ولا اقوليك حابيت جمب الباب واشرك لابوك واقابلو 😂تمينا ونستنا وقفل دخلت على بروفايل قيسي في الواتس لقيت اخر ظهور ليهو قبل يومين 😔قلبي متقطع عليهو وعايزه اضرب اطمن عليهو لانو شكلو ماطمني قبيل نهائي لكن اتراجعت وقلت لازم اعصر على قلبي شويه لحدي مااتعود 😔تاني يوم وانا في المعهد احمد دق لي قالي اسمهي ي قلبي الشمال عندي ورق مهم جايبو ليك صاحبي انا اسي مع الحاج في المستوصف استلميهو منو وانا بعدين بجي اغشاك اوصلك واشيلو منك قلت ليهو ليه انت ماتشيلو منو على طول 😥😥😨قالي انا الليله مافاضي والمستوصف بعيد منو ماعايز اتعبو معاي هو براهو عيان واصلا قريب ليك هو استلميهو منو اسي هو واقف تحت انزلي لبهوبس وعليك الله ماضيعي لي الورق ي روشه الورق ده مهم😅.مما قالي عيان انا قلبي اتقبض شدييد😢والعبره خنقتني قلت ليهو طيب وانا طالعه لقيت قيسي واقف بعربتو جمب المعهد مادق لي وقالي انا بره قاعد جوه العربيه وشغال بجوالو جيت عليهو دقيت القزاز فتحو لي وسلم علي بنفس البرود الفات وقالي اركبي اديك الورق وكان صوتو تعبان زي العندو التهاب قلت ليهو سلامتك مارد لي😔 وشغال بفتش في الورق بين اوراق كتيره قالي اركبي عشان ماتقيفي في الشمس كتير ركبت قلت ليهو ممكن اسالك قالي اسالي وشغال في شغلو مارفع راسو قلت ليهو انت ليه متغير مني مارد لي 😔
#يتبع
