#قيسي10
عاينت ليهو بالدس كده لقيتو واقف جمب العربيه وماسك تلفونو وشغال فيهو ماصدقت نفسي ياخواتي انا بحلم ياناس😍 الصلاه على النبي الولد طويل طول كسار ونضيييييف نضافه المغتربين ديييك👋👋والدقن مرتبه ومواسيه اكتر من حواجبي والله😂ولا القميص الاسود اللابسو مع لونو القمحي احييي قلبي الصغير لايتحمل😩زول كده تقول لاعب في منتخب الامارات😍😍 مع انو في الصور بهرني لكن في الطبيعه كانو اول مره اشوفو اتفحصتو تمااام من بعيد لحدي مادق لي تاني وانا بعاين ليهو من بعيد وهو بتكلم معاي وبفتش فيني بعيونو قالي ويين انتي يابت اطلعي وخلصيني سريع قلت ليهو انا طالعه خلاص قفلت وجيت ماشه براحه وقلبي بيقولي احسن تزوغي يابت ماحتقدري تقيفي قدامو وتمسكي نفسك من الانبراش😂قلت ليهو اسكت ياسجم انت الوقعتني اصلا في المصيبه دي اها مشيت عليهو وهو ركز معاي وحس اني دي انا واول ماقربت مد لي يدو وهو مبتسم انا عايزه ابكي ياخ كده كتير علي😅قالي عهود ؟قلت ليهو اي قعد يضحك قالي ياخ نهائي ماكنت متخيلك قلت ليهو ليه 😒قالي انسي انسي وتم ضحكتو انا ركزت اول شي في يدو اليمين لقيتو مالابس الدبله 😃قلت بيكون خلاها واحمد ماعارف بطمن في روحي ساي طبعا😖قالي ارح ياسنفوره قلت ليهو اولا انا ماسنفوره😠(هو طبعا عشان طويل شايفني قدامو قصيره😄)تانيا ارح وين قالي انا مافطرت وماتغديت للان قلت ليهو مالك المانعك شنو قالي مشغول وجاري لي في موضوع قلت ليهو طيب امشي ادخل المول ده اتغدا وانا بمشي لانو زمني راح وحتاخر كده عاين لي كده😒وقالي انا جاييك مخصوص خلي عندك زوق وامشي قدامي اركبي العربيه ماقدرت ارفض طلبو طبعا قلت ليهو طيب بس مانتأخر قالي تمام عايز يمشي على العربيه قلت ليهو المكان كلو خطوتين مافي داعي للعربيه قالي ماشايفاني بمشي كيف وهو كان بيعتب في مشيتو من اثر الحادث غايتو ادوهو عين بس😔ركبت العربيه ودخلنا المول وقعدنا وطلب ليهو وقالي عايزه شنو قلت ليهو ماعايزه انا اسي اتغديت قالي ماممكن انا اكل براي وانتي تعايني لي قلت ليهو خلاص مويه بس حمر لي وقالي للجرسون اتنين من الطلبو قعدنا نتونس كده وقالي صوتك مابشبه شكلك قلت ليهو كيف 😠قالي صوتك شين ياخ 😂قلت ليهو كان شين بتتكلم معاي ليه بالساعات قالي مجبور اسوي شنو😂 انا العبره خنقتني ومارديت عليهو قالي لكن طلعت عسوله الصوت مامهم بقدر اتأقلم معاهو 😊(اجي ياتتأقلم😳)
#قيسي بارت11
بيني وبين نفسي قلت تتعود على شنو😔كلها ٦شهور وتكون من نصيب غيري)لكن رديت ليهو بابتسامه باهته 😊واثناء ماكنا بنتونس تلفونو كان بيدق وكل مره يعملو سايلنت دق قريب الخمسه مرات في النهايه قفلو عديل قلت ليهو رد يمكن زول مهم قالي لالا ماتركزي كتير وتمينا ونستنا ولساعه نسيت انو خاطب ونسيت قلبي المحروق بقيت بس مركزه مع كلامو ومبتسمه😊😍ياخ طريقه كلامو وحركات يدينو اثناء الكلام وعيونو واشاراتها كلها خلتني مركزه شديد في ونستو والله ده لو كان استاذي في امتحان الشهاده كان جيت الاولى زول راسو مليان وظريف 😍عدت الساعه بسرعه وطلعنا وقال الا يوصلني قلت ليهو دايرني ابيت بره بيتنا ابتسم وقالي عادي تمشي تبيتي مع امي ضحكت ليهو ووصلني الموقف واتاكد اني ركبت ومشى بعد ساعه اتصل علي يطمن اني وصلت ولا لا وقالي عندي كلام كتير عايز اقولو بس في شي مانعني 😔قلت ليهو شنو قالي المشكله انو مابقدر اقولو قلت ليهو خلاص كل شي بوقتو وحسيت انو عايز يحكي لي بخطيبتو 😩اها اتونس شويه واثناء ماهو بتونس دخل لي في ويتينق احمد مااشتغلت بيهو وتميت ونستي مع زولي وقفلت تاني احمد اتصل وصوتو زي الزعلان قالي الواخد زمنك يتهنى بيهو 😒مارديت عليهو حس بنفسو انو بدخل في حاجه مابتخصو قالي اسف بس انشغلت عليك قلت ليهو انا كويسه بس جيت تعابنه من بره وعايزه ارتاح قالي خلاص لمن ترتاحي مسكلي لي قلت ليهو طيب😩وانا عايزاهو يقفل سريع قفل ومشيت استحميت وغيرت وجيت رقدت في السرير وسرحت في كلام زولي وونستو 😍وريحتو وضحكتو وعيونو وكل شي فيهو واثناء ماانا سرحانه دق لي احمد😤عاينت للجوال عملتو صامت ولا رفعت دق تلاته مرات في النهايه زهج ومارجع دق تاني رجعت افكر في زولي قلت ياعهود الولد ده بحبك دي ماحركات صاحب بس ولااهتمام اصحاب تاني ضميري يقولي لا ياخ حتى لو بحبك نسيتي خطيبتو ذنبها شنو تخربي عليها بقيت افكر كده لحدي مانمت وانا قلبي بين نارين 😭نار حبو البتزيد كل يوم ونار اني مااخرب علاقتو مع خطيبتو صحيت الصباح وصوره قيسي في وشي قدر مااتعوزت من ابليس عشان ماافكر فيهو برضو بجيني خيالو يومي كلو كان معكس😖بكوي في طرحتي حرقتها بالسرحان لمن امي جات نبهتني وقالت لي وين سرحتي يالمعولقه 😂عاينت للطرحه وابتسمت وعاينت لامي وانا مبتسمه زي الهبله😅قالت لي عاد الليله اصلو ماطبيعيه هرموناتك زايد😂وهي ماعارفه الرافع لي هرمون السعاده منو?😍
#قيسي
