#قيسي24
صحيت وانا بردد في الايه((ولسوف يعطيك ربك فترضى))واول مره اصحى بعد وفاه احمد من غير بكا الايه دي كانت بالنسبه لي زي المويه البارده الكبيتيها في النار قعدت اسبوع في بيت احمد مع اهلو😔ويومي قيسي بيدق في ومابرد عليهو ومرات ترفع الخط ليهو صحبتي وبسأل مني ومن صحتي وهي بتقوليهو لسه في حالتها😔بقوليها اديني اتكلم معاها انا برفض اتكلم معاهو ماعارفه للحظه ليه حسيت انو بسببو فقدت احمد 😢 ويوم وانا قاعده معاهم سمعت خالتو بتتكلم مع زول في الجوال قالت ليهو هو مش بقى كويس الحصل تاني شنو ي ولدي 😢وانا واقفه بسمع ودموعي نازله وسكتت بتسمع في الكلام ودموعها هي زاتها جاريه😭قالت ليهو اتعزبت يااحمد ياولدي وقعدت تبكي 😭بتها جات شالت منها الجوال انا مشيت على خالتو وقلت ليها قاليك سببو شنو قالت لي بعد مابقى كويس ظهر ليهو نزيف داخلي في البطن😩 ومالحقوهو 😭وانا قعدت ابكي باعلى صوتي بقو يصبرو فينا ويقولو لينا شهيد ان شاء الله ماتبكو عليهو وتعزبوهو كفايه العزاب الشافو في الدنيا 😢 رجعت بيتي وشلت كم غيار من دولاب احمد معاي 😔وانا طالعه خالتو قالت لي يابتي الله يديك الصبر وده حال الدنيا ولدنا ان شاء الله في الجنه اترحمي عليهو بس وربنا يعوضك وحضنتني شديد 😢مرت الاسابيع وفات على وفاه احمد شهر وانا حالتي صعبه الاكل بالغصب والشراب بالغصب ونوم مافي قاعده في غرفتي بس وبأنب في نفسي ليه ماقلت ليهو بحبك ليه ماقدرت انطقها 😢تاني يجيني احساس اني انا اصلا ماحبيتو زي ماهو حباني😔طيب ليه انا متأثره عليهو قدر ده 😢لانو بالجد حباني من جوه قلبو وفرحني في الاوقات الكنت محتاجه فيها للفرح😔قمت واستغفرت وصليت ركعتين وقريت سوره يس ووهبتها لروحو وبعد خلصت اتزكرت الدهب الاشتريتو لعرسي بقروش احمد 😔كنت اديتو لابوي يحفظهم لي في خزنتو مشيت لابوي وقعدت معاهو وقعد يصبر فيني ويقولي ده حال الدنيا وماكتير على ربو وكلنا مفارقين ولازم تطلعي تشوفي حالك وانا بس سرحانه بعييد بعد خلص كلامو قلت ليهو ياابوي عايزه ابيع دهبي وبقروشو اعمل وقف لاحمد قالي سمح يابتي ببيعو ليك واديك قروشو 😊وقمت منو وانا ماشه على غرفتي امي نادتني وقالت لي ي بتي كفاك الوحده براك تعالي اقعدي معانا فرقي شويه قعادك وسط الناس بنسيك شويه همك مالك عايزه تقطعي قلبي عليك ي بتي😔ابتسمت ابتسامه باهته وقلت ليها انا كويسه ي امي والله ماتشيلي همي بس عايزه ارتاح في غرفتي مشيت دخلت الغرفه صحبتي جات داخله وقالت لي كفايه حزن وبكا ده كلو مابرجع احمد قلت ليها ماقادره انساهو والله صورتو من خيالي مابتروح وكلامو لي في اضاني طوالي بسمعو 😢وبتزكر لمن كان بيقولي انا ختيتك في مكانه امي ماتخزليني 😔😢قالت لي الله يرحمو كفايه ماتعزبيهو وهي بتتكلم معاي جوالها دق ورفعت وقالت ليهو ايوا ي فلان(قيسي)انا وصلت بيتها اهدي جمبي قاعده وادتني الجوال انا ابيت اتكلم معاهو قالت لي والله قومني من بيتنا وقالي الا اسي اجيك عايز يقوليك كلام مهم والله اسمعي منو بس ولو ماعايزه تردي عليهو براحتك بس انتي اسمعيهو ادتني ليهو ومما قالي الو عهود انا دمعتي جرت وحسيت اني عايزه ابكي معاهو واقوليهو الضحيت بي عشانو مات😭بس ماقدرت اتكلم قالي عهود عارفك اسي سامعاني وعارف حالتك اسي 😔الله يرحمو احمد شهيد باذن الله ماتبكي عليك الله عليك الله ياعهود ماتبكي كفايه ماتعزبي اخوي وحبيبي 😢وصوتو زي اتغير ومسكتو العبره وهو بواسي فيني وانا دموعي جاريه بس 😢قالي ي عهود احمد قاليك اعفي ليهو انا اتخلعت واتخيلت انو احمد مامات 😱واول كلمه نطقتها معاهو قلت ليهو متين قاليك 😳قالي قبل مايموت بيوم وقاله لي انا زاتي 😔قعدت ابكي وقلت ليهو ياريت لو حي كنت انا ركعت تحت رجولو وقلت ليهو اعفي لي انا الغلطانه😭ماانت انا اللازم يعفي لي قالي عليييك الله اسكتي 😔كفايه ياخ البكا مابرجعو ولا الندم بجيبو اديت الجوال لصحبتي وتميت بكاي على كلمه اعفي لي السمعتها دي 😭اعفي ليك ليه ياحمد انتي عملت شنو انت ماحصل في يوم غلط علي انت حبيت وحده ماتستاهلك انت الحاجه الحلوه في حياتي المره😭وصحبتي قالت لقيسي اني اسي ببكي وانها حتقفل منو عشاني وحضنتني وقعدت تصبر فيني 😔وعدت الشهور وطلعت وشلت قروش الدهب وعملت لي احمد مبردات مويه ومظله واشتريت مصاحف وسجاد وسبح للمسجد وهدومي الاشتريتها للعرس مشيت وزعتها للمحتاجين ليها في جمعيه خيريه ولمن مشيت ليهم حسيت براااحه شديد😊 وقلت ليهم عايزه اشتغل معاكم متتطوعه رحبو بي😊 واشتغلت معاهو وشويه شويه بقيت اتأقلم مع وضعي وقيسي بقى يتكلم معاي في الجوال بس كلام عادي ونهائي ماجاب لي سيره حب وكده وفي يوم قالي احمد خلا امانه ليك عندي قلت ليهو شنو قالي انا جاي السودان بعد اسبوعين بجيبها ليك معاي ..
..يتبع
