#قيسي14
قالي انا بقيت عايش في كابوس ودوامه وعيز اطلع منها😔قلت ليهو بابتسامه باهته 😊الله يوفقك ويهدي سرك ويسهل عليك وانا جواي اتكسرت جواي الف حاجه😔قالي اللهم امين وطلعنا وطول الطريق مافي زول اتكلم مع التاني وصلت البيت وسلمت على اهلي ودخلت غرفتي وقعدته ابكي بحررررقه😭وحسيت للحظه اني ولا حاجه وانو خلاص الموت اهون علي من الحاله دي دق علي قيسي مارفعت اتصل قريب ال٧مرات مارديت ودي كان اول مره ماارد عليهو😔قفلت الجوال وقمت اتوضيت وصليت وسجدت وقعدت ابكيي وقلت يارب انا من غيرو مابقدر اعيش لو ماكاتبو لي شيل روحي😭في اللحظه ديك خلاص قنعت من الحياه ونمت وانا في المصلايه ودمعتي في خدي صحيت الساعه ٢واتزكرت انا دعيت بشنو😔واستغفرت ربي وقلت يارب انا اسفه وانا ضعفت اغفر لي واكتب لي الخير حيث كان عدى يومين واحمد وصل السودان وطبعا في اليومين دي مامشيت المعهد وقيسي اتصل علي وقالي انا في المعهد انتي وين قلت ليهو في البيت قالي مالك😳قلت ليهو تعبانه ساي واتونسنا عادي وماظهرت ليهو بالحاصل علي😔وبقى كل مره يحكي لي عن مشكلتو وخطيبتو 😩وانا اواسي فيهو وافتش معاهو للحلول لحدي مافي يوم دق علي احمد وقالي انا لي يومين جيت ولازم الاقيك انتي مش في المعهد قلت ليهو لا انا عيانه اليومين دي قالي الف سلامه عليك طيب حتنزلي متين قلت ليهو بكره قالي خلاص حاجيك بكره قلت لبهو طيب وقفل دقيت على صحبتي وحكيت ليها كل الحصل😭قالت لي انسي قيسك ده هو ماجادي وماحصل اعترف ليك بحبو وافقي باحمد ده البيسعد ويهنيك وينسيك قيسك ده😖قلت ليها الفيهو الخير بيحصل وتاني رجعت حالتي الحزينه 😔لاضحك ولا ونسه جسد من غير روح😰وقابلت احمد الصراحه هو ولد وجييه وحلبي بس النسخه المسترجله من اولاد ميكي 😅نضيف كده ومرتب وكلامو كتير بس ظريف لمن عايزه اقابلو ماكان عندي الخوف والارتباك الكان اول مره لمن قابلت قيسي😔ولاعدلت مكياجي ولا كنت مبسوطه مشيت عليهو وسلم علي وقالي ارح نمشي نقعد في اي مكان كويس قلت ليهو طيب ومشينا قعدنا في شارع النيل وقالي ماشاء الله طلعتي زي مااتوقعتك😍ابتسمت واتزكرت لمن قالي قيسي نهائي مااتوقعتك كده وقعد يحكي ويحكي لي وانا مرات اسرح ومرات اركز قالي مالك ماتقولي لي خجلانه لسه مني 😅قلت ليهو لالا بس تعبانه وكده قالي اها مافكرتي في كلامي كنت بعاين في الارض ولمن قالي كده رفعت راسي وعاينت ليهو قلت ليهو موافقه
#يتبع
