#قيسي16
احمد عاين لي وابتسم وقال ليهو ياخ لميتني باحلى سنفوره في الدنيا لميتني بعهود وقعد يضحك 😂انا للحظه اتجمدت في مكاني وبقيت ماسامعه اي شي وعيوني بقو مابرمشو 😳بس سامعه دقات قلبي ماشه سرييع وبقيت بعاين لقيسي😰وقيسي بعد كان مبتسم وبعاين لاحمد بعد احمد قال الخبر عاين لي وفي ملامح وشو مافي اي تعبير لا ابتسامه ولا زعل بس بعاين لي ومابرمش هو برضو وانتبه لاحمد بقوليهو ياخ انت دايما بتكون سبب الحاجات السمحه في حياتي شكرا يااخوي قيسي مسك احمد وحضنو وبارك ليهو وقاليهو تستاهل والله يااخوي الله يهنيك بيها وشو كان مقبل علي😔 ووش احمد مقبل الناحيه التانيه وبعاين لي نفس النظره الاولى وانا هنا صحباتي بباركو لي ومبسوطين لي وشايفين انو انا اكتر وحده محظوظه في الدنيا❤❤وماعارفين الجواي شنو😭😭صحي المظاهر خداعه 😔وجا علي احمد وقدام الناس قالي مبروك عليك انا😂حباك ولد مز كانو بيحلمو بيهو كل البنات القاعدات ديل😂 وقالها بصوت عالي 😳وقعد يضحك البنات قالو ليهو هوي ماتصدق نفسك كنا بنبرمج بيك ساي وجو باركو ليهو وباركو لي والاولاد اصحابو شغالين لي الله يعينك على مابلاك😅وانا مبتسمه ابتسامه مكسوره😔 وبحاول بقدر الامكان مااظهر الجواي وصحبتي البحكي ليها جات وقفت جمبي ومسكت يدي وضغطط عليها نظام ابتسمي عشان مايحسو وهمست في اضاني وقالت لي انسيهو ياخ وعيشي اللحظه 😠وجا قيسي علي وهو بيعتب😰ومد يدو وقالي مبروك ومازاده نهائي قالها وهو مبتسم بالغصب (وانا في سري بقوليهو كلو بسببك وسبب الظروف انت ماحبيتني زي ماحبيتك ولا يوم اعترفت لي بكلمه بحبك لازم انساك واعيش حياتي 😭)قلت ليهو الله يبارك فيك احمد جا مسكو قاليهو عارف انا مفكر بعد الخطوبه نعمل عرسنا سوا يعني بعد٥شهور قيسي ابتسم ليهو وقاليهو الله يسهل ياصحبي.الشباب كلهم كانو فرحانين لاحمد وصحباتي فرحانين لي الا وئام حسيت بيها مافرحانه وبتحاول تدس ده بانشغاله في ترتيب حاجات الرحله حتى لمن باركت لي كانت مباركه بارده وابتسامتها ناقصه واثناء نحن مافي جوطه موضوع الخطوبه بتلفت عشان اشوف قيسي وينو مالقيتو قلت لصحبتي قيسي وينو قالت لي والله ياعهود ماتنعدلي وتنسيهو ماحيحصل ليك خير😡ياخ انسيهو 😤عدى اليوم وبقينا راجعين احمد قالي يلا انا الحوصلكم قلت ليهو طيب وماسألتو من صاحبو نهائي وعايزه اموت واسألو بس مابقدر قامت صحبتي التانيه قالت ليهو فلان وينو 😳قاليها فلان ده قبيل قالي ماشي عندو موضوع مهم عايز يحصلو قالت ليهو وحاجاتي في عربتو😱قاليها مامشكله بتصلك ماتخافي😊ركبنا وانا ركبت قدام وصحباتي ورا بيتونسو ووئام نهائي مافتحت خشمها بكلمه مع انو لمن كنا جايين طول الطريق بتتكلم مع صحباتها وانا احمد شغال يرغي معاي كعادتو😅وبيتونس معاهم برضو وقاليهم انتو صحبتكم دي اصلا كلامها بسيط كده ولا هي مركبه لي مكنه تقيله😂وئام نطقت اخيرا وقالت ليهو دي اكتر وحده كلامها كتير فينا عاين لي بعيون نعسانه كده وبراحه قالي طيب مالك معاي اموت ليك انا ولا شنو☺قلت ليهو بعد الشر قالي عملت ليك ارقوز مارجعتي لعهود الاول مره عرفتها عملت ليك ككو برضو مااتغيرتي اعمل شنو تاني 😊😁😁قلت ليهو بس ظروف كده وتعدي 😔قالي بعدين ماتنومي اليوم ده حقي لحدي مااقوليك كفاي😠ووئام عايزه تموت من الغيز ومركزه في كلامنا شديد وصحباتي بتونسو براهم احمد قاليهم اها يامزز عقبالكم رايكم شنو اعمل ليكم عرس جماعي واقسم ليكم اصحابي الباقين ديل قالو ليهو موافقين قاليهم ياخ اتقلو شويه😅😅😅وحده فيهم قالت ليهو انا حاجزه من اسي الوصلنا قبيل 😍انا من غير مااشعر اتلفت عليها ونطط عيوني وقلت ليها ماقاليك اتقلي😠وبعدين ده مش القبيل كنتي بتقولي عليهو شايف روحو ومفتري 😡احمد قعد يضحك وقالي ابردي 😅وقال لصحبتي جيتي متأخره يافرده ده خاطب وعرسو قريب 😃وانا بقول في سري انا الجيت متأخره😔وصلنا قريب للبيت وكل وحده من هناك مشت على بيتها ودق علي بعد ساعتين واتونس معاي بالساعات لحدي مانمت في الجوال وقيسي نهائي مادق علي ولا رسل رساله بالغلط ودي مامن عوايدو😞.عدى زي يومين كده واحمد عزمني في محل ونحن قاعدين قالي اها انا خلاص بكره بخلص موضوع ابوي وبعد بكره حنجيكم قلت ليهو ماممكن ناخرو شويه 😞قالي ليه😳قلت ليهو ساي بس عايزه اجهز حالي قالي ي قلبي الشمال انا كلها ١٥يوم وبسافر ماعندي وقت عايز انجز قبل اسافر والتاخير ماحبابو😒✋قلت ليهو طيب 😔قالي ليه حاسي انو كانك مغصوبه علي وكل مره بتأخري في الموضوع انا اتعدلت في قعدتي 😳وقلت ليهو ابدا ماتخت في بالك حاجه بس عايزه اتريس في الموضوع لانو ده عمر ماساي😊قالي انا وعدتك اني اسعدك ومااندمك على اختيارك ونحن بنتونس كده جوال احمد دق وقاليهو اي يامان وين انت نحن جوه خش طوالي شكلو الفي التلفون قاليهو مابقدر انزل تعال لي بره قاليهو يافلان (قيسي)بطل طلس وتعال داخل .انا😳 بقيت عامله كده وقلبي تاني رجع يدق شديد احمد عاين لي وقالي الزول ده ليهو يومين قافل جوالي وانا مافضيت امشي اشوفو والليله من الصباح دقيت عليهو وياداب دخل معاي الخط قال جوالو كان خسران وقالي في بت نست حاجاتها في عربتو قلت ليهو خلاص تعال هنا وبالمره عايز اتونس معاهو في الرحله ماقعدنا كتير (انا بقيت اقول في قلبي شكلو حاتشله قريب من الخلع دي😔😖😔)وجا داخل قيسي😍 ومن شفتو والله تقولو اول مره اشوفو نفس الاحساس الحسيتو اول مره تاني حسيتو بس المره دي معاهو وجع وحب وانكسار ولهفه غايتو مشاعر جايطه كده 😅احمد اشر ليهو وقام عليهو وسلم وانا سلمت عليهو وهو سلامو كان بارد مازي كل مره ببداهو معاي بمكاوه وبكلمه سنفوره😰😔طلع نظارتو الشمسيه وكانت عيونو واقعه😢ياحليلو
#يتبع
